شنو الأغراض اللي يحتاجها المسافر من الجمعية و الصيدلية ؟

[أذكري الله]

بسم الله الرحمن الرحيم

اشلونكم بنات ؟ سؤالي واضح من العنوان ...
شنو أحتاج أشتري من الجمعية و من الصيدلية حق السفرة ؟

اللي ببالي ألحين بما إني مسافرة ديرة حارة ( ماليزيا ) أول شي
من الصيدلية :
- كريم حماية - قطرة للعين حق بنتي عشان حمام السباحة - أدول - تحاميل للحرارة - بخاخ عن الناموس - بلاستر
من الجمعية :
ورق تواليت - كلينكس ديتول - شامبو - معجون أسنان

عصرت مخي و هذا اللي قدرت عليه فقلت أكيد البنات ما راح يقصرون :eh_s(15):

 

[ArEEj]

اذكري الله ما شاء الله عليج ما خليتي شي
بس بزيدج اخذي حبوب تنوم للطياره
7 ساعات شطولها لازم ننام
وبعد اذا بتستخدمين الفيري اخذى الحبوب مالت دوار البحر ولوعة الجبد

وبالنسبه للجمعيه البنات يقولون بالمنتدى انه لازم تأخذين ابريق للحمام
ماكو ماى بالحمامات عندهم

انا اجهز مثلج اللحين
واذا ذكرت شي لى رده للموضوع

 

[أذكري الله]

بعد قلبي أريج صح كلامج يزاج الله خير
و بضيف مرهم للجروح و مرهم لللحروق و ما أدري فيه ناس امدحوا لي المطهر المعوي حق النزلة المعوية الله يبعدنا عنها باسأل الصيدلاني عنه.

 

[rawona]

مشكوره على هالموضوع اصراحه ذكرتيني اشتري شغلات كنت ناسيتها ..

انا باروح امريكا هالسنه انشالله و كل شي فيها بس من الجمعيه اهم شي باشتريه ..ابريج الحمام و عصاير كي دي دي ليش عصايرهم بامريكا كلش مو شي و علشان بنتي بعد حق الحدايق و الطلعات اهناك يبيلها هالعصاير .. و الكاكاو طبعا ليش كاكاو امريكا مو حلو ..

والصيدليه ماراح اكثر ليش ادويه امريكا وايد احسن بس باشتري التحاميل مالت الحراره ليش جنه اهناك كا تحصلينها بالصيدليه الا بوصفه طبيه حتى الحمايه مالت الشمس باشتريها من اهناك وايد ارخص لول ..

يالله اذا تذكرت شي باقولكم :eh_s(15): ​

 

[hasooosa]

adol + panadol+ foo6h tawel+abreej hamam+detol+ 7rarah for baby +jan6ah esgeerah for bambers

 

[أذكري الله]

حياج الله رونة .. مشكورة عالإضافات الحلوة .
حصوصة .. كل شي باخذه ان شا الله الا جنطة البامبرز لان بنتي كبيرة : )

 

[شهدQ]

حبوب مغص

حبوب حساسية

مضاد حيوي يوصفه الدكتور شامل لكل الامراض اشرحي للدكتور انج مسافره

 

[noty]

بالسلامه حبيبتي

اهم شي البريج اكو الصغار و نعال حمام و انتي بكرامه

و سبريه ديتول وايد مفييد حق الحمام

اول ما دشين الغرفه حتى الريموت رشي عليه ,, يدات الباب

و حتى بعد ما ينظفون الحمام رشيه و كتي ديتول بالمرحاض

صابون سائل لانه اهم كله هذا المدور


اخذي بسكوت و كاكاو و بطاط حق الدرب

ويووه مخاد اخذي رخاص عشان اتقطينهم

و فيتامين سي

ثوب و سيادة اخذي خفااااااف كلش .. في سيادة على نايلون بعد

اخذي اجياس اللي ايوون على روول صج صج مفيدين

اخذي راس كهربا اللي ينباع بالمطار .. حصلته بالبحرين واايد مفييد

اخذي اللي اكون حق 150 دولة

اوتي بخار عنونو اينن اللي خذيته سرييييييييييع

فوط صحية

اذا تحتاجون استشوار لانه انا اخذ

اخذي كولد اند فلو من بنادول ممتاااااااااااااز

و سلامتج

 

[MissChoco]

صراحه انا لازم مقراضة اضافر, لوشن, شامبو, صابونه, شامبو جسم, مفراكه مالت الحواي وصخره همن, البريج ونعال الحمام وانتو بكرامه, اخذ وياي أومو حق الغسيل, معجون وفرشة اسنان, واخذ وياي فيت معني ماحبه بس شسوي اظطر :\, كلنكس, كلنكس ديتول, اوراق الحمام الي تنحط عالفرنجي اذا تعرفونهم, ملقط, قطارة خشم, بندول, بلاستر, ابره وخيط لاسمح الله انشق شي ولا طاح زرار, طبعا فام وووبس اهم شي هذوله صراحه

بس همن احط الثوب والسياده واخذي وياج شحن التلفون وبلاك بوراسين احسن شي, واخذي بعد اوتي واخذي اذا تقدرين طش حق الهدوم صراحه وايد فادني ومايضايق لانه قطيه اهناك وردي ديرتج .. وتروحين وتردين بالسلامه انشالله موفجه حبيبتي

 

[أذكري الله]

شهد - نوتي - مسكاكا - الفرحة السجينة مــــــــــــــــــا قصرتــــــــــــــــوا
نوتي آنا عندي أوتي صغير حق السفر بس مو بخار اتهقين البخار أحسن ؟ و وين ينباع ؟

 

[noty]

اي الصغير اللي اصير بخار اتعبينه ماي هذا اللي قصدته

والله انا خذيته من يوريكا اينن

حتى ساعات اغسل القميص ناااااااااااقع ماي

احطه عليه الا نشف

انا اول اخذ العادي اخواااره ما يضرب بس هذا عجييب

 

[رنين]

مشالله ها الموضوع مثل موسوعه مصغره ....قواكم الله

 

[طماشه]

خوش شئ الموضوع وايد حلو

والاوتي البخار ايونس بجم خذيتيه نوتي ؟؟

 

[ضحـاوي]

مشكوره على الموضوع

وانا داشه ابي ردود من اراء البنات

مشكورررررررررررررين

 

[ضحـاوي]

مشكوره على الموضوع

وانا داشه ابي استفيد من ردود البنات

مشكورررررررررررررين

 

[dalprincess]

البنات ماقصروا ,,, بس انا عندي اهم شي اخذه لمن اسافر ,, الورق الابيض مال الافرنجي لان الافرنجي يكون 80 الف واحد قاعد عليه وماتدرين بعد شنو واوقات بالسوق مايمديج تغسلين الحمام احسن الشي الورق ,,, واخذي الصابون السائل الي بدون ماي هذا وايد زين واخذي كلنكس ديتول و غير الادويه ماوصيج اهم شي بندول ,,, واخذي صابون ملابس لان في دول المصابغ عندهم نار اسعارهم ,,, واهم شي اخذي شامبو وشور جيل وفوط صحيه هههههههههههههههه (قاعده اتذكر) اي وبد بلاستر وابره وخيط احتياط ,,,وكاميرا وبطاريات وسحن تلفون والبلاك الي يركب 3 روس ,,,, هذا الي فبالي الحين واذا تذكرت بكتبلج

 

[عنايد]

اقلام الصابون (تايد + كلوركس) لان الرحلات تطول سبحان الله توصخ ملابسج او ملابس اعيالج او ريلج الا هذيل وياج الكلوركس للابيض والتايد للملابس الملونه
تعرفين شرائح الصابون (لليد) يمكن ينباعون بمحلات العطور مادري انا آخذهم من اختي خخخخخخخ بس حلوين حيل يفيدوني اذا دشيت حمامات وانتم بكرامه مافيها صابون
واذا تذكرت شي بقول لكم ان شاء الله

 

[7abebat elq8]

موضوع جدا مفيد

 

[طايعة اللة]

انا بصراحة اروح اوربا واهم شي اخذه هو غلاية ماء وقهو عربية وهيل وزعفران[عجوز] وخيشة العيش وسجاده والقرآن

 

[bedour18]

شكرا بنات على هالموضوع المفيد