شنو اكثر هديه تستانسون عليها ياوالدات؟

[@ام يوسف@]

اكيد فلوووووووس

 

[مشتطـه]

الصراحه غير الفلوس ما يونس شي


عطيها فلوس

انا بإستقبال عرسي حييييييييييييييييل استفدت من الفلوس

والهدايا مهما كانت غاليه ما احس شي واووو

 

[shfaif-toot]

فلووس احسن شي

 

[Judy . abbot]

والله انا ما استانس الا على الفلوووس
عطيها 30 ولا 50
احسن من لا تشترين لها شي وآخر شي مايعجبهاا
ويعتمد عليها شنو عطتج او ريلها عطى ريلج بزواجكم

 

[إم بــــرٍآك]

عجبتني فكرة الخلاط
انتي توج ماتعرفينهم عدل شوفي شي مناسب يعني خلج بالوسط لاتكلفين عمرج ولاتبخلين

 

[نورالدنيا***]

توج عروس والهدية راح تعبر عن شخصيتج عطيها مبلغ 50 وروحي بوابة الهدايا اشتري بوكس منهم مربع حطي داخلها كاكاو من باتشي او لاكادو جم حبه وحطي كرت اهداء داخل صدقيني راح تستانس وحتي ريلج بيستانس وراح يعرفون انج ذوق وسنعه

شنو كرسي وله ملابس بيبي شخباري اللي تيبلي جذي علي طول اوديهم اللجنه اتبرع فيهم لاني شاريه حق البيبي ومااستفيد منهم

 

[المها الابيض]

انا مره حماي ولدت وانا توني عروس وديتلها المستشفي ورد طلع ب25
وعطيتها بعدين باستقبالها 30 دينار
بالنسبه لي احسن شي الفلوس لانه ماتدرين شنو ناقصها الوالده

 

[المها الابيض]

بعدين لو الوالده حماتج اوكي شطي عمرج
بس مره حماج ماله داعي هديه غاليه حيل

 

[janoona]

احسن شي الفلوس لان اهيا بتكون مجهزه كل شي من الالف لي الياء

 

[~LiBrA~]

انا معاهم فلووووس

وتوه مرت اخوي والده وبعطيها فلوس

بس حلوة فكرة كرت الشايع؟؟ تدرون من وين ياخذونه؟؟؟؟

 

[*الحلا كله*]

أنا برايي فلوس .. وماله داعي تكلفين على عمرج 30 دينار حلو ه وجيبيلها حلو راقي وبس
والمرات اليايه مو لازم 30 عطيها 20 بس عشان اول ولاده خليها 30
انا مو فاهمه اللي تقول عطيها 50 دينار !! كل وحده تولد بعطيها 50 شبقا من معاشي وانا بالشهر اوجب ثنتين ولا ثلاث !!
اشوف اول ولاده حلو 30 عقبها 20 وحلو راقي وبس

 

[ام الحلوااات]

مــــــع الـــــبـــــنــــات
الـــفــــلــــــوس واااايـــــــــــد افــــضـــــل

 

[نـعـومـه]

بناات انا رايي بصراحه مرت حماي احس وايد عليها 60 ولا 50 !!

حماتي اي

بس مرت حماي شدعوه 50 ولا 60 ولا توها تعرفها مومن عمر مثلا !؟ اذا كل مناسبه وكل وحده ولدت هالمبلغ ينقط معاش كله بيخلص

وانا رايي اذا شخص عطاني هديه حلوه اعطيه مثله عطاني فلوس اعطيه مثل قيمه المبلغ وخلاص

 

[Q8Ya GiRL]

صج احسن شي تعطينها فلوس
يعني 30 دينار او 50 بهالحدود تمام
او تسالينها شنو ناقصها وتشترينلها
طبعا اذا تمونين عليها 

 

[tbola]

فلووووووس

 

[decemberq8]

انتي و ريلج حطو حطه و عطوها فلوس .. انتي 20 و ريلج 20 .. 40 دينار حلوين ..

انا افضل الفلوس .. بكل المناسبات .. سواء استقبال زواج .. او مولود .. او بيت يديد .. الفلوس الكل يبيها صاحب الشأن

يعرف شنو يحتاج و شنو ناقصه .. الفلوس تساعده

 

[ام اغلى الناس]

اذا ماتبين تعطينها فلوس
فيه صناديق خشب كشخه فيه طقم ملابس بيبي ولعبه
بمذركير يهبلون
و معاه صحن كاكاو كشخه للمواليد
شوفي توسكانا يهبل

 

[-فلانة-]

حبيبتي انا حق زميلتي بالشغل شريت سلة خوص مرتبة من سنتر بوينت، و عبيتها ملابس يهال من كذا محل،، بس طبعا وخري عن سنتر بوينت و مذركير،،
عندج الأفينيوز متروس محلات فوق و في عندج ماماز أند باباز مسوي نفس طريقتي<<<<< مصدقة عمري
عنده سله و حاط فيها تبانات يهال و بدلة و كاب و جذي هم شكلها حلو و ذرب،،
بس تبين الصراحة انا طلعت علي أغلى من بيعة السوق،، يعني دفعت تقريبا 70 دينار بس على بدل البيبي غير السلة خذيتها بعشرة،،
يعني إنتي و ميزانيتج حبيبتي..​

 

[فرااااولة]

ماكو غير الفلوس
احسن شي

اي شي تشترينه توقعي ممكن يطلع مكرر ويطيح بجبدها

اكثر شي تحتاجه الوالدة الفلوس
وبس
غيره لا تفكرين