شنو اكثر هديه تستانسون عليها ياوالدات؟

[صيتة الخالد]

هااي بنات،،
مرة حماي تو ها جابت ولد،، الله يبارك لها ويسعدها
وانا توني عروس،، وهم جاها الولد عقب بطى
ابي اجيب شي ذرب ومميز ويشرفني تعرفووون
وشي تسفيد منه

انتو ياوالدات شنو اكثر شي تستانسون عليه لاانجاب لكم؟

 

[sharoo_e5]

اكثر شى الذهب

 

[صيتة الخالد]

البيبي صبي،،،
شدعوه ذهب حيل غالي،،
بعدين الوالدة هذي مرة حماي،، مو اختي ولا امي p:

 

[برميت]

احسن شي حق الوالده الفلوس احسن من تشترين لها كرسي و لا شي من مذركير يطلع مكرر
و احسن هديه وصلتني طبعا غير الذهب

خلاطه من مذركير ..وااااايد استفدت منها ..تطبخ الاكل بالبخار و بعدين تخلطه ..عجيييبه
سعرها بالخمسينات ..وايد مفيده
بس احط عيش و بطاط و جزر و كوسا و اصب ماي و تطبخهم على البخار و بعدين اضغط على شي ثاني علشان تهرس الاكل

انصحج فيها

 

[miss_Ba6oOo6a]

احسن شي الفلوس وبعده الذهب هذا اكثر شي يستفيدون منه
او اشتري كوبونات الشايع نظام البطاقه الحين نفس الرصيد واهي تشتري الي تبي

 

[سكـــرهـ]

اتوقع الفلوس احسن شي
لانه هي بتعرف شنو محتاجه

 

[صيتة الخالد]

اشكر لكم مروركم كلللللللكم
لا مابي اودي فلوس واقيد نفسي بالطلايع وانا توني
بس عجبتني فكرة الخلاط،،، برميييت شدراج اني مفكرة بالكرسي ههههههههه
بس مهما كان حلو شكله واهو بكرتوووون شكبرة جنه شي اسسكت وهو كله ب١٠ ههههععع

 

[aady]

اي احسن شي الفلوس
او هدوم حق البيبي لحد سن 8 اشهر

 

[برميت]

سوري بس الي تييب كرسي اكيد انا مو مهمه عندها
تلقين كرسي من الكراسي الي معطينها و طاحو بجبدها

والله الهدايا الي تيي تفشل ..يايبين لي 7 كراسي ..كرسي هزاز و كرسي مال مواليد و كرسي مع طاوله و كرسي مع طاوله و عالي و كرسي خشبي ..مافتحتهم ..كاهم صناديق اشكثر ابيت امي

و هم اختي كودولها كراسي و الي من مذركير ردتهم و خذت بدالهم اشياء تحتاجها

و بالعكس لما تدشين و بيدج جيس صغير اكشخ ..اكيد فيه فلوس او ذهب
و الهديه الكبيره يا كراسي و لا كرتون كبير هدوم اطقم مالت سنتر بوينت ..مايلبسهم البيبي بس ديكور بالكبت

انا اعطي فلوس ..30 للبعيد و 50 60 للقريب ..و مرات نحط انا و امي و خواتي اذا كلنا نعرفها و يصير مبلغ حلو و نغلفه تغليف حلو

50 منج و 20 مني و 40 منك يصير مبلغ حلو تستفيد منه الوالده او يخشونه بحساب البيبي مع العيادي

 

[كتالونيه]

عطيها فلوس وشتريلها حلو فاخر حيل بس
انتي توج عروس واذا تعرفينها عدل وانها زينه
راح ترد لج انشالله اذا ولدتي نفس الهديه
اما اذا ماتعرفينها عدل لاتطيرين وياها يمكن
باجر اذا ولدتي ماتقوم فيج
انا حمواتي خوات زوجي لما ولدت والله ولا
وحده جتني علشان تهاوشنا هوشه بسيطه
الناس معادن

 

[Eng.Kokoro]

فلوس احسن شي

انا حق رفيجاتي باستقبالهم و اهلي

لوووول لانه الواحد ساعات يحتار شياخذ فاعطيها واهيه تتصرف تخشهم ولا بعدين تشتري اللي ناقص حق الياهل

 

[! Miss.Q8 !]

احسن شي الفلوس صح اهي تشتري اللي ناقصها

لان انتي ما تدرين شنو الباجي يايبن لها

ما انصحج بالكرسي كلش لان ما تعرفين ذوقها والاغلب ايب كراسي وملابس

 

[ضحاوي الديره]

فلوس احسن شي اهي تعرف شناقصها ٥٠ دينار حلوه

 

[noo7a]

فلوس احسن شي
لاتفكرين بشغلات مذركير ولا سنتربوينت اذا تبين شي مميز
انا بولادتي صادف حزه تنزيلات مذركير و العموم كلهم يايبين لي منه لوووول وخاصه ان موجود باغلب الجمعيات بعد
و واااايد اشياء مكرره رحت رديتهم كلهم و خذيت بدالهم اشياء على ذوقي

بس عجبتني اله الطبخ عالبخار الي قالت عنها الاخت شكلي بروح اخذ منها حق ولدي لول

 

[om-3azo-83z]

بعد راي البنات ...
يا ان فلوس
يا بطاقه الشايع
يا الخلاطه
غيره لا تفكرين كله مكرر

 

[wafa82]

الكاش علشان تشتري اللي تبيه

 

[cute_batoota]

والله بما أني ان شاء الله ولادتي قربت احس الفلوس أتفيد لان شريت كل شي واي شي بيبولي ياه الناس راح اكون مكرر
وهم الخلاط وايد فكرة حلوة *

 

[روحي ابوي]

انا مع البنات عطيها فلوس ويبي معاج حلو قهوة راقي،، من له خلق يفتر بالسوق يدور هدايا ويغلف.. عطيها فلوس تييب اللي فخاطرها بعدين

 

[توحه1]

قميص نوم وست من بدي شوب

 

[كويتيه مذهله 87]

اشكر لكم مروركم كلللللللكم
لا مابي اودي فلوس واقيد نفسي بالطلايع وانا توني
بس عجبتني فكرة الخلاط،،، برميييت شدراج اني مفكرة بالكرسي ههههههههه
بس مهما كان حلو شكله واهو بكرتوووون شكبرة جنه شي اسسكت وهو كله ب١٠ ههههععع

شكلج ماتعرفين بسوالف العزايم والهدايا :d