شنو افضل حليب اطفال .. بليز محتاجه مساعده

[توته كيوته]

السلام عليكم
انا توني والده صارلي 10 ايام و بسال عن افضل حليب للاطفال ؟؟؟
كنت اعطي ولدي حيب نان بس صارلي 4 ايام مغيره .. الدكتور نصحني بسيميلاك يقول انه نان خفيف و سيميلاك اقرب حق حليب الام لانه انا ارضعه بعد بس صارله يومين بطنه يمغصه حييييييييييييييل و خروجه صعب تكرمون قلت يمكن الحيب مو موافقه
مع العلم انه المستشفى كانوا يعطونه سيميلاك ... يعني نان شرب منه 4 ايام بس
اشرايكم اغير الحليب و لا اصبر ؟؟؟
شكرا جزيلا

 

[بقلبك مكاني]

رد : شنو افضل حليب اطفال .. بليز محتاجه مساعده

وعليكم السلام والله انا كنت اعطي بنتي سيميلاك وقالوا عنه في خنافس وغيرته ع بيبلاك واحسه مثل نان خفيف خلج ع نان يمدحونه وشربي ولدج يانسون وكمون عشان الغازات وبعمره لازم يتمغص والله حفظه لج\\\\\\شدعوه محد راد

 

[دنيا فانيه]

بيبي لاك ec عجيب وايد زين يعطي بعد الله صحه للياهل وقليل الغازات اصلا اهو مكتوب عليه للعنايه الاضافيه انا انصحج فيه اذا كنتي تعانين من الغازات وهم يتفخ الياهل انا كنت استعمله حق عيالي الله يحفظهم والله يخلي ما بين عينج

 

[msmshasnsn]

حبيبتي نان وايد زين ومااييب غازات انا مجربته لعيالي
ليش وقفتيه

 

[سموره 87]

سميلاك موشي يسبب غازات ويمسك البطن
عندج ابتاميل كمفورت بخصائص هضميه مريحه واااااااااااااايد زين

 

[love love]

ياقلبي كل ياهل يختلف عن الثاني الي يطييح على ولدج او بنتج مايطيح على بنتي او ولدي

بس بالنسبه لي سلسله بروجرس عجييبه مشاءالله ووايد مفيده

 

[([عطر رومانسي])]

نان وايد زين وقريب لحليب الام >> حليب الام بعد خفيف

 

[hneen2]

نان وااايد زين وخفيف علي معده الياهل انصحج فيه

 

[العفاسيه]

قطي السيميلاك يسبب غازات وامساك افضل شي ابتاميل كمفرت عن تجربه

 

[@ دهن العود @]

سميلاك موشي يسبب غازات ويمسك البطن
نان وايد زين ومااييب غازات انا مجربته لعيالي

 

[عفوفة]

ولالالالالالالالالالالالالالالا

يهمك على ضماااااااااااااااااااانتي

انا وكل اخواني على سميلاك خوذية وانتي متطمنة

واللي فية خنافس هذا اللي صناعتة امريكية هذا اساسا ما يجيبونة للخليج نهائيا

 

[مــ_ــا مــ_ــي]

انا عيالي كلهم على سيميلاك .. ولا مره ولله الحمد صارت لهم غازات ..بس طريقتي احط بمطارة الماي الحار 10 حبات حلبه اخليهم ينقعون .. وشي ثاني كل يوم بالليل اسوي رضعه اعشاب ( ينسون . نتفة كمون.. كراويه ) حق اذا فيه غازات تطلع على طول ..

اما سالة خنافس الحليب ما شفت عليه شي وللامانه للحين استعمله لولدي ولا فكرت اغيره . الحمد لله مرتاح عليه


واهم نقطه لغازات البطن بعد كل رضعه .. حطيه ولدج على كتفج وطبطبي على ظهره بين كتوفه لما يترع مره مرتين لما تحسين انها ارتاح

 

[جذابه بنت ذيابه]

رد : شنو افضل حليب اطفال .. بليز محتاجه مساعده

سميلاك روعه ..


انا كنت استخدمه لولدي



ويمدحون اس 26

 

[الأميرة جوري]

رد : شنو افضل حليب اطفال .. بليز محتاجه مساعده

سيميلاك روعه بس يمكنوولد تغير عليه الحليب فصار صعب عليه الخروج والمغص يزيد

 

[أنفاسي دخون]

انا عندي نان احسن شي خفيف وما يسبب غازات

 

[om MaRyooM]

رد : شنو افضل حليب اطفال .. بليز محتاجه مساعده

كل ياهل يختلف عن الثاني

يعني مو شرط الي يريح ولدج بيريح بنتي

انا بنتي قبل اعطيها اس26 والحمدلله مااشتكت من شي . . بس اخر الفترات صار معاها امساك تكرمين

الحين قاعدة اعطيها بديا شور

 

[دانة بعين بحاري]

ولدي لما كان صغير كان يعاني من الحليب استخدمت ابتاميل كان زين ومايسبب غازات بس لما كبر صار مايحب طعمه لانه مر
وبعدين استخدمت نوفالاك لي عمر السنه بس الدكتور نصحني بحليب بروجرس يقول ممتاز

 

[**فيونكا**]

رد : شنو افضل حليب اطفال .. بليز محتاجه مساعده

حبيبتي اصبري

يمكن من تغيير من حليب لي حليب

اما الغازات انصحج باليانسون هالاعشاب مع سكره نبات وشويه عطيه لا تكثرين منه

لان توه نونو الله يحفظه لج

 

[om deaj]

عيا انا صارلي 21 يوم من ولدت وعطيته سميلاك وكان زين معاه بس لما خذيته من التموين حاشه اسهال مادري ليش ريلي يقول مو الاصلي؟؟
بالاول كنت اشتري من الجمعية والصيدلية
للأمانة القوطي غير بس الحجي نفس الحجي

 

[om deaj]

الحين ابي اعرف اظل عليه ولا اغيره؟؟؟؟محتراة حدي