شنو اعراض سكر الحمل !! بليييييز فيدوني

[ملح الكون]

السلام عليكم ..
شلونكم الله يهون على الحوامل ويرزق المحروم

انا باسبوع20 يعني ثالث اسبوع من الخامس وحده من عماتي رفيجاتها طلع فيها سكر حمل )؛
تقول بس تاكل وتشرب ماي واجد وكل شوي رايحه الحمام عزكم الله .. انا وسوست انا شهيتي انفتحت مو مثل بداية الحمل واشرب ماي واجد وكل شوي رايحه الحمام )؛ معقوله فيني سكر حمل !!!!

اللي فيهم سكر حمل بليييييز شنو اعراض سكر الحمل موعدي بعد اسبوعين طمنوووني )؛
ولا تنصحوني اروح قبل الموعد )؛



وشكرا

 

[ريتاج_90]

عادي شي طبيعي الحامل كل شوي تروح للحمام
لان البيبي يضغط على المثانة مو شرط فيها سكر
بسس لازم تسوين تحليل سكر عشان تتطمنين
لان موزين السكر يأثر ولازم تحافظين عليه خلال
الحمل وان شااءالله مافيج الا العافية لاتحاتين

 

[ملح الكون]

حبيبتي ان شاء الله وبروح باجر قبل الدوام

 

[جوزائيه مغروره]

نصيحتي حللي بالخاص لانه الحكومه لازم صايمه وبعدها تشربين سائل غثيث وتسوين تحليل وبعدها بساعه تحليل ثالث

يومج كله بهالتحليل واخرتها سووا فيني سكر حمل ولما سويت التحليل بالخاص طلع سليم

 

[مذهلة2013]

حبيبتي ملح حللي اريحلج
والله كلنا الوسواس ذابحنا
اعوذ بالله من الشيطان الرجيم

 

[مناوووي]

حللي احسن
اناا طلع فيني بحملتي هذي
حللت واناا صايمه ٨ ساعات وبعدها كليت وسويته بعد ساعتين
عند دكتورتي
وطلع فيني
بس الاعراض مدري احسها نفس حمالي الاول مع انه ماصار سكر حمل
روحات الحمام واجد واكلي موذاك الزود

 

[# غنوجة بيبي #]

انا اشتبهو فيني الحكومه بسكر الحمل

عطوني محلول و بعد ساعتين طلعلهم 8

و قالو فيج سكر حمل

و لما وسوست شريت جهاز السكر من الصيدليه

صارت فيني نفسيه منه

و كل يوم اقيس صايمه 4 او 4 ونص
يعني حده طبيعي و الطبيعي من 4 لي 6

و اذا كليت وايد و قست بعد ساعتين يطلع 5 ونص او 6

طبيعي

اخر شي رحت الخاص

قالو المحلول يرفع السكر حيل

و دام حاطينلج 8 بعد التحليل معناته مافيج اي شي

و الحمدلله تطمنت و عشت طبيعيه

كانو مخوفيني

و النفسيه تلعب دور حيل

بس حاولي ماتخربطين لان كل الحوامل معرضين للسكر

انا مااكثر سكريات اخاف

 

[American.Life]

تعب وكسل وتنمل لأطراف الأصابع اليد ولاتخافين لاسمح اذا فيج يروح مباشرة بعد الولادة

 

[ملح الكون]

مشكورين فديتكم لا خلا ولاعدم

 

[رويال ديزاين]

مايبين له اعراض نهائيا ... بس يبين السكر بالدم واذا كان مرتفع حيل من تحليل البول يبين لاتوسوسين كثرة الاكل و شرب الماي والروحه للحمام طبيعي بالحمال ربي يتمم عليج و يحميج من السكر

 

[ملح الكون]

حبيبتي امين والله يجزاج خير ..