شنو اشتري من ميونخ

[انادي]

السلام انا مسافره ميونخ بتسوق شنو تمصحوني اشتري من اهناك شي يسوه مثل محلات مثل بدي شوب او مثل لاسنزا انا بجهزلي اشياء يديده مثل شورات و اللوشنات او الملابس الداخليه او القمصان النوم او كم شغله او بغيت اييب كم صوغه حق صديقاتي مثل كاكاو او مثل مجموعه عطور حلوه اورخيصه

 

[اميرة الغيد]

حبيبتي ميونخ فيها سوق كبير ومو غالي ، عندج مجمع اسمه kaukof هذا فيه كل شي ملابس وساعات وجناط وشغلهم حلو ينزل عندهم قبل الكويت ، وبعد ميونخ عندهم بدلات الطلعه حلوه وفيها محلات وايد موجوده عندنا بالكويت اخذي جناط وساعات وبدلات هذا احلى شي عندهم بعدين ليش تاخذين من بدي شوب ولاسنزا هالمحلات لاحقه عليهم بالكويت بكل المجمعات عندنا دوري شي مو موجود اهني .

 

[انادي]

مشكوره ماقصرتي بس انا قصدي ابي من طقت بدي شوب او لاسينزا يعني نفس شغلاتهم وين احصل

 

[اميرة الغيد]

في محل c&A عندهم في بجايم من طقة لاسنزا وبدلات وفيه كل شي ، وعندج محل kaukof بعد حلو وفيه كل شي.

 

[انادي]

يعطيج العافيه لانه بجهز او بجدد قمصان النو واللوشنات

 

[سمبوسة]

حبيبتي مثل ما قالت سالمية محل كافهوف فيه كل شي الملابس الداخلية بطابق كامل وبعد محل هيرتز حلو نفس كافهوف department store وعندج محل اسمه doglas متخصص بالمكياج والعطور ومحل بالمرز للملابس الداخلية والكاكاو تحصلين بالجمعيات نفس بره وأرخص تلقين الجمعيات بسرداب المحلات الكبيرة مثل كافهوف وهيرتز وعندج بعد محل forever 18 خاصة اللي بمجمع ريم اركادن عنده تشكيلة هدوم داخلية واذا عندج روحة للنمسا أي مدينة فيها ,, تلقين محل اسمه intimissi لقمصان النوم حلو

 

[انادي]

يعطيج الف عافيه يعني من رايج اشتري الكاكاو من جمعياتهم او هذا محل ولا مجمعdepartment store

 

[سمبوسة]

حبيبتي الديبارتمنت ستور يصير محل كبير من كم طابق فيه ماركات وايد مثل دبنهامز وماركس اند سبنسر عندنا يعني لا هو مجمع ولا محل جامع الاثنين وأوربا أغلب نظامهم جذي ,, الكاكاو عن تجربة اللي بالجمعيات أرخص ونفس تشكيلة محلات الكاكاو يعني تلقين علب حلوة للهدايا

 

[انادي]

يعطيج الف عافيه او اسفه اني ثقلت عليج بالاسئله الله يوفقج ساعتيني وايد

 

[سمبوسة]

شدعوة يا قلبي ما سويت شي تروحين وتردين بالسلامة

 

[بلااسم]

هلا وغلا
عندج شارع المارينا طبي وتخيري كل شي فيه الكوفوف الكاريشتاد الهيرتز وفي محل اح>يه من 3ادوار باخر الشارع عجييييب لج وهدايا وسعره حلو انا اخذت لي ولبناتي ولهلي منه لاتنسين عطوراتهم اللي مصنوع بديرتهم عطورات سندي كرفر ونعومي وغيرها
والشنط والساعات لاتطوفج اجدد وارخص من الكويت انا اخذت شنط كل يسالني عنها
نسييييييت اقوووولج
فق قهوه اسمها توشيبو اول ماتدخلين قهوه وشيزكيك بس داخل حدث ولاحرج شنو بجامات وملابس داخليه تي شيرتات ملابس اطفال اغراض مطبخ وكل شي لاتطوووفج
الكاريشتاد لونه ازرق وهو عباره عن 3ادوار بس مايبيلج يوم بس اكثر من يوم شنو جمعيه والا ملابس عطورات احذيه مطبخ فرش وغيره شنط واخذت منه سلال عجييييبه كل سألني عنها روحي صوب المطبخ واغراض البيت تلقين العجب

هذا اللي اتذكرته اذا فيه شي بأقولج """" ترا انا قعدت سنتين هناك ""

 

[>mimi<]

tro7en wetrden besalama