شنو اسوي بوضعي هذا

[قمرية الفيس]

حبيبتي انتي اول وتالي لازم تحسنين العلاقة مع اهلج لانه يمكن هالسفرة دبرتيها انزين وبعدين فرضا بسافر مرة ثانية حملتي وين بتنفسين ياماما لازم تحسنين العلاقة لازم من صالحج*

 

[Gifts&Occaions]

الله يعينج

 

[brettey]

خلاص قعدي بشقتج وقولي لزوجج هالشي قولي له يا اروح معاك يا اقعد في مكاني انا ملزومه منك
انتي ملزومه منه خلاص
وحتى لو صارخ حقريه وقولي له بكل هدوء حبيبي حياتي انت غير هالرايين ماعندي بيت اهلي ماراح اروح
ومادري قرار الدراسه كان مبلغج فيه قبل الزواج ؟اذا كان مبلغج وشارح لج الوضع خلاص انتي موافقه من الاساس
لكن اذا كان بعد الزواج وحطاج جدام الامر الواقع لا قولي له ياايي معاك يا اقعد هني بشقتي

 

[al-musk]

وشكو ياخذزن شقتج - ولاتكبيرنها طول عمرج عايشه فبيت اهلج وتحملي الوضع بس مفروض زوجج يقدر ويعرفج انج مضحيه

 

[عسل مرت قيمر]

انزين ليش ماتروحين معاه حبيبتي

وثاني شي ليش ياخذون شقتج


احس مالهم حق !! هذي شقتج

 

[ظبية بوظبي]

والله كلي دلع كفت ووفت

وبعدين اش ياخذون شقتج منج !!!
على كيفهم
شايفينج بلا لزمه
ويعني لما بيرد زوجج من برا بيردون يطردون اخوه من شقتكم الي اخذوها منكم !!!!!!!!!
حلوه هذي
حادي بادي

يا ماما اربطي في شقتج وخليه يعطيج بطاقه بنك تسحبين منها الي تحتاجينه

حلوه هذي يتزوج بنت الناس وتالي يروح يدور مصلحته ومستقبله
ويعق بنات الناس تدبر امرها بنفسها
واااااي فخاطري ابكسه خخخخخخخخخخخخخ

واذا قال ليش اهلج ما يبونج
قولي وليش انا الحين مسؤوله من من؟؟!!!!
عيب انا مرتك وانت مسؤول عني

 

[دلوعة حمني]

تفاهمي مع زوجج حبيبتي..
و ترى مالج غناة عن اهلج ...

 

[حبيبي مالكني]

حبيبتي ذيله هلج
استحملوج اسنين
لا تبالغين
ولا تكونين حساسه ازيد من اللزوم
كلها سنة وبتعدي بسرعه
اهم شي لا تكونين حساسه وتتصيدين الزلات من هلج
هذيله هلج ربوج وانتي صغيره مب عيزانين عنج وانتي مراة

 

[DooDii4]

اهلج احسن مكان ، عادي ويييي ياما تهاوشنا مع اهلنا بس يتمون اهلنا لو هذولي اهل ريلج جان استحملتيهم او عيال اخوه
الحين اهلج الي ربوج تقولين مابي صج زعلت منج
حاولي تنسين فكرة مابي بيت اهلي وبعدين ادعيله الله يوفقه علشان حياته ولا تزعلينه منج خلي يكمل دراسته احسن لج وله
حررااام لا تضيعين هالسالفة وخلج مرحة وخلي اهلج يحبونج اكثر

 

[مناير احمد]

الله يعينك ويساعدك صح الوحده لاتزوجت تحب انها تكون في بيتها مع زوجها

 

[eman el.roo7]

*


حبيبتي .. لا تزعلين من كــلامي ..

بس اانتي حطيتي الموضوع وو لازم تتقبلين الكلام اللي بينقـال ..

احسسسسج وايد تكبرين المواضيـع ..!

يعني عشان عيال صغار عيال اخوانج مابتروحين عند اهلج ؟؟!


مثل ماقالت التغاضي وايد مهم ..

يعني عيال اخوج هذاك بعد بيتهم ..

وبالنســبة انج تقولين تخافين ياخذون شقتج ؟!

كلام ابداً مب منطقي ؟؟

مستحـيـل يسسونهـا فيـج اهل زوجج ؟!

هذا بيت ولدهم بـعد ..!!

حبيبتي .. سامحيني لو غثج كـلامي ..

لكن قبل ما يســافر زوجج اتفقوا على كل شي ..

كل وضعج .. مصروفج .. اكلج و شربج .. وكل شي ..!!!!


لانه هو ريــال وهو مسـوول عنج ..

بالتوفيق حبيبتي
​

 

[ktkoota90]

حبااااااايبي كلكم مشكورين علي تفاعلكم وردكم لي
انا موقصدي يسولي سالفه اهلي يعني امي او اخوي لا امي حتي لو تتكلم وتقول صج ازعل بس يكون عندي عادي بعد ساعه من كلامها
انا اقصد مشاكل ابيت اهلي من مرت اخوي
مرت اخوي وااااايد نسره واااايد قبل واايد اتشيش اخوي علي
علي اي شي كنت اسويه مثل طلعتي ولبسي
والحين لما تزوجت مادري عنها بس اني احسها تغار مني ويوصلني حجي انها كله تقول حق اخوي اختك واختك وليش اختك جذي وانا جذي
وانا مالي خلق اسمع هالحجي انا مااتحمل ومااعرف احقر واطنش
وبالنسبه علي المصروف هم اقصد قبل لا اتزوج ماكنت اخذ من امي استحي اطلب منها كنت اصرف من اعانتي اقصد عن ملابسي وطلعاتي اما اكلي وشربي اكيد معاهم بس اخاف ينقصني شي واهو مسافر
اما الحين اهل زوجي اهم كله يقطون نغزات علي الشقه كلهم حاطين عينهم عليها

 

[رحيل المرافيء]

قعدي بشقتج وخلاص على مايتزوج اخوه يحلها حلال

 

[أستثنـآئيهـ]

الله وأكبر ..
اللحين اهلج اللي عآيشه عندهم سنين علاقتج مو ذآك الزور
حدث العقل بمآ يعقل ..

مآفي أهل مآ يتحملون ببنتهم ؟

 

[shak!shoka]

لا ما تمارس اسلوب التغافل !!!


اتغافل لو انه مسافر شهر مظطر الله يعين

مو منقعني سنه !!



خير انشالله !!





اقول لزقي بريلج و روحي معاه


يتضايق يزعل ما يشوف شر

كلمي احد كبير و فاهم يكلمه و يقوله تاخذ مرتك معاك

 

[مناير ...!]

شدعوه قلبتي على اهلج ونسيتي سنين خيرهم معاج؟
مالج الاسنه وجم يوم وصرتي ماتقدرين تعيشين معاهم ومالج احد بدون ريلج
وخير اهلج كل هالسنين الي طافت وين راح؟؟!
استغرب هالنوعيه من البنات صراحه !!

 

[كويتيه مذهله 87]

قبل لا اكتب حل لج

بقولج شغله وحطيها براسج


لا تشتكين علي اهلج جدام ريلج باجر ان صار شي يذلج ذل


اولا ليش ماتسافرين معاه انتي زوجته وسنه وايد حبيبتي
اذا مصكر الباب ابويهج قعطي بشقتج مطلله معزززه ليش تطلعين منها

واهلج عزوتج لا تقولين جذي مهما قالوا وسوه لمصلحتج وبدون قصد يمكن منو الي مايحب عياله

 

[((غلاي))]

الله يسهل امرج يارب

 

[نونهQueen]

نحن مانعرف شو عذره يعني يمكن جد الريال مايقدر ومافي مجال ياخذج وياه , تاكدي من هالشغله ..



الحين انتي تقولين اخااف احتاج شي وهو مساافر , يعني هو مارح يصــــــرف عليج طول هالسنه !!!!!!!!!

مستحيل مب معقوووله لازم يصرف عليج واهلج مب مجبروين فيج خلاص ,



بعدين اذا كنتي بروحج يعني ماعندج عيال , انا من رأيي ماتيلسين في شقتج لانج برووحج ومب زين


واذا ع اهله انهم حاطين عينهم ع الشقه كيف يعني ؟؟ يعني بياخذونها سنه وبردونها ولا كيف ؟؟


واذا فكروا او مافكروا اكيد ريلج عنده خبر بس الي اشووفه انج تسيرين بيت اهلج وتحاولين تتحاشين مرت اخوج بكل الاوضاع عشان تعيشين براحه نفسيه .. وترا السنه بتمر بسرعه والايام بتجري , اهم شي فكري شو رح يصير بعد هالسنه وان امووركم رح تتغير للافضل ان شاء الله , وموفقه ..

تحياتي

 

[جـوود الحب]

الله معاااج حبيبتي حاولي تتفاهمين معاه اكثر اذا صارخ قوليله لاتصرخ واسمعني عدل خليه يحترمج ...وبعدين قوليله بكل هدوء وش تبين منه ...والله يسهل لكم الحال