شنو اسوي بنات بسالفه ولدي

[النوالنو]

مرحبا خواتي كويتيات ولدي يبي يروح ثالث والله بنات لايكتب ولايقرا كانه بالروضه وحاولت معاه عنيد احس انه ذكي بس مايبي ولايعرف يمسك القلم ولايحب يكتب نقلته من مدرسه لمدرسة ثانيه ماكو فايده دخلته نادي العصر ماكو فايده اكثر من تقويه ولدي صفر بالدارسه الحل فرج الله هم لي تساعدني

 

[برونزية رشيقة]

سوي له اختبار ذكاء عند متخصص .. ما يصير واصل ثالثة ولا يعرف يمسك القلم

 

[!الجادل الصعب!]

حبيبتي يمكن يعاني من صعوبات بالتعلم
وديه مركز متخصص تلاحقي عليه حرام يضيع مستقبله

في عالمركز الكويتي لصعوبات التعلم .. صراحه م جربته لكن شفت اعلاناته
وضايفته بالانتسقرام

90015052
عنوانهم الجابريه

 

[ام مريووووم]

حبيبتي اولا الله يهديه لج اذا الموضوع عناد لازم اخصائي يعرف اسباب العناد. ممكن يكون. انتي
وثانيا كان لازم من الاول ماتنطرين عليه الله يهديج حاولي تحفظينه قرآن لانه يوسع المدارك

 

[النوالنو]

الله يجزاكم خير خواتي ماقصرتوا

 

[أم عبووووود]

هلا حبيبتي

ولدج يحتاج اختبار ذكاء ويقيمونه لان حتى العناد مايوصل انه مايعرف بالمره حطي بالج حبيبتي واستعجلي بالاختبار وان شالله ربي يطمنج عليه وتطمنينا

لاتحاتينه كل شي له حل بس الاهم انج تعرفين المشكله

 

[m'3rOoOra]

الله يعينج ويصلح ولدج المفروض من ثانيه وانتي تتابعينه سالتي المدارسات عنه شنو يقولون يشارك معاهم ولالا يفهم الدرس وانتي تدرسينه يجاوب معاج ولالا

 

[جوري الزبير]

البنات ماقصروا الله يهديه لج ان شاء الله ..ويريح قلبج

 

[حنين الفرح]

الله يطمن قلبج يارب

 

[ام البراء 2011]

الله يعينج اختي

بس اعرضيه على طبيب خاص وله علاقه بسلوك الطفل راح يعطيج نصائح ممتازه ويعرف نقاط الضعف اللي عنده

 

[النوالنو]

وين اقدر اسوي اختبار ذكاء والله مدري الله يفرجه

 

[أم عبووووود]

هلا حبيبتي

اختبار الذكاء تقدرين تسوينه في الطب التطوري بالصباح بس اتوقع مواعيدهم تطول وفي مركز تقويم الطفل بالروضه بس هذا بفلوس ميزته ان اسرع

وربي يفرجها عليج ويوفق وليدج

 

[النوالنو]

الله يجزاكم خير خواتي ماقصرتوا