شنو اسوي بــ تشامبينز؟؟؟!!!

[Ms. luxury]

السلام عليكم ورحمة الله وبركاته ...خواتي عفية ..أنا مشتركة يديدة بتشامبينز ..لي 3 ايام فقط
خلوني أمس العب على الأجهزة وشافتني بنت خالتي قالت لي لايقصون عليج ترا تطلع لج عضلات..
الأجهزة يوم وترك وليس كل يوم .<<< هذا اللي قالته المدربة ..
هل في مجال يبين علي وجسمي يتقسم شوي بفترة حلوة جذيه اسبوعين يعني؟!
اليوم دخلت كلاس المبتدئين لتمارين الصدر والأرداف ..مع مدربة كويتية .. ماقدرت أواصل بس لعبت 10 دقايق ..
بنات أبي نصايحكم شنو أسوي بالترتيب ::
أنا وزني 85 وطولي ..آآآآآه طولي ..147 ..يعني بالمختصر ..(تانكي ماي ) الللي يحطونه بالمخيمات ..:rgewrg:
بنات أنا نعوووووومة كان كاااان وزني 45 بس الحمل والولادة و4 يهال الله يحفظهم ...صار ويهي كله خدوووود
شنو أبدأ؟؟( رتبوا لي اياهم ماعليكم أمر ) :
(كلاسات الايروبكس _كلاسات الأيرو دانس _كلاسات الصدر والأرداف _كلاسات الأكوا _المشي بالماي _المشي العادي بالمضمار _المشي بالأجهزة_أجهزة العضلات اللي بركن بروحهم لونهم أبيض وبنفسجي..)
وقولوا لي أول الأيام شنو أسوي ..مابي الأشياء اللي تبرز عضلاتي :eh_s(17):

 

[oyoon al maha]

رد : شنو اسوي بــ تشامبينز؟؟؟!!!

اهم شي المشي لمدة نص ساعة واتزودين خمس دقايق كل يوم + الة الدراجة

 

[بدلية]

انتي باي نادي اليديد والا القديم؟؟؟؟

 

[kuwaitya-frawla]

انا مثلج ماصار لي اسبوع بالنادي اليديد مو القديم...ومثلج علموني


بس انا عارفه شسوي لاني سائله من قبل و ناديي القديم كنت ماشيه على سستم معين وفادني حيل




انا مثلج تانكي بيت مو مخيم لوووووووووووووول



اول شي امشي بالمضمار نص ساعه بعدين قاري نص ساعه


بعدين العب شامل مره وحده بس مو صوب البنفسجي لا بس البيييج


لانه البنفسجي مفروض نضعف ونطير الكرش بعدين نقسم و نعدل


بعديييييييييييين يا طويلة العمررر اذا حبيت ارد امشي مره ثانيه بس باله المشي نص ساعه



((وبعدهااااااااااااا ادش حمام السباحه امشي تحت الماي و القاري تحت الماي ))


بعدييييييين اطبطب بالجاكوزي شوي وارد بيتنا



انا مرتاحه على هل سستم


بعدين لما اكمل شهر او 3 اسابيع ببلش ادش كلاسات عل اقل تكون عندي لياقه شوي وبس سلامتج

 

[Ms. luxury]

يزاكم الله خير
عيون المها يعني تنصحيني ماألعب الأجهزة اللي تشد العضلات؟؟
بدلية ..أنا بالقديم..
فراولة كويتية ...يزاج الله خير ماقصرتي ..بسإلج .: انتي على هالجدول مازلتي تانكي ؟؟!! لاتحبطيني ..يعني مالاحظتي تغيير للأفضل أبدا؟؟!!!

 

[شبيهه القمر]

رد : شنو اسوي بــ تشامبينز؟؟؟!!!

حبيبتي انا مشتركه معاج بالنادي وصارلي 6 اشهر تقريبا وانا اروح بالاسبوع يمكن 3 مرات علي حسب يعني غالبا ابدي بالمشي بالمظمار نص ساعه وعقبها ادخل لكلاس اليوجا ما اقدر علي الايروبكس طبعي كسول اشوي احب التمارين المريحه واكثر شي ممكن تستفيدين منه الاكوا ايروبيكس ممتع ومريح وله نتيجه اقوي من الكلاسات الي فوق وبالنسبه للاجهزه ابصراحه ما استعملها واتمني انج تمشين علي نظام غذائي مناسب وصدقيني بتلاحظين الفرق من اول شهر لج ..

 

[the white heart]

رد : شنو اسوي بــ تشامبينز؟؟؟!!!

حبيبتي انا وياك بالنادي من 3 شهور ... نصيحة دشي الأكوا مع روز لأنه مو كل المدربات يعرفون يدربون عدل ما أدري منو الزينين بس روز فظيعة وانا عن نفسي ليلحين ما دشيت ولا كلاس بس ملتزمة بالمشي وببرنامجي الي يسوونلي ياه وبخلص ألحين المرحلة الثانية والحمدلله ترى شفت نتيجة يعني ما صرت باربي ههههههه بس فرق أحسن من قبل الحمدلله ... مشكلتي أني قاعدة أتعب فعشان جذي أروح يوم وترك واذا رحت كل يوم يكون مشي بس

 

[Ms. luxury]

حبيبتي شبيهة القمر هذا اللي فكرت فيه وكاني بديت من اليوم ريجم خمس ايام وراحة يومين مجربته من قبل من غير رياضة ..متكامل ومغذي ومافيه حرمان بالنسبة للرياضة انا أحب ألعب بس شحمي مثقل علي
ام القلب الأبيض ..يزاج الله خير ..يعني تنصحيني اسوي مثل مايقولون بجدولهم؟؟؟؟

 

[law love]

شدعوه بتطلعلنا عضلات و احنا عندنا وزن زايد

خيروح الوزن الزايد و عقبه جان زين تطلعلنا عضلات

ما عليج من حجي الكويتين الي يحبط و ايزيد الكسل

انتي باليديد او القديم ؟

انا باليديد

وحبيت برنامجهم و متابعتهم و اللي عنده مشاكل بجسمه له برنامج خاص مو كلمن نفس الشي و هالشي خلاني اثق فيهم

و انا احاول كقر ما تقدرالتزم بالبرنامج

و ما دشيت غير كلاس الاكوى وايد حلو و ما يتعب لانه ما يسبب ضغط على العضلات بالماي

 

[Ms. luxury]

صح كلامج اختي لوف ..اللي قالولي عضلات وهالحجي حسسوني بالكسل تخيلي اليوم قعدت نص ساعة بالحوض أسبح رايحة ورادة ولما بدا كلاس الأكوا (أعتقد المدربة اسمها نمفا) لعبت معاهم كل الكلاس .ساعة كاااااملة وطبعا قبل الحوض بس مشيت ساعة ولعبت قاري 15 دقيقة وبسسسس ..أول أمس يوم لعبت بالأجهزة ومشيت على جدولهم رديت البيت عضلاتي شادة تحسين انج مسوية جهد حلو ...
مادري والله ...أنا خلني على القاري والمشي ساعة الصبح وساعة بالليل لما عيالي ينامون ..والأكوا والسباحة الحرة ..وريجيم بوساعتين ...شهر وبشوف النتيجة

 

[Ms. luxury]

هذا ريجيمي مسويته قبل فترة ونزلت عليه 5 كيلوات باسبوعين مع رياضة خفيفة ومشي خفيف..:
1- بيضه مسلوقه كبيره + شريحة توست محمصه
بعد ساعتين
2- موزه
بعد ساعتين
3- كوب زبادي
بعد ساعتين
4- علبه تونه مصفاه من الزيت
بعد ساعتين
5-شريحة توست محمصه
بعد ساعتين
6- تفاحه
بعد ساعتين
7-بطاطس مسلوقه + سلطه خضرا بدون زيت

---------------------------------------------------
اليوم الثاني

1- 3ملاعق كبيره كورن فليكس +نصف كوب حليب
بعد ساعتين

2- تفاحه
بعد ساعتين
3-كوب زبادي
^^^ يعني بعد ساعتين
4-ربع دجاجه +سلطه خضرا
^^^^
5- طبق خظار مسلوق او مشوي
^^^
6-شريحة توست +تونه
___________________________

اليوم الثالث

1-شريحة توست +ملعقه لبنه
^^^
2- تفاحه او برتقاله
^^^
3- 4ملاعق جبنه اريش
^^^
4-شريحة توست
^^^
5-صحن سلطه او خضار مسلوقه
^^^
6- كوب زبادي

---------------------------------------------------------
اليوم الرابع

1-شريحة توست +ملعقه مربى:icon19:
^^^
2- حبة فاكهه حسب الرغبه ماعدى المنجه
^^^
3-شوربة خضار بدون بطاطس
^^^
4- شريحة توست
^^^
5-طبق خضار مسلوق
^^^
6-كوب عصير برتقال

----------------------------------------------------
اليوم الخامس والاخير 1-شريحة توست +مربى
^^^
2-تفاحه
^^^
3- 4ملاعق جبنه منزوعة الدسم
^^^
4-طبق شوربة خضار
^^^
5-شريحة توست
^^^
6-تونه مصفاااه

 

[kuwaitya-frawla]

ههههههههههههههههههههههه بصراحه اي شفت نتيجه خاصه لياقتي وااايد تحسنت عن اول صايره اقدر امشي وروح ورد



واانا يبيلي شهور عشان تبين النتيجه خخخ وانا مثلج يديده نطري شهر على الاقل يبين علينا






ويالله انا الحين بروح النادي ناهاهاهي باااااااااااااااي

 

[بدلية]

خوووش دام معاي بالقديم عيل عندج مدربات يقطوون الشحم قطططططططططططط

انا وزني كان جريب ال100 او وصلته بعد وعقب ضعفت حيييييييل لي ال40

بس للاسفق الشديد رديته الحين 60

بس صدقيني المتن مو عائق دشي كلاسات وخلي هدفج اللياقة قبل الضعف

واذا كسبتي اللياقة بتلعبين بالساعات بدون لاتحسين

وهذا الي بيضعفج بوناسة وصحة ان شاء الله

 

[بدلية]

خوووش دام معاي بالقديم عيل عندج مدربات يقطوون الشحم قطططططططططططط

انا وزني كان جريب ال100 او وصلته بعد وعقب ضعفت حيييييييل لي ال40

بس للاسفق الشديد رديته الحين 60

بس صدقيني المتن مو عائق دشي كلاسات وخلي هدفج اللياقة قبل الضعف

واذا كسبتي اللياقة بتلعبين بالساعات بدون لاتحسين

وهذا الي بيضعفج بوناسة وصحة ان شاء الله

 

[Ms. luxury]

ماشاء الله ماشاء الله .. حللفي بدولة ..<<<< تدليع بدلية ..لووووووووووول
انزين ضعفتي ومع ترهل وإلا جسمج شاد؟؟؟ <<<ماتحسين انه صار تحقيق ؟!!
آسفة
انزين بنات أنا أروح الصبح أنا موموظفة فأقدر الصبح وطلعة الصبح أحلى يمكن ماأتلاقى معاكم!!!!!

 

[the white heart]

رد : شنو اسوي بــ تشامبينز؟؟؟!!!

ام القلب الأبيض ..يزاج الله خير ..يعني تنصحيني اسوي مثل مايقولون بجدولهم؟؟؟؟
ايه حبيبتي أنصحج الحمدلله أنا استفدت

 

[بدلية]

ماشاء الله ماشاء الله .. حللفي بدولة ..<<<< تدليع بدلية ..لووووووووووول
انزين ضعفتي ومع ترهل وإلا جسمج شاد؟؟؟ <<<ماتحسين انه صار تحقيق ؟!!
آسفة
انزين بنات أنا أروح الصبح أنا موموظفة فأقدر الصبح وطلعة الصبح أحلى يمكن ماأتلاقى معاكم!!!!!

لووووووول والله

وخوووش تدليع يازلي الصراحة ههه:eh_s(15):

والله اهو شاد مو مترهل ماعدا صوب الزنود شوي الي مو راااضي يشد:eh_s(10):

عادي انا بعد ساعات اروح الصبح لان على حسب محاضراتي

 

[Ms. luxury]

اي ياحليلج بدلية صغنوووونة ...أنا كبيرة (بس لما تشوفيني يمكن تقولين لي ) روحي عند ماما ليش ياية هنيه ..ولاتاكلين بطاط وبيبسي وايد ترا تمتنين ياماما
لووووووووووووووووووووووووووووول
اليوم رحت لعبت بالجدول هدوا حيلي ...وتوني كليت مااااكدونالد ..اي شسوي لحظي ولبختي تعبت اويااااه ؟؟!! أودع حزني من صفحة وارد الكاه!!!

 

[غلاتي الكويت]

انا مشتركه بس من زماااااااااان ما رحت


انا قديمه عندهم بس نادر ما التزم

واذا التزمتي ورحتي والله بتشوفين نتيجه تسرج ونفسيتج بتتغير


ان شا الله ببلش على الاسبوع الياي والله يقدرنا

 

[Ms. luxury]

ليش ؟وين ردي ؟؟؟ أنا رديت بالتلفون رد وينه؟؟
عالعموم ..فجورة انا صار لي اسبوعين مارحت فيني كحة وللحين متعبتني وحرارة خفيفة ..واول ماأصحى ان شاء الله من المرض برجع للنادي وبقوة بإذن الله