شنو استفدتي من قسم الزوجيه @@@@@@

[شادن33]

السلام عليكم

يازوجات ياحلواااات

ابي كل وحده ادش تقول شنو استفادت من هالقسم الحلوووووو غير التسليه طبعا :eh_s(9):

بالنسبة لي

كل ما أقرى مشكله زوجيه أهني احمد ربي على حالي مع أني مثلكم موخاليه من المشاكل والمناورات الزوجيه

ومرات أقرى ردود لبنات مع انهم اصغر مني الصراحة بس حكيمات استفدت منهم !!!!

عرفت بنات وصاروا لي مثل الخوات احاتيهم اذا اختفواااا وادعيلهم بظهر الغيب لما اذكرهم :yaaaaaarb:

يلا كل وحده تدلوا بدلوهاااا المعتاد خخخخخ

تحياتي
كل يوم تعالوااا

 

[M!SS.LOBY]

يعطيج العافية عالموضوع الحلو

قسم الحياة الزوجيه خلاني اكسب خبره كبيرة حييييل بشكل ما تتصورين

واستفدت من بعض نصائح الخوات العضوات

وكذلك استفدت من بعض اخطاء الخوات بحياتهم الزوجية احاول ما اكرر الخطأ نفسه

 

[ام الدرر]

رغم اني كبيره عمرا وخبرة
واشق واخيط بالحياة الزوجية
الا ان
اكبر فايدة
معرفتج وباقي البنات
صرنا مثل الخوات نشكي ونتحلطم عند بعض
نسمع وننصح بعضنا
نحاتي ونخاف على بعض
والفايده الثانية تعلمت الصبر ع المشاكل
وتعلمت تهون على مشاكلي لما اشوف مصايب غيري​

 

[كليـ دلعـ]

معرفتــــــــــــــــــــــكم



وعرفت ان الحريم انواع !!

واللي ممكن ترضينه ع نفسج ممكن غيرج تعتبره مصيبه!!!


وعقول الناس ماهي ع درجه وحده !


ومايقاس العقل والحكمه بالعمر !


يقاس بطريقه التفكير ووالتجارب اللي يمرون فيها!!


وعرفت ان القدره ع الصبر تختلف من وحده لوحده!


بس اللي تاكدت منه ان الريال يشكل 99٪ من حياه المره

وراحتها واستقرارها ونفسيتها واحسااسها بالحياااه !

ماشفت مره اهني قالت ماعلي منه مايهمني مادري متى

يرد ولا افكر وين يروح!!!

مااااشفت !


وعرفت ان الحريم كللللللهم مساكين !

حنان واحتوااء وحب واهتمام وغيره ووو

لكن مامن مجيب الاا من هدى ربي!


وعرفت ان غالبيه الرياايييل خووووونننننه!

واتكالين !

واطباعهم متشاابهه حيييل حييييل

مثلا

وحده تكتب ريلي مايقعد معاي كلله طالع ايي تالي الليل

يشوف التلفزون وينام !

تدش اكثر من وحده يقولون نفس رياييلنا!!!!


يعني غالبيتهم طبعهم واحد!

فماتحتاج المره تفكر وايد،،


عرفت ان المره اللي تبي حياتها الزوجيه طوويله ومستقره

ماتوقف ع كل شي وتحاسب ع كل شي وتناقم ع كل شي!!

وان الحياه الزوجيه صععععبه وتبي هدووء وسياسه وحكمه

وثقل عقل وبعد بالتفكير..،،،،

وان الزوجين اذا كان بينهم عيال مااعاد الحياه لهم بروحهم

لان بحياتهم يشاركهم اطفال لهم الحق بالتفكير في مصيرهم

من قبل لاتبتدي نزاعات وصراعات وطلاق ومحاكم وووو

لاااازم قبل لاتفكر في نفسها تفكر فيهم!

ولاهو ضروري تبدي نفسها عليهم،،،،

الاهم اهم ممكن تعيش لهم لانه هذا حقهم عليها

اهم مالهم ذنب يدفعون فواتير خلافاتها مع ابووهم


الا اذا كان في الانفصال حفاظ عليهم وع نفسياتهم

وراحتهم ،،

اهني تنفصل وتكون هم انفصلت عشانهم وحفاظاا

ع جوهم المعيشي!!

قصص الناس فيها عبر ومنها يتعلم الانسان

ويتعض ويخاف ويتراجع.،،،

ولو اني اشوف ان من الناااادر القى مشاكل

مكتوبه بكل صدددق!


يعني مثلا ممكن تكون لعينه باهله وتعاند امه

وتسوي حركات من تحت لتحت لكن اتتي تكتب اهم

معاديني ومايحبوني وانا ماسويت شي،،،

الافضل تكتب قصتها بصدق وبتفصيييل

عشان ايي الرد عليها رد وعلاج لنفسها ولحالتها

اهني لاننا نهاجم المشاكل اللي تكون جذي فلاحظت

ان الكل يدعي الكمال !

وان مثلا اهو كرهني مادري ليش

اهله مايبوني ولما انزل يقططون حجي!

ريلي يسمع اهله وواقف معاهم ضدي!

اوك في رياييل دعل ويكونون جذي بلا سبب

بس هم في ريااييل مايوقف مع اهله ضدج الا لانه

شايف خطاج،،،


في حمايل ماينفع فيهم الطيب اوك لكن في حمايل

اذا انتي مومحترمه ولافيج خير اكيد يبون فرقااج،،،

وهكذاا


حبذاا>>>> احم احم

لو اللي تكتب مشكلتها تكتبها بحذافيرها


اهم شي الحذافير>>>> الزبده


عشان التوعيه لها وندلها الطريق الصحيح وندعيلها

بصلاح النفس والحال


مافيها شي الكل يخطي واحنا نخطي بس الواحد مايستمر المفروض،،،


امبيه جني طلعت من الموضوع واخذت فوق تحت واخذت الدوار

تالي الاشاره عقب رديتله !!

اكيد شادن بتقضبني الباب!،،،،>>>> هههههه


تعلمت ان

في التاني السلامه وفي العجله الندامه،،




،،،،،​

 

[Mrs.H]

وايد اشياء تعلمتها ومازلت اتعلم..


تعلمت ان الصبر والهدوء احسن حل لكل مشكلة وبعدها الوحدة تتصرف.. مو العكس

تعلمت ان احترام الزوج واهله شي مهم حييييل في اي حياة زوجية

تعلمت ان الوحدة مفروض ماتصغر عقلها وماتقارن بين حياتها ببيت اهلها وبيت زوجها لانه اكبر خطأ..ولاتقارن نفسها بالناس بعد

تعلمت ان القناعة مهمة

وايد اشيااء للامانة :eh_s(7):

 

[امـ خــزامـى]

اهلا شدووون

موضوعك جميييييييييييل ويبي له مخمخه بس مشكلتي دايخه وجوعانه

بس بكتب اللي ببالي حاليا وعقب ارجع للموضوع


استفدت ان البنات مهما نصحتي وقطعتي عمرك مالها الا رائيها خخخخخخ
تلف وتدوور والا رائيها هو الصح وتحاول تقنع الكل باللي تببيه !!! ليش تكتبين مشكلتك من الاساس وتغثينا ؟؟؟

^^^
مااتوقع هذي فايده صح

االا فااائده استفدت ان العناااااااد هو خراب ودمار الحياة الزوجيه وهو سبب اكثر المشاكل

واستفدت ان الاحترام والهدوووء والصراحه هي بدايه نجاح اي علاقه

واكتشفت ان سبب خيانة الرجل هو خجل المراه الزااايد وعدم ثقتها بنفسها

واخيرا استفدت انه اي علاقه جديده مع شخص بتعيشين معه وانت بس تعرفتي عليه بالملكه هذا لازم مااتسرع بالحمل الا بعد سنه من الزواج على الاقل

انا من الاساااس ضد وضد وضد الحمل من اول الشهور والحمدالله تأكدت اكثر يوم شفت مشاكل الاغلبيه
زوجها فيه بلاوي الدنيا وتبي فرقاة بس للاسف حامل او توها والده ويالله عاد تعيش بدواامه بين حياتها وحياة هالطفل




لي عوده

 

[شادن33]

مس لوبي مشكوره حبيبتي ع المشاركة

ام الدرر بعد عمري انتي والله بعد أخت وعزيزة علي

دلعععع هههههه انتي عاد ملح وبهار وفلفل القسم هههه فديتج

مس اتش شكرًا لمشاركتج

ام خزوووم صج في بنات تنصحينها من الصبح لليل واهي ما تأخذ الا شورها اكرهم هالنوعيه !!

 

[ليدي بجد]

تأكدت ان الدنيا ما فيها مرتاح ولا فيها راحه
وان السعادة والحياه المثاليه للبعض.... على الأغلب تخفي خلفها ملحمه تعيشها المراءه بصمت
وان 90٪ من الرجال خونه
وانه مواقع التواصل الاجتماعي والهواتف الذكيه ساهمت بشكل فظييييييع في انتشار واستسهال الخيانه حتى لأكثر الرجال براءه. وبالتالي هي رقم واحد في اسباب الطلاق والمشاكل حاليا
وان في نساء وفي هالزمن المرفه الي توصف فيه الزوجه بالدلع ولا مسؤليه... تتحمل الي ما تحملت ربعه وحده قبل ٥٠ سنه
من جهه ثانيه للأسف تصدمني وحده مفكره بالطلاق وزعلانه عند اهلها لسبب يفشل تذكره حتى بينها وبين نفسها!! وجايه تقوله لنا!!


بصراحة كثير أشياء استفدتها وبشكل غير مباشر. نصايح البنات لصاحبه المشكله والي تتكرر دايم ثبتت الفكرة برأسي. رغم انها معروفه وما تخفى على احد ...يعني صارت مثل التذكير والتبيه لي كل ما اقراها
والله يجعلنا ما نسمع الا كل خير عنكم

 

[Pinky -cat]

والله هاقسم خير وربي ياختي يفتح عيون الحريم على امور ما عرفوها ولا مرت عليهم وتعلمهم السنع اكثر واكثر وتهتم
بروحها وتوريها صورة مصغره من بلاوي الدنيا عشان تعرف انه اللي اهي فيه مو نهاية االعالم وانها تقدر تصبر اذا في مجال
وانها تدافع عن بيتها وحياتها.

وانها تشوف روحها برقيها واخلاقها وتهتم بنفسها اكثر واكثر . صج استفدت منه سمعت مشاكل وعلقت وطلعت اللي بخاطري
قلت رايي وقريت ردود غيري ، فعلا جزء مهم من يومي وحياتي اني ادش هالقسم

 

[بنت شيخ]

خلاااني اكره شي اسمه زواج

 

[popa]

تعلمت ان كل الرياييل يخونون لكت في الي انصادو في الي منكشفو
تعلمت ان كل بيت مايخلا من المشاكل بس في ناس تصلح الخطا وناس تخرب زياده

 

[سور المدينه]

انا جديدة على هالقسم بس بصراحة
صابني الوسواس من كثر ماقرأ مشاكل وكل وحده تبي تتطلق
وهذا انا توني مملجه بعدي ماتزوجت بس القصص تخوفني وتخليني اوسوس

 

[شادن33]

خلاااني اكره شي اسمه زواج

افااااا ليش مؤ لهادرجه !!!

 

[نـعـومـه]

استفيد يمكن اكون فدت احد برايي

واكتشفت ان الكويتيات صبورات وسنعات

ونفسج اتابع مواضيع البنات واحاتيهم ودي اعرف شيصيرلهم لي نهايه واذا اختفو افقدهم وبصراحة احس صرت ادمان هالقسم

 

[M!SS.LOBY]

ان شاءالله كل الخوات يستفيدون ويكسبون خبرة للحياة الزوجية

 

[مالك صاحب]

استفدت
انه كنت ارتاح حيل ليمه اشكيلكم وخاصة لمه القى ردود تريح النفس وتدعيلي
استفدت انه الحياه كلها مشاكل ودايم الحل الانسب الاستغفار والتقرب من الله
بعض الردود خلني اعرف انه الناس اجناس و اهم شي استفدته انه يكون لج كيان مو تخلين حياتج اهوا ريلج وبس

 

[طريق السعاده]

بصراحه انا مو متزوجه بس استفدت كثير لان فيه امور عرفت انها شيء ضروري

خصوصا حنا ك خليجيات تربينا ع ان الزوج كل حياتنا و كوني له فراش وغطا ومدري وش هذي تعلمت انها انقرضت وجيل الرجال الي الحين حبي نفسك وعزيها يحبك ويعزك ويحطك ع راسه ولو جلستي تراكضين تدورين رضاه وهمشتي نفسك ماقدرك ولا احترمك ويحس ان الي تسوينه له واجباتك مو شيء متفضله فيه ..

ف الي تعلمته ان هالشيء غلط واغلب البيوت اندمرت بسبب هالشيء

وكمان تعلمت الحياه الزوجيه فيها كثير مواقف تحتاج صبر وثبات وتحمل وتحتاج قوه شخصيه وذكاء

وتعلمت ان المراه الي تسكت عن حقوقها اول زواجها مستحيل تاخذ حقوقها بعدين لان الرجال يتعود ع الوضع وان الرجال مكانته الطبيعيه يصرف ع المره وهذا الي مفروض يصير ومفروض المره ماتستغني عن هالشيء وتستقل براتبها لو كانت موضفه لا تحسسه انه ملزوم فيها وتخلي كل شيء عليه وبراتبها تساعد بشكل بسيط وغير مباشر مره او مرتين مو بشكل دائم لان لو تعود يطلعك من حسابه بالصرفيه رح يشيل يده عنك طول العمر هذي غلطه اغلب الي اعرفهم شخصيا صلحوها وندمو قد شعر راسهم وكثير قصص بالمنتدى من هالنوع




من اسوء الافكار الي انرسخت ف عقلي ان الرجال اغلبهم يخونون هالشيء عقدني وكرهني بالزواج وبالرجال

بعد تعلمت ان اجمل شيء انك تشاركين احد همك او مشكلتك ويشور عليك بالصح ويخفف عنك ويواسيك ويدعي لك بدون لايكون يعرفك شخصيا

اخوتنا هنا فالمنتدى بكل اقسامه خصوصا هالقسم جميله وفيها كميه عطاء الله يديم هالاخوه بيننا

احب هالقسم ومستحيل افتح المنتدى مامر عليه


الله يبعد عن الجميع المشاكل تعيشون يارب حياه هنيه مستقره باذن الله