شنو استخدم لبنتي

[شموخ الجبال]

السلام عليكم


بنات انا بجر وحبيت اخذ خبرنكم بالاطفال


بنتي عمرها شهر

لما اغير حفاظتها استخدم لها سودو كريم ؟ومعاها زين استمر عليه


وبورده جونس ضروريه استخدمها ولا وشنو حتي للاماكن الحسااسه للبيبي ولا للجسم بعد؟



وبنتي لما اسبحها ادهنها بزيت جونسون للاطفال للجسم كله



وبخاطري لوشن او اي شي طبي لريحه جسم بنتي لان قالو لا يسبب حساسيه ؟بس انا اشوف عيال حمواتي مشالله ريحه عيالهم حلوه ومعطره وتلفت

يعني في بودر او شي لوشن للجسم الرضيع ينحط يوميا وريحته حلوه؟


اي والشعر انا ادهنه بيبي اويل لزيت عادي؟



اي والاذن للطفل شلون انظفها؟

 

[Bio_reem]

انا بنبهج لشغله
ترى بودره جونسون ريحتها تحسسج انه الطفل فرش بس ترى البودره ماتعتبر امنه للطفل لانه ممكن يستنشقها ماينصحون فيها الدكاتره
بس شفت بودره سائلة نفس الكريم بمذركير ماجربتها شخصيا، اهم شي الطفل نظيف دايما وهدومه تتبدل اول ما تتوصخ وتسبحينه وتدهنين جسمه بلوشن للاطفال مايسبب حساسيه شوفي النوع اللي يعجبج وبس

 

[الغضى]

احسن شي منتجات جونسن مافي غيرها للاطفال

 

[M!SS.LOBY]

الله يحفظها لج

 

[انصاريه قمره]

اهم شي يكووون نظيف انا عيالي استخدم لهم لوشن جرجينز بزبدة الشيا والبودره هملايا واحيانا جونسن البنفسجيه والكلونيا الصفراا مالت جونسن

 

[M!SS.LOBY]

منتجات جونسن حلوة للاطفال بالجمعيات

 

[miss-jmjm]

حبيبتي بقولج شي

الياهل طبيعه جسمه تفرز ريحه حلوه .....لاتحطين البودر وااايد ترا تمرض الياهل تخليه يتحسس اي نوع بودر تبين تنفه لانه هالعمر تكون المناعه معدومه ويتحسس من اي شي فلا تكونين سبب انه تحوشه حساسيه بعدين صعب تروح منه

والله الياهل له ريحه تينن اهم شي تبديل هدومه وتغسلينه بالماي ومووايد غسول جسم وصوابين ومادري شنو لا لا جذي الجلد يتحسس ليلحينه طري الجلد

انا انصحج احسن لوشن بدون ريحه وعجيب لنعومه الجسم من الصيديليه ماركه بيبانثين لوشن خفيف لليهال
وبليز لايقصون عليج ملوت الصيدليه المندوبين لا هذا وذاك واخذي غسول وفوم وزيت ومادري شنو وخري وخري عن هالسوالف

للامانه انا ماحب احط عطر هالياهل اساسا الدكتور يقولج خففي العطور عشان البيبي لايتحسس

للحفاضات السودو كريم لما تلاقينه محمر موعلى طوول لا بس اذا متحسس من البمامبرز واحسن نوع للامانه ليبرو صج غالي بس مااستغى عنه وطبعا كل ياهل وطبيعة جسمه

 

[miss-jmjm]

نسيت اقولج احسن صابونة للجسم سيباميد روعة احسن من جونسون بمليون مره جنها حليب كريميه ناعمه عالجسم

 

[M!SS.LOBY]

اب اب اب

 

[mrs.abk]

كل أم واللي يريحها ..

أنا شريت لبنتي كذا نوع .. عجبوني أغراض مذكير ريحتهم حلوة وبنتي ارتاحت عليهم.. وعجبوني ستيلا لا يعلى عليهم .. خاصة كريم البامبرز والشامبو والعطر لكن غالييييييييين نااار ..

من جونسون اللوشن رائع .. وغسول الجسم والشعر (علبة وحدةللاثنين) رهيب وأغسل ويه بنتي منه مرتاحة عليه ..

 

[ريتاج_90]

عادي تحطين الزيت على كله جسمه قبل ماتسبحينها بساعه
وعادي بعد بشعره اناا احط لولدي واشيل القشرة اللي بشعره

وليشش تستخدمين سودو كريم مووزين
يسبب تصلخااات احسن شي النششا لان يمنع
الرطوبة بالحفاضة ومايخلي ريحتها خايسه
وغسلي البيبي بالحنفيه احسن عشان مايصير تصلخات
وهاذي نصيحة الدكتور كاظم معرفي وفعلا صّـْْ(☑)ـْْحّ
كلامه جزاه الله خيرر

 

[Joury86]

البودرة ماتحط بالاماكن الحساسه بس كافي سودو كريم وحطي لوشن بيبي جونسن،،،،
وطبعا اي شي بتحطينه على جسم البيبي لا تكتينه بشكل مباشر لا حطي منه بايدج وبعدها حطي للبيبي،،،،،،،،
وبالنسبه لتنظيف الاذن بقطن اذون كبير نظفي اللي حوالين الاذن من برا لاتدخلينه داخل لان حتى الدكتور سالته وقال ممنوع منعا باتا التنظيف بهالطريقه،،،

اتمنى اكون افدتج بشي،،،

كل اللي يقرا ادعولي جزاكم الله خير ان الله يشفي ولدي
(اللهم اشفي فارس شفاء لا يغادر سقما)

 

[طيبة83]

انا استعمل لبنتي صابون فليتي لغسل ملابسها

وكريم جسم

وكريم الحفاظ من بالمارز واااايد زين استعمله مع كل تغيير حفاظ

 

[Um Tuki]

ابتعدي عن جونسون شامبو و صابون .. نصيييييييييييييييييييحة نصييييييييييييييييييحة

ركضي بعيد عنه ههههههههه

جربي منتجات بيجون ريحتها تهبل

و سيباميد

افضل شي لليهال لأن طبي .. خصوصا ان بشرة الياهل حساسة

البودرة للجسم .. ( الصدر و الظهر و سااعات تحت الأبط )

و اخذي كلونيا اطفال ( استخدم جونسون ) حطيه في بخاخ .. و رشيه على لثياب قبل ما تلبسينها

سودو كريم ممتاز .. اذا مناسبها لا تغيرينه و تجربين كريم ثانية ممكن ما يناسبها ..

خففي من العود و العطور .. انا كنت امسح مسح خفيف بالعود على اللفة .. ( لمهاد )

كنت استخدم عود من عبدالصمد القرشي قوليله ابي عود خفيف لليهال

و الأذن نظفيها بأعواد الأذن بس لا تتعمقين .. من برع لـ برع

 

[M!SS.LOBY]

كريم جونسون

 

[توليب q8]

عطر بالجمعيات اهو نفس الكلونيا اسمه ساره للاطفال ريحته عجيبه اذا كنتي بالكويت عند الشايع مسك للاطفال نفس طريقه الدهن عود عجيب ريحت بنتج بتصير عجيبه الكل بيسألج عن ريحتها الاقلبيه مايعرفون مسك الاطفال عند الشايع للعطور