شنو احسن واحلى بخور استخدمتيه؟؟؟؟؟

[%عسولة الحلوة%]

السلام عليكم ورحمة الله وبركاته


شلونكم حبيباتي الحسناوات

شو اخباركووون؟؟؟؟؟


شحالكم ومرحبا الساع:68_asmilies-com:


(جمعت 3لهجات ههههههههههههههه)


حبيباتي الحسناوات الغاليات عسا ايامكم ولياليكم كلللللللللللللهاا معطره باحلى العطوووور ومبخرة باحلى البخور

قولو امين

حبيباتي السنعات الغاليات

سؤالي بسييييييط وابسط من البساطة(البساطة البساطة يا عيني عالبساطة)

المهم


سؤالي اهوا_03BA:

شنو احلى بخور استخدمتيه والناس يسالونج عنه؟؟؟؟؟


لا تقولولي معمول ما احب المعمول من الله جذي ما احبه


:33_1185028183:ابي بخور عود :33_1185028183:


كل وحدة تقوللي من وين تشتريه وجم سعره؟؟؟؟_03BA:


انا عن نفسي احب من القرشي البخور العود اللي بالتوله وخذيته ب20 تقريبا او25 ما اذكر لان من زمااان

يا الله حبيباتي كل وحدة تقوللي عن بخورها


واشكركم لانكم قريتو موضوعي


ورجاءا كل وحدة تدخل تحط رد

لا تقرون وتطلعون بدون لا تحطون رد


عساكم عالقوة

ويعطيكم العافية حبيباتي الحسناوات​

 

[قبله المطران]

والله وانا نفسج ماداني المعمول

وانا عن نفسي دايم اشتري من القرشي عود مبخر سعره عشرين دينار ورووعه وريحته تجيب العافيه

لدرجه ابخر الحمام وانتم بكرامه فيه ريحته تقعد لي اليوم الثاني طبعا اعتقد كل وحده لازم يكون عندها هلبخور لانه فضيييع والكل يحبه ...

وانا بعد الاستحمام ابخر شعري فيه تقعد الريحه بشعري ثلاث ايام يجنن يابنات لايطوووووفكم

مشكووووره ياقلبي على الموضووع اللي اكيد راح نستفيد منه

 

[SILVER ROSE]

اصلا المعمول للبيوت شلون تبخرون فيه احسه بوطقة وموراقي
عندج بخور المرشود وامل الكويت لايعلى عليهم الصراحة

 

[HASB_83]

اناا المرشووود عجيييييييييب

 

[عزااااايز]

مشكورة حبيبتي عالموضوع وانا اضم صوتي لج ابي بخور عود سنع
فياليت صج اللي تعرف تقول من وين واسمه بالضبط وسعره
ومشكورين

 

[عرووووس الكون]

العود الاصلي اهو التوووووب عندي

باباتي يجيبـه من رجــآل

وتولتــه ب 300

سعره فيه صراحه

كافي لابخرنــآ الدور الارضي توصــل ريحتـه للدور الثــآلث

وتعج بالبيت اسبوووووووع

طبعــآ هذا .:. للمنــآسبــآت .:.


و للاستعمال اليومي عود معطر من القرشي ب 25

واكيــد كلكم تعرفونه !



وفيه العود الازرق من القرشي روعه وتولته ب 86

<< هذا جربيه مع مسك الختـــآم تصير ريحتج نفآذه وتمسك بالمكــآن و بيسئلونج شنو بخورج !


واذا تبين استعمــآل يومي للشقه عندج الحرميـــن يجــنن !

 

[حلاووه]

احسن بخور صراحه بخور اجمل اسمه عود مبخر عجيب

 

[sOkOnOnO]

المرشود و في محل إسمه توله بمجمع الكوت عنده بخور كمبودي وايد حلو

 

[om_5looody]

حبيبتي مشكوره وايد على الموضوع الجميل....................
الصراحه انا استخدم بخور الرصاصي (الكمبودي)

 

[barbya_q8]

قبله المطران من صجج تبخرين الحمااااااااااااااام موزين اشفيج هذا مكان تجمع الشياطين يكافينه الشر حطي معطرات فواحة بس بخور موزين لا تيبين الاذية حق بيتج هذا الي سمعته قلت افيدج

 

[نطوووعه]

بخور من العبدالمحسن تولته اب 40 هذا احسن شي سووو فااااار

 

[سـاكـــورا]

بخور من القرشي مخلط الملكي اعتقد اسمه جذي
بس سعره معروف 25 فضييييغ وسيدجنيد عود ماليزي حلو

 

[الورد للورد]

السلام عليكم
حبيبتي أحسن بخور للبيت وهم لشعرج
(معجون السلطان ) من دكان البخور وقيمته بخمس دنانير

والله الكل يسألني شنو بخورج حتى الجيران
وعموما اهديه لكل الأحبه ( أعذروني أول مره ارسل )​

 

[غصون]

عود ام خلافي ( اماراتية ) يعجبني

سعرة مناسب وكمية كبيرة

 

[رحاب]

أنا أستخدم عود مبخر من أجمل من عشر سنين تقريبا وايد عجييييييييييييييييب

وبخور الجزيرة وايد حلو وعنده مختلف الأسعار أنا آخذ اللي ب15 و اللي ب20

وعنده طريقة حلوه ( إذا ما غيرها ) إذا خذيتي تولتين من نوع واحد تاخذين الثالثة فري​

 

[%عسولة الحلوة%]

مشكورين حبيباتي الحسناوات

 

[7googya]

انا استخدم للاستعمال اليومي من الشايع اب 13 دينار الي علبته خضرره الصراحه اذا حطيته مع عطوري كل من يسالني عنه ..
يعطيج العافيه على الموضوع الحلوووو

 

[%عسولة الحلوة%]

مشكورين حبيباتي

 

[خُزام]

بخور المرشود لا يعلى عليه

 

[أحبك خفاا]

هلا حبايبي بخور الحلو ممسك الشايع الجديد تولتين 7 ونص ومعمول حنان من العبدالمحسن والقرشي لايعلى علية وعندج المرشود ثلاث تولات بخمسة حلو ورخيص وعندج بخور يجي علب عند الهنود المسني وعندج مببس وعندج بخور ام على يجي معمولة على شكل هرم صغير وعندج معجون العربية لايعلى علية واجمل حلوو بعد عود مساقى


بغيت اسال وحدة من الاخوات قالت عن معمول نعمة بفافافوم قالت يبعونة هناك وفية بعد جمعية عبدالله السالم دور علية بفافافوم مالقيتة لقيت الخلظات والعطورات بس مافبة معمول ياليت وحدة تفيدني وين احصلة :tek: