شنو احسن نوع لمميات البيبي المولود ؟ وشكبرهم. ابي خبرتكم

[اخت خالتهم]

السلام عليكم ورحمة الله وبركاته






شلونكم بنااات :eh_s(7):

شنو احسن نوع مميات للمواليد ؟

لان بغيت اشتري قبل جم يوم وخفت ان نوعهم مو زين

و جم ملي



ناطرتكم حبايبي


وادعولي ان ربي يتمم علي لي التاسع

 

[حور العيون]

احسسن نوع جربته لكتكوتي مميات دكتور براون عجييبه

 

[ام يوسف السعد]

الله يتتم عليج ويسهل ولادتج

حبيبتى احسن مميات بيجون الزجاج للطفل الرضيع اخذى الحجمين الصغير والوسط واايذ زينة هالنوعية

 

[فتون777]

صح كلام اختي ام يوسف السعد
انا خذيت بيجون الزجاج وحده الي ٦٠ ملي
والثانيه ١٢٠ اظن

اهيا افضل شي
حتى الحين وولدي كبير اعطيه بيجون بس البلاستك
والله يتمم عليك وعلي وعلى كل الحوامل يارب

 

[Model Look]

انا استخدم ايفينت البلاستيك

 

[انجبر قلبي]

احسن شي د. براون الزجاج مو االبلاستيك فظيعه وايد خفت غازات بنتي عليها و فعلا لمه اسوي فيها الحليب ما اشوف فقاعات بسطح الحليب نفس بيحون


كنت استخدم لها بيجون متروس فقاعات يدل علا ان شكثر تاخذ هوا و الياهل بروحه يعاني من الغازات لازم شي يخفف


ف الافضل زجاج حتا لو تبين بيجون اخذي الزجاج حق اول الايام و بعدين غيري لي د. براون لان اعتقد اصغر شي 4 ارقام حجم الزجاج

 

[اخت خالتهم]

مشكورين بنات
شكلي بشتري الزجاج

 

[M!SS.LOBY]

انواع المميات موجوده بالصيدلاليات انواع وأحجام

 

[&هند&]

احسن شي مميات دكتور بروان لانها ما تخل هوا تخفف غازات البيبي وما حصلتهم للاسف للحين وان شاء الله اليوم بفتر ادورهم واعطيج خبر بالخااص ،،،،

 

[انجبر قلبي]

هند انا شفت تاجرة اهني تبيعهم اذا ما حصلتيهم بالسوق والله مو ذاكره اسمها بس موجودة بالمول قسم الاطفال

 

[مناوووي]

للحين ماخذيت

 

[كويتيه صغيره]

انا استعملت لولدي مميات الدكتور براون من يبته ليما صار عمره ٨شهور حلوين بس لاحظت شغله تييب الصدر للبيبي الكل من قرايبنا اللي استعملوهم يقولون قطعيها تسبب الصدر وماكنت اسمع كلامهم ليما قطعتها واستعملت بيجون لاخظت التهاب صدره وايد خف وارتحت ويمكن من ياهل لثاني يفرق

 

[Vip qatar]

احسن نوع دكتور بروان وافينت انا يوم جربت افنت كانت ممتازة بس الحين شريتها لولدي ولاحظت المراضيع تسرب الحليب ماكانت جذية من قبل انا عبالي انا بس بس رفيجتي لاحظت نفس الشي انا استخدمتها قبل ثلاث سنين مع بنتي وكانت اوكي اما الحين حرام شريتها ولااستخدمتها الا شوي وكلة يتسرب الحليب فغيرت وخذيت دكتور بروان ووالحمدلله ماشية وايد اوكي مع ولدي وترة اصغر حجم ٦٠ مل مافي الا بلاستيك ونادر ماراح تحصلين زجاج الا اذا طلبتي من النت انا عادي استخدم البلاستيك ماعندي مشاكل بس في ناس يخافون ويفضلون الزجاج

ترى راح تشوفين ردود وايد من البنات وسبحان الله كل وحدة وتجربتها واللي يمشي مع البيبي فلازم تجربين وبتعرفين شنو اللي راح يصلح لبنتج

 

[بنك بااستا]

اناقبل جربت الزجاج ماعجبني احس ثقيل علي يد اليهال لماكنت بالندن خذيت نوع بلاسيتك يهبل

 

[موريا آدم]

شيكو البايطالى هايل

 

[حور البحرين]

انا استخدم ايفنت

 

[طيبة83]

احسن شي دكتو براون

واذا بتاخذين شركه ثانية تاكدي ان ما فيها مادة BPA لانها مضره ينكتب علي العلبه BPA free

وارجع واقول

هالله هالله

بالرضااااعه الطبييييعيه

 

[ام الحلوااات]

بــيـــجــــوووون وااااايـــــد زيـــنـــــه
اخـــذي مــنــهـــا ثــنــتــيــن زجـــااااج افـــضـــل
وحـــده حــــق الــحــلــيــب بــــــسس
والــثــانــيـه للــمــااي و الــيــانــســوون والــذي مــنــه​

 

[.. Ro3a ..]

هلا فيج
افضل شي جربته دكتور براون
حتا بالاربعين كنت استخدم كبيره واحط قدر الحليب اللي ابي
وعلى فكره موجوده في بيبي سنتر ماله داعي طلبيه وتاجرات
انا مره كنت رايحه له ولا انصدم حاطين استاند كامل كله منتجات دكتور براون من مميات كل
الانواع بلاستك وزجاج صغار وكبار ...

 

[غلاي6]

افينت فلبس بمذكير