شنو احسن مدرسة خاصة للبنات

[كنووز]

بسم الله الرحمن الرحيم

السلام عليكم ورحمة الله وبركاته


ودي اسالكم عن المدارس الاجنبية او ثنائية اللغة اللي فيها فصل اختلاط للبنات :edbf4317b9:

مثلا الانجليزية للبنات وغيرها

شنو اكثر مدرسة تنصحوووووون فيها وشنو جوانب قوتها وضعفها

اختي بنتها السنه الجاية داشة اولى ابتدائي ومحتارة

(وهل توجد مدارس اجنبية للبنين فقط؟؟؟)

ولكم مني دعوه من القلب بالتوفيق والبركة لكم ولعيالكم ربي يحفظهم

 

[*نور الكويت*]

الأنجليزية للبنات

والأكاديمية الامريكية للبنات <<< قوية

الأبداع <<< من اولى ابتدائي الفصل

التكامل <<< الفصل من المتوسط

بس اذا بنت احسن شي الأكاديمية الأمريكية واايد قوية

 

[Queen-q8]

انا بعد ابي اعرف عن الانجليزية للبنات مستواها واسعارها ومناهجها وهمن جنسية المدرسات وقوتهم ؟؟

الادراة وتعاملهم ؟؟

وهمن اضم صوتي بالنسبة للمدارس الثانية

يا ليت اللي عندها خبرة تبلغنا

 

[كنووز]

ماااااقصرتي نور الكويت الله يعطيج العافيه ويحفظ عيالج

ويا ريت الخوات اللي عندهم بعد تجارب ينقلونها

شكرا ع المررر الطيب كوين كويت وانشاء الله نحصل تجاوب اكثر عالاستفسارات ونسمع اراء حلوه

 

[اي اسم]

الحياة ثنائية اللغة زينة والفصل بين الجنسين من رابعة ابتدائي
وهذا موقعهم
hayatschool.com

 

[خليج***]

ماعندي فكرة
بس حبيت اعدل الرابط اللي حاطته الاخت اي اسم
http://hayatschool.com/

 

[Queen-q8]

اختي اي اسم ووردة بمشاعر مشكووورين وما قصرتوا بس مدرسة الحياة بالسالمية وعز الزحمة ووايد بعيدة وبعدين يديدة يعني لازم شوي يكون عندها خبرة خصوصا ان ابي للرابعة ابتدائي


على العموم مشكوررريييين وما قصرتوا



وين الباجــــــــــــــــي ؟؟؟؟؟
شدعوه محد عنده خبرة بالمدارس اللي فيها فصل بين الجنسين وثنائية اللغة

او محد يعرف عن الانجليزية للبنات بسلوى شلون مستواها ومستوى التدريس والادارة والمدرسات


انا من زمان حاطة جم موضوع عن الانجليزية للبنات بس يا محد يرد يا محد يعرف زين اللي ترد ما تقصر وتعطي رايها سواء تعرف او لا جزاها الله الف خير ويكفي انها ترد

بس معقولة محد يعرف عن هالمدرسة هني

بصراحة مادري شقول لان هذا مو اول موضوع اسال فيه وما يكون في تفاعل مادري ليش

 

[مس يو]

مدرسة حولي الانجليزية الباكستانية الفصل في ثلاثه ابتدائي والإدارة والتدريس قوي
بس المبنى كلللللللللللش مو شي يلوع الجبد

 

[Queen-q8]

مشكووورة وايد مس ليو على الرد

صح انا ما اايد الباكستانية مع انها قوية واسعارها مناسبة بس تدرين حتى الاكسنت يصير مو شيء وانا ابي يا انجليزية او امريكية او ثنائية اللغه بس اهم شيء المستوى والقوة وطبعا الشرط الاساسي انه ماكو اختلاط

مادري شرايكم بالابداع والا الانجليزية للبنات يا بنات

 

[اميرة اهلي]

مشكورة حبيبتي على الموضوع نفس اللي في بالي انا بنتي في اكسفورد اكاديمي والسنه الجايه تروح اولى ابتدائي ابي مدرسه
للبنات فقط وارخص من اكسفورد

 

[ملكة بيتها]

مشكورة حبيبتي على الموضوع نفس اللي في بالي انا بنتي في اكسفورد اكاديمي والسنه الجايه تروح اولى ابتدائي ابي مدرسه
للبنات فقط وارخص من اكسفورد

حبيبتي اللي أعرفه إن أكسفورد أكاديمي هي وحده من مجموعه مدارس الشايع ومن هالمدارس الإنجليزيه للبنات فياريت تعطينا فكره عن مدرسه أكسفورد وشلون النظام فيها والمنهج و شكثر نسبه المدرسين الأجانب فيهالأن اللي أعرفه إن النظام والمنهج نفس الشي بس الفرق بينهم وحده إختلاط والثانيه بس للبنات وشكرا وأدري طولتها باسئلتي يالغاليه :eh_s(17):

 

[~سما~]

الإبداع إبداع