شنو احسن ماكينه تساعدني في قص السلطات؟؟؟

[ام حمود@22]

السلام عليكم
انا وحده احب السلطات وايد بس اتعايز بقصهم
لان تدرون السلكات فيها وايد شغلات بيلها قص
سؤالي: شنو احسن ماكينه شريتوها حلوه حق قص السلطه
مثلا حق :الخس تسويه سلاس رفيعه، تقطيع الخيار والجزر والبطاط شرايح ومكعبات وتبشرهم، فرم الخضار الورقيه مثل البقدونس للتبوله بس شرط ان الخضره لما تنفرم ماتكون ناقعه ماي لان في شغلات تقصص او تفرم بس اطلع ماي من الخضره الوقيه او لخيا والجزر خاصه فالبشر.
ابي بجم سعرها تقريبا؟
واسمها بالضبط مو بس ماركتها؟
ومنوين؟


شكرا

 

[ايام حلوه]

ان شاء الله البنات يردون ,,,,,,,,,,

رفع
رفع

 

[نور القمر]

ويه

يا كثر ما يعرضون لنا هالاشياء اللي تسوي السلطات
وكل يوم والثاني زوجي يجيب لي نوع لانه هوايته سلطات خضراء

وشغلتي اني اجرب واتركهم على الشلف
عندي السكين وايد افضل واسرع

ما عليج من اللي تشوفينه بالعرووض كلها خفت يد من اللي يسونه
لمن تشتري انتي يصعب عليج تسوي مثلهم

هذا رأيي وبراحتج

 

[شيــوخه]

صراحه انا ماعمري جربت شي من هشغلات الي تقص السلطات افضل السجين احسن

 

[أوكسجين]

احسن شي السجين والقطاعه

 

[قطرية 83]

صح عمر هالمكاين ماكانت عمليه

كلهم بس يبون الشراء والربح

واذا جيتي البيت

راح تكتشفين ان الوقت اللي بتستغرقينه بالآله لسلطة وحده

بتقدرين تسوين فيه عدة سلطات وتشكلين فيها

انا مطبخي فيه الانواع كلها للالات ولا وحده جابت راسي

 

[Anestazya]

والله امي شاريه حسافه من سوريا ومت عليه قطاعه تقطع الطماط نفس بعض وحركات

 

[شانيل نمبر 5]

يا كثر ماشريت وشريت......احسن شئ السكين

 

[ام حمود@22]

مشكووووووووووووووووورين على ردودكم حبايبي
وبصراحه انا مثل رايكم احس السجين شغلها اضبط واحلى وكان عندنا ماكينة تقص شرايح وتبشر بس اطلع ماي معاهم فتطلع الخضره ملبده
بس مرت حماي تقولي رفيجتها تمدح ماكينه تقص اشكل وانواع عجيبه
قلت لها سألي رفيجتج شنو هالمكينه وللحين ماردتلي خبر من سنه
ففكرة اسالكم احسن واسرع
مشكورين مره ثانيه واذا وحده عندها راي ثاني تكتبه لو تسمح

 

[بنت الكويت العسل]

عندج بمحلات الشعبي تلقين هالادوات تصير ست كامل تقطع السلطه في منها اشكاله