شنو احسن فندق بالكويت رحتيله انتي وريلج ؟؟؟واستانستي فيه ؟؟؟

[الـزين و الجـود]

السفير في المهبوله مادري ببوحليفه.

 

[[[ عيون جابر ]]]

انا حجزت فندق مرينا حق راس السنه حق هالسبت قصدي مع كيكه وعشى
الغرفه الي بالدور الارضي. ب١٤٠ دينار
والغرف الي بالادوار الي فوق ب١٢٠ دينار
حلو ومرتب

 

[[[ عيون جابر ]]]

وجربت موفمبيك البدع حلو ومرتب عجبني

 

[BaTTy]

الي تبي جاكوزي بكوستا ديل سول بكوستا سويت وايد حلو
الغرفة الي اكبر منها فيعا جاكوزي بعد بس صغير مال كوستا سويت اكبر
و الي بتوفر في بميراج سويت
و في اب بالمز الي اهو النخيل بس مو شرح المكان مادري
و في شقق اثينا شي جذي
بس كوستا افضلهم

 

[غروري ذابحهم]

فندق الموفينبيك المنطقه الحره الجناح البلوماسي جنه اسمه جذي فيه مسبح خاص يهبل ب١٥٠
وكوستا ديل سول حلو بعد

 

[غروري ذابحهم]

بدليه بنات الدبلوماسي قصدي شابكه من الايفون عادي طوفوا

 

[7bebt-nfsy]

الفنادق ما فيها مسابح خاصه اخذي منتجع شاليه .. النخيل وايد حلو و موفنبك
تقبلي مروري اتمنى اني فدتج

 

[HaMboOoSha]

والله انا رحت مره المنشر
وكان حلو زوين بس اللي احلى شي انه السوق تحتج والكوت قبالج وجو ثاني تحسين جنج مو بالكويت عجيب المنظر من الدرايش

و رحت missoni ميزوني حده خيال من ناحية النظافه والديكور وجوووه حده رومانسي وكشخه واكلهم وايد حلوو والمنظر عالبحر وااااو بما ان احنا بالشتا الحين

عاد ماادري هالراس السنه شمجهز ريلي من مفاجأه 

 

[$$king moon$$]

اذا تبين مسبح خاص عند الموفمبك بالمنطقه الحره
رويال سويت بس هذا موالحين حبي اتروحين بالصيف
انا رحتله حده وااااو
وعندج كوستا حلو فيه جاكوزي
حبوبه اخذي اي فندق فيه جاكوزي مايصلح الحين
مسبح

 

[Model Look]

رحت النخيييل جنه شاليه حلو

ورحت ريجنسي حده ذرب

ورحت هيلتون المنقف رووعه قعدت باكبر شاليه له حمام سباحه خاص بس مفتوح (محد يمر يمه ) خذيت راحتي ههههه

 

[f6oma 1991]

اب اب اب

 

[بنات حواء2]

للرفع

 

[umm-7asson]

واي انا كله أقول حق ريلي خل نحجز فندق ليلة بالفحيحيل وموراضي كله يقول لا لا لا وما عندي وقت وحق ربعه يفضالهم

 

[cute_batoota]

ريجنسي اليديد واااايد حلو
موفنبك البدع وايد حلو
الشيراتون وايد حلو
مارينا ماحبيته كلش
هيلتون المنقف روعه بس جربت الشاليه مو الغرفة
طبعا كل الي قلته جونيور سويت
موفقة حبيبتي

 

[ضحاوي الديره]

جربت الرويال سويت بالموفنبيك رووووووعه بحمام سباحه داخلي

 

[وآحشنــي زمآنـك]

الهيلتووون هادي وراقي . .

 

[نور الضوى]

رحت
missoni

كاااااااان رووووووعه روووووع بمعنى الكلمه
و الفندق فررررنسي حده عجيب وراقي ورومنسي
واللي فيه يشتغلون كلهم فرنسيين
واجوائه حلوه اخذنا سويت يطل ع البحر و الابراج نشوفها من بعيد
ومطعمهم طبعاً فرنسي اكله عجيب و نظيف
انصحكم فيه

وعلى فكره هذا اول فرع له بالشررررق الاوسط

عندي صور لروحتنا بحاول انزلها لكم

 

[HaMboOoSha]

نور الضوى

والله صاااجه انا رحت ميزووني صج صج كلمة روعه شويه عليه
والخدمه افضل من اي خدمه باي فندق
مو الهيلتوون الخايس
<<< فيها حره بتطلعهااا

انا الحين حالياً بهيلتون المنقف
ريلي مسيجين حاجز شاليه عندهم مسويلي مفاجأه
المهم اول شي كنا بنطلع ٢ الظهر من البيت عساس نوصل مبجر بس صار شغل عند ريلي اضطرينا نتأخر لي الساعه ٤
وطبعاً اهوا حاجز دور ارضي انا وياه و ولدنا
يعني بديهياً لازم يحطون سرير بو نفرين

اول ماراح يسوي الاوراق وجذي قالوله انت بالدور الاول
قالهم انا حجزت دور ارضي !! شهالمصخره

طبعاً دشينا الشاليه شكله حده عادي جنه شقة مصاروه!!
والسيراميك مكسر
وجيكنا عالغرف والا كل وحده فيها سريرين مفصولين عن بعض
دق عليهم ريلي جان يقولون له اوكي شوي ونعطيك خبر نشوفلك شاليه ثاني!

طبعاً نص ساعه وما دقو
دق ريلي قالهم الموضوع مره ثانيه
و واحد يحول عالثاني
ليما كلمنا واحد مصري

قال اذا تبي ندز السراير يم بعض قالهم ريلي لا
شوفلي حل ثاني
دق بعد ربع ساعه قال لقينا بس لازم تشيلون قشكم وتروحون له!
قلت لريلي والله ماراح اروح خل يدزون السراير وبس

اووف زهقت!!!!!

وتخيلوو عساس بنوصل مبجر عشان ناكل
وليلحين ما اكلنا!!

وربي زباله مو الهيلتون

فرق فرق بين ميزوني والهيلتون

صج مستويااااااااات!!!

انصحكم لا تروووحوووون الخدمه خياس

 

[•Brown•Sugar•]

منوووو اللي يبي مسبح خاص وبعز البرد

 

[د. فاطمة]

موضوع حلو
ومنكم نستفيد