شنو احسن فنادق بانكوك وبوكيت..دشوا فيه اقتراحات عطوني رايكم فيها

[q8engineera]

السلام عليكم
1- انتركونتينانتل بانكوك
2- مريديان بوكيت
3- ماريوت بانكوك
اشرايكم في هالفنادق في تايلاند من ناحيه النظافه والفخامه وتنوع المطاعم وقربها من المجمعات ؟؟
وبالنسبه حق فندق انتركونتينانتل وماريوت هل موقعهم يم السوق ولا لازم سياره؟؟انا قصدي اذا يم مجمعات سيام..
وفندق مريديان بوكت منو جربته وشلونه من ناحيه الفخامه والموقع؟؟
وفيه بعد فندق اسمه مادري شنو برينسيس ...لووول نسيت اسمه الاولاني:dيقولون يم سوق ام بي كي ..تنصحوني فيه؟؟

بانتظار نصايحكم وشاكرتلكم مقدما......

 

[q8engineera]

up...

 

[q8engineera]

اشدعوة يا بنات طالبتكم وتردوني:bbbiu:

 

[DaShTeYa_Q8]

أحنا كل مانروح تايلند ببانكوك نقعد بـ هوليدي إن جنه يم ماريوت
وااااايد راقي و نظيييف غير البووفيه مالهم

وو بعطلة 15 بعد حاجزيين و بنروح ..

دايما أي منطقه نروح لها نقعد بـ هوليدي إن

بس بوكيت ماعرف والله مراح نرووح لها ..

 

[DaShTeYa_Q8]

و بالنسبة للفنادق إلي قلتي عنهم إنشالله بسئل أبوووي
و أقولج لأن خبيير تايلند لوولز

 

[kooka83]

انا توني رادة من بوكيت وقعدت في هوليدي ان
بس انتبهي على الحمامات ( وانتي بكرامة ) ان نظام عربي مو اوروبي
ولا راح تتوهقين

 

[ام احلى خلودى]

بانكوك عندك نوفتيل سيام سكوير ينن ويمج السوق كل الاسواق يمج ولازق فى mbk

بوكيت عندج بلو مارين نظام شاليهات بس عجيب وعندج هوليدى ان

 

[دلع الكون]

بانكوك فندق ( ماريــــــــــــــــوت ) وايد حلو وعند سوق الليل والمطاعم العربيه والفندق 5 نجوم .

بوكيت فندق ( ميلينيــــــــــــــــوم ) فندق حيل راقي ويمه كارفور ومجمع كبير وموقعه متميز ( والحمام ) أكرمكم الله في هوز للغسيل وهذا اهم شي ... لكن للمعلومه الفندق غير مطل على البحر . لكن الفندق يستاهل 5 نجوم وانا كنت ساكنه في شهر 3 / 2010

 

[رفووعه]

انا الحين اب بوكيت جربت 3 فنادق
1- رويال بالم عالبحر مباشره بس يقمت ماعجبني
2- c&n حلوو نظام شاليهات وهادي
3- لا فلورا اينن حده قوووي خذينا الفيلا عشان الحمام سباحه الخاص وااااو حده خيييالي ماودي اطلع منه

 

[6anaya_girl]

هلا حبيبتي اول شي موفقه بسفرتج وانشالله تستانسين
انا بختصر عليج وبعطيج الموقع اللي على طول نحجز عن طريقه بكل سفراتنا
هالموقع راح تحصلين فيه كل فنادق تايلند بانكوك وبوكيت واسعارها بالدينار بعد
ماعليج الا انج تحددين المكان والتاريخ والعمله
هذا الموقع وعطيني رايج
http://www.asiarooms.com/

 

[حورية البحر 1]

السلام عليكم
بالنسبة لبوكيت أن سكنت في فندق هوليدي أن قعدت فيه يومان وبعد سكنت ميلينيوم قعدت 3 أيام بصراحة أحسن فندقين في بوكيت وموقعهم زين يكون على شارع باتونك بيج

 

[om MaRyooM]

هلا والله

بالنسبة لمواقع الفنادق اذا دشيتي موقع asiarooms رح تشوفين الخريطة

اما اذا تبين فنادق قريبة من المجمعات المعروفة في بانكوك عندج فندق amari و grand diamond و novotel


وبالنسبة لبوكيت مادري والله بس احلى فندق جربته 3مراات وماينمل منه اهو millinnium صاير عند مجمع gynccylon بالظبط ويم المطاعم وستاربكس وجدامه بشارع تلقين البحر علطول ..

ومسبح الفندق شي عجييييييييييب ويونس ومحد يطالعج