شنو اجهز الحين؟؟

[شـيـخــهـ الزيـنـاتــــ }..]

السلام عليكم


شخباركم عرايس؟

صباحكم ورد و جوري

:blueSmCLR:

بنات انا مملكه ولي الحين ما تحدد عرسي و شكله مطول على ما يتحدد

وبسأل شنو اجهز من الحين ؟ شنو اشتري و من وين؟

ابي افكار وشغلات ما تخلص موضتها و تفيدي حيل بتجهيزي

سنعوني يالسنعات فديتكم :wqedqw:
واذا عندكم مواضيع عن الترتيب وهالشغلات حطوهم الله لا يهينكم
والله اللي ترد علي برد يفيدني لأدعيلها دعوة من قلب

بس بليز لا تبخلون علي
​

 

[هــنــوف]

رد : شنو اجهز الحين؟؟

هلا شيوووخه موفقه يااااااااارب الي تاخذينهم من الحين
الملابس الداخليه قمصان النووم والبجااايم ودراريع خفيفه للشقه شباصات جم تنوره جنز وساده بديات داخليه ساده تكون علاق او نص كم حق البدل بعدين اكسسوارات نص العطورات


تقريبا متى راح يكون عرسج ؟؟

 

[شـيـخــهـ الزيـنـاتــــ }..]

هلا هنوف حياج الله

يعطيج العافية حبيبتي والله ماتقصرين

انا ابي شغلات مثل صناديق الاكسسوارات والساعات

من وين تاخذونهم؟

وسرداب الشايع وينه؟؟

والله مادري متى العرس يتحدد حياكم :082502bye_prv:

 

[Peony]

رد : شنو اجهز الحين؟؟

حبيبتي في شغلات تسوينها الحين واايد تفيدج وفي شغلات تشترينها
بسم الله الرحمن الرحيم
بكتبلج الي اذكره من جهازي انا عروس من سنه احم احم
اول شي شغلات اسوينها
مثلا
تهتمين بجسمج من ضعف ومتنه يعني اذا متينه بلشي رجيم استفيدي من الوقت الي عندج دام ليمن الحين ماتحدد عرسج
تهتمين بشعرج من خلطات وكريمات وزيوت ومن داخل عن طريق تغذية صحية
تهتمين ببشرتج كريمات خلطات تراجعين دكاترة متخصصين اذا في مشكلة بالبشرة اسمرار بماكن معينه او حبوب ممكن يعطيج كريمات او ابر نضارة على حسب
تشربين ماي وايد عودي نفسج من الحين غلى هالشي
ثاني شي
شغلات تنشرى
اذا جسمج حلو وواثقة ماراح يتغير من الحين لي وقت العرس اشتري بجايم وملابس داخلية وقمصان نوم وبديلت للدراريع الي اكمامها شفافة تاخذين الوان ثابته وال اهيا اسود و ابيض و بيج كبداية
واذا حاسة راح يتغير جسمج اخذي شغلات بحدود التفير
يعني اذا تلبسين لارج الحين وتتوقعين بعرسح تضعفين تلبسين مديام اخذي هالشغلات الي قياساتهم مابين الاثنين وتلقين يكتبون على الملابس شنو القياسات المفترضة
اشتري المكياج الي مايخرب مثل البودره المحدد كحل داخل العين
اشتري العطور الستاندر الي تحبينهم نصهم مو كلهم واحفظيهم بمكان بارد وجاف و مظلم عشان مايتاثرون باي عامل خارحي
اشتري استشوار
طبعا سجادة صلاة وقران وثوب صلاة
*تعلمي ترقين نفسج بشكل يومي للاسف انا ماسويت جذي
وبشهر الي بيكون فيه العرس لاتنسين تبيضين اسنانج حق الصور الحلوة
وللحديث بقيه ان عجبج كلامي :friends:
وادعيلي اتوظف واحمل اب بيبي افرح فيه زوجي
يااارب توفيقك يااارب

 

[شـيـخــهـ الزيـنـاتــــ }..]

ياااااااي وناسه

كلامج يونس والله
الله يعطيج العافيه و يفرح قلبج بالعيال الصالحين المعافين السليمين اللي ماكو مثلهم

ياااااااااااااااااارب ارزقها من حيث لا تحتسب و ابعد عنها العين اهي و هنوف
بس في شغله ما فهمتها شنو هي البديلت

والعطور ما يخربون؟

:wqedqw:

 

[هــنــوف]

رد : شنو اجهز الحين؟؟

سرادب الشايع تحت محلات البشوت بالمباركيه حددددده عجيب صناديق الساعات والاكسووارات عندج سنتر بوينت وترفاليو بالشويخ ورا النصر الرياضي الي ورا لافنيو

لا حبيبتي شكو يخربون العطور خليهم بالكرتون وبين فتره والثانيه حطيهم بالثلاااجه

 

[هــنــوف]

رد : شنو اجهز الحين؟؟

البديات الي تلبسينها مع البدل الي تكون فتحت الصدر كبيره او شيفون تلبسين تحته بدي علاق

 

[Peony]

رد : شنو اجهز الحين؟؟

حياتي تسلمين
هذي طال عمرج بدلياتي لاني قاعدة اكتب بالاي باد هههههههه
قصدي بديات
اذا ساكنة فبيت حمولة وفي دراريع شاريتهم عجبوج بس كمومهم شيفون او تور شفافة يعني لازم تلبسين تحتهم بدي فا اشتري الوان اساسيه تفيدج للدراريع وللبدل اسود ابيض ووبيج
والعطور في عطور اذا كانو مكشوفين حاطتهم يم الدريشة مثلا و ٢٤ ساعة طاقتهم الشمس او اضاءة دارج قوية يتاثر لون العطر من شفاف مثلا الى اصفر
عشان تتفادين هالشي خليهم بعلبتهم لما تشترينهم لاتبطلينهم وحطيهم بكرتون او صندوق او تحطينهم بدرج وتصكرين عليهم بحيت يكنون متخزنين بدون تعرض للاضاءة
بالنسبة لصناطيق الاكسسوارات
انا شريت من سنتر بوينت شكلهم حلو لما ينحطون على تسريحة العروس
اما اذا تبين سرداب الشايع لما تروحين سوق الديرة المباركية يا ولد الحجية هههههه سئلي اي احد ويدليج عليه سهم ومايضيع

 

[قطوه بطه]

رد : شنو اجهز الحين؟؟

اااااناااااا مثل حالتج ,,

بس بالنسبه لي اقول اهتمي بنفسج خلطات رجيم شعر بشره ليزر

لان يبيلهم وقت

ولتجهيز سهااالاااات

موفقه

 

["خانتني دموعي"]

رد : شنو اجهز الحين؟؟

هلا شيوووووووووووووخه ياقلبي موووووووووووووووووفقه ان شاء الله
اول شي الشغلات اللي تحتاج اهتمام مثل
- اذا بخاطرج اتسوين ليزر بلشي من الحين
- اذا شعرج خفيف بلشي عنايه فيه حطي له حنه ودهن وماسكات وهذا رابط فيه خلطات
http://www.q8yat.net/showthread.php?t=39773
- بشرتج عالجيها من الحين اذا مو صافيه
- الشغلات اللي تنفع لوقت الدوره عزكم الله تلقينها بهالرابط http://www.q8yat.net/showthread.php?t=760279

ثانيا الشغلات اللي تشترينها من الحين
عندج البجايم الحرير والاقطان والقمصان تلقينهم بمحلات الجميع ماكس ماركس اسبنسر لاسنزا رد تاغ اخذيهم حزة الخصومات
الشوزات وانتي بكرامه تشري منهم الحين بعد فتره بيدخل الصيف بتلقين يسون خصومات عشان الكولكشن الجديد
الجينزات التنانير القصيره البديات تلقيهم بكل مكان
بالنسبه لسرداب الشايع في سوق الديره وين صوب سوق السلاح بالسرداب اسالي ويدلوونج
وعندج للمكياج زلزله ومنصور وشاهبندر ينزل شغلات حلوه للمكياج والبوكسات
وفي ترفاليو اللي ورا الافنيووز شغلات حلوه البوكسات والفوط واي استفسار انا تحت امرج

 

[Peony]

رد : شنو اجهز الحين؟؟

انا كان عندي عطر من لندن ياني هديه سنه ٢٠٠٨ اعتقد اسمه trish mc evoy
لما حطيت بخاخة مو الرعاص ماله تغير لونه مع الوقت لان داري اضاءتها قويه وصار لونه اصفر مو شفاف وهذا من لندن بعد مو مغشوش المفروض بس جذي في عطور يبيلها اول شي عناية

 

[الرشا 2003]

رد : شنو اجهز الحين؟؟

قمصان النوم ولبس البيت واي شي فيه تنزيلات تسوا اخذي مثلا جنطة ماركة موديل السنة اللي طافت بس مسوين عليها تنزيلات تسوا اخذيها تكون تبديل لج

 

[** ام ملك **]

اولا وقبل كل شئ اكتبي كل ماتحتاجين بورقه
وابدي بالرااااحه بم ان زواجك لسى ماتحدد
وبعدين ابدأي بمثل ماقالوا لك البنات

والف مبروك
الله يسعدك :yaaaaaarb: ..

 

[شـيـخــهـ الزيـنـاتــــ }..]

يااااااااااااااااااااااااااااااااااااااااااااعلني ما اخلى منكم

فديتكم حبيبااااااااااتي والله

عسى الله يفتحهها بوجهم وين ما رحتو و يخليكم لازواجكم و يخليهم لكم

و يرزقكم احلى ذريه و يصلحهم قولو اامين

جم بجامه وقميص و ملابس داخليه اشتري؟

يعني اروح مره وحده و اشتريهم ولا انطر التنزيلات

وانا مفكره اشتري الشغلات اللي صج تعمر :ggdw: :rerrerek: مثل الكورسيهات و الستيان اللي فيه سليكون يمدحونه

عاد قلت يمكن اشتري الجنطه اول

بعدين اشتري الشغلات اللي ترتب التجهيز عرفتوها ..فيدونا الله يجزاكم خير
والله كلامم برد جبدي
خلوه مرجع لكل العرايس

اب :**

 

["خانتني دموعي"]

رد : شنو اجهز الحين؟؟

شوفي البجايم كثري البجايم القطنيه لانها اكثر استعمال
والملابس الداخليه اخذي اللي الدانتيل والشغلات هذي طقمها وكثري من العمليات اللي بقطن اريح شي
الحين فترة تنزيلات هلا فبراير وكل ما شفتي شي وعجبج وما يتطوف اخذي وخشيه
وبالنسبه للكورسي على حسب استخدامج اذا تحتاجينهم
وبلشي وحطيهم بجنطه وخشيها بعيد عنج عشان لاتلبسينهم او تملين منهم

 

[a7la siorah]

انتي نفس حآلتي ماتحدد عررسي

بخصوص الشغلات الي ماتروح موضتهم وتقدرين تجآهزينهم

الملابس الدآخليه & البجآيم

مري كذآ مكآن ونصيحه آخذي من كل محل قطعه او قطعتين عشآن تقدرين تنوعيين:wqedqw:
بقولج المحلآت (( نعومي // فكتوريا سيكرت // سنتر بوينت // مآكس // آويشوو // لاسينزا // اج اند ام // بيكوكس // فآشن مل ))

بدل البيت

مري محلآت الافنيوز(( نيولوك // اج اند ام // فورايفر // سنتر بوينت // برشآ // ريفر ايلاند // بيكوكس ))

اخذي منهم بديآت و جيزات شورت وبرمودآ ونفآنيف وحركآآآآآآآآآآت تحلي الجسم وبعد اشتري بدي الي يكون نظآم كورسيه والبسي عليه جينز سكييني :lololoe:

الاكسسوارات

مري محل (( كليرز // ساره كولكشن // الحفآر // اكسسواريز // اج اند ام // فور ايفر // سنتر بوينت........)) شكثر محلآت انتي كل محل تروحين له مري صووب الاكسسواريز وخمطي شوي شوي الي يعجبونج :rerrerek:

اشتري الي تقدرين عليه والي تسمح لج ميزآنيتج

ووتقدرين تشترين صنآديق للمكيآج والاكسسوار تلاقينهم بـ سنتر بوينت

والملابس الداخليه و قمصان النوم اشتريهم صندوقين طقم

وومري ايكيا اشتري مقسمآت وصففي الملابس الدآخليه في انواع شكثر اختاري الي يناسبج وحطيه دآخل الصندوق

وبخصوص القمصان النوم حطيه داخل جيس اورقنزا تلاقينه ب محل بياع الورد قبال مستشفى دار الشفى الجديد وصففيهم داخل الصندوق


وما انصجح تشترين شي ثاني مثل (( عطور // مكيآج // درآريع )) خليهم لما يحددون العررس تشترينهم عشان ماتروح موضوتهم وتتحسفين :gr4uu:

وانا ابحث لقيت وحده جهازها حركاته حلووه شوفيه
:rerrerek:
http://www.blqees.com/vb/showthread.php?t=250843

بررب :wqedqw:​

 

[ابتسامة نثيه]

رد : شنو اجهز الحين؟؟

لحظة حيااتي شلون تجهزيين عطووج المهر؟؟؟؟؟؟؟

 

[vanilla-D]

رد : شنو اجهز الحين؟؟

انا نفس حالتج حبيبتي سيرغي اول شي رحت دبن هامز شريت عطور و مكياج
و رحت سوق الديره شريت طقم جناط سفر عشان احط فيهم جهازي و شريت فصان نوم و بجايم حرائر من الجميع و ماكس طبعا ماكس خيااااااال رخيييييص على دينارين الأطقم يا بلاش لحقي عالتنزيلات و امس رحت سيتي سنتر سوق السالميه ما خذيت الا دلاغات و هيلاهوبات نصيحه بنات لا تروحون لانهم لا ذمه ولا ظمير رافعين الأسعار فوووووق الملافع بو دينار و نص مسوينهم علي ٤ و ٦ دنانير و رحت حوش السالميه شريت جواتي و ملافع و بعد جاري التسوق

 

[أحلى عروس 2012]

رد : شنو اجهز الحين؟؟

شيخخخخخخخخخخة
ملابس الطلعه معاه
ماادري عنكم انتم لازم عبي
بس هذي وايد مهمة
يااااااربي يوفقنا لشي الحلو والرخيص:n2006107: ياااااااااااااااااااااااااااااااااااااااااااارب

 

[نيو سيدنى]

البنات ماقصروا
يعطيكم الف عافية