شنو أهمية هالمناسبات عندكم ؟؟؟

[( مي )]

هاي
:balo:





طبعا اكيد مافي وحده منا الا تمر عليها اهي وزوجها هالمناسبات
عيد ميلاد واحد منهم
عيد زواجهم
عيد الحب
وفي ناس تحتفل حتى بيوم الخطوبة ( ما ادري اي تاريخ انخطبت :dddds: )


لاي درجة انتوا للحين مهتمين انكم تحتفلون ابهالمناسبات ؟؟؟
وهل تعتبر مهمة لكم انتوا ال 2 ؟؟؟؟

مثل مسكينة مرت اخوي ابكل مناسبة تسوي هالحفلات وتنقل ابهالكيك والهدايا واخوي ابد مو معترف ابهالسوالف ....
وانا وزوجي قبل مهتمين وبعيد زواجنا لاااااااااااازم نحجز غرفة بفندق ،، بس الحين صارلنا سنتين بردنا لا مناسبات ولا احتفالات ولا هدايا وان طلعنا نتعشا بره لمناسبة من هالمناسبات تصير الطلعة باردة ،، جنه طالعين عشان نحافظ على عادة معينة والسلام ،،،،



فهل انتوا مهتمين ابهالشي ؟؟؟
ومنو يهتم ويبادر فيها اكثر انتوا ولا ازواجكم ؟؟؟؟​

 

[نواره الحلوة]

الحمد لله آنا وريلي وايد حريصين على هالمناسبات وانتهادا فيهم وانشرك اليهال فيهم يعني السنة اللي طافت سوينا عيدميلاد ريلي ولبسنا كلنا ملابس تنكرية ومتنا من الضحك ويبنا الكيكة واليهال ارسموا حق أبوهم رسمات يعني هدية منهم .....

 

[*باجر أحلى*]

اليوم كان يوم زواجي
وطول اليوم مايبنا طاري للسالفة مادري حسيت مايجوز
بس دزيتله مسج حلو ورد علي
وفي هاليوم كان علي الدورة واول مرة نتعشى مرقوق~~~قمة الرومانسية

 

[z8rtia]

اليوم كان يوم زواجي
وطول اليوم مايبنا طاري للسالفة مادري حسيت مايجوز
بس دزيتله مسج حلو ورد علي
وفي هاليوم كان علي الدورة واول مرة نتعشى مرقوق~~~قمة الرومانسية

لووووووووووووووووول بالعافيه

 

[الــفــجــرالــبــعــيــد]

احم احم انا عن نفسي للحين ما احتفلنا بأي عيد زواااج لانه للحين ماسوينا العرس وملجتيي كانت بشهر عشره وعيد ميلاادي تو الناس عليه لوووووووووول
بس طبعا ياويله اذا مر عيد ميلااادي او ملجتنا وماسوالي حفله وجاب لي هديه لوول لانه هالاياام حيييل مهمه وتجدد الحب والعلاااقه بين الزوجين

ومشكوووووووووووووووووره اختي على موضوعج الحلو ماقصرتي فديتج

 

[احبج يا الكويت]

يعني مو احتفال احتفال هديه + عشا برا عشان لا نندثر بالزحمه وننسى عمرنا لووووووووووووووووووووول

 

[رايقة1980]

شنو أهمية هالمناسبات عندكم ؟؟؟

ماتعني لي اي شي

متى مافضينا من ضغوط العمل .. احتفلنا

 

[ام سعودي باشا]

اليوم كان يوم زواجي
وطول اليوم مايبنا طاري للسالفة مادري حسيت مايجوز
بس دزيتله مسج حلو ورد علي
وفي هاليوم كان علي الدورة واول مرة نتعشى مرقوق~~~قمة الرومانسية

كخخخخخخخخخخخخخخخخخخخخخخخخخ ضحكتيني على المرقوق شكو عاد لو وياة غوري حلبة تكمل

 

[( مي )]

نوارة
ماشالله وناسة تخيلت الجو حلو انشالله دوم وناستكم

باجر احلى
كل عام وانتوا بخير ،، والله لا يفرقكم بس عشاكم صج رومانسي لوووووووول

z8rtia
حياج الله

الفجر البعيد
الله يوفقكم انشالله ومنورة

3alia_ice cream
اي صح جذي قبل فيها نومة فندق الحين ابد ما ادري شفينا !!

رايقة
اي والله ساعات الواحد يعيش بلوية​

 

[حبيبه بدر]

والله انا بالبدايه كنت مهتمه بس يوم شفت انه واثق اني بسوي شي وهو قاعد طنشت صار لي سنتين
بس جني الحين ولهت على يوم
خخخخخخخخخخخخ

 

[فرنسا]

طلعنا نتعشا بره لمناسبة من هالمناسبات تصير الطلعة باردة ،، جنه طالعين عشان نحافظ على عادة معينة والسلام ،،،،
مثل ماقلتي الطلعة روتينية مادري تعودنا على المطاعم ؟؟؟؟؟؟بس انا احرص عالهدية واقعد مدة افكر واهو يسالني جني ما افهم .....شنو عطور حلوة نازلة؟؟؟يعني ما قال هههههههههههههه واللي اقول اسمة ايبة وساعات واحنا طالعين يمر فيني مكان ويقولي اشتري لج شي انا ماعرف انقي لج .........وانا عندي لو معطيني الفلوس بظرف احس...لاني لمن انقيها احس كاني انا شاريتها .........لا وكلة بصوب وعيد ميلادي ولا ميلادة بصوب ........صاروا عيالي اهم يخططون لنا الحفلة وينقون الهدية بعد ههههههههه الله يحفظهم ويخليهم لنا

 

[( مي )]

حبيبة بدر
اي يا معودة ونسي رروحج

فرنسا
ماشالله الله يحفظهم لكم انشالله ​

 

[Pink Angle]

احنا مهم عندنا ذكرى زواجنا .. وآنا احب احتفل بعيد ميلاده بس اهو مو زود مع هالسوالف

 

[الباحثه]

بالنسبه لي عادات حلوه وما ودي تنقطع بس الظروف ساعات اتحكم عليج انها تنقطع
بس بذكري عيد زواجنا احاول اذكره بمواقف ليله الدخله واطلع له صور العرس ونضحك ونعلق عليها واكتفي بكلمه كل عام وانت بخير وبس
ما ودي اضغط عليه ازياده موشرط كيكه وهديه كفايه الضحكه وراحت البال
بس عيد ميلادي يا ويييييييييله اذا ما جاب لي هديه لوووووووووووول

 

[سمسمه السعوديه]

ما تعني شي ولا مره اهتميت بالعكس انا عودته على كذا
مااحب اتقيد بشغله معينه

 

[Pettita]

امممم بس عيد زواجنا و عيدميلادنا و راس السنه و اول يوم تعرفنا فيه على بعض ..شبقى بعد؟ لوول بس والله لازم نحتفل شماخذين من هالدنيا خل نستانس و اذا ببرد اهو بعد بيعطي طاف فانا معلمته هالاشياء مهمه بحياتنا كلهم جم يوم بالسنه نغير جو ونكسر روتين لو مايكون فيه هدايا بس على الاقل يومنا يتغير نظامه​

 

[راجية الرحمة]

الي اعرفه انه مايجوز الاحتفال بالمناسبات هذه بنفس التاريخ يعني تقدمين او تاخرين وما تسمينه عيد
انا عن نفسي احتفل بذكرى زواجنا وماتقيد باليوم نفسه ممكن قبله بشهر واحيانا بعده بشهرين حسب الظروف وانا الي احرص واجيبله هدية واسويله ليلة حلوة وغريبة اكسر فيها الروتين عاد هو يخجل من نفسه ويقول نسسسسسسسسسسسيت وثاني يوم يجيب هدية اما تاريخ الميلاد ماانصح بالاحتفال فيه لانج بتذكرينه انج كبرتي سنة خلج دايما صغيرة بعينه

 

[كويتيه والماسه]

اهم المناسبات يوم عقد قرانه وعيدميلاده وعيد ميلادي يارب يخلينا لبعض

 

[ام عفاف الكويت]

هذي المناسبات اللي ترفع الضغط
كنت اول سنه اخب عمري وحالتي حاله وهو كثر الله خيره ايي ههههههههههههههه
والله دوانيه وان رجع قال تعباااااااان
والمشكله اقوله لاتنسى ترى عيد زواجنا او عيد ميلادي او عيد الحب يضحك ويقول اي ان شاء الله
بعدين يقول المسلمين عيدين انتي جم عيد عندج ههههههههههههههه
حتى امس اقوله عيد الحب يقولون الناس بعد جم يوم انا 3 سنوات يبت لك والحين نفاس ماقدر ايب لك قال بلا خرابيط هالعيد
حده مدقر فينا ههههههههههه بس لما يخلص اليوم يقول ياحليلج متعبه نفسج شنو هالكيكه وهالكشخه اشوه يقول لي شكر

 

[(( حــــبوبه ))]

انا صار لي سنتين من تزوجت
بس ما احب اطوف ولا مناسبه
احب احتفل بكل المناسبات
وانا الي اسوي المفاجات دايما
بس الحين احس انه بدا يشاركني
ومشكووووره عالموضوع