شنو أهدي رفيجتي العروس ؟؟

[نور العرب]

مرحبا عرايس

ماعليكم أمر رفيجتي عروس
وعرسها الشهر الجاي

أبي أشتري لها هدية جديده وغريبه مابي تقليديه

شنو الهدايا اللي جتكم وحبيتوها وحبيتوا فكرتها ؟؟؟

 

[انا لحبيبي .]

افضل شيء انك تساليها شو ناقصها وشو محتاجه ، لانه اكيد عروس وجابت كل شي بنفسها

اساليها عشان ماتجيبي شي مكرر

 

[قاهره عذالي]

هو احلى شي للعروس

انه تشترين لها بخور او عطور


عندج مجموعة كشخه من سويس اربيان حيل حلوه وتصلح حق عروس ( فيها لوشن ومعمول وبخور عود ودهن عود وعطر بخاخ) كله ريحته وحده وتجيج المجموعه بعلبه ذهبيه حيل كشخه شكلها

او تشترين لها طقم صلاة يبيعونه اهني التاجرات

او مجموعة عطر فرنسي مثل عندج عطر كوليستار الوردي مع بودرته ولوشنه

او مجموعة جسم من زهور الريف او نكتار

نكتار عندهم مجموعة نكتار حلوه ومجموعة سويت نكتار حلوه

بس اذا رفيجتج حيل حاولي تشوفين جهازها وشنو اللي ناقص او شي مو عندها تشترينه

يعني احتمال تشترين مجموعة عطر وتطلع انها عندها

عندج بعد بخور المميز من الرصاصي يصلح يكون هديه يجي على شكل كرتونه مربوطه على شكل هديه ومعاه داخل العلبه مبخره هديه

تقدرين تشترين لها فواحه شمعه او فواحه عيدان من بودي شوب او من سنتر بوينت او من زهور الريف

او تقدرين تروحين محلات اجمل حاطين علب هدايا عندهم فيها عطور ودهن عود وبخور وشكلهم كشخه وهم عطور اجمل حلوه وحتى بخورهم ودهن العود حلو

 

[Mrs_Efron]

اي والله حتي انا رفيجتي عرسها شهر ٣ وابي ايبيلها شي ماني عارفه شنو؟

هل سوالف انا اهديها اياها بعيد ميلادها و جذي غيره بنات

 

[Riema]

انا عندي احلى شي الفلوس احس العروس اخر شي تحتاج حييل وهي تكمل نواقصهاا

كل رفيجاتي اشتري علبه فخمه واغلف الفلوس بشكل حلوو ومرتب واعطرهاا

 

[موكا لاتيه]

مجموعة عطور فاخره انسب شي للعروس

 

[^^ ǺГฬα]

أنا أفضل تعطينها || فلوس || لانها بتكون شاريه كل شي
وبالفلوس بتشتري فيهم اللي ناقصها


​

 

[متجر جنات عدن]

للررررفع

 

[مس استي لودر]

اب اب اب

 

[ربيع_الروح]

انا رايي من راي انا لحبيبي


مدامها رفيجتج حيل وتمونون على بعض

سإليها سنو ناقصها




أما إذا رفيجة عادية إخذي ست عطور من واحد من المحلات الي قالت عنهم قاهرة عذالي

 

[فرزاشيهـ]

فلوووس راح تحتاجها اكثرر

او من هالفناتق اللي هابين فيها بالانستغرام شي يكون باسمها و اسمه جذي



بس افضل الفلوس لان لمن كنت عرووس عل اخر شي نفعتني هدايا رفيجاتي كانو مغلفين علبه من بوابه الهدايا والفلوس رابطها ب فيونكات شكلها كان كيووت

 

[مذهلة2013]

مثل ماقاالوو فلوس

 

[نـازك الملائكة]

جيبي لها تعليقه ذهب ناعمه على ميزانيتك
اكثر شيء تحتاجه العروس الذهب ولا تقدر تكثر منه عشان ميزانيتهااا
صدقني بتفرح فيه كثير وسعره فيه مع الوقت

 

[شطانه طفله]

اساليها اسن شي او حطيلها فلوس بالورد بشكل فخم
او عطورات مع فلوس

 

[M!SS.LOBY]

اهديها مبلغ مالي معين (..............)

او اهديها طقم مفارش

او اهديها مجموعة عطور

 

[Bloom]

عطيني السعر الي تبينه وانا اطلع لج تواصلي معاي عالواتساب او الانستجرام bloomq8

 

[كستنائيـة ع ـسل]

انا اشوووف الهديه احسن الفلوس بتطير اما الهديه بتبقئ

ساعه ماركه مثلا مع اكسسوار ماركه او جنطه ماركه
او طقم ايقنر اكسسوار او روشيز وهالطقه

 

[فديت حلا والزين]

في شغلة غريبة وحلوه سويتها لرفيجتي وعجبتها حيل ..
في وحدة تسوي روب للحمام بأسمها واسم زوجها وموشرط الزوج تقدرين تسوين لرفيجتج بس يطبعون عليها اسمها وتاريخ الزواج والالوان اللي تبينها ..

مادري اذا يعجبج او لا بس حبيت اساعدج ..

اسمه لولو بوتيك ورقمها : 97113666

 

[عاشقة الككاو]

الصبايا ما قصروا

 

[soso7elwa]

على حسب قرب الصديقه
صديقه عاديه
قميص نوم مع الروب اوف وايت او وردي او بصلي او بيج في دانتيلات او مجموعه عطورات مع كاكاو او بخور وعود واحلى شي العبدالمحسن روايح كشخه وذربه
صديقه حميمه
ذهب او الماس وبس انا صديقتي الحميمه يبت لها بحروه 600دك وتستاهل اكثر