شنو أكثر شي يضايقج في مهنة التدريس؟

[بستان الأمل]

ما على الدنيا عتب تدرين عاد انا يوم المناوبة عندي لبس خاص علشان الكرف
ألبس عباية وسيعة وفلات وأجهز نظارتي لأن طبعاً في أيام تحوشني المناوبة بالساحة

 

[Goth-Girl]

اكثر شي يضايقني لما تيي الموجهة اووووووووووووف ما يعجبها شي
اوكره المناوبة هم غثى

 

[بستان الأمل]

اب
لعيونكم

 

[ميونة الحلوة]

وايد اشياء شقول شخلي

اول شي انا ما افهم بالتدريس انا ماني تربويه انا علوم اجتماعية ادرس متوسط اجتماعيات و حدي ما اعرف و لا حتى عندي خلفية عن المعلومات الي قاعده ادرسها و قايله اني براجع بالعلطه بس طل ما راجعت

صوتي ما اقدر اعليه مو عشان شي بس انا ما عندي مده صوتي يروح لا مديته يختفي

اذية البنات و غثاهم و انا ادرس سادس و سابع و سادس طلعولي قروووووون بالذات مادة مهارات الي مالها سالفه كلش لعب ماخذيها البنات و ان الي ماكلتها على بو صغيرة ما يهتمون مني

ضميري يتعبني لا حطيت الدرجات اخاف اني ما عطيت فلانه و لا علانه حقها او اني زدتها من غير حق

سوالف الي مالها داعي بكل مناسبه مجلة و لا مطويه و لا اي خربوطه مالها داعي ننكرف فيها عشان هالمناسبات و الطلبات الي لازم نسويها

المناوبات و الاحتياطات و سوالف الاذاعه حتى توزيع الشهادات احنا نوزعها باخر الكورس ما يصير جذي كرفونا كرف الحمير بس خلاص انا تعبت

لا دخلت الناظرة و الموجهه مع بعض يا سلاااااااااااااااااااااااااااااااااااااام

و انا توني متوظفه 14 / 2 تعيين جديد بس وايد قاعده افكر اني احول ادارية او اغير اروح ابتدائي و دعيت ان الله يسهل امري

 

[بستان الأمل]

ميونة الحلوة حبيبتي استخيري قبل لاتحولين إدارية صدقيني كلنا بالبداية جذي أنا مع إني تربوية والله أول ما تعينت حيل تعبت نفسيتي بس أبجي لأني انصدمت بالواقع وكثرة الأعمال المطلوبة مني وماعندي خبرة!!
حتى أنا مثلج تخيلي عطوني ثلاث صفوف مهارات حياة لوعوا جبدي البنات ماخذين الحصة لعب ومصخرة لأنهم يدرون مادة مهارات ما عليها درجات
موفقة حبوبة

 

[سبيعيه قمر]

رد : شنو أكثر شي يضايقج في مهنة التدريس؟

حبيبتي انا اكثر شي يطفشني في المدرسه شغب الطلبه يعلون القلب وربي احس قبل مااتعين كلي انوثه من تعينت بس اصارخ وانعدمت فيني الانوثه

ثاني شغله اللي اكره مجتمع الحريم والقيل والقال يحفرون للسوالف يطلعونها من تحت الارض

والادهى والامر من هذا انج مهما تسوين وتكرفين وتجيبلهم الشمس بيد والقمر بيد مايعجبهم العجب بس تدرين شالحل اللي متبعته معاهم اهم شي راحتي جنها مدرسة ابوي خخخخخخخخخخخخخ بس ماينفع الاجذي​

 

[أبلة كويتية]

شقلة الأغراض للحصة

أحس وآنا شايلة الأغراض لي الحصة جنه هذا شكلي

:denya:

صج هذي الدنيا يبون منا كل شي وإحنا نشيل يريت يوفرون لنا عرباين جمعية بالممرات :dddds:

والإحتياط والمناوبة بجميع انوعها لأنها مو من صميم عملي

والبرامج الإذاعية أوووووووووف اتأزم وما أنام عدل باليوم إللي عندي فيه برنامج إذاعي :eh_s(4):

أحب أدرس وبث :dddds:

 

[منال القلب]

انا عندي كل شي يهون إلا شي واحد

إن الناظرة أو ادارة المدرسة تتحكم في لبسج وستايلج وااااااااااااااااي اموت قهر واعصب

 

[zqertya]

اكثر شي اكره هو ان اذا ماتلزقتي بالاداره انتي مو زينه وماتشتغلين يبون وحده تجامل واتقلقس قطيعه وغير جذي المناوبات واخلاق بعض المعلمات واللي يعور قلبي شلون بعض المدرسات يكرهون طالب ولا يزفونه والسبب انه مو عاجبهم شكله

طبعا انا ادرس صبيان عشان جذي كلامي عن الطلبه هههههههههههههههه

 

[كويتية هيبه]

الخوف من دشت الناظره

 

[سويتي الحلوه]

رد : شنو أكثر شي يضايقج في مهنة التدريس؟

الاداره
وبعض اولياء الامور العاهات

 

[الجــادل]

رد : شنو أكثر شي يضايقج في مهنة التدريس؟

القيل والقال والشغل الاداري

 

[UM M&M]

الشي الحلو ( التدريس كمهنه بالصف مع الطالبات )

و الباجي كله مو حلو

 

[mi corazon]

الإدارات النسائية .. لأنها فعلا مضطهده .. اجتمع السالب بالسالب فافترقن

لأنها مصدر المشاكل .. حش وتنقز وتربيط عصاعص و تجسس وووووو

الشي الثاني القرارات اللي كلمالها وتهين مهنة المعلم .. مالنا كرامه ولا برستيج

عالعموم هي مهنة الانبياء والرسل الله يعيني على ما استقيل

 

[بستان الأمل]

شكراً أبلات على المرور من خلال ردودكم حبايبي لاحظت أن الأشياء اللي تضايقنا مشتركة بين جميع المعلمات
ومنها الأعمال المطلوبة منا غير التدريس لو الأمر اقتصر على التدريس ماجان أحد منا اشتكى

 

[ميونة الحلوة]

بستان الامل يعطيج العافية على الدعوة ان شاء الله لازم استخير بس انا ماني تربوية و لا اعرف شي بالاجتماعيات يعني معلومات قديمة و داثرة نسيتها ما ينفع كلش اني ادرس تخيلي الابلات اول شي يشرحون لي بعدين اروح اشرح للطالبات مي حالة هذي

و الحمد الله انا داعية قلت يا ربي الي فيه الخير لي انه يتسهل

 

[نوناA]

طااالبه فضوليه >>> هذي انا مو الشي اللي يضايقني

حبيت اعرف شنو الشي اللي يضايق مدرساتي

 

[مسك وعود]

رئيسة القسم ولسانها السليط وعدم احترامها وقر ارتها الفاشله

 

[بستان الأمل]

شكراً حبايبي على تفاعلكم
ميونة الله يوفقج ويريح بالج بارب
مسك وعود حنا رئيسة قسمنا طيبة وخايفة ربها وما تظلم أحد بس الله لايوريج لي عصبت تصير إنسانة ثانية ولسانها متبري منها

 

[cuta english]

رد : شنو أكثر شي يضايقج في مهنة التدريس؟

أكثر شي يضايقني هو الشغــــــــــــــــــــــــــــــــــــــل الاداري


وما ادراك ما الشغل الاداري




يعني البنات اللي يتخرجون من معاهد السكرتاريه و ظفوهم في اقسام الاداره يسوون الاشراف الاداري و تربية الصف و يراجعون الدرجات لكل مرحله موظفتين و بس



المعلمه تسوي شغلها كمعلمه و مالها شغل بالشغل الاداري




و بس




التدريس نفسه مو مشكله


وشكرا


و الله يوفق الجميع