شنو أسوي ساعدوني؟؟

[فوووفه]

قوة بنات

بليز ابي مساعدتكم ضروري عندي مشكله مع ريلي ابيه يتعلق فيني اكثر انا احبه واايد و لهوا يحبني بس ما ادري ليش يسوى جذيه معاي ؟؟غير عن كل الريايل اللي لاصقين في حريمهم 24 ساعه ابي هالاحساس واايد فاقدته ؟؟؟ اغير الروتين ؟؟ مهتمه في شكلي 24 ساعه مو هاذي النقطه ابي بالتصرفات ؟؟ بلللللليز تعبت

 

[قاهره عذالي]

رد : شنو أسوي ساعدوني؟؟

عادي

الرجاجيل طبايع

في اللي لازق بمرته

وفي اللي لازق بربعه وعايش عزوبي

حالي من حالج

بس انا قعدت سنه وشهرين على هالحاله
وطفرت وطلبت الطلاق ورحت لاهلي

ويقولي ان راح يتغير ويبي يعطيني من وقته الثمين وينام عندي بالليل مو كله سهران والصبح يجي والبيت بس حق يبدل هدومه ويتسبح وينام باي حزه يبي

 

[om MaRyooM]

رد : شنو أسوي ساعدوني؟؟

حبيبتي شوفي اهوا شنو اللي شاغله عنج

ضروريات ودوام ومسؤوليات ؟؟؟ ولا بس طلعات مع الربع وديوانية وسوالف مالها معنى ؟؟

بس اول شي لازم تعرفين ماكو ريال 24ساعة لازق بمرته .. وجذي اصلا مو حلو



وانتي شوفي شنو اللي يحبه سويه .. وشوي شوي بيحس بهالشي وبيفقده منج اذا طلع

يعني اذا يحب الطلعات طلعو كل يوم .. وكل ويكند روحو سينما

واذا يحب الديفيديات جهزي عشا حلو خفيف ظريف وطالعو مع بعض


اذا يحب السوالف سوولفي .. واذا يحب الهدوء خلج هادية

يعني شوفي شنو اللي يحبه وهيئيله هالظروف عشان بيتج يكون ملجأ حقه بكل وقت وشوي شوي بيتعود ومارح يفارقج لا انتي ولا دفى بيتج


ولاتنسين الدعاااء والصدقات .. يمكن تستهونين فيها بس ترا فيهم نتيجة مثل السحر والله

وادعي بكل صلاة قولي اللهم سخرلي زوجي وصب حبي في قلبه صبا وأرني ذلك .. اللهم اجعلني سكنا له..واجعله سكنا لي ...اللهم الف بين قلوبنا .

وانشالله شوي شوي بيتحسن الوضع وانشالله اكون افدتج ولو بالقليل

 

[غداً القاك]

رد : شنو أسوي ساعدوني؟؟

هذي مشكلتنا يالحريم عاطفيات لابعد حد بس نبيهم يحبونا وينسبطون علينا ويلزقون فيها مدري ليش مانفكر بوناستنا بعيد عنهم
تبين حل بصراحه ياقلبي اسحبي عليه وبيجي وراك وبيفقدك ترى الرجال اذا شاف البنت متعلقه فيه مسوي نفسه مافيه غيري بالدنيا هذي
انا مااقول لاتهتمين بنفسك او قصري معه بس لاتتعبين نفسك كثير علشانه الوحده كم مره تعيش عمرها هي مره وحده انبسط فيها وهو كيفه
ادري ردي عنيف شوي ^_^

 

[فاقده ابوهاااا]

رد : شنو أسوي ساعدوني؟؟

باختصار اذا اهو يحبج حب جنون راح يلزق فيج ليل ونهار وراح يعوف الدنيا والربع والطلعات اما ريلج يحبج بس ما يقدر يلزق فيج ٢٤ ساعه يعني ما وصل لي مرحله العشق  *

 

[iLLuMinaTion]

upppppppppp

 

[فوووفه]

مشكوورين على الردود

ماقصرتوا

 

[zaina alotibi]

رد : شنو أسوي ساعدوني؟؟

لازم تآمنين ان مو كل الرياييل وحدة مثل أصابعج ما هم سوا , ركزي على النقاط الإيجابية فيه وتجاهلي سلبياته وانتي بتشوفينه افظل زوج في نظرج

 

[مسس غلوي]

رد : شنو أسوي ساعدوني؟؟

سبحان الله محد عاجبه الحال..
انا بوجهي اربع وعشرين ساعه وملوع جبدي..
حتى اذا طلعت مكان او اهو كان بالدوام كل شوي يدق
والله جذي مو حلو ..

 

[Čut!e Quèéи]

رد : شنو أسوي ساعدوني؟؟

الرياييل يختلفون عن بعض بالتعبير

يعني والله العظيم مرات اشتكي من ريلي

كله مجابلني ومرات اعصب اقوله اطلع روح الدواويين مثل باجي الرياييل

وتعالي شوفي حماي و مرته اقسم بالله يسافر بالشهر مرتين او 3 كله مايدري عنها

بس فوق هذا كله على اكبر او اصغر مشكله تصير يبين حبه لها يموت فيها يدور رضاها يركض بيت اهلها يراضيها

يعني اهو يحبج بس مو شرط لازم يجابلج 24 ساعه عشان تحسين بحبه

ومافيها شي اذا قلتي له يا فلان اقعد معاي لا تطلع اليوم والله مشتاقه اسولف وياك واسهر معاك لا تروح مكان

ولهت عليك صرت ما اشوفك وايد عطيه من هالكلام حاولي تقولين له باجر لا تطلع ابيك عشان لايعطي احد موعد ويطلع

 

[قاهره عذالي]

رد : شنو أسوي ساعدوني؟؟

باختصار اذا اهو يحبج حب جنون راح يلزق فيج ليل ونهار وراح يعوف الدنيا والربع والطلعات اما ريلج يحبج بس ما يقدر يلزق فيج ٢٤ ساعه يعني ما وصل لي مرحله العشق  *

ردج يحبط الوحده صراحه
شسوي اتهاوش مع زوجي اقوله انت ماتعشقني

بس خن ارجع له بعد الامتحانات واشوف شيصير

 

[نـعـومـه]

رد : شنو أسوي ساعدوني؟؟

اهم شي يحبج قولي الحمدالله

الرياييل طبعهم جذي حياتهم موبس زوجه

 

[نـعـومـه]

رد : شنو أسوي ساعدوني؟؟

واذا قلتيله عبر عن حبك لي ولا شي يقول احنا موفلم تركي هههههههه

او يقول الحب موبالكلام بالتصرفات

 

[كميثره]

كتبت رد شطوله بعدين هونت هههههههههههههه خفت من العين لووووووووووول

الله يكتب لج اللي فيه الخير يااااااااااااارب

موفقه حبوبه

 

[فنكيه]

الرياييل هبات يعني يهب مع ربعه فتره بعدين يهب يقعد فبيته فتره
وهكذا
وكل مالزقتي فيه انحاش وقب وكثر ماتبعدين يلزق فيج ويحبج وانتي الحبيبه والغاليه
كثر ماتتزعلين يكرهج
وكثر ما تمارسين حياتج عادي وتظحكين وسعيده يستانس

 

[شمس 20]

خليه هو يحبج مع الايام ان شالله
لاتغصبينه على حبج راح يكرهج مايحبج جذيه
بس عليج بطولة البال

 

[نور الشهري]

up

up

لعيونج

 

[~دلوعه^و^تدلع~]

ادعي ربج ان الله يسسخره لج و يحط حبج بقلبه و هو قادر على ذلك
و كثري اسستغفاار
و اقري سورة البقره و الحديد
و ربي يسسخره لج و لا يفرق بينكم و يسخر لي زوجي و لا يفرقنا اميييين

 

[فوووفه]

شكرا للجميع

 

[كلي ثقه و سنع]

رد : شنو أسوي ساعدوني؟؟

بالعكس خلكم شوي بعاد مثل المعاريس

و اتفقي معاه يوم بالاسبوع لكم و حاولي تصير طلعات تونس

و قصيره و شوي شوي طولي وقت الطلعه بدون ما يحس

شنو الفايده اذا يمك بس مو معاج باله