شنو أسأله المقابله بفتره الخطبه ؟؟؟ الكل يدخل

[white**angel]

بما اني طالبه فأول سؤال سؤال سألني ياه وين ناويه تدخلين ؟؟
وبعدين سأل شنو هوايتج ؟
ومن هذول الاسئله وطووول القعده سااكتين
هذا بالنسبه لخطبتي الاولى الله يستر من الخطبه الثانيه

 

[اميره بذاتي]

انا ما شفته ولا كلمته
لان عاداتنا ماتسمح بجذيه
بس هو ولد عم ابوي شافني مره عن طريق الصدفه اعجب فيني وخطبني

 

[بحرينية اصيله]

انا مره وحده يي تقدم لي واحد وللأسف ماصار نصيب يمكن تكون خيره لي
عااد انا عشان اول مره كنت حددددددددي استحي ومو عارفه شسوي وشنو اقول وشنو اسأل وانا بعد اكبر خواتي يعني محد كان له تجارب من قبل:0bee2e8d89:
المهم اللي يو وياه اخته وبناتها:dddds: وحده من بناتها رفيجتي يعني اللي ياي يتقدم لي يصير خال رفيجتي
المهم البنات قعدوا فصاله وابوي قعد ويه الصبي بالصاله الثانيه
قعدنا سوالف وجذي وطبعا انا موجوده وراسي فالارض وجني ماعرف رفيجتي ولا بينا عشرة عمر:tomato2:
الا عقب امي نادت ابوي عشان ادخل داخل حق الصبي عشان النظره الشرعيه انا صرت جذي:eh_s(1):
طبعا دخلت وانا ارتجف حددي وقعدت هلا وشخبارج وهالسوالف اهوا قام تحجى عن روحه:gathering: وين يشتغل وشنو هواياته وين يروح ومن هالقبيل عقب قالي عطيني نبذه عن روحج انا هني تكلمت جملة وسكت :dddds: اهني اهوا توهق قام يسألني اسئله وانا ارد عليه بجمله او جملتين بعد قالي انا توقعتج انتي بتتكلمين عن روحج مو انا اسألج:eh_s(1): قمت سألته جم سؤال تدخن>>> اهم شئ تدخن لان كلللش ماحب احد يدخن... وشنو منصبك فالشغل وهالاسئله عقب سكتنا قالي ماعندج شئ بتسألينه قلت له لا قالي عيل خلاص اذا فيه نصيب ان شاء الله بنكون حق بعض واذا لا يمكن تكون خيره واذا تذكرتي أي سؤال سألي بنت اختي تعرفينها ولا تستحين تسألينها وانا ماصدقت عمري قمت شردت:dddds:
وبس هاي اللي صار>>> ادري قلت قصة حياتي

 

[بسمة باباتي]

بنوتات انا بقلكم موقف عن اثنينه من رفيجاتي .. (( طبعا انا للحين عزابية )) وحدة من رفيجاتي يالها الاخ و قعدو يسالون بعض اسئلة عادية فسالته رفيجتي قالتله انت شنو هدفك من الزواج يعني ليش تبي تتزوج رد عليها قالها امي قالتلي تزوج فــ ييت اتزوج لوووووووووووووول رفيجتي تنحت .............. اما رفيجتي الثانية قامت تخورها و قالت حق الريال قصة حياتها و طفولتها و ما خلت شي مستر اخر شي الريال قام و قالها مع السلامة ..... انشالله ما كون طولت عليكم بس

 

[فراشه]

انه عروسة قديمة اشوي بس قبل ما اتزوج ريلي خطبوني وايد ( الله يكتب لكم واتجربون ياااااااااارب)
اتذكر من بين اللي اخطبوني واحد ما انساه كنت اشوي وبقوم اطرده هو واهله داشين علينا قبيلة فوق الـ 9 حريم والله مت من الخرعة
وكانت اسئلته تدل انه ولد حده صاااايع وبتاع بنات طبعا اول شي الاسئلة المعتاده اتصلين وتلبسين عباية ولا لا
دراستج ليش مرتبكة عادي اي شي بخاطرج قوليه
بعدين كشر عن انيابه جان يسألني السوال الصاعقة !!!!! عندج تجارب ؟
اتقزين بالسيارة ؟تطلعين بروحج ؟ وين طلعاتج؟ تتاخرين برا لي الساعة جم؟
جان الحيا اللي فيني كله يتبخر جان اقوله
انت ياي تخطب بنت ناس وعيب هالأسئلة اللي قاعد تسألها وبعدين تتوقع انك لما بتخطب اي بنت عندها تجارب بتقولك اي عندي ولا كنت اكلم وانت شكلك من هالنوع فعشان جذي خايف الله يبليك بوحده من النماين اللي كنت اتعرفها طبعا اهو بغا يرد بس عاد اختكم قامت وقالت له عن اذنك جان اروح حق الحريم عاد اهو دق على امه ومشوا...
بعدين امخ دقت على امي جان اتقول لها بنتج لسانها طويل زافه ولدي جان اتقولها امي
في واحد محترم داش بيت عائلة محترمة يسأل هالاسئلة حق بنتي انتوا مو سائلين فبل لا اتدشون بيتنا منو بنتي واشلون تربيتها والله لو اخوها درى بيي يذبح ولدج عالعموم ماصار الا الخير و ماكو نصيب
بس بعدين كسر خاطري

لووووووول ظحكتيني هههه زين تسوين في :dddds:

 

[gzlan]

لوول
انا ماسألته ولاسألني

ولاشفته اهو شافني استحيت ارفع ويهي

بس دعواتكم حبايبي الله يتمم علينا

 

[Om-Yassofy]

انا للحين ما تزوجت ..

بس مره خطبني واحد ويوم شفته قعدت معاه وكانت الحوار كالتالي لوول :
شلونج شخبارج وانا ابتسم واهز راسي لوووول .. بعدين جان يقوللي امي وايد امدحتج ومشالله طلعتي قد المدح وانا ابتسم والف ويهي لوووول بعدين جان يقوللي شكثر باقيلج وتخلصين الجامعه وسألني من اي طريج تروحين الجامعه :| !!!!
وسألني اذا اطلع مع رفيجاتي .. وانا سألته اذا يدخن واذا ناوي يكمل دراسته لان كان دبلوم .. وشنوو بعد ... ما سألته وايد اسئله .. اهوا كان اكثر شي يسأل .. وبس ما صار نصيب

بس اذكر رفيجتي مره سولفتلي عن وحده تقول باليوم اللي شافت فيه اللي خاطبها جان تقوله بدوووووون مقدمات : انا ابي خدامه لوووووووووووووووووووووول كل ما اتذكر السالفه اضحك

 

[MoOoRt=aBdUllAh]

والمرة الثالثة ليحين ما صارت بس تصير أقول لكم ويارب تكون المرة الثالثة خطبة وملجة وزواج <<<<<<<<<< صج إني عوبة

لا ماعليج انشالله الثالثة ثابته

الله يرزقج



ماضنتي بيردون وايد لان اغلب الحريم يحتفظون بهالشي لانفسهم لان صراحة مو حلو الوحدة تقول شيصير بينها وبين زوجها

وانا انصح كل المتزوجات ان مايقولون لحد لان سبحان الله ماتدرين اللي جدامج شنو ناقصها وحتى لو ماكانت تحسد يمكن يحز بخاطرها وتنفسج

مادري هذا من وجهة نضري



ويعطيكم العافية

 

[قمر^عبدالله]

الله يسلمج انا يه مع امه وقعديسولف مع امي وامه وانا قاعده بعيد وامع جااان اتوهقني الوالده قالت مو انتي قايله ابتسألينه يلا سألي وتعالي قعدي يمي انا خزيتها خزه محترمه وقعدت يمه جان يطلعني ويخزني بس قالي شنو تخصصج بعدين ووين ابتشتغلين وبس هذا الي اذكره بس الصراحه كاااااااااااااااااان ضحك:99

 

[خالة حبيبتها]

أنا مو متزوجة بس اموت على سوالف الزواج ما زواج والمتزوجات والعرايس والعروس شتسوي أموت أموت على هالسوالف مع ان عمري 13 بس هذي هوايتي """"""سوالف حريم"""""" البنات يحبون يرسمون ويلونون وانا احب هالسوالف والشرى بهبل هههههههههههههههههههه

 

[ام رشودي ثامر]

ياحسره انا بس سلم علي وباركلي((يوم الملجه))وبس

 

[ma3moolah]

الله يرزقني ويرقكم

up
up
up

 

[عاشقه رويشد]

لي ملجت اقولكم لوول

 

[alamal2amal]

لووووووووووووووووووول ظحكتوني و الله الله يوفقكم جميعا و يرزقكم

 

[)(MoOoNy)(]

انه عروسة قديمة اشوي بس قبل ما اتزوج ريلي خطبوني وايد ( الله يكتب لكم واتجربون ياااااااااارب)
اتذكر من بين اللي اخطبوني واحد ما انساه كنت اشوي وبقوم اطرده هو واهله داشين علينا قبيلة فوق الـ 9 حريم والله مت من الخرعة
وكانت اسئلته تدل انه ولد حده صاااايع وبتاع بنات طبعا اول شي الاسئلة المعتاده اتصلين وتلبسين عباية ولا لا
دراستج ليش مرتبكة عادي اي شي بخاطرج قوليه
بعدين كشر عن انيابه جان يسألني السوال الصاعقة !!!!! عندج تجارب ؟
اتقزين بالسيارة ؟تطلعين بروحج ؟ وين طلعاتج؟ تتاخرين برا لي الساعة جم؟
جان الحيا اللي فيني كله يتبخر جان اقوله
انت ياي تخطب بنت ناس وعيب هالأسئلة اللي قاعد تسألها وبعدين تتوقع انك لما بتخطب اي بنت عندها تجارب بتقولك اي عندي ولا كنت اكلم وانت شكلك من هالنوع فعشان جذي خايف الله يبليك بوحده من النماين اللي كنت اتعرفها طبعا اهو بغا يرد بس عاد اختكم قامت وقالت له عن اذنك جان اروح حق الحريم عاد اهو دق على امه ومشوا...
بعدين امخ دقت على امي جان اتقول لها بنتج لسانها طويل زافه ولدي جان اتقولها امي
في واحد محترم داش بيت عائلة محترمة يسأل هالاسئلة حق بنتي انتوا مو سائلين فبل لا اتدشون بيتنا منو بنتي واشلون تربيتها والله لو اخوها درى بيي يذبح ولدج عالعموم ماصار الا الخير و ماكو نصيب
بس بعدين كسر خاطري

ههههههههههههههههههههه زين تسوين فيه والله عفيه عليج
شكله اسالته من قلب رفعت ضغطج

صج الدنيا اشكال :eh_s(6):

 

[)(MoOoNy)(]

بنوتات انا بقلكم موقف عن اثنينه من رفيجاتي .. (( طبعا انا للحين عزابية )) وحدة من رفيجاتي يالها الاخ و قعدو يسالون بعض اسئلة عادية فسالته رفيجتي قالتله انت شنو هدفك من الزواج يعني ليش تبي تتزوج رد عليها قالها امي قالتلي تزوج فــ ييت اتزوج لوووووووووووووول رفيجتي تنحت .............. اما رفيجتي الثانية قامت تخورها و قالت حق الريال قصة حياتها و طفولتها و ما خلت شي مستر اخر شي الريال قام و قالها مع السلامة ..... انشالله ما كون طولت عليكم بس

لوووووووول رفيجت الثانيه صدقيني مو منها من الارتباك طيحها بهالموقف :dddds:

الله لايعود هالموقف لا عليها ولا على البنات صج محرج ولا تحسد عليه


وان شاءالله يومج الله يرزقنا ونجرب هالتجربه ويصير فيه نصيب
وجمييييع العزابيات ان شالله

 

[)(MoOoNy)(]

انا خطبتي ما أنساها صراحه تدرون ليش؟؟؟؟؟؟
لان وقتها حده غلط كانت بوقت امتحاناتي الفاينل وما فكرت لان بالي كله مع الامتحانات
فتوكلت على الله والوالد الله يحفظه اهوا اللي وافق
المهم يوم النظرة الشرعيه الله يسلمكم طبعا كانت بعد الموافقه المبدئية
الخطيب كان موجود بغرفة الاستقبال مع امه واخته ودخلت انا وامي سلمت على الام والاخت والولد قاعد شوي بعيد طبعا ماحطيت عيني بعينه ولا شفته بس شفت هيئة واحد قاعد ولابس دشداشه بيضا وانا كنت ارجف وقاعده يم امي واخته هي اللي تسأل وهو يسمع واتوقع ماشافني لان هم اهوا مستحي واسئله اخته كانت عن الامتحانات ومتى اخلص دراسه<<يعني يدرون ان عندي امتحانات ولا حسوا لووووووووول

صج مو وقته هههههه يالله خيره ان شاءالله

 

[بيبي-الحلوه]

مرتين قابلتهم وماصار نصيب ..
بس نوعي اجهز اسئله قبل اللقاء يعني عشان ما انسى .. وبعدين من اشوفهم انسى ثلاث ارباع الاسئله.
اول مره سولفو جم سالفه مع امي فعرفت طبيعه الناس وماعجتني اللهم لاشماته ..جاوبت على اسئلتهم بس ماسألتهم .
سألوني اي مواليد ووين تشتغلين وشنو درستي ومن هالسوالف ..

المره الثانيه ... كانت ام التحقيق ..
سألت انا سؤالين ..اي مواليد .. وشنو شهادته وكانت 4 ثنوي .

بعدين بلشو اسئله طلعت عيوووني
وين درستي وهل في اختلاط ولالا
شنو دراستج وهل واجهتي صعوبات في التسجيل والارشاد ؟؟ ومادري شنو
تسوقين سياره

ووين طلعاتج ؟
ومنو معاج رفيجاتج ولا اهلج
واي وحده من اللي بره سيارتج .

لا كان فلم

ادعووولي بالزوج لصالح وبعدين اسن لكم الاسئله الكامله .

 

[gzlan]

انا ولالالالالالالالالا شي

قاعدين مستحييين بجييت وطلع

:d

والملجه قريبه

ادعولي الله يتمم علي

 

[انونا]

يلااااااااااااااا بنات الله يتمم عليكم ويعطيكم على قد نيتكم

ولله يوفقكم يارب ويهنيكم

ويرزق كل وحده على حسب نيتها