شنو أحلى أسوأ أغرب أطرف شي صارلج بحمالج وولادتج؟

[جبنة بيضة]

خوش سوالف لوووول

 

[حرم يوسف بيك]

رد : شنو أحلى أسوأ أغرب أطرف شي صارلج بحمالج وولادتج؟

اطرف موقف وكلش مووقته اولد هالحزة الله يسلمكم زوجي قطني ابيت اهلي برمضان قبل الاذان بنص ساعه وراح دشيت امي تزهب الاكل بالمطبخ بس اذن الله واكبر وينبط عندي الماي واااااي ويشتغل العوار واهلي صيام وزوجي راح يتفطر عند اهله الله وكيلج ماتفطر على طول رد فوق تحت وياني وامي هدت الي بيدها ويتني ورحت المستشفى اشوا الشوارع فاضيه والكاميرات صورتنا وطول الطريج اتقطع من الالم. ً* وقصة ولادتي الثانيه صج تخنقني العبره لما اتذكر هالموقف كان ينزل علي ماي اول مادشيت التاسع ورحت حق نداء بوخضورالصبح قالتلي لا عادي هاذي افرازات واستمر معاي نزول الماي لي الليل دقيت 9 عليها كنت زايره اهلي جان تقولي لا عيل لازم تروحين الطبيب يفحصون هذا ماي الياهل او لا انا قالتلي جذي مت من البجي شلون بخلي بنتي وبروح المستشفى اولد كان عمرها سنتين وشي وقام ابوي مع امي بيودوني المواساة وانا مومتهيأة اني بولد وانزل درج بيتنا وابجي وبنتي واختي ماسكتها باول الدرج تبجي وقول حق اختي ديري بالج على جوري وانا ابجي واختي تبجي وبنتي بكل برءاه اطالعني وزوجي كان بالعبدلي هم ماكمل عشاه وياني المواساة وطول ما انا اطلق ماسكه ايد زوجي وابجي جوري جوري بس افكر فيها واحاتيها واهوا طبعا كالعادة يضحك علي وانا اطلق واااااي

 

[Om NoOoRa]

وبنتي واختي ماسكتها باول الدرج تبجي وقول حق اختي ديري بالج على جوري وانا ابجي واختي تبجي وبنتي بكل برءاه اطالعني

هههههههههههههههههههههه

فيلم هندي صار مو ولاده

ههههههههههههههههههههه​

 

[أم لولووأخواتها]

مت من الضحك صج فصلات
ههههههههههههههههههههههههههههه

أنا كنت في بنتي الثانيه 32 أسبوع بنص السابع راده من الدوام تعبانه الساعه 3.30 الظهر تلفانه العافيه طبعا بملابس الدوام دخلت الحمام
تكرمون أبي (.....) تخلص .. ما خلصت ؟؟؟!!!!! طولت حيل شالسالفه ؟؟؟ طلعت عيوني @@ وأسأل نفسي شنو شاربه أنا اليوم ؟؟؟
وقاعده يمكن نص ساعه ناطره الحبيبه تخلص هههههههههههههههههههههههه عبالي مثانتي خدرانه من التعب مو حاسه بشي
آخر شي قلت خلني أجرب أخلصها بسرعه .... جان أضغط والمفاجأه
:
:
:
ولا ماي البيبي ولين شسوي الحين ؟؟؟ حطيت كوتكس ولا ما يلحق جان أسحب فوطه و أحطها وأطلع ولا زوجي توه قاعد من النوم
جان أقوله تصدق ... جنه فيني ولاده ... جان يقول لا يبا أنتي تعبانه تعالي أنسدحي ما كو إلا العافيه .. و أنا مابي أخرعه .. جان أروح وأنسدح ..وقوله يلا ترى فيني ولاده وهو يرد لا تغشمرين هههههههههههههههههه ويلبس على الراحه وأنا غرقانه لوووووووووول
وقالي ها وين نروح اي مستشفى قتله الولاده بسرعه أقرب شي .....ويوم رحت الولاده قتله دق على الدوام قولهم ترى ولاده @@ يطالعني
ويعطيني على قد عقلي ...بعد للحين مو مستوعب أبو الشباب لين قالتله الدكتوره ولاده خلاص أخذ أغراضها جان يقول ما صرخت ليش ههههههههههههههه ... ورايحه الولاده وأنا عادي برود شنو مادري ؟؟؟؟ ...... مادري بس صج فصله والله وولدت قيصريه الحمدلله

 

[_Pure_]

قصص عجيييييييييبة

 

[حرم يوسف بيك]

رد : رد: شنو أحلى أسوأ أغرب أطرف شي صارلج بحمالج وولادتج؟

هههههههههههههههههههههه

فيلم هندي صار مو ولاده

ههههههههههههههههههههه​

خخخخخخخخ بس والله موقف يبجي خخخخخخخ

 

[شوارفسكيه حمره]

انا للحين باول حمال بس اول موقف صارلي امس لمن بغت الدكتوره تسويلي مسحه على عنق الرحم

جان اطلعلي قطن اذوون قلتلها شنوو هذااا جان تقولي نسوي فيه مسحه
قلتلها شلون يستخدمونه جان تقولي نمسح على عنق الرحم قلتلها اي شلووون يعني جان الفلبينيه تضحك جان تقولي تحت قلتلها اخاااف صججج
يالله يالله مابي جان اهدها واقوووم تلحقني وريلي يقووولي سوي قلتله لا جان اهدهم واطلع استحي الصراحه مادري شلوون بوولد

دافعه 20 على المراجعه عالفاضي


المميزه موقفج يضحك لووول

 

[حبـ admant ـك]

انا اكره موقف صادني
ان ياني الطلق وانتو بكرامه بالحمام
من دشيت التاسع وانا ماقفل عليي باب الحمام جني حاسه
هاليوم قفلت علي هههههه وكان الفجر و زوجي نايم
نزل عليي الماي وبعدها ياني الم فضيع فضيع ابي امشي ماااقدر
ابي اصرخ ماقدر حسيت الدنيا تدور فيني تخيلت اني بولد وبموت بالحمام ههههههه
اول ماخف الالم جان بسرعه اطلع واطيح على زوجي لان ماقدر اتكلم من الخوف ههههههه
مسكين خاف وقام بسرعه وانا اصيح
بسرعه بسرعه وصلت المستشفى والحمدلله يبت بنتي حبيبتي

 

[نكهةالبرتقال]

ماشاالله سوالفكم تهبل ،، الله لايحرمنا من هاللحظات يا كريم

 

[أم يزيد &سديم&]

لا يوقف كملوا الله يسعدكم
أنا عن نفسي لما كنت حامل ببنتي
جان احس بألم مثل الدورة وإنتوا بكرامة
عاد أدق على أمي
اقولها شنو أحس فيه قالت أول ما يطلع منج دم روحي على المشفى
راحت هي دقت على زوجي
قالت له عطيها رطب
جاء عطاني تمر سكري رميته في وييه
أقوله هذا رطب؟ هذا رطب
وانا حدي قافلة عندي معصبببة

 

[كويتيه92]

هههههههههههههه والله يستر انا شنو بسوي بعد شهر وسبوع

 

[Om NoOoRa]

ولا ماي البيبي ولين شسوي الحين ؟؟؟ حطيت كوتكس ولا ما يلحق جان أسحب فوطه و أحطها وأطلع ولا زوجي توه قاعد من النوم
جان أقوله تصدق ... جنه فيني ولاده ... جان يقول لا يبا أنتي تعبانه تعالي أنسدحي ما كو إلا العافيه .. و أنا مابي أخرعه .. جان أروح وأنسدح ..وقوله يلا ترى فيني ولاده وهو يرد لا تغشمرين هههههههههههههههههه ويلبس على الراحه وأنا غرقانه لوووووووووول

الحمدلله طلع فيه ابرد من ريلي
هههههههههههههههههههههههههه

 

[Om NoOoRa]

جان اطلعلي قطن اذوون قلتلها شنوو هذااا جان تقولي نسوي فيه مسحه
قلتلها شلون يستخدمونه جان تقولي نمسح على عنق الرحم قلتلها اي شلووون يعني جان الفلبينيه تضحك جان تقولي تحت قلتلها اخاااف صججج
يالله يالله مابي جان اهدها واقوووم تلحقني وريلي يقووولي سوي قلتله لا جان اهدهم واطلع استحي الصراحه مادري شلوون بوولد

دافعه 20 على المراجعه عالفاضي

بعدج ماشفتي شي
الله يهون علينا وعليج

 

[Om NoOoRa]

حسيت الدنيا تدور فيني تخيلت اني بولد وبموت بالحمام ههههههه

اهم شي انه مو وقته تتخيلين بالحمام
هههههههههههههههههههههههههههه

 

[Om NoOoRa]

لايوقف
لايوقف
لايوقف

 

[سلطانة القحطاني]

رد : شنو أحلى أسوأ أغرب أطرف شي صارلج بحمالج وولادتج؟

اول ولادة لي كانت في السابع
الثانية في الثامن
الثالثه في التاسع
حاسه البيبي الرابع في العاشر خخخخخخخ

 

[ثلجه حاره]

انا حامل بالشهر الثامن
والشهر الي طاف كنت مسافره مع اهلي وزوجي تركيا السالفه اني مره اتغدينا من ماكدونالز بس طبعا يختلف شوي الطعم مو مثل الي عندنا عاد تغدينا وخلصنا ولما صار باليل ماقدرت انام احس بعوار موطبيعي ابطني قعدت اصايح انا ناسيه اني ماكله وجبه يومها

حسبالي هذا عوار الولاده وقعدت ابجي مابي اولد بالسابع لا وبتركيا بعد مت من الخوف

عاد ريلي المسكين انخبص وخاف وانا قعدت اصارخ وكل ساع يقولي امشي الطبيب اقوله مابي يقول لاتولدين اهني يالله امشي الطبيب جان ابجي حيل جان يقول اشفيج العوار قاعد يزيد قتله لا قال ليش تبجين جذي قتله عشان انا ماعرف اتكلم تركي لووووووووووول
قال شكو ليش قتله ها عيل شلون اقولهم اني بولد اهني اهوا ماااااااااااات ضحك
صج اني غبيه شكو اتكلم تركي مدري بس هذا الخوف ومايسوي

عاد بعدها رحت الحمام وطلعت من الحمام اضحك جان يقول اشفيج قتله ابشرك ابشرك ماراح اولد فيني نزله معويه لووووووووول
جان يقول اشوااااااااا
طلعت الوجبه الي كليتها لعبت بحسبتي وقعدت يومين تعبانه شوي والحمدلله صرت زينه

 

[سلطانة القحطاني]

رد : شنو أحلى أسوأ أغرب أطرف شي صارلج بحمالج وولادتج؟

رقم اثنين كان طبيعي بعد ولادة قيصرية
وما اعرف شلون الطلق
لما دشيت اول اسبوع من الثامن جاني الطلق
استغربت شنو هالعوار
خفت
وريلي كان بعيد بالديرة
شسوي
ماكو دم ولا ماي
ركبت سيارتي وانا فيني الم
وخذيت جنطتي
وبنتي
ورحت اسوق وشكلي يضحك
تجيني الطلقه اهدي
تروح ازيد سرعتي
في الدايري السادس مسكني العوار
وخففت السرعه قلت بوقف
بعدين تعوذت من ابليس وكملت
وصلت بيتي اهلي في الفراونية
ودزيت الباب
ودشيت عليهم
اصارخ
اناااااااااااا بولدددددددد
اخترعوا كلهم
وودوني الولادة
نزل دم وسيييييده على الولادة
وولدت طبيعي وجبت ولدي

احلى شي الخرعه
شكل اهلي لما دشيت عليهم الساعه 11 بالليل

 

[حرم يوسف بيك]

رد : شنو أحلى أسوأ أغرب أطرف شي صارلج بحمالج وولادتج؟

سلطانه وااااي شلون سقتي وفيج الطلق خخخخ*

 

[mrs.perfect]

يما حرم يوسق بيك
الحمدلله عدت على خير والله يخليلج ولدج