شنو أحلى أسوأ أغرب أطرف شي صارلج بحمالج وولادتج؟

[Om NoOoRa]

حياكم الله بنات oster_av1:

موضوعي خفيف ولطيف يبرد علينا حر هالصيف :ada:

كل وحده تقول لنا :

شنو احلى شي صارلها بفترة حمالها او ولادتها :nbvppw:

أو

شنو اسوأ شي مر عليها اثناء حمالها وولادتها :eh_s(16):

او

اغرب شي ماتوقعت يصير معاها اثناء حمالها وولادتها :eh_s(12):

أو

أطرف شي صارلها اثناء حمالها وولادتها :dddds:

أو

موقف ماتنسينا صارلج اثناء الحمل و الولاده :gathering:


=====================


انا بكون الاولى _03BA:

بصراحه انا صار معاي أسوأ موقف :0bee2e8d89:
وماكنت متوقعه انه بيصير :krkrkr:

انا انسانه اموووووووووووووت خووووف من عيادة الاسنان

والتهب علي ضرسي وانا بالشهر السابع من حمالي واضطريت اسوي عملية العصب وانا حامل وللحين وانا اعاني

كاسره خاطر نفسي


====================


بس احلى شي صارلي اثناء فترة حمالي اللي فات :eh_s(6):


اني رحت اول مراجعه لي بعد مادريت اني حامل وسويت سونار

قالي الدكتور الحمل سليم الحمدلله وفي كيس حمل سليم وكل حاجه سليمه

قلت اوكي ومشيت

وبالمراجعه الثانيه رحت دكتور ثاني

وقالي

هوا الدكتور اللي قبلي ما آلكيش انو انتي فيكي توأم ؟ :hearting: طار قلبي من الفرحه

وحمدت ربي وشكرته الف مره لأني ماكنت متوقعه هالشي

الحمدلله
وهذا كان احلى شي صارلي اثناء فترة حمالي الاول


:nbvppw::nbvppw::nbvppw::nbvppw::nbvppw:


يالله قولوا لنا شعندكم ؟

:e3:​

 

[*Crafty-girl*]

الله يخليهم لج حبيبتي

وانشاءالله تولدين بسلامه

واااي شعور اينن يقولج توأم يختي عليهم مشاءالله

واي عاد كلش ولا عوار الضرس حدي احاتي هالشغله

امممم يمكن اطرف موقف صار كنت رايحه مع امي اسوي سونار ودشيت غرفة السونار انا وسستر ودكتوره بس امي كانت بره

فا البيبي كان شيطان يتحرك ويرافس ويلعب بيده والدكتوره تبي تفحصني موقادره من الضحك وسستر تضحك حيييل شيطان يبونه يثبت موراضي معنه توه صغير المهم خلصنا جان اقول حق امي سالفه جان اتقول ابي اشوفه هذا اول حفيد ومن هالحجي جان اتقول الدكتوره مومشكله يالله انعيد السونار دشت امي متشووووووقه تشوف شطانته اول ماحطت الجهاز على بطني وله الجنين نام يطقون بطني يهزون بطني عشان يقعد ماكو فايده راسه لاف وناااااااايم وامي انقهرررررت ويحاولون يقعدونه ماكو فايده جان اتقول الدكتوره تعب ونام هههههههههههههههههه علق امي

 

[ريماا]

رد : شنو أحلى أسوأ أغرب أطرف شي صارلج بحمالج وولادتج؟

انا مر على قصص شذكر واخلى
كانت فى دعاية برمضان وقتها كنت وحاام وتوحمت بالدعاية وكل ماتابعت مسلسلى واطلعت حزت الدعاية تلوووع جبدى واسكر التلفزيون وامشى عشان انسى كنت اضحك على عمرى وكنت اكرة مطارة قهوة عند امى وامى كل يووم تتقهوى فيها مو معبرتى وتسولف معاى وانا عينى عالمطاارة ودى اكسرها اقوولة يما انا اشتريها منج(عشان اكسرها) تقول لا انا ماحس بطعم القهو الا فيها لاوتقهونى منها وااااى صج احس عقلى صغير حااطة دوبى ودوب هالمطااارة ههههههه
اما مواقف الولادة كثيرة اتعب وانا اقووول لله يسهل على كل حامل

 

[الا يامطول صبري]

انااا موقف لاينسى الكووووووووووويت كلها درت انى بولد

كنت فى بيتى وصار معاى نزيف:krkrkr:

وطبعااا طيراااان عالسياره ولازوجى يقولى يابنت الحكومه قريب اخاف تولدين بالطريج :eh_s(2):
وانا اقول لااااااااااااااا مستشفى السلام :lkmnkl: لان كل ولاداتى عندهم وانااا وياه بين حكومه لاخاص وبالاخير قمت ابجى كسرت خاطره:krkrkr: قال خلاص مشينا وامرنا لله وانا يابنات ماساكه علاقه السياره كانى بباص خخخخخخخخخخخخ
والساعه 7ونص الصبح << يالله صباح خير
وزوجى ماشي 240 بسيارتى وانااا صراخ يارب مااكو عوار بس عياره خخخخخخخخخخخخخ مدرى من الخوف احس انى اتعور وشووووووووووووى وحنا نمشى عالشارع المقطع حق الاسعاااف طربخ طرررررررررربخ واناا كل رجه بصيحه خخخخخ وشوى الا :eh_s(13 <<< الدوررررررررررريه لاحقتناااا:RoadRunner:
وحناااااااااااااا ماشين والدوريه ياااااراعى الكامرى وووقف وبالاخير زوجى اشر لهم انهااا ولاده :cxxxp:
قامواا اسبقونااا وفتحوا لناااا الطريج فددددددددديتهم ماقصروااا وطاطووووووو طاطووووو
طبعااااااا شكلى وانااا نازله من السياره رايحه للمستشفى والدوريه وراى تقولين مجررررره بتولد خخخخخخ
وصلت 8 الصبح وعلا طووووووووووول ولدت:eh_s(9):: :wqedqw:

وسورى عالقرقه بس ونااااسه هالموضوع :eh_s(15):​

 

[Om_Ksha]

^
^
^
ههههههههههههههههههههههههههههههه خووووووووووش موقف .. فيلم كوميدي )))))))))))

 

[الماسه حساسه777]

انااا موقف لاينسى الكووووووووووويت كلها درت انى بولد

كنت فى بيتى وصار معاى نزيف:krkrkr:

وطبعااا طيراااان عالسياره ولازوجى يقولى يابنت الحكومه قريب اخاف تولدين بالطريج :eh_s(2):
وانا اقول لااااااااااااااا مستشفى السلام :lkmnkl: لان كل ولاداتى عندهم وانااا وياه بين حكومه لاخاص وبالاخير قمت ابجى كسرت خاطره:krkrkr: قال خلاص مشينا وامرنا لله وانا يابنات ماساكه علاقه السياره كانى بباص خخخخخخخخخخخخ
والساعه 7ونص الصبح << يالله صباح خير
وزوجى ماشي 240 بسيارتى وانااا صراخ يارب مااكو عوار بس عياره خخخخخخخخخخخخخ مدرى من الخوف احس انى اتعور وشووووووووووووى وحنا نمشى عالشارع المقطع حق الاسعاااف طربخ طرررررررررربخ واناا كل رجه بصيحه خخخخخ وشوى الا :eh_s(13 <<< الدوررررررررررريه لاحقتناااا:roadrunner:
وحناااااااااااااا ماشين والدوريه ياااااراعى الكامرى وووقف وبالاخير زوجى اشر لهم انهااا ولاده :cxxxp:
قامواا اسبقونااا وفتحوا لناااا الطريج فددددددددديتهم ماقصروااا وطاطووووووو طاطووووو
طبعااااااا شكلى وانااا نازله من السياره رايحه للمستشفى والدوريه وراى تقولين مجررررره بتولد خخخخخخ
وصلت 8 الصبح وعلا طووووووووووول ولدت:eh_s(9):: :wqedqw:

وسورى عالقرقه بس ونااااسه هالموضوع :eh_s(15):​

هههههههههههههههههههه مت ضحك على الموقف

اخاف يصير لي نفس موقفج

 

[mrs.perfect]

اللي بعدوووو
لايوقف لايوقف لايوقف
اذا ولدت اقارن بين المواقف واقول
وريما انا لو قبل جان ماصدقت بس عقب ماجربت الحمال صج الحامل لها فصلات

 

[يا حبنـي له..}]

رد : شنو أحلى أسوأ أغرب أطرف شي صارلج بحمالج وولادتج؟

هههههههههههههه

مواقفكم اتموت ضحك

ولا يوقف

 

[Om NoOoRa]

هههههههههههههههههه علق امي

ههههههههههههههههههههه
اهو مايدري الله يهداه منو هذي؟
هههههههههههههه
الله يتمم عليج يارب​

 

[Om NoOoRa]

اكرة مطارة قهوة عند امى وامى كل يووم تتقهوى فيها مو معبرتى وتسولف معاى وانا عينى عالمطاارة ودى اكسرها اقوولة يما انا اشتريها منج(عشان اكسرها) تقول لا انا ماحس بطعم القهو الا فيها لاوتقهونى منها وااااى صج احس عقلى صغير حااطة دوبى ودوب هالمطااارة ههههههه

امبيه امبيه سالفة المطاره صج صج موتتني من الضحك
والوالده طنااااااااااش

ههههههههههههههه

الله يحفظها يارب​

 

[Om NoOoRa]

وحناااااااااااااا ماشين والدوريه ياااااراعى الكامرى وووقف وبالاخير زوجى اشر لهم انهااا ولاده
قامواا اسبقونااا وفتحوا لناااا الطريج فددددددددديتهم ماقصروااا وطاطووووووو طاطووووو
طبعااااااا شكلى وانااا نازله من السياره رايحه للمستشفى والدوريه وراى تقولين مجررررره بتولد خخخخخخ
وصلت 8 الصبح وعلا طووووووووووول ولدت:

سالفتج ذكرتيني بسالفة اختي

بس انتي على طول ولدتي

واختي تمت يوم كامل طلوق واخر شي قيصريه

ههههههههههه


يعطيج العافيه​

 

[Om NoOoRa]

لا يوقف


لايوقف


لايوقف​

 

[الا انــــــا]

يعطيك العافيه على هالموضووووووع

ما ادري انا ما جربت الولاده الله يهون علينا كلنا بس اسواء شي صار لي بهالحمال
انتي تنسيت بزوووووووجي مو بس ريحته لا كل شي كل شي حتى غرفة النوم
لو تشوفوني حاطه لي فراش بالصاله انام فيها

 

[miss-winter]

هههههههههههههههه مافي شي في بالي بس وتونس مواقفكم

 

[Om NoOoRa]

انتي تنسيت بزوووووووجي مو بس ريحته لا كل شي كل شي حتى غرفة النوم
لو تشوفوني حاطه لي فراش بالصاله انام فيها

انا تنسيت في مطبخي

مابي اكل ولاشي منه

كانت اختي مسكينه تطبخ لي كل يوم و تدزه مع السايق

لين خلصت اربع اشهر

تحملي تحملي شده وتزول​

 

[الا انــــــا]

انا تنسيت في مطبخي

مابي اكل ولاشي منه

كانت اختي مسكينه تطبخ لي كل يوم و تدزه مع السايق

لين خلصت اربع اشهر

تحملي تحملي شده وتزول​

الله يخلي لك اختك ويسعدها يارب

انا من حملت وانا اقول لزوجي ما اقدر ادش المطبخ ما احب ريحة الطباخ بس مو صج عيارة حريم


بس احس نساتي ما خفت لما الحين بخلص الثامن وانا تلوع جبدي من غرفتي وزوجي:lkmnkl:

 

[R.n]

لوووووووووول الله يسهل على كل حامل يارب

 

[.،:"$الـعـوبــــة$":،.]

حلووووووووووووووووووووووووة مواقفكم وتضحك !!
أممممممممممم انا مافي بالي شي معين !!
بس أذكر وأنا حامل في بنتي وبالسابع رايحة مع أهلي البحر وإخواني معروفين لعبهم دفاشة ،، وكنت أمشي عالبحر وألعب بالماي ،، ويجي واحد من إخواني يركض ويزرني من ورى ويفرني يفرني ويحذفني بالمااااااي !!
وأسمع خواتي يصيحون من قمة راسهم لااااااااااااااااااااااا حااااااااااااااااااااااااااااااامل!!
وأنا أطلع وأضحك وأنا أقول عدت على خير سليمة سليمة !!​

 

[المدرسه (مس)؟]

الي اتذكره وبعده في بالي حمالي في بنتي الاولى كان معانا في البيت اخو زوجي لان كنه بالخارج وهو معانه
كانت عادته قبل لا يتغده يروح يتسبح ويحط عطر ويجي على الغده اتصوروا الموقف كاعد كبالي على السفره وتعط منه ريحه الي انا حرمت زوجي من اي عطر طول فترة الحمل وكنت اول لكمه وعلى طول حمام وارجع
كنت اكل لزوجي الله يخليك كله لا يحط عطر يكلي ما اكدر استحي حكمتيني ميخالف انا زوجج شنو ذنبه هواكله انا راح اكله لان مليت عاد يوم من الايام بطيتها وكتله وهو مات من الضحك كال كل هذا الترجيع طلع مني ومن عطري

 

[كات 511]

ههههههههههههه ضحكني موقف العوبه
انا حدث ولا حرج كل حماله وحام شكل بس كلهم اكره سي السيد وحمالتي هذي فصلت علي عيالي فديتهم بس اجعمهم.......
الولاده صارلي موقف ما انساه في بجري عطوني طلق صناعي وانا ميته خوف منها واول تحميله حطوها ما جاني عوار يذكر وانا اسمع الدكتور يقول اذا ماشتغلت الطلوق عطوها تحميله ثانيه اهنيه اشتغل عندي الذكاء خو مابي تحميله ثانيه ومابي يدخلون ايدهم شسويت قعدت امثل وانا فيني فوبيا ولاده كل ما مرت السستر تقول في عواراقول ايه وانا جذابه واشوف السستر تضحك اثاري حاطين فيني جهاز التخطيط ويبين كل شي وانا كنت عليميه مادري جان تقرب السستر وتقول انتي خايفه قلتلها لا جان تمسح علي راسي وتضحك ومن ردات حظي حزت الولاده غيرو السستر وجابولي سستر تطق والدكتور همن طقني لما رفضت ابطل رجولي للفحص وحرمت عقبها الحكومه.
لدرجة لما صحيت علي الخياط قعدت اتشكر الدكتوره اللي خيطتني (شكوووووووو)هذا وانا حاسه بالخياط حتي الدكتوره استغربت عطتني نظره جنها تقول الحمدلله والشكر.