شنوا رايكم بالتدريس ( أبي أصير مدرسة )

[candle-tears]

بنات خرعتوني يعني ما ادش تربية اساسية ؟؟؟ ما اصير مدرسة مع انه حلمي وطموحي ان اصير ابلة انجليزي

 

[Winter Q8]

ليش هالكلام المحبط
و بعدين تزعلون و تعصبون يوم يقولون بيتعاقدون مع مدرسات من العراق
و دوم تذمون المعلمات الوافدات
شيسون اذا بنات الديرة ما يبون و دوم يتشكون و مو عاجبهم العجب ..

انا ما انكر ان التدريس مو صعب لا و من اصعب المهن لان تتعاملين مع عقول مو مع أرقام و اوراق
بس ابسط شي احتسب الأجر و ان لي دور كبير بخدمة ديرتي

​

 

[teacher-123]

هـلا حبـوبـه ..

التدريـس حـلو وممتـع ..
ومافيـه روتيــن نفس الوظائـف الثانيـه ..
بس حبيبتي .. اذا انتي حابه التدريـس ... وحابه عالم المدرسـه ..
توكلي على الله ..

اما المشرفـه.. والموجـه والاداره بشكل عـام ..
علاقتج معاهـم علاقـه عمل ..بيني وبينج يعني لا تصير ميانـه ..
أبعد عن الشر وغنيلـه ..
يعني تكون في حدود معينـه ..

وطبعا في أنشطـه مطالبه فيها ..
مثل الاذاعـه .. سجل الضعاف الحيـن .. القيم ..
ورشـه أو درس .. اذا مو على مستوى المنطقه على مستوى المدرسـه ..

وأولياء الامـور ..
التعامـل معاهـم بالكلمـه الحـلوة وبالصدر الرحـب ..
وصدقيني اذا انتي كنتي مسويـه شغلج بالكـامـل .. يجوون بس يتشكروون منج ..


وموفقه حياتي

انا مع الاخت بكلامها ...

ولا تتحبطين من اي كلام تسمعينه
انتي شوفي نفسج تقدرين على هالشغله ولا لأ
مو احد يقول لج تقدرين ولا ماتقدرين
انتي تقررين بس شوفي المتطلبات ورحم الله امرئ عرف قدر نفسه..

وان شاء الله راح تقدرين
مايبيله شي
سهالة ان شاء الله
وحطي ببالج اي شغله بالعالم فيها الصعب وفيها السهل..

واستخيري هذا اهم شي
وبالتوفيج...

 

[توفي ذايب]

اقوووووووووووووول انا وحدة من الابلات اللي منحاشات من التدريس ورحت وزارة ثانية التدريس هم وغم لاااااااا واذا الله بلاج بمدرسة شينة من ناحية الادارة او المدرسة الاولى شيفكج.....
عالعموم صراحة انا كنت مستمتعة حيل بالتدريس والله وكنت ادرس ثانوي لكن لازم تدفعين الثمن اما بيتج وعيالج او صحتج واتحدى اي وحدة تقول كلامي غلط

 

[درة أهل الطولات]

لاااااااااااااا لاااااااااااااااا لااااااااااااااا للتدريســ

 

[candle-tears]

صراحه كلامكم قاعد يخليني اراجع تخطيطي لمستقبلي المهني
خصوصا انا ما عندي خدامة ومستحيل افكر اييب خدامة بيوم من الايام لان ريلي يكره الخدم دم ضروسه يعني اذا بييب خدامه راح اظلمها وكلش كلش بايام التعب ايب خدامة بو نص يوم وقت ريلي مو بلبيت ومو بس ريلي صراحة انا بعد ما اواطن الخدم وما اعرف اتعامل معاهم ومستعده اتعب في البيت ولا ارتاح ومرة غريبة ببيتي فأشلون لو دوامي مدرسة وانتو تقولون بياخذ من صحتج ولا اعصابج صراحة قاعده افكر جد جد لان اغبر تخطيطي والله يكتب لي الخير ان شاء الله

 

[om_5aled]

لالالالالالالالالالالالالالالالالالالالالالالالالالالالا

ما انصحج كلش

انا مدرسة و خريجة كلية علوم ادارية تخيلي

بس القرادة ودوني تدريس


اذا تبييين تدثرين عمرج روحي تدريس

 

[moony77]

اذا لج خلق
1- اعداد الاختبارات الفترية
2- اعداد التحضير اليومي
3- اعداد اختبيارات قصيره اسبوعية
4- اعداد برامج اذاعية مميزه
5- اعداد ورش وندوات مميزه على مستوى المنطقة
6- اعداد دروس نموذجية على مستوى المنطقة واذا انتي جيده سويها احسن على مستوى الوزارة
7- تصحيح الكتب والدفاتر وخصوصا انا تخصصي علوم اصلح كتب ودفاتر الله يعين وغيري عربي وانجليزي ودين ورياضيات طق اصبع مساكين الله المعين .
8- تصحيح الاختبارات ورصد درجاتهم وديري بالج تغلطين بدرجه ولا رحتي فيها
9- تحمل شغل المربية والمشرفة
10- الاختبارات النهائية تتحملين تقعدين لي العصر وممكن يكون المغرب وممكن لي الساعه 10 بالليل بس قولي لريلج عشان ما يطقج خل يوديج احسن
11- تحملي كلمه من اهنيه ولا اهنيه تجرح كرامتج
12- لو عطوج احتياط بوقت راحتج لا تقولين لا عشان ما يحطون عليج

هاه تبين بعد يله بنات يمكن اكون نسيت شي ذكروني عشان البنت تتشجع وتجي عندنا

 

[الشعطانية]

السلام
انا عضوة جديدة وحبيت اشارك معاكم
التدريس مهنة وايد حلوة خصوصا اذا هاوية التدريس واذا كنت اجتماعية انا ان شاء الله بصير مدرسة كوني اجتماعية وايد وراغبته اكثر صج الكل يذمة بس قلبي حاب هالمهنه علشان كذي حاسه اني راح ابدع فيها ولأنــــــــــي أحب مدرسة وهي قدوتي بهالحياة وودي أكون مثلها (( هذا رايي))

 

[مي الصغيره]

حسب تخصصج اذا مادة اساسية اقولج كراف وكله على حساب اعصابج و صحتج لان الحصص تهد الحيل و التصليح والدفاتر وغير الشغل الاداري و المناوبه و اولياء الامور اللي ما ادري شلون صايرين والبنات واعوذ بالله
اذا بتخصصين بماده خفيفه مثل الرسم او الالعاب هم كراف بس اشوي اخف
اللي يصبرج عليه المعاش بس لا غير والله الناظرة اذا ما حبتج تطين عيشتج حتى لو كنتي ماشيه عدل تقدر تطلع لج تهمه من تحت الارض مع الشهود بعد اسألي مجرب قطيعه انا جربت اكثر من مدرسه كلهم نفس الشي الادارة اذا صار شي تحمل المدرسات المسؤوليه ما ادري من اللي يدير المدرسه الناظرة والا المدرسات اللي ما احد مقدر تعبهم

الزبدة افتكي من شي اسمه وزاره التربية انا انشاء الله اذا قدرت بستقيل و زميلتي استقالت تحسين في سياية تطفيش للكويتيات بالذات ؟؟؟؟؟؟؟؟؟؟؟؟؟؟؟؟؟

والله يوفقج

 

[uptown girl]

oh my god are you crazy ???
حبيبتي اقري كلام البنات بالصفحه 2 اللي معارضين فكرة التدريس ترا كل اللي قالوه قطره في بحر
انا مدرسه انجليزي خريجه بمرتبه شرف وانا اشرح تطلع لي بنت مجويه على راسها تقول ميييييييييييييييييسسسسسسسسسسسسس الكلمه غلط ميييييييييييييييييييييييس موجذي تنكتب وتتفلسف الاخت وتضيع الوقت ولما تقولين لها ماما انا مدرستج واكبر منج مو انتي اللي تعلميني تحقد عليج وتروح الادارة وتقول الابلة سبتني خو الادارة ما تجذب خبر عشان تسوي حركات يعني شخصية الناظرة الحين وتيي ولي الامر اللي ما تدري وين الله حاطها و هات ياجذب و سمعي الكلام اللي ما تسمعه حتى الخدامه اللي بالبيوت
rقطيعه ترا احنا بنات حمايل و نشتغل بمكان المفروض محترم تسمعين كلام من اللي ما يسوى بيزه على الطالعة والنازله
انا احب التدريس وكنت ودي ابدع فيه بس لما تشوفين المدرسه الاولى تاخذ شغلج او الناظره تهمش دورج او الموجهه تكلمينها تلقين مدهون سيرها شي تسوين
من ناحيه بيتج واعيالج وزوجج هاذا ويهي اذا قدرتي تشوفينهم اكثر من ساعه باليوم وبدال الخدامه لازم ثنتين لان باليت لازم تحضرين وتسوين الخطة الاسبوعيه الي بيبدون فيها السنه اليايه مع المتوسط وتصلحين و اذا في امتحان لازم باجر تسلمين الدرجات عشان المربيات يسوون الشهادة احنا انتكلم عن صفين اقل شي او ثلاثة

اذا انتي وحده محتاجة المعاش المعاش قوي
وسلامتج

 

[غلا جابر]

التدريس كله تعب في تعب0000

 

[الشعطانية]

:dddds:السلام
حبيت أسلم وأبدي رأيي بالموضوع بخصوص التدريس
من رأيي أن التربية مهنة حلوة حيــــــــــل خصوصا ما فيها اختلاط وهي مهنة اجتماعية تتعاملين مع كل الناس .....
وأنا باذن الله بصير مدرسة لأني اجتماعية وأحب التدريس بشكل مو طبيعي """
والتعامل مع الناس المحيطة فيك شئ سهل بالحب والطيبة تكسبين كل الناس .....
أتمنى عجبك رأيي عن التدريس:ggdw::eh_s(6):