شنوا رايكم بالتدريس ( أبي أصير مدرسة )

[red tulips]

خواتي الحلوين
اشلونكم
انا ابصراحة صارلي 4 سنوات اشتغل بجه حكومية بس حابة ان انتقل لوزارة التربية
و خايفة القرار مو هين
ما عندي خبرة بالتدريس ؟ و انا راغبة ان ادرس متوسط
عفيا نصحوني ابي رايكم ابصراحة
اشلون اتعامل مع الزميلات بالغرفة و المدرسة الاولى و الوكيلة و الناظرة و الموجه
و هل المدرس مطالب ان يسوي انشطه
و شنو حقوق المدرس وواجباته
و شلون يتعامل مع اولياء الامور
الله يعطيكم العافية يا حلوين
:klhfl:

 

[^ حـلـــــوى و رهـــــش ^]

هـلا حبـوبـه ..

التدريـس حـلو وممتـع ..
ومافيـه روتيــن نفس الوظائـف الثانيـه ..
بس حبيبتي .. اذا انتي حابه التدريـس ... وحابه عالم المدرسـه ..
توكلي على الله ..

اما المشرفـه.. والموجـه والاداره بشكل عـام ..
علاقتج معاهـم علاقـه عمل ..بيني وبينج يعني لا تصير ميانـه ..
أبعد عن الشر وغنيلـه ..
يعني تكون في حدود معينـه ..

وطبعا في أنشطـه مطالبه فيها ..
مثل الاذاعـه .. سجل الضعاف الحيـن .. القيم ..
ورشـه أو درس .. اذا مو على مستوى المنطقه على مستوى المدرسـه ..

وأولياء الامـور ..
التعامـل معاهـم بالكلمـه الحـلوة وبالصدر الرحـب ..
وصدقيني اذا انتي كنتي مسويـه شغلج بالكـامـل .. يجوون بس يتشكروون منج ..


وموفقه حياتي

 

[ريانا]

والله على حسب التخصص

اذا تخصصج عربي او انجليزي لازم تتحملين انه تعب بس اذا حابه توكلي على الله

 

[رضاهم جنه]

انا اقول اقعدي بجهتك الحكوميه والله احسن لك !! >> ادري احبط بس هذا الواقع

تدرين شنو ميزة التدريس الحين بس المعاش بس حتى العطله كل سنه تنقص ايام لما يخلونها 40 يوم بس واذكركم

اذا تخصصك بدنيه او فنيه حولي اما اذا غيره لا

التدريس كاااااااااااااااان حلو والحين من قراراتهم الله يهداهم يكرهون الناس فيه

وترى انا حاولت احول اداريه ما قدرت الا لازم اتم 10 سنوات بالتدريس !!! او واسطه قويه

 

[بناتي سكر نباتي]

والله التدريس مهنه حلوة وممتعه ............اذا حبيتيها
والله يوفق الجميع

 

[وردة ملونة]

شوفي حبيبتي التدريس له سيئاته وحسناته ... واذا كان تعامل الادارة زين معاج والمدرسة الاولى صدقيني راح ترتاحين وتقدرين تبدعين بمجالج حتى لو كان تخصصج صعب ... والله يوفقج ويعينج على بنات المتوسطة :eh_s(6):​

...

 

[doooora]

التدريس جهاد اذا قادرة عليه حولي ،،

 

[$ فراولة $]

ماعطيتينا معلومات عن تخصصج ؟ عشان ابلات المواد اللي نفس تخصصج يعطووونج معلووومات كافيه ووافيه

 

[حلوه حدي]

يااما التعب والهم والكراف او الراحه والمتعه والقهوه والجاي يعتمد على حسب التخصص عاد انتي وحظك

 

[الدانة]

حبيبتى استخيري وتوكلي على الله

في كل مكان كراف وشغل ,, بس ميزة التدريس انج تتعاملين مع طلبه وتشوفين نتايج عملج جدامج


طبعا انتى مطالبه بانشطة وبرامج اذاعية ودروس وورش ,, بالاضافة الى وسائل وافكار ,, بس صدقيني كل هالشغل ممتع

راح تحسين نفسج تعطين خاصه اذا كنتى تحبين تشتغلين ,,

انا كنت نفسج اشتغل في جهه حكومية واشتغلت في التدريس وبصراحة يمكن كنت ندمانه بالاول ,, بس الحين احس انى الحمدالله مرتاحة حيل

كافي يكون عندج عطله ترتبين فيها افكارج وتعيدين فيها حساباتج وتفتكين من الشغل شوي

بس مع كل هذا استخيري والخيرة فيما يختاره الله لج


بالنسبة للمراحل ,, انا انصحج بالمتوسط ,, بالنسبة لي احلى مرحلة ,, البنات اللي فيها مو كبار يعلون القلب ولاصغار يغثون

 

[كل شيء عادي]

إي والله التدريس جهاد
لو ألاقي وظيفه ثانيه تركته على طووووول الحلو فيه بس الراتب والإجازه
نكرف ونتعب وحصه ورا حصه ومافي أي تقدير أبد
أولياء الأمور يطقون مشوار ويجون بس عشان يشتكون بس أحد يجي يشكر يقول يعطيكم العافيه لاتحلمين خليها على الله بس
والتدريس رساله ومو أي أحد يقدر عليه وربي راح يحاسبك يوم القيامه إذا أديتي رسالتك بأمانه ولا لا ؟؟!!!
وقبل لا تتسرعين أستخير وخلي في بالك إنك راح تتعبين وتكثر زياراتك للمستشفى صداع وبحه في الصوت وضغط ..... وتكرهين نفسك وتندمين على اليوم إلي درستي فيه أول ثلاث سنين إذا مو خمس وبعدين راح تتعودين ويسير عندك تبلد في المشاعر
ملاحضه مهمه: أنا مدرسه إسلاميه إبتدائي (أولالالالالاد)
الحمد لله على كل شي إلى يشوف مصيبة غيره تهون عليه مصيبته الله يكون في عون كل أبلة عربي صدق من قال : من علمني حرفا صرت له عبدا .
إنشاء الله أبلات المتوسط يفيدونك أكثر لأن المتوسط غييييير الإبتدائي
وربي يوفقك .

 

[mi corazon]

إي والله التدريس جهاد
لو ألاقي وظيفه ثانيه تركته على طووووول الحلو فيه بس الراتب والإجازه
نكرف ونتعب وحصه ورا حصه ومافي أي تقدير أبد
أولياء الأمور يطقون مشوار ويجون بس عشان يشتكون بس أحد يجي يشكر يقول يعطيكم العافيه لاتحلمين خليها على الله بس
والتدريس رساله ومو أي أحد يقدر عليه وربي راح يحاسبك يوم القيامه إذا أديتي رسالتك بأمانه ولا لا ؟؟!!!
وقبل لا تتسرعين أستخير وخلي في بالك إنك راح تتعبين وتكثر زياراتك للمستشفى صداع وبحه في الصوت وضغط ..... وتكرهين نفسك وتندمين على اليوم إلي درستي فيه أول ثلاث سنين إذا مو خمس وبعدين راح تتعودين ويسير عندك تبلد في المشاعر
ملاحضه مهمه: أنا مدرسه إسلاميه إبتدائي (أولالالالالاد)
الحمد لله على كل شي إلى يشوف مصيبة غيره تهون عليه مصيبته الله يكون في عون كل أبلة عربي صدق من قال : من علمني حرفا صرت له عبدا .
إنشاء الله أبلات المتوسط يفيدونك أكثر لأن المتوسط غييييير الإبتدائي
وربي يوفقك .

ياصاجه وياصاجه ما جذبتي ... آنا مدرسة عربي وطالع العربي من عيوني

وعلى قولتهم هالتدريس جهاد جهااااااااااااااد

استخيري وفكري عدل

 

[شوبارد 2009]

أذا حأأبه تبدعين ..حياج بالمدرسه ..وأذا لا وفيج كسل موطبيعي ..أقعدي مكآآنج

تدريس يبي وحده جآآي حب لتدريس وأبداع +_ حب عمل


^_^

 

[nandeny]

ويييييييييييييييييييييييع وييييييييييييييييييييييييييييييييييييييييع اذا كنتي حابه تحملي انتي من صجج !!! انا لو ودي جان انحشت قطيعه من الوزاره بكبرها بس الحظ معسررررررررررررررررررررررررررررررررررررر وزاره تعبانه وييييييييييييييييييع لالالا موصج لاعت جبدي اوووووووووووووووووووف الله يفرجها علي واطلع منها قولو امييييييييييييييييييييييين تكفون

 

[أخت خالد]

نصيحة لا تنتقليييييييييييييييييييييييييييييييين

 

[أخت خالد]

بالعكس حتى مدرسات التربيه الفنيه عليهم ضغوطات يعني اي درس نموذجي او غيره لأي تخصص نادونا وهذا شغل مشرفات التقنيات وغير صبغ الممرات والمدرسه لها ميزانيه بس البخل والعياذ بالله ومرات ينادونا نسوي واجهة المدرسة استاندات وغيره واخر الكورس كنترول اجباري حتى لو بمحافظه غير محافظتج ولا مدرستي تخصص الرسم والبدنيه يوزعون الشهايد عقاب استغفر الله وفي شغله بعد احنا نشيل احتياطات المدرسه ويقولون مشكلتج ابلة رسم انا تحسفت صرت مدرسه اصلا

 

[m!ss_foOoshi]

اذا عندج نفس تقابلين الطالبات ...................................... وانتي تعرفين بعد الطالبات هالوقت الالسان اطول منها و وبس
وشكرا

 

[صعفوقة]

ويييييييييييييييع لاعت جبدى وقسما بالله نصيحه اخت لاتروحين واقضبى قاعج والله تكرهين حياتج مع ان تخصصى اجتماعيات اولاد ابتدائى
حصص دروس اولياء امور وبلاوى ماتعدينها والله مرات ما كو وقت نتريق خليج بشغلج على الجاى والقهوه ابرك لج

 

[أم أنور]

ما انصحج كلللللللللللللش

 

[مدرسة مكروفة]

والله ما انصحج التدريس تعب ولوعة جبد