شنوا اللي يبط جبدج بالسفرة&&&&&&&&&

[*مارلين_مونرو*]

الله خوووش موضوع توني اطيح عليه ..

اللي يغثني بالسفر :
1- ابوي و نرفزته علينا يلا و يلا و صرااااخ و حالته حاله ..
2- الترجيع اللي ماله نهايه عندي تكرمون .. من ادش المطار لما اطلع من المطار الثاني و انا ترجيع
3- الحمامات تكرمون مافيها ماااي بس كلينكس ويع قذاااره ..
4-البوق اللي على افا من يشيل ..
5-اذا كانت الطيارة فيها اوادم يمي او وراي ريحتهم تصك الراااس وااااااااي اكره عيشتي ..
6-وقت التاكس فري ويــــع اكره ماعليي يتبلغون على شغلي !! مرة وحده فرنسيه مالت عليها لببست ساعتي والله ماحبها لي يومكم هالساعه !!
7-لما يصير وقت الاقلاع و يقعدونا جم ساعه بالطيارة لان اجواء الدولة مزدحمة بالطائرات (( عمري عالفصحى ))
8-لما يصير ترانزيت و المفروض غرفنا بالفندق تكون جاهزة اول مانوصل .. ولا الغرف يبيلها ساعه يالله تجهز انا اموووووت
9-لما اشتري تشب من هناك وادز مسجات حق الكويت و ادق عليهم مايصير لـ وووووووو لـ
10-لما اطلع متكشخه عشتو ويطق علينا مطر واااااااااااي شعري يصير كيرلي من الماي لـ وووووو لـ
11-لما اكون مشتهيه مطعم واروح يقولون ننطر ساااعه من الزحمه
12-اكره شي عندي بالدنيا ريحة الطيارة .. وريحة الصابون اللي بحمام الطيارة و ريحة اكل الطياارة .. حتى ريحة الجريدة بالطيارة تللوووع جبدي ماااحب ولا شي بالطياره غير انها توديني ديره استانس فيها و تردني ديرتي و بسسسسس ..

وبـــس هذا اللي اذكره ..

 

[الصابرة المحتسبة]

السفر كسر للروتين يا ظلال القرآن
وعسى ربي يسهل وتسافرين كل عطلة

 

[الصابرة المحتسبة]

نواارة شخليتي
المهم انشالله كل شي يتغير وصير اللي في بالج

 

[ام كتكوت]

اكثر شي يبط جبدي ..

1 لمن اروح ديره وبنركب تكسي يقعد يسرع ويلفف فينا كأننا مو موجودين وخصوصا الزحمه

2 المشي هناك ماقدر امشي وايد وريولي تعورني وايد ويضيق خلقي لمن بخاطري اروح مكان وريولي تتسلط علي

3 لمن اركب الباص اففففف اكرهه وتيني لوعه واكتئاب

4 لمن اضطر اشيل الكاميرا بكل مكان او التلفون واقعد اصور كل شي ورفيجاتي او اهلي يتطنزون علي كل شي تصورين

5 عادات وتقاليد البلده اللي رايحتلها ساعات اتنرفز منهم احسهم مايحبوننا

امبي صار وايد

6 يبط جبدي كل المطارات بالعالم والاجرائات اللي تتم فيها واهم شي لمن احاتي جوازي لا يضيع ومارد الكويت

7 تنبط جبدددددددددددي واموت قهر وااااااااااااااااااايد لمن ادخل الحمام تكرمون ومافيه هوز لان اغلب سكنا بفندق وعارفين ...

8 الخز والمغازل وخصوصا لمن نروح ( .....) افففففف مو طبيعيين


اذا تذكرت بقول
ومشكوره ع الموضوع الحلو :eh_s(17):

 

[الصابرة المحتسبة]

ام كتكوت: تسلمين ياقلبي واحنا بتظارج

 

[الصابرة المحتسبة]

رفع

 

[shosho66]

:nocommint::ssssso:
:e3:​

 

[الصابرة المحتسبة]

أفا خيرها بغيرها

 

[الصابرة المحتسبة]

للمشاركات الحلوة

 

[الصابرة المحتسبة]

رفع

 

[الصابرة المحتسبة]

رفع

 

[فديتج]

الي يبط جبدي بالسفرة أن قبل السفر بيومين تحوشني ضييييقه مو طبيعية جني مغصوبه على السفر
ولما أوصل المكان وكل شي تمام ينشرح صدري :dddds:
ولما برد الكويت ينغمت قلبي وما ودي أرد الحمدالله والشكر


ولما يكون أهل الديرة الي أنا فيها نفس خايسه ويخزووون جني يايه من الفضاء
مثل الألمانيين والايطاليين وقله قليله من الأمريكان:eh_s(14):

 

[الصابرة المحتسبة]

تسلمين على المشاركة
ويعل ربي يبعد عنج الضيقة

 

[قهوة عربية]

السلام عليكم

أكثر شي يبط جبدي بالسفر :

1 - يوم السفر نفسه كله محاتاة وعلى أعصابج لأن كل شي بويهج لو نسيتي شي

2 - تأخير الطيارة خاصة للسفرات الطويلة

3 - كرسي الطيارة ( خاصة طاولة الأكل ) >> أنا وحدة متينة وأتضايق من طاولة الطيارة دايما نصف فتحة ....( من الكرش طبعا)

4 - الحمامات عموما سواء بالفندق أو المطار الأجنبي أو المولات ....( ماكو بربيش ) ولازم بطل ماي الصحة معاج

5 - عاد إذا وصلنا الفندق ولقينا غرفنا أي شي ...أو تطل على الزبالة أكرمكم الله .....أو مو على الحدايق أو مناظر طبيعية أو على الحرم

إذا كانت السفرة للعمرة مع ان بالكويت أول شي نشرط عليهم الغرف المطلة على الحرم أو الحدايق .....واللي يحرني ان زوجي يدفع فلوس

أكثر عشان هالشي لأن يفرق بالسعر .....ومع ذلك لما نوصل للديرة مايدقق ولايهتم ولايتحلطم .......أهم شي يريح نفسه من تعب السفر و الطيارة ويقط عمره بأي مكان ....وأنا بس اللي أتحلطم وأتبرطم .....وكل مرة دايما غرفنا تلووووع أقصى الجبد


6 - عيالى اللي يموتون على النوم ....يكرهونج بالسفرة وتحلفين ماتسافرين معاهم مرة ثانية ....يعني إذا بنطلع حق سوق أو متاحف أو أماكن أثرية أو أي مكان ....مانطلع إلا الساعة 12 الظهر !!!!!!!! على مايقومون ويبدلون ويتزهبون .....واللي يشحن تلفونه أو يشحن الكاميرا حزة الطلعة ........لا ويتشرطون ....يبون يتريقون وياخذون راحة راحتهم ....... خلص اليوم ....بعد شحقه تطلعون !!!!!

7 - الأكل الحلال ....تعالى تحري الأكل الحلال ....والأماكن اللي تقدرين تطمنين ان أكلهم حلال .....ساعات عقب المشي والفرارة والتعب .....والله ندور مطعم حلال ....مانلقا إلا بطلعة الروح .....ونقزرها بفاكهة أو توست وجبن ....

8 - بعض العادات الوصخة في أوربا مثل البووس بالشوارع ....قطيعة أو السكارى اللي يتخرطفون جدامج ويحرجونج جدام عيالج ...أعوذ بالله منهم

9 - بطاقات البنك ....لما تغلطين غلطة بسيطة بالرقم ....بسرعة تنسحب منج ....وتعالي عابلي مع الموظف يترحم عليج ويعطيج بطاقتج ...أوووووووف كل نحاستهم يطلعونها فيج .....
أو تبين تتصلين ببيت التمويل وانتي بره ....تطلع روحج يالله يردون ...وانتي متوهقة تبين تسحبين فلوس والبطاقة ماتشتغل .....أموت وأحيا بهالوقت

10 - يوم السفر للكويت إذا كنتي بدولة أوربية ...وتوقفين طابور حق التاكس فري ......( بدون مبالغة ثلاث ساعات شوية ) ....وآخرتها ياخذونها منا بالوزن .....
:klhfl:



11 - تذكرت شي بعد ....لما تكونين بالطيارة ...ويجي اللي جدامج ويسدح الكرسي على الآخر عشان يريح وينام ...:eh_s(14):......ياسلااااااااام بيت أبوك ...!!!!! مافي اعتبار للناس اللي وراه



وسلامتكم .....جنى مصختها وطولتها .....بس يبقا السفر حلو وتولهين عليه كل سنة

 

[الصابرة المحتسبة]

تسلمين على المشاركة الروعة ولا تقاطعين

 

[bnt_7waa]

elrest room 7mamaathom(y3zkom allah)


bel English country

 

[كوارين]

انا الي اكرهه بالسفر اغسل ملابسي واسوي اوتي اووووووووووووووة اكره شي

 

[الصابرة المحتسبة]

بنت حوا: هذي مشكلة السفر واللي تلوع اجبودنا
وبطل الماي مايفارقنا

 

[الصابرة المحتسبة]

كوارين: عندج الغسلات (اخدم نفسك بنفسك) تريح واوتي صغير ومشي الحال شنسوي

 

[Coffe Shop]

أنا اللي يبط جبدي بالسفره لمن تكون السفره فيها ترانزيت و طويييييييييل و نكووون مقضينه كله بالمطار الله لايوريج النفسيه اللي تصير فينا و الدخاااان اللي يطلع من خشومنا بس والله كل ما أذكر اللي صار فينا أضحك ههههه لأنها جد ذكريااااات ما تنسى طووول العمر ...