شنوا اللي يبط جبدج بالسفرة&&&&&&&&&

[دانه الهيرات]

انا اكثر شي يضايقني اذا وصلت الأوتيل ولا الغرف مو جاهزه و ينطرونج باللوبي وانا اكون مع عيالي و نكون تعبانين . فهذا الموقف اللي ماحبه و ثاني شي ماحب اروح اصور ولا بنص خبتي تطفي البطاريه صج انقهر.

 

[Ms. luxury]

بعد الي بط جبدي بسفرتنا الاخيرة ..إنا سافرنا مع قروب وكانت أول مرة وماراح أعيدها بإذن الله ...صج الكويتيين راعيين مشاكل بالسفر إلا مارحم ربي ...والقروب تشوفين ناس نفسيات الله يعينهم ..شي يحسبون ان السفرة سفرة ابوهم .ويتحلطمون عليج ..هاو اشحقة يايبه اليهال معاج جان يبتي خدامتج معاج .جان خليتيهم عن أحد . <<<ياخي اشحاركم ..انا مستانسة مع عيالي وعاجبني الوضع <<بس الصراحة كنت مستانسة بالبداية بس مع تعليقاتهم ومحاتات الناس وخوفي اني أزعجهم بعيالي خلاني أتوتر وكرهت السفر مع يهال أقل من عمر 4 سنين
غير جذيه من مشاكلهم يتعنفقون على السكن ..والديرة اللي كنا رايحين لها تركيا مستوى الخمس نجوم اللي فيها كأنه بونجمتين من اللي عندنا بالخليج ..وهات يالتحلطم والتقرطم ...
غير جذيه ماتدرين شنو الناس اللي بيطيحون معاج بالقروب ...ناس عادي عندها مغازل وناس لبسها فاضح الله يهديهم ويخوززون بريلج وآخرتها صارت هوشة بالمطار بين بنت مومتزوجة وبنت متزوجة والتهمة كانت ان اللي مومتزوجة تقل أدبها جدام زوج هالبنت اللي متزوجة وتحاول تطيح الريال ..سوالف وساخة وبلاوي ...بس بس بس بعد توووووووووووبة
غير جذيه يبون المرشد على طول يودينا السوق وأنا من النوع اللي ماحب السوق بالسفر ..تلوووووووع جبدي صج صج ..واحنا مع هالقروب كل يوم سوق سوق سوق علشان جذيه مرة ثانية بعد ماكو قروبات وخرابيط بروحنا وبس

 

[Ms. luxury]

:ggdw:وين وين وين التفاعل:ggdw:

 

[الصابرة المحتسبة]

تسلمين شيهيرو : وسلمتج الأمانة ............. انتي كملي ولا تخلين السوالف توقف ............... من بعيد بتابعج...........

 

[أم أحلى جود]

ماحب المطار ولويته خاصه اذا معاج يهال
اليوم الي برد فيه الكويت يضيق خلقي لووووووووووووووول
والي يبط جبدي العرب الي يخزونج من فوق لي تحت حيل يحروني
وهمن من الي يبطون جبدي الي تكون بطياره لابسه عباءه وكل شي وتفصخ العباءه قبل مانوصل وتحط مكياج

 

[الصابرة المحتسبة]

العرب ما كو شغل حتى بالسفر مخازز ........... اما البنات اللي يسوون السوالف هذي نقص ......... والله يهديهم.

 

[HASB_83]

خووووش موضوووع

خليتيني اتذكر سفراتي وطلعتلكم بهالموجز هههه


انا اللي يبط جبدي اذا سافرت ومعانا نااس (مسافرين معانا) مونفس مودي
يعني انا ابي شي واهما يبوون شي واااااااااااي حدي اتنرفز واطنقر ومووووووووووزين اذا طنقرت لول


واللي يقهرني بعد الكاامرا وما ادراك ما الكامرا بالنسبه لي!!
لازم كامرا والا ما اطلع واذا خلص الشحن اكتئب يضيييق خلقي


والي يبط جبد جبد جبدي لول
اذا انا بالسووق احوس واشتري واخم القش اييني ريلي يقولي خلاص وايد شريتي هذا كله وزن!!!
وطبعا اطلع وماكون شاريه كل اللي ابيه من الضغط


وامممممممم
محاتاتة الوزن طبعا.. وهذا كله راح اكون انا السبب فيه ... هههه


وووو المرض بالسفره!!

اتذكر مرضت لما رحت ماليزيا كرهت نفسي ذاك اليوم بغيت اموووت ورحنا المستشفىىى ليلحين اتذكر الموقف ولا راح انساااااااااااه


وو انقهر اذا انا باخر يومين ورحت اماكن شفتها واحنا بالتاكسي مثلا ومامداني ادشها امووت من القهر


واخر شي يضيق خلقي اذا قرب وقت الرجعه مافكر فيه الا الدوام و ملاقته

 

[الصابرة المحتسبة]

صبحكم الله بالخير .......... لا يوقف

 

[أمانيQ8]

اللي يبط جبدي
اعصاب زوجي من انطب مطار الكويت لين اطير الطياره ونوصل البلد اللي متعنين له واهو بوزه شبر وياويلج ان كلمتيه ويصير انفيييييسه ولافوق هذا بس اطير الطياره...يشيل شلايله ويروح اخر سطره بالكراسي ايشوف الفاضي ويقعد ويحط راسه وينام ليييش؟انتي واعيالج قرقه الطريج طويل وماكو زقاير:eh_s(14):ممنوع التدخين والله لايوريج حوستي مع اليهال كل سفره جذي وتصوري الناس نايمين بالطياره ظللللمه وانا بناتي اماجع شعور ةطقني واطقك:eh_s(1):وانا بس اقوم ازفهم واقرصهم وارجع مكاني:krkrkr:
واللي يبط جبدي ان واحنا طالعين مكان بس اصور انسى نفسي وبس اوصل عند شي يستحق التصوير تطفي الكاميرا وماكو شحنهذا بالنسبه للفيديو والفوتوغراف
اللي يبط جبدي اليهال كل 10 امتار الله يعزج يقولون بنروح الحمام...انوديهم وننلطع بره ويقولي زوجي يبا روحي شوفي بناتج ماصارت ادش ولا جذاذبه لابيروحون الحمام ولاشي لعب بالماي والصابون والهاند دراي مشين ازفهم واطلعم اخرتها اكتشفت انهم يحبون يكتشفون كل الحمامات اللي بالفندق اللي بالمولات اللي اي مكان\\
ويبط جبدي لي والمت خليجيين افففففففففففففففففففففف يقطعوني من الخز خز خز خز موطبيعي بس مو الرياييل...لا حريمهم
مره وحده اشكره هدت العربانه اللي فيها ولدها وجابلتني جان اقولها نعم؟؟؟؟؟؟؟؟؟؟؟مسرحيه؟؟؟ قالت حرام اطالع!!
وبعد اللي يبط جبدي زوجي الله يحفظه يقعدنا كل يوم من الساعه6الفيروالرحله 8او 9ليش عقاااب؟ وفيه خير اللي مايقوم وهذي طلعتنا نطلع ولانشوف الفندق الا الساعه11بالليل يردنا ميد مسموم مايحب يقعد بالفندق او الشقه
وووايد اشياء لو بقولج مابخلص

 

[أمانيQ8]

صج السوووووووووووووووووووووووق كل مااشتريت قال زوجي ترا والله وزن شنو هذا يعني لازم تردين بوزن زايد ....
اقوله شسوي يقول لاتكودين وفعلا مثل ماقالت وحده من البنات يسويلي قلق على الوزن
وايون اليهال يمه نبي هذا اهو يعني هذا ماكو بالكويت؟؟؟؟ ولا بس اتكودون عشان الوزن مادري متى تنحل ازمة الوزن عنده ههههههه

 

[MaRiuM]

خوووش موضوووع ..

بصراحه اللي يضايقني .. لما نكون قاعدين بكوفي والا مطعم .. وتلاقين قروب يخزكم خز مو طبيعي ..
وبالأخير تكتشفين انهم كويتيين !! او خليجيين!!

اييييي وييييييييع هذا ابيخ شي الحمدالله و الشكر

 

[الصابرة المحتسبة]

لا يوقف.......... يلا بطوا اللي بجبدكم كله..............

 

[عيد الفرح]

اماني حالة ريلج نفس ريلي والله صدج حرة اذا انتي متحمسة للسفرة وتلاقينلج دقرة من اولها
بس هذا يهون جدام الخز اللي تلاقينة من الخليجييين باي مكان
انا استغرب مجرد مايشوفون انج خليجية يطالعون وهذا والله يدل على عدم رقي
وهالسلوك انا ملاحظتة باكثر من سفرة يعني قلت بماليزيا يمكن الناس اللي هناك مو متعودة على السفر بس انا انصدمت بالصيف كنت بكاليفورنيا بامريكا ورحت سوق انا وولدي وزوجي وكل الخليجيين اللي هناك يخزون بعض
صدج سلوك غير حضاري

 

[الصابرة المحتسبة]

الله يعينا على سالفة الخز .......... بس ما عليكم ما عندهم شي غير التمقل بخلق الله .........

 

[الأماكن]

اللي يبط الجبد بالسفر .... الريحة الخايسة ... عاد أنا شمامة ...درجة أولى

و أنا مسافرة لندن بالطيارة قعدنا 8 ساعات و تعالي شمي ريحة الأجانب ... جدامي هنود ... ووراي شايب و مرته إنجليز ... والله لايوريج النسم ... وهم نايمين ريحتهم...وااااي أستغفر الله... وقبل الهبوط بنص ساعة خلااااااص بجيييييت:krkrkr:وااااااااااي ما أقدر أتحمل....(و إنتوا بكرامة)رحت الحمام و شميت ريحته كان توه وااحد أجنبي طلع منه ... والله وكيلج .... عااااااااع وعووووووووووع ترجييييييييييييييع
و رجعت أبجي مثل الأطفال و...زوجي يضحك على و يقول بس فشلتينا:dddds:
والله يوم كامل مو قادرة آكل ... حتى الــ20 يوم اللي قعدت فيهم هناك أشم ريحة كل شي ... و هالشغلة هذه مسببة لي مشكلة كبييييرة...البعض يقوووول أبالغ ... بس شسووووي هذه طبيعتي:0bee2e8d89:​

 

[Simply_The_Best]

لمـا نشـوف عرب و بالتحيديد نـاس من ديرتـي و أسلم مع إبتسامة و ما يسلمون !!! السلام ببلاش

شايفين روحهم و تلقينهم على الطـل

 

[عيد الفرح]

اي والله اختي simply انا هذا الي استغربلة انتي تكونين مبتسمة وهم بخزونج انا بامريكا شفت مرة كبيرة ومعاها بنتها ب16 مايعرفون يتكلمون انجليزي وبيسألون واحد امريكي ومتوهقين وشكلهم يكسر الخاطر وانا بكل حب سلمت وقلتلها حبيبني انا اساعدج المطعم من هالصوب جان تخزني خزة ولا حتى قالت شكر
بس تصدقين الناس عيال النعمة واللي شايفة خير تلاقينهم بسيطين ونفسج يبتسمون ويتعاملون بشكل راقي
ماعليج منهم

 

[الصابرة المحتسبة]

اللي عمره ما تبخر تبخر واحترق..........

 

[Ms. luxury]

وااااااي سوالفكم تووووحفاااااااااااااا ..صج صج رياييلكم يضحكون ..ياربي شالله حادكم عالسفرة ههههههههه يبه موغصب ههههههههه
الحمد لله <<<<انزين عيبي وباجر بتشوفين خخخخخخخخ

 

[حدي ستايل *]

اي والله اكره شي بالسفر خز الاجانب لنا


قطيعة جنه مخلوقات غريبة