شنوا اللي يبط جبدج بالسفرة&&&&&&&&&

[jazooia]

اكثر شي يكرهني بالسفره كنا رايحين تركيا م في احد يتكلم معاج انجليزي كله لغتهم مافي اي طريقه نتفاهم معااهم حتى بالاشاره
كنا مره داخلين ستاربكس مال تركيا و قاعدين نطلب انا و بنات خالتي وايد كنا في كل و حده تقول طلبها جان نقوله ربيت ذا اوردر ..
جان يقول ما فهمت يعني يبلغته و نأشر على الكمبيوتر عيد الاوردر عيد الطلب طبعاا ما فهم لين يا الطلب بس الحمدلله نفسه لوووول و صار اشياء وايد بس اشوه عدت على خير لووول
يسلمووووووووووووو

 

[كرامتى تهمنى]

اللى يبط جبدى دوخه المطار والاجانب اف بعضهم حشاكم وسخين شكلهم مونظيف والشي الثانى لكنت بتايلند ويوم كامل مطر غزير :<ماطلعنا راح علينا يوم هههههههههههه

 

[هدوء العالم]

إلي يبط جبدي نفسية الألمانيين الزفت أذكر أول وأخر مرة رحتلها 2006 مرة سدو الطريج على داخل مرة ثنتين لابارك الله فيهم أقولهم بلييز قف مي ( أفسحوا الطريق ) عمك أصمخ لين تنرفز وديزيتهم وأعطيهم هذي الخزة يعني شايفيني عربية ومسلمة حاقريني :eh_s(14)::eh_s(14):

 

[el2ansa elzain]

إلي يبط جبدي الي أول مره يشوفون مسلمين متحجبين واخذي خز واااي يعني تكونين ماشيه بحالج تلقينهم خز وحش فيج اشكرا جدامج :dddds:
أول الايام تنبط جبدي واتحلطم عليهم:eh_s(14): يعني شكو يحشوون جدامنا بس طبعا مو بالانجليزي عشان ما نفهم يتكلمون بلغة ثانيه بس يبين حش ههههه :dddds:
كنت اهتم واعصب:eh_s(14): بس بعدين طاااااااف حده امشي وااثقة الخطوه مالي شغل فيهم وخل يخزون من الحين لي باجر عناد قاعدين على قلبكم :dddds:

 

[الصابرة المحتسبة]

هلا بحبايب قلبي

لايوقف

 

[$$ ام فهد $$]

انا الي يبط جبدي اذااحنا بالسفرو قلنا حق اي احد ان هالشغلة كلفتنا المبلغ الفلاني او الرحلة كلفتنا هالمبلغ قالوا واااااااااااااي قصوا عليكم احنا طلع علينا ارخص ويبدي المعاير بصراحة هذا الي يازمني بالسفر يعني اهم الفهمانين واهم الله خير

وبعد لما يكون موعد الطيارة الصبح يعني لازم احنا بالمطار الفجر وتعالي قعدي اليهال ولبسيهم والنفسية تتعب حدها وعذاب المطار والوزن
واللوية وترى هالسوالف وايد ماتخلص خاصة بالسفر

ومشكوووووووووووووورة على هالموضوع المشوق والله يعطيج العافية

 

[مدلعه عمرها]

والله يضيق خلقي اذا خليت ولدي وسافرت ماينام الابحضني حيييييييييل متعلق فيني وهذا يمنعني من السفر

 

[الصابرة المحتسبة]

ام فهد هلا يالغالية المهم استانستوا وترى حجي الناس مايخلص

مدلعه الله يخليلج وليدج واخذيه معاج اذا اهو متعلق حيل

 

[Daaloo]

الي يضايقني ف السفر اذا الي كنت امخططه له ما صار مثل ما خططت...وبعد الطياره احسها تمشي بطيئ خخخ والله صج اتبط جبدي الطياره
واحيانا اتصير مواقف غبيه مو بس تنبط جبدي اكره عمري والي حوااالي (اصير مجرمه) اللهم يا كافي ههه ...مثلا مره كنا رادين من سويسرا ومستانسين من السفره الحلوة وفي المطار حزة الرده جان ايقولون حق زوجي ما لك مكان باطياره..اشلون تذاكرنا مع بعض قاصينها يا ولد الحلال شوف مني مناك ما كو؟؟ ماكو!!! انزين الحل؟؟؟ المدام والولد يرجعون وانته اتم هااا @_@ بققت عيوني عاد انا خوافه قلت حق ريلي خلني اكلمهم يا معود الجنس اللطيف يحلون المشكله خخخ ...اي لطيف اي بطيخ اقولكم اصير مجرمه حزة الحزة وهاوشتهم (قواة عين) طلعنا حنا الغلطانين لازم انأكد الحجز قبل السفر بيومين

 

[كويتية و لكن]

تسلمين حبوبة

انل الي يبط جبدي اذا بالطيارة قاعدة وانتي علي اعصابك ويقعدون يمك ناس يتكلمون بصوي عالي يقولون واي ليش الطيارة مو سريعة الحين بالطيح الحين بنموت واي اتا مادري شصير فيني اموت من الخوف

يا كرهم هالنوع من الناس

 

[كويتي مميز]

مشكوره ويعطيج الف عافية

 

[الصابرة المحتسبة]

تسلمون على المشاركة

 

[الصابرة المحتسبة]

رفع

 

[الصابرة المحتسبة]

ــــــــــــــــــ

 

[اميره1980]

لمن اكون ناسيه شي اييبه معاي من الكويت و اضطر اني اشتريه من بره ماركة ثانية ما ادري شنو اهيه
اذا سافرنا مصر الطرارين يبططون جبدي موزعين بكل مكان جنهم نمل منظر غير حضاري بالمره
و اذا سافرت مع ناس ما يونسون يضيق خلقي
بعض الدول خصوصا اوروبا حماماتهم عزكم الله ما فيها ماي ويييييييع

 

[ريومه المزيونه]

انا الي يبط جبدي اذااحنا بالسفرو قلنا حق اي احد ان هالشغلة كلفتنا المبلغ الفلاني او الرحلة كلفتنا هالمبلغ قالوا واااااااااااااي قصوا عليكم احنا طلع علينا ارخص ويبدي المعاير بصراحة هذا الي يازمني بالسفر يعني اهم الفهمانين واهم الله خير

وبعد لما يكون موعد الطيارة الصبح يعني لازم احنا بالمطار الفجر وتعالي قعدي اليهال ولبسيهم والنفسية تتعب حدها وعذاب المطار والوزن
واللوية وترى هالسوالف وايد ماتخلص خاصة بالسفر

ومشكوووووووووووووورة على هالموضوع المشوق والله يعطيج العافية

ا م فهد حاسه فيج بس انا صارلي العكس

قطينا على ماليزيا 4?000 ولما ردينا قالوا بس بالعكس حيل رخيصه وزين ماقطيتوا اكثرررر


يعني ماتسلمين من حجي الناس

 

[0ام الحلا0]

السفر كله حلااااااااااااااا فى حلاااااااااااااااااااا

 

[باعوضه]

اللي يبط جبدي المفاصيييييييييييييييييييييييييييييييييييخ اللي نشوفهم-- وزحمة المطار والحوسه

 

[الصابرة المحتسبة]

مشكورين على المشاركة

ولا يوقف

 

[جوري 2007]

انا عكسكم
احب لوية المطار استاااااااانس لي رحت المطار خاصة بالروحة "يعني مطارنا "
واللي مااحبه بالسفر الطيارة
يمكن انا الوحيدة اللي بالعالم اللي تلوووع جبدي طول الطريج لااقدر اسولف ولاآكل ونفسي بخشمي ولي نزلت الطيارة هااات ياترجيع
مايذبحنب الا الهبوط البطيء اوووووووووف اموت منه
والشي الثاني غسيل الملابس الداخلية والدلاقات
اكون رادة تعبانه من الرحلة بس لازم اغسل عشان لايتكودون