شنـو سـبب اختيـارج لـ تخـصصـج و هـل كـان بقنـاعة منـج ..؟ خلينـا نشوف ميـولـج ونسولف

[zainab.91]

شنو كليتج :
كلية العلوم الصحية - التطبيقي

شنو تخصصج :
علوم صيدلانية

شنو سبب اختيارج للتخصص :
من زمان كان ودي ادخل صيدلة بمصر انقبلت وحصلت ضروف رديت الكويت فـ نصحوني ادخل التطبيقي وبعدين اقدر اكمل منه

شنو ايجابيـاته :
تخصص حلووو وايد وما اقول سهل لكن يبيلة مجابل ومجال عملة حلو وايد ^_^

شنو سلبياته :
سلبياته كليتنا قديمة حييل في يديده قاعدين يبنونها ... في اهمال بالابات كل شي خربان ومكسر .. وصوب الادارة اذا بغينا نطلب منهم شي مثلا ورقة كشف العلامات تلقين الموظفة اللهم ياكافي مالها خلق ترد ولا لها خلق تطبع تقولنا روحو العيديلة ولي رحنا العديلية يقولولنا اخذوها من الكلية يعني لوية حتي بالتسجيل لوية



دكاترة تنصحين فيهم بهالتخصص :
دكاترتنا يهبلوووون خصوصا قسمنا الكل يمدحهم من باجي التخصصات
1-عبدالحكيم الصغير
2- حسام الكوت
3-عبدالعزيز حسن
4- نبيل عيسى
5-ميسا الصالح


يعطيج العافية :*

 

[عواشه =)]

شنو كليتج :

كلية التربيه _ جآمعة الكويت :eh_s(4)::eh_s(11):

شنو تخصصج :

إن شاءالله بيولوجيآ:ggdw:

شنو سبب اختيارج للتخصص :

مآكو سبب معين قلت دآم نهآيتي تدريس أخذ ماده تدريسهآ سهل وكنت أبي ريآضيآت بس درآستهآ وتدريسهآ صعب :eh_s(2):


شنو ايجابيـاته :

تخصص نآدر

شنو سلبياته :

لآيوجد :eh_s(10):

دكاترة تنصحين فيهم بهالتخصص :
توني ب بدآية الطريق بس دكتورتي الحآليه عجيييبه أسمهآ احلام
وافكر اخذ بيولوجيا 2-3 عندهآ:rerrerek:



كنت ب البدآيةة علوم أدآريه بس مآ لقيت ميولي فيهآ ف لحقة ع عمري وقفة كورس وحولت ع نسبة الثآنويه وآلحين بدآية فيه التربيه :rerrerek:

 

[اخت خالتهم]

ماشاءالله عليكم والله يهنيكم

اب
اب

 

[قدساوية 99]

شنو كليتج : حقوق
شنو تخصصج :ماكو تخصصات بكليتنا الكل يتخرج حقوقي وبس

الايجابيات:
ثاني اقوى تخصص بالعالم الحقوقي بكل مكان يتوظف على قولة دكتورنا يقول طلبة الحقوق مثل الطماط نحتاجهم بكل شي يعني مثلا الطماط نستخدمة بالسلطة بالمرق بالطبخات الثانية لووول خوش تشبيه الرواتب قوية والحمدلله لنا كادر وهم زادوه

السلبيات :
دراستها متعبه تختلف عن نظام الكليات الثانيه نظام سنوي هذا غير المحتوى صعب والكميات الهائلة اللي ندرسها

دكاترة تنصحين فيهم بهالتخصص :
خالد الهندياني - ثقل العجمي - فاطمة دشتي - محمد سامي - أنس التوره - عبدالعزيز العنزي - مرضي العنزي - فواز الجدعي - خليفة الحميده - موسى رزيق >> ماخلت احد

 

[كويتيه cool]

شنو كليتج :
الآداب

شنو تخصصج :

تاريخ

شنو سبب اختيارج للتخصص :

حب هالتخصص بشكل جنوني لان اغلبه معلومات عامة ونوعي المعلومه اللي احبها ما انساها حتى برامج المسابقات اغلبها تكون تاريخيه ولما اقدر اجاوب عليها احس بمتعه :rerrerek:المشكله ما احب من الاجتماعيات الا هالتخصص :eh_s(10):علشان جذي اصريت بمقابلتي بوزاره التربيه عشان التدريس اني انحط بمرحله الثانوي :eh_s(7):

شنو ايجابيـاته :

اكتساب المعلومات وتحليل الاحداث :eh_s(7):

شنو سلبياته :

ما احس ان في سلبيات :bbbiu:

دكاترة تنصحين فيهم بهالتخصص :

نصر الدين سعيدوني

نايف الشمروخ

عائشة اسماعيل

سهير بسيوني

عبدالهادي العجمي

طبعا يعتبرون من اصعب الدكاتره ومن اصعب الاختبارات بس لاني اتحدى نفسي بالدراسه يكونون جدامي من اسهل ما يمكن وكل المواد اللي عندهم التخصصيه :eh_s(4):خذيت عندهم a وطبعا يعتبرون من اروع الدكاتره لان اسلوبهم يعتمد على الفهم والتحليل اكثر من التلقين والحفظ واحب اختباراتهم لانها كانت صعبه ومحد كان يقدر اييب الفل مارك غيري انا ورفيجتي عندهم :ggdw:

لو يعطوني الحين تفرغ دراسي عشان اكمل ماستر جان ما اتردد وهم ماستر بالتاريخ

لما يقولون لي شنو الفرق بين الاداب والتربيه

اقول لهم الاداب تركيز عالمعلومات اكثر

يضحكون ويقولون اي عشان توج خريجه يديده

ما يدرون ان احب هالتخصص بجنووووون ولو يرجع فيني الزمن حتى لو يبت نسبه عاليه بالثانويه هم اتخصص

تااااااااااااااااااريخ ​

تاريخ يحكي عنا عن الانسان​

 

[حبيبة قلبها]

شنو كليتج :
تربية أساسية

شنو تخصصج :
علوم مساند رياضيات

شنو سبب اختيارج للتخصص :
امممم احب العلوم وانا شآطره فيه
من ايام الثانويه ,,,,
والغريب بالموضوع ان كنت دآيم اسقط فيها
بالمتوسط واكره العلمي والمواد العلميه
بس سبحان الله مافي شي مستحيييل


شنو ايجابيـاته :
العلوم الحلو فيه ان مو بس نظري لا عملي همن
يعني حتى الاطفال يحبونه وشي اساسي بحياتنه
كلشي حولنا يتعلق بالعلوم ويخلي الشخص يتأمل اكثر
بالكون وخلقة ربي سسبحانه

شنو سلبياته :
الماده فيها صعوبه شويه
والكميات كبيره جداَ .... بس يبقى ممتع
دكاترة تنصحين فيهم بهالتخصص :
د.احمد مرسي شهادتي فيه مجروحه
انسان محترم ويعطيج حقج وبزياده بما ان اول سنه لي بالكليه
وماجربت دكاتره وآيد بس هالدكتور ما شاء الله عليه
يحببج بالماده
و د.فؤاد شعبان رغم دكتور حبوب ومحترم همن
بس ما شديت حيلي معاه لأن كان اول كورس
وعطاني حقي لا اكثر ولا اقل

 

[أبلة فاتن]

ريـومـة صـاجـه

ابلـه فاتن .. انـا من وانـا اصغيره والله ابي اكـون مدرسـة
بس الصراحـه شفت شي يفشل !!!
المواد اغلبها عن التدريس وكيفية التدريس
و المواد التخصصية اقل
و مو وايد يتعمقون بالتخصص

الصراحـه عشان جذي ما فكرت فيها عقب فكرت بالشريعة والحقوق بس مافيهم ميولـي

اخر شي استقريت بعلوم اجتماعية لقيت فيها علم اجتماع على طول دخلتهـا ,,

فاهمه احساسج وانا اللحين يقولون مو اكيد تصيرين مدرسـة
في ناس تدخل التربية واهي ما تبي التدريس
والبعض مو عشان الراتب البعض عشان الظروف الاجتماعيـه

بس انا قلت ادرس شي احبـه احسن من اني اتحسف بعـدين واقول يا ليتني درست و سويت

انا ابي اجتماعيات ببجي ودي يرد الزمن واسحب اوراقي واروح التربية الاساسية مقهوره بنات ادعولي الله يفرجها علي لان احتمال مليون بالميه انسحب :eh_s(8)::eh_s(8): ابي بديل اي وظيفه او شهاده مع الاسف من بعد بكالريوس صرنا حالنا حال الفاشلين وبالعكس انا اللي معذرب لي مواد التخصص ترى وايد شكثرهم متوسط وثانوي

 

[Amon Q8]

شنو كليتج : تربية اساسية​

شنو تخصصج : انجليزي​

شنو سبب اختيارج للتخصص : انا اصلا كنت مختارة مكتبات
بس ماقبلوني وتضايقت ماادري وين اروح ؟؟
وجان امي تقول بسجل لج وراحت العديلية
سجلت لي انجليزي لانها تعرف اني احب
الانجليزي بس كنت متخوفة من دراسة
الانجليزي ​

شنو ايجابيـاته : تخصص حلو مفيد خاصة بالسفر خخخ ​

شنو سلبياته : اممم يمكن لازم يكون عندج
خلفية بالانجليزي لان ماراح يعلمونج
من يديد ​

دكاترة تنصحين فيهم بهالتخصص :​

دكتور خالد شقير
طيبه صادق
<< ترا انا تو داشه تخصص الانجليزي
مااعرف دكاترة حيل :eh_s(6):​

وشكرااا ...​

​

 

[نونو عسوله]

ماكو احد هندسه طب نبي نستفسر
يعطيج العافيه صاحبه الموضوع
وبالتوفيق جميعا

 

[اخت خالتهم]

حيـاكم الله حبايبي نورتـواواي ودي اتعلم عدل انجليزي

 

[ـألمزـأجيه]

شنو كليتج : كليةة الحقُـوق​

شنو تخصصج : مآكو تخصص ​

شنو سبب اختيارج للتخصص : مستقبله حلـو حتى المسمى الوظيفي يشجع واكثر تخصص ينآسبني بمـآ اني ادبي < ومآ ودي اصير مُدرسه فأخترت هالطريج وكـآنت نسبتي حلـوه مع اني ما كنت مفكره فيها ابدا ولا كنت اتوقع اني ادشها بسس سبحـآن اللـه ​

شنو ايجابيـاته : تدرسين عن كل شي عن الشريعه الإسلآميه عن الاقتصآد والسياسه عن تآريخ القآنون واصوله وعن الدستور يعني يثقفج من كل النوـآحي
​

شنو سلبياته : فيهآ صعوبه ويبيلهآ درآسه وضغط الفآينل بس يهـون ان شآء الله :yaaaaaarb:​

دكاترة تنصحين فيهم بهالتخصص :​

انا توني طالعه من سنه اولى يعني مو عآرفه الدكـآتره ومُلمه فيهم
بس الي انصح فيهم وبشده د.خآلد الهنديآني و د.عبدالمنعم نعيم وفي واللـه وآجد يمدحونهم بس مآجربتهم شخصيآ​

الموضوووع عجييييب مشششششكوره:eh_s(9):​

 

[أنسام الكويت]

أخت خالتهم الموضوع عجيب

أنا توني ما تخصصت

أول سنة علوم الاجتماعية

ان شاء الله بتخصص علم نفس

أنصح بالدكتورة أمثال الحويلة تهببببببببببببببببببببببببببل

واذا تخصصت برد أتكلم عنه بتفصيل ان شاء الله

 

[أم الغزلان]

*شنو كليتج:
التربية الاساسية

*شنو تخصصج:
تربية اسلامية..مساند عربي

*شنو سبب اختيارج للتخصص:
أحب أعلّم كتاب الله..امنية حياتي

*ايجابياته:
كل شي فيه حلو..والدكاترة طيبييين

*سلبياته:
المساند ثقيييل،ندرس كل مواد العربي الثقيلة..يخلونا نتحسف إنا دخلنا اسلاميه

*دكاتره تنصحين فيهم:
كلهم طيبين ...وخصوصا وليد الحمد..والدكتوره نضال الشحمان..ماشفت مثلهم

**ومشكوووره حبيبتي ع الموضوع المفيد..ويفيد غيرنا..

أسأل الله لنا ولك التوفيق

 

[اخت خالتهم]

تبـارك الرحمن
خوووش تخصصـات

و حبايبي وجـودكم العجيب


اب
اب

للفـااايـده

 

[أبله أريج]

اااااب

 

[شيخه القلوب]

رفــع ​

 

[اخت خالتهم]

رفـع
مشكورين

 

[احبك ليش؟]

اب اب اب
مشكوره صاحبة الموضوع استفدت منه وايد الصراحه و حلو حق الخريجات يساعدهم

 

[اخت خالتهم]

رفـع ..
العفـو

 

[نبراس الكرامة]

bonsoir

شنو كليتج : التَّربية الأسآسيَّة

شنو تخصصج : ريآض أطفآل

شنو سبب اختيارج للتخصص : مآ كآن رغبتيّ الأولى :/

شنو ايجابيـاته : تكوينْ ثقآفَة التَّعآمل معَ الطِّفل + مُشكلآتَه

شنو سلبياته : كرآف + كِل سنَة يطلَع شيْ يديد :S

دكاترة تنصحين فيهم بهالتخصص :

د. عزيزة اليتيم ، د. منى آدبيس ، د. منى الجنآعيّ ، د. سوسن التّركيت

أ. جُمآن معرية << البآجيّ جآريّ تجربتهُم

w merci