شنـو سـبب اختيـارج لـ تخـصصـج و هـل كـان بقنـاعة منـج ..؟ خلينـا نشوف ميـولـج ونسولف

[اخت خالتهم]

,.

بسـم الله الرحـمن الرحيـم

السـلام عليكم ورحمـة الله وبركـاته

,.


دايمـا ودي أعـرف هـل اللـي اختـاروا التخـصص اهـم حـابين هالتخـصص و شنـو ميـولـهم
و شنو الايجـابيـات اللي بتخصصـه و شنو السلبيـات ؟
و هـل تنصح فيـه !
هـل اختـارتـه بقنـاعه ..

دايمـا اوقف عند اسمـاء المقبـولين بالتخصصـات و ألقـى بتخصص معين القبول وايد
و بتخصصات معينة القبول شوية
أقـول معقولة كلهم نفس الميـول ؟

فـ السؤال
شنو كليتج :
شنو تخصصج :
شنو سبب اختيارج للتخصص :
شنو ايجابيـاته :
شنو سلبياته :
دكاترة تنصحين فيهم بهالتخصص :

,.

اتمنـى الكل يشـارك
اختكم .. اخت خالتهم :eh_s(7):

,.

 

[الـــغـــلآ]

شنو كليتج : التربيه الأسآسيه
شنو تخصصج : ريآضيآت
شنو سبب اختيارج للتخصص : لأنه كآن رغبه ثآنيه و الرغبه الأولى خوفوني منهآ فـ مآلي غير الريآضيآت
شنو ايجابيـاته : ولآ شي
شنو سلبياته : صصصعب ! و الدكآترهـ مآ يسآعدون نفس الكويتيين ! و معقد مو نفس ريآضيآت الثآنويه
دكاترة تنصحين فيهم بهالتخصص : امممممم مآدري مآ أخذت موآد تخصص وآجد ..

كآن ودي اسلآميه بس نبتي مآ سآعدتني و حآولت أحول بس المعدل يرتفع بطييئ حيييل

مشكورهـ خوخآ ع الموضوع اللي يخلينآ نفضفض شوي : )

 

[~عيون الحب~]

خوووش موضوع

متابعه .. ولي عوده لما اتخصص ان شاءالله :d

يعطيج العافيه ..

 

[ام فهود وشهود]

انا دورات خااصه >> مايدري يصييير اشششارك ولا لا
بس بششارك ���� هههههههههه
تخصصي > فاصدة دم
سبب اختياري >> كنت ابي برمجة حاسب بس مانزلووو التخصص ع حظي
سلبياته >> بالنسبه لي فيه شوية صعوبة كونه علمي وانا كنت ادبي
ايجابياته >> معاشه واايد حلووو احسن معاش بالدورات حول الـ٧٧٠
الدكاترة >>. عبدالرحمن مباشر و د. عمروو و يوسف ابو الحسن

 

[همسات شقاوي]

شنو كليتج :كلية التربية
شنو تخصصج :ان شاء الله تـآريخ
شنو سبب اختيارج للتخصص : آحبه ودايما بالثانوية ما اشيل همه ودراسته بالنسبة لي متععةة
شنو ايجابيـاته :احب القصص والتاريخ واحسه عالم خيال >>لووووول بدعت
شنو سلبياته : اممم كتابهم تجيب الاكتئاب بالشكل >>طوفي تآثير السهر :krkrkr:
دكاترة تنصحين فيهم بهالتخصص : ما جربت الا الاستاذة أمل الهشام شرحه موشي بس امتحانتها موضوعية سهله بالنسبة لي مع ان اكثر الشعبة دي :eh_s(10):

ونـاايس الموضووووع :eh_s(7):

 

[اخت خالتهم]

الــغــلاآ

حيـاتـي الله يرفـع معـدلج يـا حبيبـتـي .. الله يوفقج و يرزقـج

عيـون الحـب

ناطرتـج حبيبتـي ..

Qerqasha

حبيبتـي شـدي حيلـج .. و المهم انج شوي حبيتيـه

همسـات شـقـاوي

صـاجه التـاريخ وايد ممتـع و حلـووو

 

[Miss-Madry]

شنو كليتج : علوم اجتماعيه

شنو تخصصج : علم نفس

شنو سبب اختيارج للتخصص : كنت حابته واحب هالنوعية من الدراسه وانا احب اعرف شخصيات الناس واساعد لو كانو بمشكلهـ وحسيته مناسب لي . ولميولي

شنو ايجابيـاته : دراسته حلوهـ ، نستفيد منها بالواقع ،تغيرت شغلات شكثر فيني ..

شنو سلبياته : المتعارف عليه انه تخصص ادبي وهالشي غلط .! اغلب دراستنا علميه وفيها اسماء هرمونات والجهاز العصبي ومواد فسيولجي وبيلوجي ، والي ينرفز انه الناس يقولون هالكليه وهالتخصص مالهم مستقبل .! وهالشي يحر .! (لو مالها مستقبل ما حطوها واعترفو فيها اكاديماً) >> تحلطم

دكاترة تنصحين فيهم بهالتخصص :

ناصر المنيّع ، فاضل الخشاوي ،كامل فراج ، نجمه الخرافي


وبالنهايه كل واحد وميوله ولازم نختار تخصصنا بعناية لانه اهوا مستقبلنا وحياتنا كلها واقفه عليه من ناحية الشغل طبعاً

والله يوفق الجميع يا رب

 

[اخت خالتهم]

شنو كليتج : علـوم اجتمـاعيـه
شنو تخصصج : عـلـم اجتـمـاع
شنو سبب اختيارج للتخصص : اختـرتـه لأنـي أحـب أدرس الشعـوب و حيـاتهـم و تـاريخهـم ودي أعـرف شلـون تطـورهم لـي يومنـا هذا .. بالنسـبـة لي دراسـة ممتعـه وايد وايـد ..
وبإختصـار يـوريـج العـالم شلـون كـان و شلـون وصـل وشنو الافكـار اللي وصلتنـا من بعد الله تعـالى لـي اهني ,,
شنو ايجابيـاته : إن يعـم كـل الشعـوب و حيـادي .. ودراستـه بالنسبـة لـي يبيلهـا فهـم أكثر من الحفـظ ..
شنو سلبياته : الدكـاترة شـوية بالنسبـة لـي و يحتكـرون مـواد معينـه
دكاترة تنصحين فيهم بهالتخصص : عـامر الصـالح / .. محمد اليـوسفي مع ان محـد يحبـه .. / عبدالله اللنقـاوي / مهـا السجـاري / لبنـى القـاضي

و آنـا بصـارحة مع مس مـادري .. آنـا نسبتي كـانت تدخلنـي كل الكليـات اللي تدخل تخصص أدبـي الحمـدلله
يعني معروف الحقوق والشريعـة المستوى الوظيفي بيكـون أعلـى
بس دخلت علوم اجتماعيـه .. لأن حبيت أدرس شي آنـا أحبـه و أعطـي من قلبـي و حـزتها بدري شنو مستـواي الدراسي الحقيقي

 

[جامعيهـ]

شنو كليتج : كلية التربية - جامعة الكويت
شنو تخصصج : علم اجتماع -متوسط وثانوي
شنو سبب اختيارج للتخصص : لاني احب الاجتماعيات من يوم كنت صغيره لانه سهل وواقعي و يتكلم عن الوطن والمجتمعات و اشياء كثيره احبها لقيتها بهالتخصص
شنو ايجابيـاته : امممم اتوقع مافي احلى من ايجابيه اني اكون مدرسة اجتماعيات ومربية اجيال اغرس فيهم حب الوطن > صدقت نفسها ههههه

شنو سلبياته : ولا شي كلهه ايجابياااات
دكاترة تنصحين فيهم بهالتخصص : حامد المطيري - محمد الحداد - نضال الموسوي وشكثر اصلا تخصص علم اجتماع كل دكاتره مثل الشي طيبين وسهاااالات
والاحلى ان اذا دكتور اعتذر الباقي يعتذرون يعني جدولج كله يصير اوفاات مع بعض =)

* ملاحظة ترى سكرو هالتخصص بالتربيه وصار اسمه اجتماعيات موفقين يا رب :*

 

[جامعيهـ]

اخت خالتهم طلعتي نفسي تخصصج علم اجتماع ; )

موفقهه ي رب ,, و شاكرتلج عالموضوع الحلووو :**

 

[اخت خالتهم]

جامعيـة ..
حيـاج الله ,,
اي يختـي علينـا لووول
فديتـج نفس تفكيـري
نورتـي

 

[ريومه ..!!]

شنو كليتج : التربية - جامعة الكويت
شنو تخصصج : جغرافيا \ مساند تاريخ
شنو سبب اختيارج للتخصص : مالت علي أنا وتخصصي ، أحب مواد الجغرافيا وكنت واثقه من نجاحي بهالتخصص !
شنو ايجابيـاته : إممم والله مادري شنو الإيجابيات ، حلوه المواد اللي نتعلم رسم الخرايط باللاب ونطبق عملي :|

شنو سلبياته :للأسف الدكاتره يصدمون !!
بعضهم في وادي والمنهج في وادي والإمتحان في وادي ثالث ، وبعضهم ماعندهم شي إسمه a ، وحييييل يدقرون فينا ، ماقول الكل لكن الأغلبية ، وما أظلم الحقانيين والمعقولين لكن للأسف دايماً الشين أكثر من الزين .. والمواد يالله تنزل وإذا نزلت لازم نروح للعماده نقولهم إنا محتاجين هالماده وإنا طالبات تربيه عشان يبطلون لنا جم مقعد ، لأن الأولوية لطالبات الإجتماعيه !! بما إن القسم بهذي الكلية بدون لا يهتمون بطلبة التخصص بأي كلية كانت ! وحتى هالكورس إجتمعت أنا وزميلاتي بالتخصص وطالبات تربية وجمعنا أسامي نبي نبطل ماده ، ماساعدونا للأسف ولما كلمت دكتورتي بما إنها من القسم وتقدر تساعدنا شنو كانت كلمتها ؟! قالت إحنا ملزومين بطالبات الإجتماعية فقط مالنا شغل بالتربية !! << صج هالرد يحز بالخاطر يعني إنتوا تهتمون بالكلية ولا بالتخصص ! وبالنهاية الأغلبية إذا مو كلهم مدرسات ونفس الدرجه !!
هالتخصص مايساعد للي عندها طموح يدقرون تدقير ، الله كريم ونفتك ونتخرج
هههههههههههههههه سوري قرقت واجد >_< بس هذا الصج

دكاترة تنصحين فيهم بهالتخصص : محمد السهلي ، فاطمة الغزالي ، أسيل الجمعه

هذولا اللي حسيت بالأمان وأنا تحت جناحهم << جب بس شالتعبير هههههههههه

يعطيج العااافيه صاحبة الموضوع خليتينا نفضفض وسوري لأني طولت بالقرقه

 

[أبلة فاتن]

السؤال
شنو كليتج : التربية - جامعة الكويت

شنو تخصصج : لغة عربية م /ث

شنو سبب اختيارج للتخصص : انخفاض معدل اضطريت اخذه مجبوره يعني ولان انا خريجة علمي وقوانين الجامعه اتخصص يا مواد علمية او عربي او انجليزي
او رياض اطفال فكل واحد منهم يبي معدل وشروط للانجليزي اضطريت اخذي عربي ايهي ايهيء

شنو ايجابيـاته : تخصص نادر مكافأة 900 دينار ههههه

شنو سلبياته : دكاترته وطريقتهم بالتدريس وكليتنا بكبرها ياليت يفصلونها عن باقي الكليات مو كل شوي رازين فيسنا بالاداب لو يضمونها للاداب يكون ابرك بعد
عالاقل شهادتنا تكون قوية مو نتخرج ولازم 3 سنين خبره بعدها نكمل ماستر ​

دكاترة تنصحين فيهم بهالتخصص : سهام الفريح - مرسل العجمي - علي الصراف - أسماء السرحان -

أما الباجي حسبي الله ونعم الوكيل فيهم بسسسسسسسسسسسسسس ​

 

[اخت خالتهم]

ريـومـة
فديتج
لو متخصصـه اجتماعيـة ترى سهل تصيرين مدرسة عن طريق الاجتماعية اذا تخصص جغـرافيـا

ابلـة فاتن
واي الله يعينج شكلج حدج كارهه التخصص
بس بسئلج بخصوص المكافأه 900 كل كورس والا كل سنة ؟
عليج بالعافية في شي ايجابي عالاقل

 

[قَلبيْ صُويبكْ !]

شنو كليتج :

شريعه : )




شنو تخصصج :

أصول فقه . .


شنو سبب اختيارج للتخصص :

مم تخصص قويّ وعلمي أكثر


شنو ايجابيـاته :

بَ الدراسة انا الليّ المستفيده
وبَ الوظيفة لها مستقبل عاليٓ


شنو سلبياته :

صعوبة بعض المواد . .


دكاترة تنصحين فيهم بهالتخصص :

عواد العنزي
محمد المحمود
عصام الغريب
مستوره المطيري
حسين القحطاني
سعد العازمي


قواج الله ع الموضوع :$

 

[اخت خالتهم]

الله يقـويـج وحيـاج الله حبيبتـي

 

[ريومه ..!!]

صح كلامج بس يقولون إنه توه حطوا قرار ماتصير مدرسة إلا اللي بالتربيه
مدري صح ولالا

 

[اخت خالتهم]

حجـي بـس ,,
اعـرف وحـده هالسنـة متعينـه تربيـه واهي علـم اجتمـاع
و بعدين جغـرافيـا وين مكـانهم غيـر تربيـة !
اول مكـان يبـونهم التربيـه لان مو وايد بالجغرافيـا

 

[ريومه ..!!]

عااااد تعالي فهميهم !!
اللي أعرفه إن البنات يتخصصونه بالإجتماعية وشكثرهم
أما التربية ينعدون ع الأصابع وكلهم أعرفهم !!

الله يعينا على هالقسم

 

[أبلة فاتن]

^^^

بنات انا ادشيت التدريس لاني احبه مو مغصوبه ولا عمري فكرت علشان الراتب مثلكم كلكم

يعني من انا ياهل ابي تدريس ابي اجتماعيات طفله كنت لا افتهم بالمعاشات ولا بطيخ مثل غيري

يومين ويشوفون نفسهم متوهقين بسسسسسسسسس شسوي دشيت هالجامعه وتوهقت ومتحسفه

لان اساسا كلية التربية لا تصلح اللي بالجامعه اساسا يلقون محاضره القائية انت قاعد تعلم

مدرسات المفروض اسلوبك ما يكون القائي وكأن الدكاتره تخرجو وتوظفو ما علموهم طرق التدريس

لو تمسكينهم واحد واحد قولي شنو طرق التدريس ما يعرفون غير الالقائية اتكلم عن دكاترة التخصص

الاداب واااااي تعبنا واحنا نقول اما دكاترة كلية التربية بالعكس جدا واعين لمسألة التنويع في طريقة الشرح

يعني بعرف اطلع من بيتنا من س 7 ونص محاضرتي س 8 علشان دكتور شايب يدش يقعد ويمسك المايك

ويقعد يقرى من الكتاب ما كلنا نعرف نقرى والله يالشرح والله ماني محللتهم لي يوم الدين على اسلوب التطفيش

هم والطالبات بعد اخسسسسس منهم لا اسلوب لا تعامل كل وحده ماده البوز هذي جامعه كشخه

صج اتمنى يسحبون الاعتراف بها علشان تجيهم صفعه ويستوعبون اللي قاعدين يسوونه

ماخذين المهنه من باب الوجاهه الاجتماعية والمميزات والخصومات على تذاكر والصيفي يعطونهم دبلات المعاش

وغيره من الامور ،،، حسبي الله ونعم الوكيل على عمري اللي دفنته مع هالمستوى !!​