شنـو احــــســـن نوع حــلــيــب للأطفال الخدج؟ ( تم تعديل العنوان من الاشراف )

[^طيوبه^]

رد: ولدي والحليب !!!! انقذووووني بالحل ؟

اخاف بلاعيمه محتقنه او مملوع وديح حق وحده تشوفه وتغمزه بنت اختي كانت جذي ماتشرب دهنتها وغمزتها والله من طلعنا منها شربت مميتها كلها واذا تبين رقمها ادزه لج عالخاص واذا عمره فوق السنه عطيه بديا شور والله عن تجربه وايد زين بنتي كانت مسحوته وشوي صارت صحتها احسن عالاقل طلعت لها خدود ماشاالله

 

[الغــ مرت ــالي]

رد: ولدي والحليب !!!! انقذووووني بالحل ؟

حبيبتي تصدقين بنتي جذي صايره مع اها صغيره عمرها ثلاث شهور ونص تقريبا تشرف بالغصب حليب ماادري ليش

قالولي حطيليها بسكوت بالحليب بس احس حرام صغيره انتي حطيله بسكوت بالحليب يمكن يصير حالي ويحبه

 

[عمشه المنتفشه]

رد: ولدي والحليب !!!! انقذووووني بالحل ؟

انا ولدي من ولدته لي 6 شهور اعطيه بروجرس 1 ولما كمل الست شهور عطيته بروجرس2 بس ماعجبه وجربت بيبيلاك ويمكن بعد 3
انواع ماعجبه شي كرههم وحتى الممه اذا شافها يبجي اخر شي بطلعت الروح يشرب ربع الممه بيبلاك واكون ضايفتله سيريلاك عساس يغير

الطعم وماكان يشرب الا شوي بس ميخالف شتسوين خل يشرب شوي احسن من ولا شي والباجي عوضيه سويله كريم كراميل او كاستر او

مهلبيه او سيريلاك وبدال الماي حطي حليب وجربي حليب بدياشور ترا وايد يمدحونه وغصبيه عليه يعتبر مكمل غذائي يعني لو مره باليوم

بالاضافه الى حليبه العادي ولاتنسين التمر خلي اخر رضعه قببل النوم منقوع تمر لانه يهديه ويريح جسمه ويعتبر رضعه كامله وعطيه جبن مثلثات او سلايس

والله يعينج ويخليه لج يارب

 

[أم شواقه]

رد: ولدي والحليب !!!! انقذووووني بالحل ؟

وديه الطبيب احسن له ،،، في انوتع حليب تناسب عمره مثل نيدو وبروجرس يحبونه اليهال فيه فانيليا

 

[*دانة الخليج*]

رد: ولدي والحليب !!!! انقذووووني بالحل ؟

حطيه مع كورن فليكش يمكن ياكله

 

[* أم دودي *]

رد: ولدي والحليب !!!! انقذووووني بالحل ؟

مشكووورين خواتي ماقصرتو والله

مرت الغالي
جربت احط له كسرة بسكوت بس مايشربه كلش ولدي هذا مادري شلون صاير حتى السيريلاك اللي يحبونه اليهال والكبار مايحبه اذا عطيته السيريلاك يبطل حجلجه جنه بيرجع

والله افكر اوديه طبيب وودي اغير حليبه .. بس بشوف الدكتور شيقول ..؟

 

[* أم دودي *]

رد: ولدي والحليب !!!! انقذووووني بالحل ؟

اخاف بلاعيمه محتقنه او مملوع وديح حق وحده تشوفه وتغمزه بنت اختي كانت جذي ماتشرب دهنتها وغمزتها والله من طلعنا منها شربت مميتها كلها واذا تبين رقمها ادزه لج عالخاص واذا عمره فوق السنه عطيه بديا شور والله عن تجربه وايد زين بنتي كانت مسحوته وشوي صارت صحتها احسن عالاقل طلعت لها خدود ماشاالله

اي والله ياليت اختي رقم هالحرمه
ويزاج الله خير

 

[* أم دودي *]

رد: ولدي والحليب !!!! انقذووووني بالحل ؟

وديه الطبيب لا يصير بحلجه فطريات ما يقدر يبلع

وانصحج بالدكتور خالد السعيد بالبراء كلينك اهو بروفيسور طب اطفال

بس على طارى الحريم والطب الشعبي حبيبتي لا تودينه اذا السالفه بس عالحليب
لان الجاهل لا صار فيه ملع على طول يبجي و دموع ترى مو شي عادي واذا فيه عظيم هم ترتفع حرارته ويرجع وانتي ولدج بس ما يشتهي الحليب لا تعودينه عالحريم والطب الشعبي

مشكوره الفرحه السجينه

انا بوديه لدكتور قبل بشوف شيقول عنه
وماني رايحه للطب الشعبي بس جذي بخليه بديل سبحان الله

 

[ام خالد 78]

رد: ولدي والحليب !!!! انقذووووني بالحل ؟

 

[عمشه المنتفشه]

رد: ولدي والحليب !!!! انقذووووني بالحل ؟

نسيت اقولج حبيبتي جربي حليب نيدو حق عمر سنه حتى وايد مفيد وطعمه على عسل ومادام ولدج سمالله عليه سنه يعني موصغير تقدرين

تعطينه حليب كي دي دي بنكهات مختلفه او جربي حليب السعوديه يمكن طعمه يختلف او عطيه دانينو او داناو وهالسوالف اللي فيها حليب او شربيه وهو نايم عشان مايحس

وبعد عطيه ريوقه كل يوم جبن لافاش كيري او اذا سويتيله بيضه خلطي معاها جبنه عشان يضيع الطعم

 

[* أم دودي *]

رد: ولدي والحليب !!!! انقذووووني بالحل ؟

نسيت اقولج حبيبتي جربي حليب نيدو حق عمر سنه حتى وايد مفيد وطعمه على عسل ومادام ولدج سمالله عليه سنه يعني موصغير تقدرين

تعطينه حليب كي دي دي بنكهات مختلفه او جربي حليب السعوديه يمكن طعمه يختلف او عطيه دانينو او داناو وهالسوالف اللي فيها حليب او شربيه وهو نايم عشان مايحس

وبعد عطيه ريوقه كل يوم جبن لافاش كيري او اذا سويتيله بيضه خلطي معاها جبنه عشان يضيع الطعم

مشكووووره حبيتي استفدت والله من كلامج ويزاج الله خير
وعجبتني فكرة البيض بالجبن علشان تضيع الطعم بسويها ان شا الله

 

[Cute mama]

رد: ولدي والحليب !!!! انقذووووني بالحل ؟

والله انا اول عطيت ولدي سيميلاك ووايد ثقيل احسه مايذوب عدل بالماي وسواله امساك
انتي المفروض اتجربينله اكثر من حليب واتشوفين اكثر واحد يناسب ولدج
انا اعطي ولدي نوفولاك وايد زين بس مادري اذا راح يناسب ولدج انتي جربي وله استشيري دكتور وشوفي بشنو ينصحج

 

[احساس طفلهـ]

السلام عليكم ورحمه الله وبركاته

شلونك حبايبى

بغيت اسالكم شنو احسن نوع حليب اطفال

انا بنتى عمرها 4 شهور وهى تشرب حليب نيوشور للخدج وزونها حيل شوى لما ودلاتها كانت 2.200 كيلو:0bee2e8d89:

واحسن ما منه فايده للحين ضعيفه وابى اغير حليبها:krkrkr:

شنو احسن سيميلاك او اس 26 او غيره

انا ودى تصير متختخه:krkrkr:

ومتى اعطيها الاكل وبشنو ابدا معاها؟؟

بليز ابى من تجاااااااااااربكم​

 

[ضي2007]

رد: شنـــــــــــــــــــو احـــــــــــــســــــــــــــــن نوع حــلــيــب؟

حبيبتي بالنسبه لي حليب أبتاميل

 

[mrs_sugar]

رد: شنـــــــــــــــــــو احـــــــــــــســــــــــــــــن نوع حــلــيــب؟

حبوبة اذا بنتج خدج فخليج على نيوشور

خاص للخدج و الأوزان القليلة

لأنه سيميلاك و اس 26 و انواع الحليب العادية فيها سعرات اقل من النيوشور

فاذا تبينها تمتن خليج عليه لأنه المفروض انه يمتن اكثر منهم

و الأكل بعد الخامس تقدرين توكلينها اول شي عيش مصري مسلوق و مطحون و عقب خضار و اخر شي الفواكه

 

[ZajiL]

رد: شنـــــــــــــــــــو احـــــــــــــســــــــــــــــن نوع حــلــيــب؟

انا ولدي انولد بالثامن وهم كان ياخذ حليب خدج حطيها ابتاميل للخدج عجيييييييييييييييييب
وفيه كلوري عالي حتى ولدي اسم الله عليه بسرعه كبر علييييييه

كانوا يعطونه اياه بالمستشفى وتميت عليييه لييين كمل 3 شهوور من كثر ماهو زين تالي حولت على ابتاميل كمفورت
وحيل مرتاحه علييييييه

 

[ZajiL]

رد: شنـــــــــــــــــــو احـــــــــــــســــــــــــــــن نوع حــلــيــب؟

بس حبيت اضييف شي حلييب الخدج ليش خاص لهم
لانه فييييييييييه فيتامينات وحديد والكالوري الي فيييييييييه وايد عشان بسرعه يكبرون ومايتاثروون بشي
والكالوري الي فييييه والسعرات الحراريه امثر من الحليييب العادي مال اليهال

فخليج على حليييب الخدج اذا تبينها تكبر انا دكتوري قالي هالكلام

 

[احساس طفلهـ]

رد: شنـــــــــــــــــــو احـــــــــــــســــــــــــــــن نوع حــلــيــب؟

تسلمون ياااااااااااااااقلبى على الردود

وعسااااااااااااا ربى يبارك في اعيالكم وتفرحون فيهم

 

[أم يوسف وأمونة]

رد: شنـــــــــــــــــــو احـــــــــــــســــــــــــــــن نوع حــلــيــب؟

الله يخليلج بنتج وتشوفينها عروس أن بنت خالتي تعطي ولدها خليب سيميلاك تقول زين وولدها خديج وانا اعطي عيالي بروجرس ماشاءالله وايد


زين ولاتحاتين انشاءالله باجر تشوفينها عروس

 

[pink Engineerah]

رد: شنـــــــــــــــــــو احـــــــــــــســــــــــــــــن نوع حــلــيــب؟

الله يحفظها يا رب