شنـو احــــســـن نوع حــلــيــب للأطفال الخدج؟ ( تم تعديل العنوان من الاشراف )

[بنت باباتي]

الحليب.... اهو اللي نفع

قوه يا امهات

ان شاء الله بخير



حبيت افيدكم بتجربه صغيرونه


انا اخوي عمره 6 سنين من قبل سنتين واهو كل ماله ويضعف سار يخرع
سوينا له تحاليل طلع مافيه شي ولله الحمد
المهم خذينا له مكملات غذائيه حبوب المص اللي على شكل دبدوب وفاتح شهيه
بعد مااااااااااااااااا نفع معااااااااااه

المهم خذت له امي حليب بيدياا شور بودره وفي منه اعتقد سأل
بس البودره اتوقع احس وفي منه نكهتين فانيليا وكاكاو




والله يبنات صحته ردت ولله الحمد وطلعت له خدود

ههههههههههههههههههههههههههه سرت مندوبة مبيعات :dddds:


قلت افيدكم يمكن احد عنده نفس الحاله

 

[amani]

رد: الحليب.... اهو اللي نفع

أنا ولدي عمره سنه وخمس شهور من ولدت بنتي وهو ما ياكل وغيره مو طبيعيه المهم إنه ضعف وايد مادري اجرب هالحليب حقه لأنه الشي الوحيد إلي يشربه الحليب بس وما ياكل بالمره والسبب الغيره مع إني مجابلته وايد وينام يمي وادلعه بس الغيره سدة شهيته

 

[ZajiL]

رد: الحليب.... اهو اللي نفع

زييين والله مشكوره حبيبتي

 

[^kloOot^]

رد: الحليب.... اهو اللي نفع

مشكوره وين موجود ؟جمعيات ولا صيدليه

واهو حليب عادى ولا فيتامينات

ويصلح حق الاعمار

 

[omdoodoo]

رد: الحليب.... اهو اللي نفع

انا كل مكان دورت على السائل مادري وين احصله
منو اتعرف وين احصل حليب بديا شور السائل مو البودره؟

 

[بنت باباتي]

رد: الحليب.... اهو اللي نفع

أنا ولدي عمره سنه وخمس شهور من ولدت بنتي وهو ما ياكل وغيره مو طبيعيه المهم إنه ضعف وايد مادري اجرب هالحليب حقه لأنه الشي الوحيد إلي يشربه الحليب بس وما ياكل بالمره والسبب الغيره مع إني مجابلته وايد وينام يمي وادلعه بس الغيره سدة شهيته

بغض النظر عن كل شي الدلع يخرب حاولي ماتدلعينه واجد بعدين يأثر عليه
واذا على البديا شزر والله ما ادري من عمر جم يبدون يستخدمونه
بس اذا في حق عمر ولدج جربي منتي خسرانه شي

 

[بنت باباتي]

رد: الحليب.... اهو اللي نفع

زييين والله مشكوره حبيبتي

العفوووو ياقلبي

 

[بنت باباتي]

رد: الحليب.... اهو اللي نفع

مشكوره وين موجود ؟جمعيات ولا صيدليه

واهو حليب عادى ولا فيتامينات

ويصلح حق الاعمار

العفوووووو
والله ما ادري اذا موجود بالجمعيات

اهو فيتامينات ومكملات غذائيه

وهم اتوقع لي عمر 10 سنوات

 

[بنت باباتي]

رد: الحليب.... اهو اللي نفع

انا كل مكان دورت على السائل مادري وين احصله
منو اتعرف وين احصل حليب بديا شور السائل مو البودره؟

للاسف ما اعرف اسالي الصيدليات يمكن يفيدونج

 

[نونو ام كشة]

حساسية الحليب واكزيما الحليب

قوووووووووه امهات شلونكم شخباركم ؟؟

ابي ادش بالموضوع على طول

اذا ولدج او بنتج يعاني من الحساسية اللي بسبب الحليب او الاكزيما واهي دايما تكون بالريول او الايدين

حلها الوحيد واللي انا جربته مع ولدي اهو كريم نيفيا القديم

جربوه وقولولي النتيجة
وادعولي

 

[احساس طفلهـ]

رد: حساسية الحليب واكزيما الحليب

انا بصراحه بنتى الكبيره لما حسستت من الحليب غيرته لهاااااااااااااااااا

اعتقد الحليب مايحسس الا اذا ماناسب الطفل

وتسلمين على الطريقه

 

[نونو ام كشة]

رد: حساسية الحليب واكزيما الحليب

اشكرج احساس طفله على المرور

وانا اللي قصده ان اغلب الاطفال تصير معاهم نفس الاكزيما بسبب الحليب حتى لو كان ماشي الحليب معاه ومرات تكون بس خشونه
ما اقصد الحساسيه اللي تخلي كل جسمه احمر عرفتي!!
وهالاكزيما تروح من يكبر الولد شوي

 

[eman79]

رد: حساسية الحليب واكزيما الحليب

حبيبتي تالافضل تغير الحليب لحليب الصويا او طبي يصرف من الصباح يختلف عن البقري

 

[3nona]

رد: حساسية الحليب واكزيما الحليب

هلا والله عطيج العافيه
انا عندى بنتى وايد تعانى من هذى الشغله ....حرام والله ريلها صارت مبقعه من الاكزيما والخشونه عبالى بس هى طلع بعد فى يهال مثل حالتها!!!! جربت لها كل شى كريمات ودهانات ماكو فايده مافكرت بنيفيا عفيه اى واحد تقصدين الازرق بعلبه حديد
انا بنتى تشرب حليب نانا لتحسس من هى صغيره وللحين مع الاسف ماغيرته ولا اقدر اغيره ماتشرب اى نوع ثانى ولا تاكل علشان جذى ماقطعته عنها ......
ويصير فيها ويزيداذا كلت كاوكاو او اى نوع من القمح بين عليها الحساسيه من بديت اعطيها الاكل مع الفارليز والسيريلاك ورحت الطبيب عند طبيبه المنيس قالت بطلى من سيريلاك وصرت اعطيها اكل البيت وبعدها بين عليها الا لما كانت تشرب المانجا لما كبرت والكاوكاو المارس بالاخص. والحين من حبوب البطيخ والبطاط البرنجلز والبسكويت كل شى صار وانا كل ماكلت زفيتها ثانى يوم اقعد وادهن فيها ماكو فايده :0bee2e8d89:
ان شاءالله يب مفعول الكريم
يعطيج الف عافيه

 

[* أم دودي *]

ولدي والحليب !!!! انقذووووني بالحل ؟

السلام عليكم شلونكم باينااات وياامهات ..

هذا اول موضوع احطه بهالقسم ياليت تردون علي وماتفشلوني :eh_s(6):

ولدي الحين عمره ماشا الله لاقوة الا بلله سنه ..
مشكلته انه مايحب الحليب من احطه بحلجه يقعد يصد مايبه ويبجي ولا يسوي روحه بيرجع والله صار له فتره ماكمل حتى رضعه كامله ... على فكره حليبه اول شهرين اس 26 وبعدين غيرت له سميلاك ..
واهو لي الحين سميلاك بس الحين رقم 2 .

المهم مو بس مايحب الحليب احس انه صغير وضعيف مامتن اللي اصغر منه الحين اطول منه وامتن
ماشا الله عليهم والله مو حسد فيهم لا والله ... بس يكسر خاطري ولدي ..
:eh_s(1):

مادري افكر اغير له حليبه .. قالت لي مرة اخوي غيري حليبه سميلاك ثقيل يمكن ماحبه ..
شرايكم اغير له الحليب يمكن يتحسن حاله .
ولا اقعد على سميلاك ؟

ياليت تتجاوبون وياي بنات

 

[همسة ورد]

رد: ولدي والحليب !!!! انقذووووني بالحل ؟

حبيبتي حاولي تغيرين له .. انا دكتوري مدح حليب بروجرس حق عمر سنه ..

وبعدين عوضيه .. خلطيه مع فواكه .. سويله محلبيه .... عطيه مع كورنفلكس .. يعني اذا مارضى يشرب حاول تخلطين له مع الاكل ..

اهم شي الحليب لاتقطعين له .. او عطيه وهو نايم

 

[Yellow]

رد: ولدي والحليب !!!! انقذووووني بالحل ؟

مع همسة ورد

انزين بنات انا ولدي عمره 5 شهور من انولد وهو حليبه اس 26 يعني لازم اغيرله ؟

 

[ZajiL]

رد: ولدي والحليب !!!! انقذووووني بالحل ؟

انا اقول وديه الطبيب فحصي عليه وشويفي وزنه طبيعي ولا لا واذا وزنه قليل يعطيج فيتامينات
وساليه عن الحليييب وخل يغيره لج

 

[!! بطاطه !!]

رد: ولدي والحليب !!!! انقذووووني بالحل ؟

اول شي وديه الطبيب واهو يحددلج شنو يحتاااااج ترى كل ياهل عن ياهل يفرق

 

[<< أزيان >>]

رد: ولدي والحليب !!!! انقذووووني بالحل ؟

حبيبتي ودي الطبيب احسن سميلاك موزين ولاانصح فيه كلش ماتشوفين نص الممه غازات الياهل يقعد ايلوي من بطنه انا عطيته اول ياهل لأن المستشفيات دايم يصرفونه لك بعد الولاده الظاهر مسوين معاهم عقد ههههههاي اخذي حليب ميلوبا إلي يناسب عمره كل عيالنا عليه ماشاء الله خفيف وحلو محد شكا منه