تعالوا شوفوا شنو شريت رووووعه اشويه عليهم
مساء الخير حبايبي
هذي الصور نزلتهم حق بنات في قسم العروسات
بس لاني نزلتهم برد و لانه قسم العروسات ممكن مو الكل يروحله قلت ارجع انزلهم هني في موضوع خاص و عطوني رايكم بمشترياتي و لا تقصرون معاي و اذا شفت الردود حلوه لكم مني كل ما اشتري شي احطه لكم و بالاسعار بعد
اول شي اراويكم علبة المكياج البرونزي و روعه فوق ما تتخيلون و الحلو الي فيها انه لمعتها روعه و تعطي لمعه جنه من الجسم يعني جنج مسويه تان استخدمت كريم سودا و انتو عادي استخدمو أي كريم حتى لو كريم اساس الجسم أي لون مو مشكله او بدي لوشن ككاو و وزعت عليه اللمعه الي جنها صبع الحلو الي فيها انها اشوي كريميه يعني تثبت من غير كريم بس انا حبيت اثبته اكثر بالمرطب و اثبتت بجسمي ووزعتها على خط الصدر و العظمه الي فوق و الرقبه و استخدمتها حق ويهي و كحمره و النتيجه وايد حلوه و وزعت بالفرشه البودره البرونزيه على جسمي روعه اشويه عليه و استخدمت الشدوات الي موجوده بس طلعو روووووووووووووعه و اللون الي اشوي مايل على الرمادي طلع يهبل يعني ما تحسينه رمادي تحسينه دخاني على اشوي ازرق سماوي و اشوي رمادي و الله حلو حتى الابيض استخدمته حق تحت الحاجب و وايد حلو و اللمعه البرونزيه الي على الجنب سويتها بلشر بس و الله روعه ترى حتى حق الطلعه رهيبه حطيتها الصبح حق الدوام و الكل عجبه
وهذي الصوره و العلبه كامله خذيتها ب 8 و طبعن الحلو الي بسعرها انه كل شي فيها فتخيلي اذا بتاخذين الشدو بروح و اللمعه بروح يمكن تطلع فوق العشرين و على لمعه على الفاضي و لا تثبت على ماتحطينها و تلبسين قميص النوم الا طايحه و صايره من خبر كان وعليه علينه نعابل و نشقى هههههههه
على فكره انا استخدمتها بعد جيل شور الككاو و بدي لوشن الككاو بس ريحته رهييييبه جنه ككاو كادبري ريحته قويه و لبست معاه بكيني تايجر راح احطلكم صورهم و اسعارهم
و النتيجه ريلي قالي جنج علبة ككاو هههههههههه النتيجه فوق الممتاز
و هذي صورة المكياج كامل بالعلبه
[/url][/IMG]
و هذي علبه كريم بطعم و ريحة المنجا بصراحه اول مره اخذ كريم منجا و اول مره احس ريحت المنجا قويه و الله جني فرغلي و قعدت ههههههههه
هذي العلبه وفيها كريم حق الجسم العود و كريم حق الوي لصغير و جلوس بطعم المنجا و طعمه بالكويتي همبه
يا حلات كلامنه و الله الكلمه بروحها تحسسج بطعم هههههههههه
تر فيه منه نكهات ثانيه استوائيه ببايه و هسوالف
[/url][/IMG]
[/url[/IMG]
هذي صورة الجيل الي قتلكم عنه هو مثل ما تشوفونه ليفه على شكل توست ويمها علبه يعني مربى فراوله هو عباره عن جيل شور بس و الله ثم و الله لاتقولولي بدي شوب الي كثر مانحط منه و نسبح فيه ماكو ريحه من شميته ذكرني بطعم المربى بس لمن تسبحت فيه حسيت اني قاعده اكل الفراوله وريلي لمن دخل الشقه يقولي الله مشتهي فراوله قتله ليش يقولي انتي شمسويه مشغله شمعه قتله لا شمني لمن شمني قال و الله تمام يوم منجا ويوم فراوله و بجامتي كانت على فراوله من اوشيو ههههههه
يعني مسويتله مفاجأه
على فكره اختي مره خذته ب 17 دك من البحرين شوفوا الفرق و انا ب 10 و كل 3 علب من الكريمات و الجيل شور و الرغوات يصير 25 يعني عرض
شوفوا العلبه تشوق شهتني بتوستر وتوست و مربى و زبده بس لولا الرجيم ههههههه
[/url][/IMG]
هذا البدي لوشن و الجيل شور مال الككاو الي قتلكم عنهم فظيع اشويه عليه و الله حسيت اني مصنع كادبري و يتمشى حتى البنات قالولي شنو في ككاو بجنطتج قتلهم أي عن الفشله ريحته فظيعه و تظل لي ثاني يوم بالجسم من غير عطر و لا أي شي احلى من مال بدي شوب جربته لمده بس بعدين ريلي قالي ترى مو ذاك الزود جنه ككاو محزر هههه بس هذا لا ككاو سويسري و فريش
[/url][/IMG]
هذي صورة الرغوه الله يسلمكم انا عبالي بطعم و ماعرفت شنو مكتوب عليها خذيتها بسرعه و من اللقافه ماعرفت على شنو ريحتها المهم جربتها بالبانيو و ما اخش عليكم اول شي سويته فتحت العلبه و ضقته بس طعمه كان مر عرفت اني فاهمه غلط بس ريحته كانت على دارسين و فنيليه تعرفون ريحت سينابون الي تناديج من بعيد تقولج تعالي اكلي و انتي تقولين لالا ما اخرب الرجيم وكل ماتقربين تقولين يله خلاخربها اليوم اوف هذا هو ههههههههههههههه بس و الله ريحتها قويه فوق ماتصورين وحلوه ولمن فتحت العلبه لقيت انه فيه منه نكهات على منجا وفراوله و ككاو و موز و كرز و توت يعني حركات وريحته قويه مثل البريد وسوري الصوره وايد مضغوطه اضطريت اصغرهم عشان انزلهم بس العلبه عوده بس ريحته توب انا اتوقع لو ظاله عليه تقعد 5 ايام عادي و لا تروح و لاحظت انها نعمت جسمي بشكل مو طبيعي معني استخدمتها مرتين بس و الله نعمت جسمي حتى ريلي لاحظ و مكتوب عليها انج ممكن تستخدمينها على الجسم الجاق من غير ما تغسلينها لانها من مواد طبيعيه مو كيميائيه و ترى هذا المنتج ايطالي
[/url][/IMG]
هذوله القلوسات وفي منهم اشكال انا كل ما اشوفهم اشتهي اكلهم مع قهوه عربيه وفي منهم اشكال و الوان الحبه كانت على دينارين بس لو تاخذين 5 حبت تصير الحبه دينار ونص بس و الله تستاهل طعمها وريحتها كيك ولاحظت انه الي على فنيليا طعمها جيز كيك و الي على ككاو طعمها على ككاو و بسكوت و الحلو الي فيهم لمعتهم نااااااعمه و تترس الحلج و تبقى مدى طويله و حتى لو نشف من بعد الاكل او البوس تظل اللمعه بالشفايف بس حسافه مابينت اللمعه بتصوير و الطعم الي فيهم خفيف بس وااايد حلو اختي خذت واايد اشكال انا بس ذوله و في منهم على كوب ستاربكي و كعبات تكرمون بس هذا احلى صورت لكم شكلهم ن برى و من داخل عشان تشوفون اللون
[/url][/IMG]
[/url][/IMG]
[/url][/IMG]
![جننها السعودي ]](/data/avatars/m/131/131303.jpg?1621061238){kind=avatar}
