شمعنه يا هيثم الخياط؟

[mi corazon]

السلام عليكم

بنات
السلام عليكم

بالأمس زرت عيادة الدكتور الجراح هيثم عبدالوهاب الخياط .. والذي يقوم بعمل الجراحات مع الدكتور سلطان التمياط في الكويت .. بالبداية عرضت مشكلتي وصدم عندما علم أن وزني 110 .. لان كتلة العظام عندي تزيد من الوزن .. اعتقد في البداية أن وزني لا يزيد عن 93 ... صدمته مسكين
بعد نقاش رشح لي عملية التكيمي .. وجادلته بأني لا أحب التقطيع .. وسبق أن أصبت بنزيف خلال عملية جراحية .. وطلب مني أشعه بعدما أخبرته أني أتداول علاج الريكيوتين .. لأنه يسبب مشاكل بالكلى .
طلب مني تحاليل سويتها بالحكومي كلفني 45 دينار لأنه بالخاص غالي 250 @@ .. واختبار جرثومة المعدة ياخذ 10 ايام على ما يطلع .. وموعد أشعة الكلى يوم 21 من هالشهر .. ان شالله تطلع زينه

سؤالي هو .. هل يجوز عمل التكميم؟ لأاني حسيت بالذنب اني بغير خلقة ربي واقطع جزء من جسمي ربي منحني اياه .. بس ارد وافكر بأني انا أسأت استخدامه لين تشوه

فا حابه اعرف منو سألت عن جواز الاقدام على هالنوع من العمليات !!!

والسؤال الاخير

أيهما أفضل واشطر؟ من تجربه لا تحكمون عالدكتور بدون تجربه

هيثم الخياط ولا التمياط ولا باسل السميط؟

واكون شاكره

 

[carrot^cake]

انا بصراحه ما سألت
لانه هالعملية مو تجميل !!
مادري بصراحه مافكرت فيها
وان شاء الله مافيها شي

وجربت باسل السميط دكتور ممتاااااز

 

[mi corazon]

مشكورة حياتي عالرد

كنت ابي باسل بس مواعيده بعيده وايد وانا ابيها على عطلة الربيع

 

[كرسبي كريم]

والله ما اقدر افتي فيها
بس ريلي سوي عمليه تدبيس المعده لان مستحيل انزل من وزنه طبيعي
وهذه مو تغير خارجي بالعكس انتي راح تغيرين حياتج بعد العمليه وترتاحين من امراض السمنه (السكر -الضغط-الكروسترول-... الخ)
وووايد ناس سوا العمليه ومرتاحين
بس انتي استخري احسن
والله يوووفقج يارب

 

[Kuwaitigirl1973]

العملية عملية حبيبتي واللي يصير داخل بطنج لازم ما يكون هو الموضوع إذا دكتورج شاطر، أهم شي شنو العملية اللي تناسبج، آنا في رويال حياة سويت تحويل لأني اقتنعت بكلام د الصانع هناك بعد ما شرح لي الفرق ومستانسة إني سمعت الكلام وشوفني فيديو شنو يصير بالضبط والحين قربت أوصل ٢٠ كيلو نزول بشهرين لأني فهمت شلون حتى آكل بعد العملية
الحين سألتي عن الدكاترة وآنا مع السمنة من زمان فبعطيج رأيي
التمياط بالسعودية أيي ويروح فما أنصحج فيه العملية يبيلها متابع
السميط والخياط والصانع كلهم متخرجين من أمريكا وشطار وحسب ما عرفت الصانع والسميط استشاريين والخياط أخصائي وأنا حبيت الصانع أكثر علشان طريقة الشرح والمتابعة عندهم في رويال حيل منظمين فالنزول متحكمين فيه حتى ما يحت الشعر اللي حيل مهم عندي، أهم شي سوي العملية الصح واليوم سويها عند واحد زين واراح انشالله تصير مضاعفات وناس وايد سووها

 

[mi corazon]

كريسبس كريم

ماشالله .. وين سواها؟ وبجم وشكثر اخذ وقت ريكيفري؟؟؟

وباستخير مره ثانيه ان شالله

 

[mi corazon]

Kuwaitigirl1973

حبيبتي طمنتيني الله يطمنج

بس السميط سألتهم قالوا عطلة الربيع كله محجوز وآنا ضروري اسويها الحين قام تتأثر كعوب ريلي والفلات فوت ذبحنيييييييييي والتنفس عندي قام يتعب

وحالتي حاله :\

عالعموم ان شالله باستخير ومشكورين حبايبي عالاهتمام

 

[أم عبدالوهاب]

حبيبتي انا توني مسويه تحويل مسار عند هيثم الخياط
بصراااحه انسان روووعه
ومتابعني على طووول

 

[حرم الحوت]

استخري احسن
والله يوووفقج يارب

__________________

 

[ii DareeN ii]

افضل طبيب لهذه العمليات اهو الهيفي وعقبة السميط وهذا بشهاده الجراحين وبخصوص السؤال عن مشروعية العملية هذي تسالين فيها مفتي او شيخ دين افضل

 

[mi corazon]

ام عبد الوهاب انزين شكثر قعدتي بالمستشفى؟ اهما يقولون 3 ايام .. انزين مو تنامين قبل العملية بيوم بالمستشفى؟ تنحسب ؟ وتقعدين يعني يومين عقب العملية وتطلعين ولا شلون نظامهم؟ تراني عليمية :|

الله يتمم لج الرشاقه على خير

 

[mi corazon]

حرم الحوت ... لي قعده وياج ياخيتي مادري ليش جاذبتني تجربتج وودي لي ضعفت اسوي شد وودي استفيد من خبرتج يالغاليه

وان شالله بستخير مره ثانية

 

[mi corazon]

دارين عزيزتي ماتقصرين ..

بس سؤال : منو الهيفي ؟ وجم رقم عيادته وبجم يسوي العملية !!!

وادعولي تعدي على خير :>

يسلمو

 

[mi corazon]

دارين عزيزتي ماتقصرين ..

بس سؤال : منو الهيفي ؟ وجم رقم عيادته وبجم يسوي العملية !!!

وادعولي تعدي على خير :>

يسلمو

 

[تونه الكويت]

هالنوع من العمليات تعتبر انقاذ للانسان من الامراض والموت البطي اللي يصير فيه
ووايد مشايخ احلوها ودشي اي موقع ديني تلاقين هالفتاوي عن هالعمليات
انا سمعت بإذني برنامج تلفزيوني كانوا مقابلين شيخ واسألوه هالسؤال قال يجوز لانها تعتبر انقاذ له من امراض السمنة المميتة لانه مو قادر ينزل من وزنه بالطريقة العادية

اما عن الدكاترة انا كتجربة عند د.سلطان التمياط بسم الله ماشاءالله جراح متمكن من شغله وبساعة تخلص عمليته وان طولت ساعة ونص لا اله الا الله
ود.هيثم الخياط ماشاءالله قام يسويها بروحة ماشاءالله عليه
وعن المتابعة احنا يتابعنا د.هيثم الخياط مكان د.سلطان

 

[mi corazon]

تونة الكويت

تسلمين يالغالية .. ماتقصرين حبيبتي

يعني اعقلها واتوكل عند هيثم الخياط؟

 

[&نور الدنيا&]

هذه الفتوى منقولة من موقع سؤال وجواب
لفضيلة الشيخ محمد بن صالح المنجد

أبلغ من العمر 23 عاماً وأعاني من الزيادة المفرطة في الوزن وأرغب في القيام بعملية تغيير مسار أو اتجاه المعدة لتصغيرها وربطها بالأمعاء مباشرة وهي عملية كبيرة ولها آثار جانبية كأي عملية جراحية ..سؤالي: هل تغيير مسار المعدة حتى لا يستفيد الجسم من الطعام يعتبر تغييراً لخلق الله؟ وهل يجوز لي القيام بهذه العملية ؟

الحمد لله
يجوز إجراء عملية لربط المعدة (تصغيرها بوضع الحزام أو عن طريق التدبيس) ، أو تصغير حجمها وتوصيلها بالأمعاء الدقيقة ، لغرض التخفيف من الوزن المفرط ، ولا يعد هذا من تغيير خلق الله ، لأنه من باب العلاج والتداوي ، لكن يشترط غلبة الظن بعدم ترتب مفسدة أو مضرة أعظم ، ويُرجع في ذلك إلى رأي الطبيب الثقة ، وذلك لأن هذه العمليات قد يكون لها آثار جانبية خطرة
والأولى استعمال طرق الحمية والرجيم ، بمتابعة أهل الاختصاص ، فإذا لم يُجْدِ ذلك ، أمكن اللجوء إلى ربط المعدة أو تغيير المسار عند التأكد من السلامة من الأضرار والآثار الجانبية .
والله أعلم .



رابط الفتوى-الإسلام سؤال وجواب
http://www.islamqa.com/ar/ref/102085



اتمنى اكون افدتج حبيبتي

 

[جورية وردية]

ولله بروح أو بسوي عيل أتم ذي جني خيشة عيش ويع ويع ويع أصلا هالعمليات صارت مثل الزايدة الكل يسويها بدون تفكير وإلي يشوفونها متينة يقولون لها شنو هذا ما تعرفين أحد ينصج أكو أحد هالحين يترك نفسه جذي ويع

 

[اميره بكلمتي]

انتي بالاول استخيري وشوفي
واذا تبين الدكتور الشاطر عندج الدكتور خاالد العنزي مشاء الله متفاني بعمله وانا الصراحه مجربته بعمليتي شهادتي فيه مجرووحه بهالدكتور

وهاذي رقم عيادته 22511522 الداخلي 100

اسم عيادته هيلث كير كلينك - بنيد القار

 

[بطة الزلبطة]

حبيبتي انا مسوية تكميم عند د.هيثم قبل 3 اشهر والدكتور ماشالله عليه خلوق وشاطر ومتواصل معاي مع اني مسافرة من شهرين والعملية تاخذ لها ساعة وعقبها ساعتين بالافاقة وبعدين تروحين غرفتج وتباتين ليلتين وثالث يوم تطلعين بالسلامة وانا الصراحة اللي خلاني اسويها السكر اللي ذبحني دايما بالعلالي والحمدلله من ما سويتها انتظم عندي وماقام يرتفع