شمال غرب صليبخات او صباح الاحمد

[هجووورة]

السلام عليكم ورحمة الله وبركاته


اشلوووونكم يالغاليات وعيدكم مبارك

انا بغير نكي من هجووورة لمقروووده بس علشان هالسالفة

زوجي الله يهديه من النوع الثلجه لين طارت الطيور بأرزاقها وارتفعت العقارات والاخو ينطر بيت يناسب امكاناته وقريب من اهله

طلبنا قديم
فما صلح لنا الا خيارين شمال غرب صليبخات او مدينه صباح الاحمد
فقال شمال غرب صليبخات منطقه تعتبر من العاصمه وبعيده عن الثلوث بس بعيده عن الاهل والمربى احنا تربينا في محافظة الاحمدي

واشوفه يدور بدل الاي منطقه قريبه بس الاسعار خياليه

فحطني امام خيارين اما ترضين تسكنين بشمال غرب صليبخات او ابدلها في مدينه صباح الاحمد واثنتين بعاد مو في الخاطر

عطوني تجاربكم يمكن اقنع نفسي لا تبخلون علي:n2006107::yaaaaaarb:

 

[هجووورة]

لهالدرجه الموضوع سخيف وما يستحق الرد

 

[aldanaha]

رد : شمال غرب صليبخات او صباح الاحمد

هلا هجورة حبيتي اناب راي صباح لانه قريب من اهلكم مثل ماقلتي واذا اخترتي شمال غرب صلبيخات بيتم يحن الريل اساليني بحنه الرياييل اي انتي حذفتينا ابعيد عن اهلنا وم هالدندره
دام اهلكم بالاحمدي خلج اقريبه منهم

 

[aldanaha]

رد : شمال غرب صليبخات او صباح الاحمد

بس صج انتم طلب اي سنه

 

[مي الحلوة]

رد : شمال غرب صليبخات او صباح الاحمد

اختى هجوورة..ترى منطقة غرب الصليبيخات حيل مرغوبة..لانهاااا قريبة من العاصمة
اخذوااا فيهاااا وتوكلوااا على الله..ويمكن في المستقبل تلقون بدل بالمنطقة العاشرة..والله يكتب اللى
فيه الخير لكم..

 

[أغلى حبيبه]

رد : شمال غرب صليبخات او صباح الاحمد

دام اهلكم بالاحمدي اخذي بصباح الاحمد

واذا تبين الديره اخـذي بصليبيخات

انا كان عندي نفس خياراتج بس اخترت صباح لانه الاجرب حق اهلي

شبي بالديره وانا بعيده عن اهلي

 

[om-3abood]

رد : شمال غرب صليبخات او صباح الاحمد

اسمحيلي ما في مقارنه بينهم ...أنا برايي لو تاخذين بصليبيخات وتاجرينه وبقيمته تاجرين بالعقيله احسن لج ....دامج محتاره استخيري

 

[توتة الحلوة]

رد : شمال غرب صليبخات او صباح الاحمد

من حيث المقارنة طبعا شمال غرب صليبخات ... الأفضل ...أهم شي تكونين مرتاحة ببيتج مو تكونين قريبة من أهلج ..الحين كل المناطق اليديدة بعيدة وكلنا قمنا نسكن بعيد عن أهالينا ، أهم شي نسكن بمنطقة زينة.

 

[missnohaa]

حبوبه الحين السياره ماتعوق اتوديج كل مكان
واذا تبين رايي غرب الصليبخات على الاقل تعتبر من العاصمه احسن لج
وبينى وبينج خليه اهو يختار لان اذا كان الخيار لج باجر بيذيج بيقول كل منج
حنه الرياييل ما احبه

 

[حصوص الكويتية]

شوفي بقولج عني وعن تجربتي

انا طلبنا قديم وطلع لنا بيت بفهد الاحمد وطبعااااااااا بيتي وحبيته وقريب من اهل وزجي واهلي يعنى احنا من سكان المنطقة العاشرة

ومانحب نطلع منها لو شنووووووو

المهم سكنت بيتي ومن سكنت وكله حنه من زوجي كله منج انتى اللى خليتي اخذه من حلوووووو موعاجبني ومن المنوال تخيلي واله لوع جبدي بالبيت لدرجه كرهت البيت والمنطقة من هذرته وحنته

المهم ا خر شي بدلنا بيتنا تخيلي بشنو بطلب اسكاني والحين قاعده سنتين بالاجارات والتنقل والله كريم

وحطوا بشمال غرب الصليبيخات وقال بدخل قلت مافي ومانى داخلة ومانبيها وتركها

ونادونا حق صباح الاحمد وقلت له والله ما اسكنهاااااااااا وشافنى للحين وانا معصبة بصراحه من بيتي اللى بدلته وهو يدري اني موراضية على بدل بيتي

والله احس كتبتلج معاناتي

المهم الحين بوزعونعلى قسايم القيروان وان شالله الله كريم بس ماراح اسكن هناك طبعاااااااااا

لاني ما احب البعيد

 

[كتكوته22]

انا عندي صباح الاحمد احسن دامها قريبه من اهلج

 

[!αNα Gαir!]

رد : شمال غرب صليبخات او صباح الاحمد

يا معودة مالج الا الإستخآرة ..

استخيري و خليها ع ربج ..
و مني لج هذا دعاء الأستخارة ..
اللَّهُم إِني أَسْتَخِيرُكَ بعِلْمِكَ ، وأستقدِرُكَ بقُدْرِتك ، وأَسْأَلُكَ مِنْ فضْلِكَ العَظِيم ، فإِنَّكَ تَقْدِرُ ولا أَقْدِرُ ، وتعْلَمُ ولا أَعْلَمُ ، وَأَنتَ علاَّمُ الغُيُوبِ . اللَّهُمَّ إِنْ كنْتَ تعْلَمُ أَنَّ هذا الأمرَ خَيْرٌ لي في دِيني وَمَعَاشي وَعَاقِبَةِ أَمْرِي » أَوْ قالَ : « عَاجِلِ أَمْرِي وَآجِله ، فاقْدُرْهُ لي وَيَسِّرْهُ لي، ثمَّ بَارِكْ لي فِيهِ ، وَإِن كُنْتَ تعْلمُ أَنَّ هذَا الأَمْرَ شرٌّ لي في دِيني وَمَعاشي وَعَاقبةِ أَمَرِي » أَو قال : « عَاجِل أَمري وآجِلهِ ، فاصْرِفهُ عَني ، وَاصْرفني عَنهُ، وَاقدُرْ لي الخَيْرَ حَيْثُ كانَ ، ثُمَّ رَضِّني بِهِ

 

[جوري الكويت]

رد : شمال غرب صليبخات او صباح الاحمد

المهم تفتكون من الايجار

الثنتين يعتبرون قراب

بعد جم سنه ما ادري وين بيوزعون

 

[تعويذه الحب]

والله حبيبتي انا لو مكانج اختار صباح الاحمد كافي ان القسيمه 600 متر وكل قسيمه على زاويه ولج ارتداد

يعني تاخذين راحتج بالبنيان وبعدين الديره صغيره والسياره ما تعوق كلش

 

[نونا**]

لاااا
ديري بالج تاخذين بصباح الاحمد!

اخذي غرب الصليبيخات

اسعارها راح ترتفع حيييييل لانها مرغوبه

لما يطلع بيتكم عرضوا للبيع والله تشترين احلا فيلا بالعاشرة وتعيشين ملكة

 

[الهاجريه]

والله يا حبيبتي انا تقريبا اعاني مثلج لاني من سكان الرميثيه من الصغر ولما خيرني زوجي بين صباح وصليبيخات احترت وخفت لاني ما ادل ولا وحده منهم ولا عمري شفتهم بس لما سألت قالولي صليبيخات وايد احسن وخذيت فيها والله يجعل فيها الخير واكثر الي اعرفهم صارو يتمنون صليبيخات لانها اخر منطقه قريبه من الديره

 

[ام دودو المزيونه]

احنا طلبنا طلع لنا في مدينة صباح يكفي قسيمة 600 متر حلو واهل زوجي من سكان المنطقه العاشره واهلي مو ابعاد مبارك الكبير وابصراحه مافي خيار ثاني لنا بس الحمدالله احسن من غيرنا اخوي ينطر واختي تنطر دورهم

 

[ام كوكي85]

اختي اخذي غرب الصليبخات فيها مميزات كثيرة اولها قربها من الديرة وصغيرة يعني تروحين جمعية مستوصف ماتعنين من الزحمة والدور بعدين ملاصقة بالبحر يعني تصير من ابرد المناطق وبعد في خطة خمسية حق الواجه البحرية فيها يعني تونسون من قريب واذا بغيتي تبيعين تجيبلج مبلغ كبير تقدرين تشترين احسن فله بمنطقتكم الحين التخصص بس واصل40 الف يعني نصيحتي لاتطوفينها

 

[جنون العشق]

اكيد غرب الصليبيخات افضل وخاصه من ناحيه البدل سعرها مرتفع



بس اذا بعيد عن اهلك شالفايده اخذي الي يم اهلك واتوكلي علي الله واهم شي القرب

 

[ملاك ^ الحب]

احنا الحين نادونا احنا دفعه 2001 وبناخذ بصباح الاحمد قريب على اهلي وبعدين 600 متر يعني انشالله راح ابني على كيفي اخوي بعد اخذ هناك واهم شي يكون عندي بيت استقر فيه وبلا ايجار وعوار قلب وبعدين اسمها مدينه صباح الاحمد يعني كل شي فيها من مدارس ومستشفيات ومستوصفات وجمعيات ومجمعات كل شي يمج والله انصحج بصباح الاحمد