شلْحل مع رفيجتي ؟

[آنيقـة]

المشكله كل ماكلمتها عن النظافه والمكياج وهالأشياء للي نحبها احنا تقول انا مااحط ومكياج ومااحب شيء اسمه مكياج
خلاص عرفتي لاعاد تسأليني اسأله وكاني مومهتمه ,قلتلها اي انتي ماتهتمين بنفسج تطالعلي وتقول في احد مايهتم بنفسه
وسكت انا وماسكه نفسي حييييييل بس لي هنيي وبس ..
الصراحه بعد العطله بصارحها بكل جرائه واذا زعلت بقولها تزعلين من الصراحه بعد؟
واقولها "هذي الهديه هديتج يعني هديه نظافه وهيك وبكرا بشوفج نظيفه لانه ماابي احد يتكلم عليج واهتمي بنفسج والاهتمام والنظافه
موبس تسبحت وخلاص لا اول شيء تسوينه انج تنظفين نفسج شلون تنظفين نفسج؟ حفي الابط والمنطقه الحساسه هذا اول شيء تسوينه ولازم تسوينه علشان تكونين نظيفه , وبعدين تسبحي وبعد ماتسبحتي استخدمي هاللوشن وحطي هالمزيل وخلي بجنطتج دايماً هذا العطر للي جبتلج ياه والكريم هذا وبكذا تكونين
نظيفه صج! " شرايكم بنات ؟
اكتبلها برساله او اصارحها ! ..

 

[آنيقـة]

مثل إللي بصفي الله يعينج لأني صج مريت بهالفترة نفسج....

• جوفي إنتي مب مضطرة تستحملينها كنت بقولج حطي رسالة فجنطتها بس جفتج مسوية هالشيء و ما فاد اظن هي وحدة عودة و كبيرة و المفروض تستحي و تخيل ع روحها و تهتم بنفسها و اعيد و ازيد انتي مو مضطرة تستحملينها ابتعدي عنها رافجي غيرها لا تمين وياها لأن صج البنات عقبها بياخذون فكرة إن هاي انتي مب هي ، إنزين ليش ما تصاريحنها و تقولين لها إن هي جذي و جذي؟ لا تقولين هالكلام بأسلوب يجرح لأ ، تكلمي وياها بأسلوب طيب و لين او خلي حد ثاني يتحجى وياها إذا ما فاد :dبصراحة شكلها هاي راضية بوصاختها.

شي حل ثاني يبيلها كرتون من بودي شوب هدية لها يمكن ما عندها؟!

لا انا ماابي اتركها ابي اغيرها من وألى , واذا تركتها هم بتصرعنا بريحه!
لازم احد يحاجيها يفهمها مو اتركها جذي .. بنات انا ابي اغيرها من والى عرفتوا !
ابيها تهتم بنفسها والكل يحبها ماابيها الكل يبتعد عنها .. مع انه عادي موصديقتي حيل
بس مايطاوعني قلبي اتركها جذي ..

 

[انت حب حياتي]

يمكن انا اكتر وحده حاسه فيكي لانو معي في المكتب زميله بكل اسف نفس صديقتك ويمكن اسوء بعد ما تغير عبايتها الا كل اسبوع مرة ما تكلف نفسها لو اكلنا في المكتب او شربنا انو تمسح مكتبها وطبعا موضوع الريحة والعفن لا تحكي فيهم ابدا لانو شي مقرف مع انها ست متزوجه وكبيرة بالعمر ... رح اموت واعرف مو حاسه على نفسها ... فتحت معاها موضوع العطور وكل ما جبت عطر اجيبه واقول لها شو رايك ومافي فايده فتحنا موضوع الغسيل وتبديل الملابس وتعمقت ومافي فايده انا وهي في المكتب لو انا مو بالمكتب ما في حد بيقبل يدخل المكتب من القرف ولو انا موحودة اشغل شمع ومالمعطرات والله هلكت من الحساسيه وهي السبب ومافي فايدة .....

 

[Q6RYA]

بنات انا اشوف موضوع التلميحات ماينفع والله تسولفين معاها عن عطورات ولا مكياج شكو في ناس مكياج الدنيا بويههم بس الريحه الله بالخير. موضوع ان وحده ريحتها خايسه تروحين تشترينلها هديه ديودرنت والا عطر ترا عيب وراح تجرحين مشاعرها بعد. والشي الاخير انج تكلمين يمكن ماتتقبل منج وتحس بالاهانه لانج رفيجتها حطي نفسج مكانها ترا قليل جدددا من الناس يتقبل النقد.

المهم أنا رايي ان تكلمين الاخصائيه الاجتماعيه او الممرضه تكلمها وتسويلها برنامج ان تتسبح مثلا يوم وترك وتفهمها بذكاء ان في وايد شكاوي عليها وان بعد فتره اذا بدت تلتزم وتهتم تاخذها وتقولها ان البنات يو وقالولي انهم وايد مستانسين منج وصارو يحبون يقعدون معاج مو نفس قبل عشان تشجعها وغيره من هالكلام ولا تعدين نفسج دخلتي حد غريب بالعكس الاخصائيه والممرضه مدربات وفاهمين هذا شغلهم شلون يحلون مشاكل البنات وبيحلون مشكلتها ومشكلتج باذن الله وربي يهديها ويهديج للشي الصح

وانتي اذا حابه تسوين شي من صوبج اشتري سله كريمات وعطورات ومزيل عرق من الجمعيه او ذا بدي شوب وقوليلها هذا خذته بالاجازه عجبني وخذت منه 2 واحد لي والثاني لج (عشان ماتتحسينها بالنقص او شي من هالنوع تحملي ) من غير رساله ولا شي

 

[زوزووووووووو]

يمكن سبحان الله ريحة موجوده فيها اصلا بس انا اتوقع حتى لو تحط مزيل عرق يمكن هالبنت ما تشيل الشعر بهالمنطقة لان الشعر اهو اللي يسوي ريحه انا اقول كلميها وبينيلها انج مستحية منها ومنحرجه ولا تحسسينها ان ريحتها اوفر قوليلها انا مرة وحده بس شميت منج ريحه ومحد لاحظ بس انا
بس على فكرة ما انصحج بفكرة الهدية لان صج احراج لها بتقول بينها وبين نفسها ليش لهالدرجه انا وصخه اييبونلي منظفات ومعطرات لا بس اكتفي بالكلام معاها واعتذريلها

 

[هدوء العالم]

حرام والله
ذكرتيني بأيام ثانوية كانت معانا بنت أخلاق طيبة وحتى ما تحب تقعد مع أحد لأنها خجولة
وكانت فيها حالة التعرق الزايد الله يكون بعونها ( 4 سنين كنت بالثانوية ولا أختفت )
بس تمر ورانا ونعرف إنها هي بس والله كانت المدرسة كلها متعطفه معاها ولا بيناها شئ ساكتين
لأنه خارج عن إرادتها حتى حتى بالشتاء كان فيها فعرفنا إنه فيها تعرق زايد

ونصيحة أختي كلميها بإحترام ولا تسمعين رأي أحد إنج تتركينها وتتخانقين معاها ولا إدارة تدري شلون

تقعدين معاها وتكون صح صديقتج قوليلها أعرف إنج مهتمة بنفسج وأعرف ناس فيهم تعرق زايد حتى لو يتسبحون باليوم مرات ومرات
وتروحين للدكتورة أو صيدلية تعطيج صابون طبي للمناطق الحساسة و كريم طبي و مزيل عرق طبي
حتى للكل لا تستخدمون مزيل من الجمعيات وفيه عطور لأنه يسبب حساسية و يزيد
وإزالة شعر الجسم كل 40 يوم ولا شهر على حسب ظهوره
وتقوليلها أنا ما قلتلج حبيبتي إلا أبي مصلحتج بدون محد يدري

 

[سبحآن الله"]

المشرفه هي الحل الصح
روحي لها وكلميها وقولي لها ما تذكر اسمك
فقط تقول لها ان في بنات بالفصل يشتكون من الرآئحه الكريهه
وتعطيها نصائح وبكذا بتخاف اكثر لأن مشرفه مافي بعدها كلام
أما انتي يمكن تعاند لان بتجرحينها .

 

[دلوله 111]

لا تعطينها هدايا بتنحرج البنت منج
ولا رسايل ولا تكلمينها
كلمي المشرفه وقولي كل البنات يتأذون من الريحة
واذا عندج عطر بالكلاس تعطري منه وقولي لها اخذي وتتعطر من غير ماتنحرج