شلي يسبب الغيره بين حريم الحموان

[بشوشه]

و احس ان اللي فيه نقص داخلي مو شرط بالشكل او شي ملموس يعني دايما تحس ان اللي بايد غيرها احسن من اللي عندها و تناقض نفسها هذي مشاعر الغيره
لمن يكون الانسان واثق من نفسى و عنده الشعور بالرضى مستحيل يحس بالغيره
و الله العظيم يبين على اللي يغار يحاول يكون صوره طبق الاصل من الانسان اللي يغار منه لكن مع الاسف راح يكون الصوره المشوهه او الصوره الملخبطه لان مو اي شيء يلوق على غيرج يلوق عليج

 

[مشكلتي حبك]

رد : شلي يسبب الغيره بين حريم الحموان

ياااي موضوع الغيره لاينتهي..اكيد الغيره موجوده بين الحريم خاصه من ناحيه اللبس والكشخه وهذي ليش تشتري ماركات وانا لا وهذي ليش تسافر وانا لا..صراحه بعضهم ناقصات عقل..الله يكمل الوحده بعقلها..ولو كل وحده تفكر بنفسها وما تقارن نفسها بأحد جان الدنيا بخير..
تقبلي مروري..

 

[عادت ذكرياتي]

ممكن من غير سبب

 

[؛؛حلاوه؛؛]

رد : شلي يسبب الغيره بين حريم الحموان

كل بنات المنتدى صاروا اهما الاحلى والاحسن وكل حريم حموانهم يغارون منهم لوووووووووووووول

 

[الراقيه 81]

رد : شلي يسبب الغيره بين حريم الحموان

لا حبيبتي ولا وحده قالت انها احلى وحده بس يقولون ان الغيره موجوده وصح هذا اللي صير بالمجتمع يعني 90 % من ابيوت الحموله اللي عندهم جناين تكون بينهم غيره و انا ما قلت اني احلى وحده حريم حمواني كل وحده تقول الزين عندي واهم غيرانبن مو عشان وجهي لا عشان غلا خالتي لي
وشكرا لردج

 

[نـعـومـه]

رد : شلي يسبب الغيره بين حريم الحموان

اذا خالتج ولا حماتج عاملتها غير عنج ولا العكس

والبعض يغارون من الاجمل او اللي ريلها يدلع اكثر

والبعض بدون سبب تغار

 

[بندقية]

اهم شىء انتي واثقة بنفسج
انتي معطتهم اكثر من حجمهم
خوفي انتي الي تغارين
واللة في احد فاضي عشان يغر
الحمدة والشكر

 

[موني^حبيبي]

رد : شلي يسبب الغيره بين حريم الحموان

ماله داعي الغيره كل وحده مالها شغل بالثانيه

 

[AVE.NJ]

الحمدالله على كل حال
احنا كلنا على قلب واحد
صدقوني بنات هذي نعمة من رب العالمين
انه اتمنى الكل مثلنا

 

[lolo~]

رد : شلي يسبب الغيره بين حريم الحموان

بصرلااحه ماتغار وتسوي هالحركات
الا الفاااااااااااااااااااااااضيه

 

[انصاريه قمره]

مممممممممممم مادري وايد شغلات

 

[F A R A W L A]

رد : شلي يسبب الغيره بين حريم الحموان

يحبوووون يسووون ااكشن بحياتج
خخخخخخخخخخخخخخخخخخ
قلة العقل

 

[قلبي ابيض]

جمعت لج كذا شغله قريتها

جمالج هذا رقم واحد *_^
معاملة زوجج وحبه لج ودلعه حقج
سفراتج وياه
بيتج الفخم الكشخه اذا ماكان عندها بيت او ساكنه مع الحموله فتغار
كشختج هذي اهم شي (اناقتج)ومدح الناس وحمولتج لج جدامها لوووووول
سيارتج الجديده اذا انتي تسوقين
وحلات الوحده قنوعه بحياتها ولاتراقب العالم وتلتفت لنفسها ولعيالها يوووووه ياكثر الحريم اللي يراقبون بعض صج ناقصات عقل ودين الله لاتبلانا
ومرات الغيره بدون سبب بس جذي يغارون بس اللي تغار من مرت حماها ماعندها سالفه الثقه حلووه بنات

كلام سليم

وابليس له دوووووووور بعد

 

[الذبانه الحايره]

نقاصت العقل اول شئ
وبعدين اللبس والريحه وذا ضحكتي مع رجلج بروحكم خزتج وبقلبها ودها تقوم تطقج مو بس حريم الحموا حتى الحموات الحمد الله والشكر والله لو عباة ساده تنهبل
الهبله هبله والي عقلها كامل مهي محتره
<<<<<<<<<<<<والمشكله كل الحريم ناقصات عقل عسى لله يستر على عقولنا

 

[ام - وهابي]

بصراحه انا احس انه مرت حماي حاطه دوبها دوبي لانها متينه وسوده وطويله ويثله لوووول ماخليت فيها شي بس هذا الصج
وانا اول زواج كنت احبها كانت خوش وحده بس من حملت تغيرت علي
ريلي يقولي اكيد بتغار انه خمس سنين مايابو عيال عقب علاج ولويه يالله حملت وانا من اول شهر
يعني هالشي مو بيدي المفروض تستانس مو تعاملني جني اشتغل عندها حمدالله والشكر
لدرجه لما تدش تسلم عالموجودين وانا تحقرني ماتسلم اشكره فيها شي
حتى خالتي ملاحظه وماتحبها اصلن
مادري شسوي وياها هالمعقده

 

[احب المنتدى]

رد : شلي يسبب الغيره بين حريم الحموان

موضوع حلو

ذكرتوني بوحده تقول بسافر علشان احر حريم حمواني

بس مو انا الي لغار لا اهم الي يغارون






ههههههههههههههههههههههههههههههههههههههههههههههههههههههههههههههههههههههههههههههههههههه



واااااااااااااااااااااي كل ما اذكرها اموت من الضحك

 

[فروحه روح امها]

رد : شلي يسبب الغيره بين حريم الحموان

انا حريم حمواني يغارون مني لاني اصغر وحده وسفور والبس الي ابيه :nocommint:
بس الي تموت مني جني ماخذه ريلها اهي الصدمه الكبرى حماتي بس تشوفني تتكهرب ويبين عليها على طول :eh_s(13): مع انها متزوجه ومعيله
حتى ريلي ملاحظ عليها :gr4uu: ما قول الا الحمدلله والشكر:sfg:​

 

[Adorable]

والله مرات تكون الغيره بدون سبب
في حريم خلاص عندهم مشاكل نفسيه و ما يحبون الناس

 

[عالمي المجنون]

انا اول جنة وما عندي حريم حموان

بس عندي 4 اخوان متزوجين والله لا يراويكم المصارعة الي بينهم

لوووووووووووول

الاولى ماتحب الثانية لان الثانية يابت ولد من اول حملة واهي يابت اربع بنات

<< اكرههتها ليش انها اسبقتها بالحفيد

والرابعة تكره الثالثة ليش انها انيقة وبرستيج وذوووق والثالثة دايم تسولف عن السفرات والرابعة تحتر ليش انها مو كويتية

لووووووووول

صايرين قروب والله

الاولى والرابعة مع بعض << ورب الكعبة اجلب واشرس واحقد حريم شفتهم بحياتي ومرضى نفسيا

والثانية والثالثة مع بعض << احبهم لانهم كافين خيرهم شرهم

 

[المها التميمي]

رد : شلي يسبب الغيره بين حريم الحموان

السبب هو النــــــــــــــااااااس

ايه الناس دايماً يحطون السلايف محط الأنظار ويسوون مقارنات بينهم طوووول الوقت يعني الوحدة مو بإيدها تلقى نفسها

في حلبة منافسة شي طبيعي بتنافس سلفتها .. وهالشي يزيد من الغيرة خصوصاً لو كل وحده شافت عندها نقص تكمله الثانية

مثل

الجمال
الكشخة
الراحة المادية للزوج
حب وتدليل الزوج لزوجته
التفريق من أهل الزوج
الوضع الاجتماعي

الغيرة شي فطري في بنات حواء واتحدى وحدة فيكم ماتحس بالغيرة احياناً

خلوا عنكم التصنع والمثالية الزايدة !!!