شلي يسبب الغيره بين حريم الحموان

[أحب بابا جابر]

السبب ببساطة ان اللي تغار ما عندها قناعة بنعمة الله
+
الطمع
+
لو انا نفس فلانة جان كذا .... هالتفكير هذا مدمر وسمي
+
المقارنة ( أسوأ شي )
+
عقدة النقص الأزلية
ووانا اشوف ان اللي تطبق مبدأ ( محترة منهم تعلمي منهم ) راح في النهاية تحب الناس وما تحقد عليهم
هههه
هذا مثل من عندي
وعلى فكرة
اللي تحتر من الحمولة تحتر من خواتها ورفيجاتها !
يعني المشكلة تفرض نفسها مع الكل مو بس مع الحمولة

 

[غرشة عطر]

جان زين بس بين حريم الحموان بس تعالي شوفي بالدوامات شلون الامراض النفسيه اللي علي اصولها اي مكان يجتمعون في حريم يصير مأساة كله حقد وحسد من عقد النقص للاسف استغفرالله فعلا تجمعات تسبب بلاوي

اي والله صاجه خاصه مجتمع المدارس يمه شي خيالي والله والله فيهم حسد وكره والمشكله الحش اللي موطبعيي
سمعي قصيت كاريه وصبغت اشقر واقولهم اشرايكم كل من قال روعه والقصه والصبغه خياليه تجيج ذيك الوحده كان شعرها يهبللللللل ويسحب وثاني يوم قصته واصبغته اشقر وتروينا اشرايكم :23_asmilies-com:حشا جارتي موموظفه وياي وزميلتي وكل من قال ياقلاده ليش تقلدين افلانه :eh_s(20):

 

[الراقيه 81]

لا اللي تحتر من الحموله استحاله تحتر من خواتها ورفيجاتها بالعكس تقولهم سوالف الغيره واهم بدال لا يعقلونها يقولون لها سوي جذي و اقهريها بجذي وحريها بجذي وهذا اللي صاير بالمجتمع واسئلي مجرب

 

[سر الجنان]

رد : شلي يسبب الغيره بين حريم الحموان

والله يابنات صج الخالة اهي الي تسبب تفرقة وكثرة حريم الحموان تجيب المرض خالتي مرات طيبة ومرات احس مدري شلون صايرة واحس تحبهم اكثر مني مع اني طيبة واعاملها مثل امي بس الواحد يسوي لله وماتروح الا مع حريم عيالها الاثنين مع ان حريم حمواي شكثرهم وتموت عليهم وين فلانة ماشفناها وانا ما قمت ادخل الا للسلام وما اكثر القعده عندهم والحين يدوروني ي للعجب الناس تغيرت صج ىسفة للاطالة مالي غنات عنكم:sfg:

 

[mishmisha]

أغلبكم تكلم عن الجمال والمكياج والكشخه والماركات
والسفر..... الخ

وين الدين..وين العقل وين الثقافه..وين العلم وين الشهاده؟؟

عجيب!!!!!!

 

[DooLy88]

مادري - ماعندي حما للزواج
توا ياهل وماعرف
ووايد اسمع عن هالغيرة واحس ماله داعي

 

[سارووونه22]

مادري لاني ما اغير من مرت حماي

 

[مس عسولة]

رد : شلي يسبب الغيره بين حريم الحموان

اذا كانت جميلة /صغيرة /جامعية/ريلها يحبها/سفرات/يرد البيت مبجر/
انا اصغر وحدة بالبيت وحريم حمواني بالبيت بس فكة طلعت قسايمهم بمدينة جابر بس لما البس واحط مكياج وحدة من حريم حمواني حيل تغار لانها كانت مخططة تاخذ ريلي حق اختها لدرجة انها دزت ريلها يحاجي ريلي يقولة خوش ناس اخذ اخت مرتي بس قل ريلي اختها متينة الاخت تكشخها وتوقفها عند الباب عشان يشوفها من زينها عاد واف لما حملت بقت تشق هدومها مع ان عندها 6 3بنات و3صبيان ولما يبت بنتي تقول حق ريلي ياحلو الولد ماجربتوة واللحين انا حامل بالبنت الثانية واللة يعيني عليها لما اولد وكل يوم تسأل خالتي ما قالتلج شنو فيها ميتة تعرف افففففففففففففففف
غاثتني حيييييل
وتقط نغزات لما يكون ريلي قاعد تقول حق حماتي شحلات فلانة شعرها اشقر بالعرس ولا ياحلات جسمها تسمعة ولما ييي ريلها تصير وحدة ثانية

 

[معكرونه أسبكتى يم يم]

رد : شلي يسبب الغيره بين حريم الحموان

خبال الحريم !!!

الا شكو اغير وربج موزع الارزاق وكل وحده عندها ريلها وعيالها الحمدلله على العافيه والعقل........ خبال !!

 

[الندى الجريح]

والله انا عانيت ومازلت اعاني من حسد ليتها غيره بس انا حسدهم بسكات يعني بس خزززززززززز واللي دائما تظهر الغيره هي مرت حماي الكبير جده وعجوز دائما اتكلم عن تقصير ميزانية زوجي ترد علي تقول هذا انتي تلبسين وتروحين مطاعم واسواق وحااااااااااااااسديني ع لبيسي بكل مناسبه ينتظرون دخلتي وش بلبس مع انهم يلبسون ماعليهم قصور بس حسد وغيره ومع ان ام زوجي تعامل الباقي احسن مني بس انا مااهتم لان عندي ام الله لايحرمني منها موناقصني حنان ولامعامله مانا مومقصره معاها وسنعه ولله الحمد بس هي ماتشكر فيني قدامهم حتى هي اللله يهديها احسها تخز صايره على قلبهم

 

[ماكنتوشه بنفسجيه 12]

رد : شلي يسبب الغيره بين حريم الحموان

شكثرهم هالنمومه

احلى شي طااااااااف

البس واسوي اللي ابي ولاني راده عليها

مع ان مرت حماي اكبر مني ب11 سنه وانا اصغر وحده ... بس مادري ليش شانه حرب علي من اول مادشيت البيت ههههههه

وكله تصغر عمرها وتسوي عمليات تجميل عشان تبين انها صغيره بس ماكو فايده .... والمصيبه تقول انها تحتر من اللي تكشخ وتلبس وزوجها زين وياها .. <---- يعني مفلصه على نفسها

الله يعينها على نفسها .. الكره والحقد والغيره معميه قلبها حيييييل .. والله انها لدرجة تكسر خاطري ... من تدش وحده من حريم حمواني كاشخه ... ماتتحمل تصعد شقتها .. واذا الحريم راحو تنزل تحت بلبس الصلاة <--- ماعندها غيره
من ايام عرسي وانا دايم اشوفها تلبس لبس الصلاة وتنزل فيه ... خووو ليش تحترين وتكرهين الحريم اللي يلبسون ... تعلمي شويه لبسي وكشخي مو على طول تكرهييين وتفتنين عيب ماما وراج رب يحاسبج !!

اسفه لاني طولت عليكم

سبحان الله وبحمده

سبحان الله العظيم

 

[احلى مريومه]

والله ماله داعي دام اني ولله الحمد واثقه من نفسي ومن جمالي ليش اغار الواحد يالله نفسها وبيتها وعيالها
حمدالله والشكر على قلة العقل

 

[جيكره(و)تتغلى25]

انا بقولج

راح اتكلم بالنسبه لي انا ابيض منها وانعم نها ودايما بو زوجي يطنز عليها وعلى ملاممحها فهي تغار مني


خالتي دايما تعذرها وزوجها مره سحبها من ايدها وقعدها بغرفه وقال هذي غرفتج كنا ماجرين شاليه حتى مااحترمنا وتصدقون ماكان يبيها وكان بيطلقها عشان جيكره اهني انا غرت لان عشتو زوجي يغار علي ويحبني


وهي من اهل زوجي يعني دهنا في مكبتنا وانا دايما الغلطانه والي مو اجتماعيه وهي العن مني تخيلو لما تسلم ماتقولي حتى شلوووونج::

ولما حملت ماقلت حتى حق ام زوجي الا لما كملت ال5 عندي عذري طبعا هي شنو سوت حملت وماقالتت لي لما كملت 6 خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ


بس احس تفاها مره حطيت حمره فوشي اقسم بالله وربي ثاني يوم حطت فووووووش معنى البدله مايلوق لها فووووووووشي

لما ولدت كنت بسمي ولدي اسم معين وماسمنيته اخر شي اخذت الاسم يعني خلصووووو الاسامي


الغيره بكل مكااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان انا الي قاهرني دايما خالتي تسولف فيها وهي حتى موراعية مواجيب


بنات وربي وربي والاذان الفجر ياذن ويشهد علي انا بنفاس اقسم بالله مماجتني ولا دقت وهي اكبر مني ولما ولدت انا رحت واخذت الواجب وكل يوم ارسل لها مسج الشرهه على خالتي ماسحبتها وانا كل يوم تدق تعالي معاي بيت فلان وعلنتان

 

[عبير الكويت%%]

اهل الزوج هم السبب بالمقارنه

 

[الراقيه 81]

يالله بنات لا توقفوا ابي اسمع ردودكم واستفيد من مواقفكم انا حديييييييييييي متضايقه من الغيره والحسد والله يستر علي وعلى اللي مثل حالتلي مع اني مو جمييييله عاديه بس ما ادري شليي مجننهم انا الرابعه فيهم و تحتي ثنتين و فوقي ثلاث بس في ثلاث منهم يدوروون علي الزله وحييل يغارون من معامله خالتي لي لانها تعرف منو يسوي هالمشاكل

 

[faith1]

انا اشوف انه السبب الرئيسي هي التفرقه بالمعامله من جانب الخاله
وثاني سبب اذا شافت ان مرت حماها مدلعه من الزوج روحات وطلعات وسفرات وهي ياحسره الكل يجعمها من زوجها وحمولتها اكيد بتغار بعد ماتنلام المره مسكينه .........عشان جذي الوحده لازم ماتبين حق مرت حماها انه مرتاحه مع زوجها وتقولها كل شي بحياتها وتعلمها عن طلعاتها وشنو شرالها زوجا وهي عارفه انه الي قدامها لايعه جبدها من حياتها ومشاكلها

 

[كويتيه شقره]

انا بغار منها اذا طلعت احلى منـي
اما بشي ثاني مايهمـنــي ...

 

[بيبي بدر]

والله ماادري انا ماغار من احد اشوفهم مثل خواتي عااااااااااااادي وهم يعاملوني مثل اختهم

 

[الأميرة الحزينة]

والله قلة العقل والا شكو اغار منها ريلي ماخذها والا شريجتي . :dfgl: . ماحب غيرة الحريم هذي والمقارنه اعتبرها غبااااااء :balo:

 

[اشتياق]

سألت امي تقول تغار لي شافت اخوه زين ومو مقصر على مرته واهو مقصر ومايدري عنها

تغار لي قالوا عيال فلانه احسن من عيالها

تغار من المقارنات:j013:

والله بنات خلكم عاقلين وشغلوا مخكم :friends:

مرات الخاله والحموات يشتغلون فيكم ويمدحون ويذمون وانتوا تشب الحرب بينكم واهم طماااااشه عليكم :eh_s(9):

يعني حلوه لي الوحده كبرت عقلها وخلت همها زوجها وعيالها وتركت عنها حجي الحريم ومداحرهم اللي مااييب الا عوار الراس

وخلي النقد والكلام لا يروح ولا يرد طوفيه وجنج ماتسمعين

والله يابنات غيرة الحريم مااتييب الا التعب النفسي والهم والتفكير

وطاقتج تروح فيما لا يرضي الله ..

تذكري انها مسلمه حالها حالج ومايجوز هالغيبه والحقد والاذيه!

وكل ماتذكر الانسان قبره هانت عليه الدنياااا..

اي صج تذكرت اختي متزوجه من زمان الله يتمم عليها والحين صاروا عندها حريم حمى ثنتين
وانا اسولف معاها جان اقولها هااااا فلااااااااانه الحين طقني واطقق قالت على شنو؟؟
قلت مادري كله يقولون حريم الحمى غيره:23_asmilies-com:

قالت اللي مادريت عنهم والله
بعزمهم بمناسبة زواجهم ومايشوفون شر
تقول صج حمواتي شغالين علي فلانه احلى من فلانه وتقول انا مسويه روحي الاطرش بالزفه
بس ادري اختي مرتاحه ليش انها احلى وحده فيهم لوووووووووووووول
لا وبعد انا اللي قايلتلها عن العزيمه تقول مادري ان لازم اعزمهم خخخخخخخخخخخ:flower:
موفقين خيييييييير يارب