شلي تغير فيج من حملتي وبصراحه .....؟

[أم علي حبيبي]

انا شكليا ما تغير شي غير ان زوجي كل ما شاف ويهي يقولي صاير لونج اصفر .. اكلي قل حييييييل
وطول الوقت مالي خلق اشم اي شي كله لايعه جبدي تخيلو اكره ريحت الصالة احب اتم بالغرفه اطلع الصاله ودي ارجع ياربي تعبت

وطبعا اشتهي شي اكله الحين بعد شوي اقول شلون كليته وييييع استغفر الله العظيم
وكرهت اللحم والبيض والدياي استغفر الله ودي ارجع لما اشوف الشمس ابي اتم قاعده بالظلمة ابي اخلص من اللي انا فيه تعبت والله لوعه الجبد تمللللللل .. اااااااااااااه

 

[kingq8q8]

انا بشرتي صارت صاااافيه وشعري تعدل ماشاءالله

احب البرتقال وعصير البرتقال وكرهت الدجاج وريحته وشهيتي انفتحت عالاخر لدرجة اني مااتحمل الجوع وابجي منه

وكل شي فيني تنفخ براطمي جني طاقه بوتكس رفيجاتي يقولولي التنفخ حلوووو عليج ااذ ولدتي اتفخي هههههه
وصرت سودا طبعا

بس اعصابي هدت واحب اقعد بالبيت مافي دوجه مافي فراره ههههههه

اقعد اربع خمس ايام بالببيت الوضع طبيعي لا ومستانسه بعد بس اكتشفت شي ان قعدت البيت توفر فلووووووس

وبث

 

[kingq8q8]

مووووووضوووووووعج حلوووووو


يلا يابنات ياكروشات يابطبوطات وييينكم

 

[A-b-c-]

وي وي موضوعج عالجرح انا كل شي تغير فيني كنت ملكة جمال وسبحان الله الحين جيكره شويه علي صرت واااايد سمره وخشمي انفرش ورقبتي وايييي سوووده هذا غير الخطوط الي ابطني وانا يتني حساسيه حمل جسمي كله بقع بختصار صرت انسانه ثانيه هذا غير الكئابه لانه لي شهر بالمستشفى وراح اقعد لي ولادتي .. انشاءالله اولد بسلامة والتفت لنفسي شوي*

 

[دلال و غلا]

موضوعج حلو

انا ما توحمت ع شي معين بس ذبحني الغثيان و الترجيييع والدوخه من اقوم من النوم
الحمدلله عدت هالايام ع خير

وشكلي ما تغير حيل بس مبين ع وجهي التعب و جسمي صار كله حبوب لان حاشتني حساسيه كنت ابجي منها
واكثر شي صارت ف بطني و وجهي وايدي امبيييه كنت مهتمه اني ما احك لان اخاف اطلع خطوط
بس بعدين لااااا احك طول الوقت من الحساسيه ههههه
و لثتي لازم كل يوم تنزف دم واذا فرشت وااي تصب دم تعبت منها
و فيني بنوووته والله لا يوريكم الثقل اللي حايشني

 

[أبكاني ذنبي]

انا نفسيه شوي وصرت انطوائيه ماحب اطلع للناس وخصوصا اذا تجمعاات وايد


وحااسه بثقل واحاااتي بطني بعدين والولاده والله يعين ياارب


وحاسه فترة الحمل طويله

 

[RO0O7Y KUWAITYA]

شعري
جسمي
نفسيتي
تجيني افكار غريبه ومحاتاة

 

[نور Q8]

اكثر شي تغير نفسيتي تغيرت يمكن لان توني بالثالث
ومادري شنو فيني تو الناس

 

[Bint Derty]

وي وي موضوعج عالجرح انا كل شي تغير فيني كنت ملكة جمال وسبحان الله الحين جيكره شويه علي صرت واااايد سمره وخشمي انفرش ورقبتي وايييي سوووده هذا غير الخطوط الي وابطني وانا يتني حساسيه حمل جسمي كله بقع بختصار صرت انسانه ثانيه هذا غير الكئابه لانه لي شهر بالمستشفى وراح اقعد لي ولادتي .. انشاءالله اولد بسلامة والتفت لنفسي شوي*

وااي جنج تتكلمين عني انا نفسج الخطوط وخشمي كبر والحساسيه اللي ماكله جسمي كلله مبققع احمر من فوق لي تحت. احس الجسم اندمررر واحس اين صرت جيكره مع ان يقولون اللي تحمل فبنت تحلى و وهي صايركله حبووب وصايره كسوله و ا ومالي خلق اكشخ ومالي خلق اليمعات ومجابل الناس والمجااحب قعدة البيت تريحني وايد احب اقعد بروحي حتى ريلي لمن يطلع استانس لوول

 

[حظ من عنده انا]

نفسيتي تغيرت

وعصبيه مااتحمل الصوت ولا ابي المشاااكل


وصرت هاااديه مااسووولف الا قلييييل


وبس ابجي 

توحمت علي السي فووود السمج والربيان ادمااان عليهم مااشتهي الدجاج ولا اللحم

 

[••غـلآًهْـم••]

انه ماتتخيلون شنو اتنسى فيه
علج ماي
واتعرفون الملابس لمن تطلع من الغساله وتوهامبلله اموووت على ريحتها وودي امص الماي اللي فيها
واااااي لااااا من صجي
اشتهيته الحين موقادره يبت طاريه احس جسمي محتاج لشي
واموووت على ريحة المكيف

صراحه والله موووتيني ضحك اول مره تمر علي وحده جذي الله يسهل عليج ويفرج لج

 

[أتقهوى عذابك]

انا صايررره كسوووله حيل ومالي خلق
واللي تغير صار فيني حساسيه برقبتي وظهري وايدي
دكتوره تقول من الحمل والله يستر وهذا اللي مضايقني

 

[عالمي المجنون]

يوم كنت حامل بولدي تغيرت ١٨٠ درجة

كنت ضعيفة و صرت فيلة زدت ٢٥ كيلو

و احب اكل بطاط و اكل المطاعم خصوصا هارديز

عادي اتغدا هارديز و ارد أتعشا هارديز إدمان

صرت سووودة و جيكرة واااي ويهي كان مو صج

و دائمة كئيبة و بس ابجي و كله اتهاوش و اعصب

و ما احب الزيارات

وولدي الحين حده عصبي و بس يصارخذص

 

[أميره بلا قصور]

صرت نفسيه امشي واتهاوش

وهالشي خلاني بيتوووتيه ماحب الزواره ونادرا ما اروح

كله اتحسس من كلمات لو انها مو مأثره

دمعتي قريبه

لثتي ذبحتني كل يوم تنزف

كارهه شكلي من المتن المفاجئ

حايشني خموووول مو طبيعي وادور النوم دوره

احس حيييل طولت فتره الحمل صج ع قولة البنات الشهر عن ١٠

اسأل الله الهون والسلامه

 

[وردة العشاق!]

كل شي تغير فيني
صرت دبدووبه اكثر واسمريت بقووه من بعد البيااض أهئ أهئ
خشمي الله يهديه صاار خشمين
حسااسه من قبل بس الحين زياده على قولة زوجي متى تولدي وتريحيني من حساسيتك
ع طوول اصيح

متى اولد وارجع نفس قبل شق بياااض

 

[! بــدويه وآآيــد !]

،


صرت كوييييحه سودا حيل وخصوصا ظهري وخلفيتي جلاحه مو طبيعيه : (
متنت حيل الله يستر شكلي بدش اخر شهوري بصير همر مع ان قبل الحمل وزني ٤٩ وانا وحده احب الضعف الاوفر مثل فيكتوريا بيكهام احب عظامي يبينون من ضعفي ومنصدمه من متني المفاجئ

يوم مستانسه ومتشققه بدون سبب ويوم دمعتي على خدي واتهاوش مع الي جدامي

شهيتي مفتوحه عالآخر ٢٤ ساعه اكل بدون لا اقول بس :|

كثرت الكوابيس والحلم بالولاده لوول

ماحب اقعد بروحي واكره شقتي بس ابي ناس بشر اقعد معاهم واذا قعدت بروحي اطقها بجيه :/

لوول وانا عكس البنات احس ايام الحمل تمر بسرعه :$

ثانكس عالموضوع : )

 

[عنووشه]

انا نساتي خفيفه عكس حمالي اول مره كان ثقييل وتعبانه ٢٤ علي ٢٤


الحين صرت بس احب اكل ومتنت حيييل


ومن دخلت السابع وجايتني ضيييقه واكتئااب



والثقل جنني تعبت



الله يقووومنا بالسلامه

 

[ELFAD3Ah]

صرت جيكره
نساتي كانت كله على الحامض وقمت اكل سمج وربيان معني مااحبهم
كنت اكره اليهال وكله اطقهم بس من يبت ولدي حبيتهم
بحمالي وايد هاديه ومالي حس

 

[قمرية الفيس]

أنا ببداية حملي احلويت متنت شويييه ولاتغير شبي بس دشيت الثامن صار عندي دمار شامل صرت سممممممرة وبطططططة والله كرييييييييييم والكآبة مالها ولاي واي أحد يكلمني على طول أبجيي وماتحمل

 

[سكوتي بذوقي]

الله يتمم عليكم حملكم وتقومون بالسلامه

ويرزقني يارب