شلوووووون اسوى صباره مالت الجريش

[شكليتة]

السلام شلونكم بنات ""ودى اعرف شلون اسوى صبارة الجريش والله ماعرف"ممكن تعطووووووووووونى الطريقة"

​

 

[Snow angel]

إن شاء الله البنات يفيدونك حبيبتي

 

[زهرااا]

فوووق فووووق لعيونج

 

[جوديتي]

حبيبتي تلقينه جاهز بالجمعيات عند قسم دبس الرمان والكاتشب

 

[شواشا]

انا اقولج انقعى الصبارة (التمر الهندى )بماى حار وخليها نص ساعة وبعدين اهرسيها بايدج وشخليها واحمسى بصل صغار مع ثوم وكركم وصبى عليها الصباره وخليها تطبخ بدون ملح لان الصبارة مالحة وحطى عليها اشوية دهن عدانى وبالعافية

 

[الاحساس]

والله طريقتي لها الكل يحبها

نقعي التمر الهندي بماي حار نص ساعه او أكثر على مايذوب ونقعي بنفس كمية التمر الهندي تمر عادي هم بماي حار لين مايذوب

وبعدين اخلطيهم مع بعض و شخليهم ليمن يبقى بالمشخاله بس الفصم مال التمر وبعدها بالخلاط (كزبرة وشبنت وثوم وفلفل أسود) أو أنتي دقيهم اذا ماتبين تحطينهم بالخلاط

وبعدها ضيفيهم للصبارة وخلطيهم وذوقي الطعم والله حتى ودج تاكلينها مع العيش

 

[ضماي هو وهناي]

ماقصروا البنات
والاحساس فدتنا بعد بطريقه دقوس الصبار بالتمر
الف شكر

 

[جارة القمر]

في صلصة جاهزه


وأنا اسوي طريقة الأخت شواشا



وأنا أحمس بصل مع لومي أسود ,أزين فيه اليريش

 

[نوووور الشمس]

الاحساس طريقتج شكلها تهبل

بجربها وادعيلج

 

[Snow angel]

إذا كان على حشو الجريش فانا اسوي بالفقع اذا مو موجود ماشروم

اقصص البصل واحمسه شوي بالزبده بعدين الفقع او الماشروم واحط بعدين معاه شوية صبار ولومي وفلفل اسود وافرغه بماعون ستيل واحطه داخل الجريش من فوق بالماعون حقه عشان تتشرب الريحه واخليه الى وقت التقديم

 

[)( مسألة وقت )(]

كل وصفاتكم تشووق ..
بجربهم كلهم إن شاء الله ..
يعطيكم العافية ..