شلوون اقنع ريلي اسافر بدوونه ؟؟

[قلب راشد]

مسائكم وصباحكم وررد

انا بصرااحه مرتاحه مع ريلي ولله الحمد ومو مقصر معاي بشيء

صار لي سنتين من تزوجت ولا مرة نمت ببيت ابوي او بعيد عن ريلي الا يوم كنت نفاس

الحين الصيف قررب والسفرر حان طاريه

وانا امي سعودية وبتروح حق خوالي

انا ما شفتهم من تزوجت وكله يتشرهوون علي

خالتي ريلها توفى ولا رحت ويدتي تعبت ودشت الطبيب ولا رحت

المهم العام بالصيف كان في عررس ولد خالتي بعد الحنه والررنه

رحنا ليلتين فقط وانا كنت صار لي سنه ما شفتهم

بس قبل العرس بيوم وصلنا ومشينا بعد العرس واله حتى خوالي ما شفتهم

بس شفت الحريم يوم العررس ولويه وحاله وحجز لنا شقه وكنا ماخذين امه معانا

وما قعدت مع الناس ولا شفتهم :eh_s(4):

المهم الحين اقوله بروح مع اهلي 3 ايام بس وبحجز وبرد لان اهو دوام وصعبه اخليه برووحه بعد

يقوول لا ما فيه سفر

جرربت كل الطررق زعلت وحايلت وسويت له ليله ودزيت له مسج وووو


بس ما في كله يقوول سكري الموضووع :eh_s(1):

الخين شسوي يقول انا اذا حصلت اجازة اوديك

المشكله ما ابي اروح معاه ونحجز شقه بعيدهه عن الناس وما اشوفهم الا جم ساعه

عيل شنو فايده الرووحة :eh_s(2):

فيدووني شسوي :eh_s(10):​

 

[pink Barbie]

قولي حق امج تكلمه ما احس انه راح يردها

وان شاء الله البنات يفيدونج

 

[hend6363]

اي خلي امك تكلمه اكيد راح يستحي
كلها 3 ايام ما فيها شي

 

[لذيذة]

الحين انت سافرت ولا لا
الموضوع قديم

 

[لذيذة]

بعض الرياييل ما يحبون تدخل الاهل بالعكس يمكن يزيد الطين بلة ويعاند اكثر

 

[بنت الاجواااد]

لاشكو لادخلين امج يينكم في رياييل يكرهون تدخل الاهل بعدين عيب اصلاً تدخلين امج بحياتكم

 

[أم عزيـز]

خلي اهلج يقنعونه ويكلمونه بس بطريقة غير مباشره
يعني يقولون لها خوالها ولهانين عليها ومشتاقين لقعدتها خلها تروح معانا وتشوفهم ويستانسون فيها

من هالكلام اللي يحنن القلب وان شاء الله راح يوافق دامج مع اهلج

 

[Patcholli]

خل امج تكلمه ماراح يردها ^_^

 

[Gifts&Occaions]

احس مافيها شي حاولي تقنعينه بوقت يكون مزاجه اوكي

 

[حبيبي مالكني]

كلميه مرة ومرتين وثلاث
مارده بيرضى قنعيه قوليله بس 3 ايام
بس يفضل لا تدخلين امج بالموضوع

 

[Qataria elegant]

قولي له باسلوب حلو انج انتي مشتاقة لاهلج وودج تشوفينهم وهم ولهانين عليج بعد وقولي له انتوا بينكم ثقه ليش يمنعج انتي رايحه لاهلج مو رايحه بروحج تستانسين... قولي له ان صلة الرحم واجبه وهم اهلج ومالج غنى عنهم وقولي له انه راح يكسر قلبج لو ما خلاج وان انتي قلبج معاهم.....

شكله ما يعتمد على نفسه اذا خليتيه بروحه بس قولي له كلها 3 ايام وكل شي تحتاجه بيكون موجود عندك من قبل ما تروحين والله يلين قلبه...

ههههه ولو ما رضى شيني نفسج وزعلي وقولي له انت تمنعني من صلة اهلي وانا احبهم وقلبي متعللق فيهم ابي اشوفهم....

 

[بطايه]

انه نفس الشي زوجي مو راضي اروح ازور اهلي اللي ساكنسن بالسويد,
و انه مقيمه بالكويت و صارلي سنتين مو شايفتهم,
يوقلي روحي اسبوعين و ياريت اسبوعين با عشر ايام و ردي!!!!!!هالفتره شتسوي؟؟؟؟؟؟؟؟؟
اكيد هو هامه لان ساكنين معه هله و مو فارقه معاه, بس انه اللي محروق قلبي!!!!
كل يوم اكلم اهلي عالفيبر او تانجو و اصبر نفسي و الله كرييييم
انتي الحمد لله اهلج بالكويت امه انه في اخر الدنيه
انشاء الله بيوافق و ادعيلج حبيبتي​

 

[فراشه123]

شوفي حبيبتي ،،، مثلي تعرفين تمثليين إذا أهو كلمتيه وحاولتي معاه مثل ما تقولييين ،،، ما لج إلا التمثيل بس فيه شئ ثاني وهو دعاااء إنه يسخره لج في صلاتج أدعي والصدقه بعد توكل على الله ،،، سوي الآتي وهو قوليله خلاص حبيبي بما إنت مو راضي خلاص مابي الروحه والله يعلم إن ودي أشوف أهلي بس علشان ماتزعل أهم شئ رضاااك بعدها لاتتكلمين بالموضوع لمده ثلاث أيام بعدين دقي عليه وهو يكون بره ألحق علي آنا تعباانه ودني الطبيب ،،، وقوليله نفسيتي تعباانه ومريضه وسكتي وبعدها بيوم لما يدخل سوي نفسج تكلمين التلفون وقولي يمه والله آنا ودي أسلم على خوالي بس شسوي حتى آنا تعبااانه ونفسيتي تعبانه بس شسوي بعد ،،،، وشفي شيصير ورديلي خبر

 

[sanyoretaQ8]

حاولي تقعدين معاه وتفهمينه بسلوب حلو وانشالله يقتنع

 

[بولندية]

البنات كفوو وفوو

وانا مع اللي قالو لا تدخلين اهلج بالسالفة

الرياييل ماصخين بهالسوااالف لو اهله اللي بالسعودية جان خذاج حتى لو ما تبين

بطاااية حبيبتي كسرتي خاطري الله يحنن قلبه و يخليج تروووحين

 

[Perfume]

حبيبتي انتي ادرى بريلج اذا يستجيب لو امج كلمته او بيعاند اكثر
انا ابوي تمشي معاه هالطريقة اذا ما وافق على سفرة امي مع اهلها يدتي تكلمه وينحرج ويوافق
بس انا زوجي ماااينفع معاه هالشي

 

[كويتية بروما]

موالا تسافرين الزم ما عليج زوجج وبيتج ورضاه وراحتكم
باجر لا صارت بينج وبينه مشاكل مايفيدونج خوالج ولا بناتهم ولا حريمهم
الا بتلاقينهم اول من يشمت وانتي وبكيفج

 

[جذابه بنت ذيابه]

قولي لامج او خالتج تكلمه .. دام كل شي مانفع معاه

 

[RanoOosh88]

الله يهديه وترحين مالج الا انج تقنعيه وقوليله صله رحم ومشتاقه لهم وهم ولهانين علي وانشااالله خيررر

 

[عسل مرت قيمر]

لا تدخلين اهلج احس راح يعصب


حاولي معاه اكثر واذا مارضا بعد شتسوين