شلوون اعدل نومة بنتي تعققققدت منها

[كااات]

السلام عليكم / شلونكم أمهات .. بنات أنا أم بجريه وعندي بنت الحين عمرها اسم الله عليها سنه ، المشكله نومتهاا مسببتلي عقده ، اذا جت حزة نومتها بالليل ماتنام نومه متواصله لاازم تقعد تبجي
واكوون مرابطه عندها عشان اسكتها بالمصاصه وتنام ، وساعات حتى بحزة نومها
اذا شبعت من الرضعه ماتنام تقعد تلعب وماتبي تنام ، لدرجة تحووس لي الساعه 1 بالليل):
بليز ساعدوني شالحل؟ ع فكره تقعد الساعه 10 الصبح ، وتاخذ قيلوله ساعه ساعه ونص ، وحزة نومتها بالليل 10ونص 11


بليز محتاجه مساااعدتكم وماتقصرون

 

[^ lamooosh ^]

حبيبتي واللهالله يخليها لج ان ساء الله


انا بنتي من عمر بنتج
ونفسج بالضبط


انومها الساعه ١١ ومرات ١١ ونص بالليل
واقعدها ١٠ الصبح
ولازم تنام ساعه باليوم
ع ٣ او ٤
عشان اتم قاعده لي الساعه ١١


والامور ماشي بس هالفتره
صارت نفس بنتج
معن نومتها نفسها نفسها
بس تنام ١١ تقعد ١ او ٢


طبعا اعطيها حليبه وترد تنام
وان ردت قعدت
قبلزكنت احاول بس انومها واجابل نفسج الحين عرفت
ان شزبت الحليب وقامت
اعرف ان الساله مطوله
اشيلها من سريرها ونروح الصاله
ونشغل التلفزيون واقط عليها العالبها
تحوس وتحوس وتلعب وتقولين بس صحصحت
بالكثير اعطيها ساعه
بعدين اوديها فراسها مع الحليبه تكمل نومتها لي الصبح
للامانه هذا الي قدرت اسويه وياها
لان من كثر ما انومها وتنام شوي ولارتغفي ترد تبجي وتنهوص
وصارت تنام يمي وتتقل وتتقلب وترد تبجي
يعني عادي لي الساعه ٥ وعلي هالموال لا اقدر انام ولا اهي تنام
فاختصرت الموضوع علي نفسي اقعد ساعه ولا انام نومه تبجي هههه
ان شاء الله اكون فدتج
وبدش مره ثانيه اشوف درود البنات
يمكن احد عنده الحل
ويمكن هالفتره بس من عمر الطفل وتعدي
وما ادري



واسفه ع الاطاله

 

[كااات]

مشكووره اختي على التفاعل والرد ، يمكن بناتنا عصبيات وشخصيتهم قويه ههههالله يحفظهم ويهديهم ، جد اتمنى بنتي تنام نومة متواصله للصبح مو عارفه شالحل!! شدعوه بنات 57 مشاهده بدون رد !! خلونا نفيد بعض

 

[نور دنياه]

جدولج زين مع بنتيج وضيفي عليه تسبحينها قبل النومه بس الحين شتا حسب شلون نظام بيتج بارد ولا دافي
انا جدولي نفس جدولج تقريبا وتجيها ايام بنتي تفصل مثل اليوم كانت نايمه من 10 وقعدت لي ع ال4 شربتها حليب وتنود بحضني احطها على السرير ماتبي وتقعد تصيح كان ودي اكفخها ورانا دوامات وهي تبي الحضن هههه
يعني بتلاقين بنتج ايام نومتها زينه وايام تفصل فيها عادي يعني

 

[كااات]

مشكووره اختي نور عالرد والله يحفظ عيالنا ويباركلنا فيهم يارب

 

[fofo90]

اب اب

 

[om 7amoodi]

يمكن شي يعورها اسنان مثلا او بردانه او العكس مدفيتها حيل

انا بولدي كنت اخليه بفراشه و انسدح بفراشي واخلي الابجورة شغاله و كيفه يلعب يبجي يوقف عالفراش يتحرش يناديني احقره لما ينام

وترا يبين بجي العيارة و بجي اذا كان مريض او شي يضايقه فكنت اعرف اذا بجا وايد وحسيته صج متضايق اشيله امشي فيه شوي واقرا عليه وارده بفراشه و نفس الشي اروح فراشي وانطره ينام

 

[^ lamooosh ^]

شون نوم بنتج الحين

انا نفس الوضع بس الحين تفعد واحس نايمه وتلعب واهي نايمه
بس حبيبتي مو مجابلتها وايد من ولدت


بس نفس النظام وياها اسويه

ودي تنام عدل لو ٦ ساعات متواصله

 

[G&R&m]

اتوقع كل اللي عمرهم سنه نفس النظام لان بنتي نفس الشي ماتنام متواصل وطول مهي نايمه تبجي بجي ينرفز ماتدرين شنو تبي يعني اكون مغيرتلها ومبدله ملابسها ومشبعتها بس مايفيد معاها شيء ع قولة lmoosh. لاشفتها صارت مزعجه اخذها امشي فيها مانفع هزيتها مانفع شغلت التلفزيون وخليتها تلعب ساعه ساعتين وعقب ارد انومها

 

[++صدفة++]

انا بنتي كان ماكو احسن منها
حتى خالاتي اللي جابلوني بالنفاس وخالتي ام ريلي يقولون ماشاء الله مافي نفسها تنام نوم متواصل لي الصبح وبسريرها وما كانت تتعبني عشان تنام
الحين اسم الله عليها من كملت سنة تقولون ينت وقعدت تقولون ابد مو هذي بنتي الهادية
صارت ماترضى تنام الا بيني وبين ابوها .. آمنا بالله ما قلنا شي
تنام بشكل افقي يعني راسها بظهر ابوها وريولها بظهري او العكس
وحتى اذا كانت بسابع نومة يويلي اذا شلتها وحطيتها بفراشها تفضحني الصراخ يمكن حتى تقوم الجيران
بس حماتي تقول بهالعمر طبيعي تسوي جذي لأنها تبي حنان منكم
ما اقول الا الله يعدي هالمرحلة على خير وتكبر وترذ مثل اول ان شاءالله

 

[Brounzi_girlly]

انا بنتي عمرها سنة وأعاني من نفس المشكلة يمكن اذا كبرت تتعدل النومة
الله كريم
مع التحية........

 

[Manala]

انا نفس om 7amoodi انظفه واشبعه واحطه بفراشه لين ينام. ساعات يتنهوص احقره واسوي روحي نايمة
يحوس يحوس وينام وتوني طايحة على انستغرام طبيب نوم قاعدة اقرا مواضيعه عل وعسى ألقى موضوع عن هالشي لان
ساعات ولدي يطول يمكن ساعة ونص على ماينام. مادري هل هالشي عادي لو لا!!

 

[ABEER FLOWER]

أنا ولدي لااااااازم ينام جنبي

أنومه وأحطه بفراشه أقل من ساعه يجلس يبي يجي فراشنا لوووول

وينام ع على صدري يلزق فيني ويتنهوص

وهاليومين كل شوي يجلس حتى لو نايم جنبي شكله يتألم من الأسنان

لأن بيطلعون له الأنياب والرحاه الله المستعان

ربي يهديهم ويحفظهم جميعاً

 

[دلوعه ززوجي]

أبيه كلنا نفس المشكلة ��������������������ب
بنتي توها تنام ساعه ٤الفجرررررر ��������������.
نفسيتي صفر منها مدري شنو تبي. كله تبجيييييييي وتبي احد يشيله




ابي حللللللل






من العصبيه أقول بحذفها مه الدريشه����������������

 

[ملامح بريئة]

اتوقع حسب شخصية الطفل وانا اشوف اللي عمره سنه لازم ينام عدل بالليل وباعطيكم نصايح سمعتها وممكن تطبقونها وحدة نصحتني اني اخلط السيريلاك بالرز مع بودرة الحليب واوكله الجاهل بالليل مثل وجبه دسمه عشان ينام نومه عدلة وكانت ماتعطي الجاهل ممية بالليل بس ماسويت نصيحتها وانا دايما ام زوجي تنصحني اني اشبع الجاهل من العشا بيدي مو بيد الخدامة واهم شي العيش الابيض اللين مع اللبن او الروبه ويشرب وراه ماي وتبدليله وينام شبعان مرتاح لان الحلويات والاكل الخفيف الشبس واكتشب يعطي الجاهل طاقة فيسهر الليل عليك وحاولي تقرين عليه ايات السكينه تلقينها بجوجل وتنومينه ومالهم شر انشالله عاد دعواتكم

 

[دلال.]

انا بنتي عمرها الحين 10 اشهر كنت غصب اصبرها لمن الساعه 11 ونص 12 بالكثير تنام و تقعد الساعه 5 ونص الفير او 6 ونص .. مو مشكله اقعدني حق للدوام مرة وحده
بس هالايام هابه نفس الحركه كلش تبجي تبي تنام ماتقدر و تشرب حليب مؤددددددبه بس تغفي لها ساعه وتقوم تتحرش فيني تبي تلعب واخذها عند التلفزيون اخرتها تنام
الساعه 1 ونص او 2 ونص ..
زوجي بقولي صبريها لا تنام المغرب .. مهما صبرتها وصارت قتيله بس بتنام ماتقدر واخترت الوقت اللي ابيه همن تكسر نعاسها وتقوم

 

[دلال الكويت q8]

نفس الحاله صار فتره نانمت نومة عدله
الله يعين

 

[انتيكا]

نفس معاناتج ?

 

[Nokia N95]

من واقع تجربة ....
اللي يعدل نوم اليهال .... الحضانه بالمرتبة الاولى

وثاني شي .... ممنوع السكريات بعد العصر ....
العصاير ... الكاكاو ... الحلاو ... البطاط ...

حاولي كثر ماتقدرين تبتعدين عنها ....
اذا انتي ساكنة بشقة بروحج ... راح تقدرين تسيطرين عالوضع بالكامل