شلوون أرقع السالــفه...

[حور الحنونه]

مســــــــــاء الخيرات



شلونكم بنات .....:hjy5jewf:




والله مادري شقووول بس والله حدي مقهوره وصاكه الدنيا بويهي:eh_s(11): ...


بس بنات لأحد ينتقدني لأن والله أدري أللي سويته غلط والمفرووض مايصدر من بنيه فاهمه وكبيره بس الشيطان خلاني
أطلع عن طوري ذيج الليله ... أنا عندي أختي أصغر مني بسنتين بس حيل حيل عووووبه وعصبيه وعلي أدانة الدوون أداحرني مع أنها سم الله عليها موناقصه شي جمال وموظفه توها مثلي يعني ماكو مجال للغيره بينا بس أهي لما تعصب تقط حجي قوي وأنا ماتحمل والمصيبه أمي وأبوي معاها ولايحبون أني أغلط عليها لأنه يعرفوونها زعلها جايد وممكن تقعد أسبوع ماتاكل من عوابتها وعنادها عشان جذيه أمي وأبوي يتحاشوون زعلها ...


ذاك اليوووم صكت بيني وبينها سالفه بدايتها تافه بس أهي كبرت الموضوع وقامت أتقط حجي جارح علي جدام أخواني الصبيان وخواتي مع أني أختها العوده حاولت أسكتها ماكو فايده لاأنفلتت شراره موبنيه وصراحه ماسكت هم قعدت أغلط عليها مثل ماتغلط وكنا تو حاطين العشاء وكنت مسويته أنا جان أبوي يشوف الموقف جدامه وبقعد يصارخ علي صعدي فوق مانبي منج عشاء وهالحجي صج تكدرت وصعدت داري ولارفيجتي داقه علي وأقعد أتحلطم لها رفيجتي بالدوام وأقعد أتحلطم أختي سوت جذيه وحتي سوالفها الخاصه طلعتها مع أنه والله بنات موطبعي أطلع أسرار البيت بس كنت محتاجه أحاجي أحد وأهي كانت تتحلطم من ريلها وأقعد أتحلطم أنا من أختي .....
أدري بتقولون وين المشكله أنا ندمانه أولا تحجيت عن أختي وطلعت أسرارها و ثانيا مادري البنيه أخاف يصير بيني وبينها خلاف وتروح تقول هذي تحش بأختها ...
ودي أروح للبنيه وأرقع الموقف مادري شلون أرقعه ساعدووني:bbbiu: ...


ويزاكم الله خير ...​

:edbf4317b9:

 

[BaiTotia]

رد : شلوون أرقع السالــفه...

الله يهداج أهلج مهما صار بينج وبينهم لا تطلعين أسراركم برا

لو يحبسونج بغرفة ويكفخونج (اسم الله عليج)

لأنهم أهلج

وقولي لها بشتري هدية لأختي براضيها فيها حبيبتي ماشلون عصبت عليها

بس السوالف الخاصة مادري ترقعينها شلون

 

[مذهــلــه]

صاجة والله بيتوتيه

المفروض مثل هالاسرار مااطلعلينها

وبالنسبة للسوالف الخاصة حاولي ترقعين بين فترة والثانية انج لما تكونين معصبة ماتدرين شنو تقولين والشيطان دخل بينكم ومن هالسوالف

والله يهديكم

 

[iron women]

حبيبتي كافي انج معترفة بغلطتج وهاذا اول خطوة لتصحيح الغلط وندمج اكبر دليل انج عاقلة وسنعة

لاكن ماعليه الانسان احيانا يطلع من طورة وانشاء الله انها طافت هالمرة لاترقعين ولا قالها الله خلج طبيعية وعيشي حياتج عادي

بس ارجو ان هالتصرف مايتكرر لانها ان عدة هالمرة على خير بالمرات الياية ماتظمنين انها تعدي

واذا على اختج هم اهيا غلطانة لازم تعرف متى توقف عند حدها وماتغلط عليج اهيا اكيد انها تحبج بس هم الاحترام واجب

وفي ناس تاخذهم العزه بالاثم يعني عارفه انها لو ازعلت الكل بياخذ خاطرها وبيراضيها عشان زعلها جايد وهاذا غلط

حاولي تتكلمين معاها وتفهمينها بالعقل ان هالتصرفاة موسنعة

 

[nandeny]

ماكو الا العافيه وعادي بالنسبه لي في شغلات بالبيت عادي اقولها حق خوات الدنيا اللي اهم رفيجاتي من عمر يعني ماقول حق اي احد اعرف اقول حق منو وبالنسبه لا ختج الله يهديها حاولي تقعدين معاها وترتاح معاج وان اللي صار عيب يصير جدام اهلكم ويعني ولاتحاتين حبوبه

 

[كرز حالي.]

رد : شلوون أرقع السالــفه...

حبيبتي انا اول شي بتكلم عنج انتي واختج
ليش تعطين اختج مجال تتكلم؟؟؟ يعني لييييييييش تناقشينها وتردين عليها؟؟؟
انتي تدرين انها عوبه على قولتج يعني لو مريتي من عندها وقطت كلمة مثلاااااا حقرررررررررري
سوي نفسج ماسمعتي
ولما تتكلم جدام اهلج مسكي نفسج وسكتي بيني لاهلج انج ماتحبين تغلطين وان اهي اللي تغلط علشان يعرفوووووون
يعني بالمعنى الصريح لالالالالالالاتتكلمييييييييين
وبعدين لا تقولين كل شي والله الناس تنقد الحين يقولون هذي بخور السوق
بذمتج لما قلتي حق رفيجتج شنو استفدتي؟؟ طلعتي اللي بقلبج؟؟ تعاااااالي طلعيه هني عندنا
والترقيع اممممم قولي اختي يات وتسامحت مني وقالتلي حقج علي

 

[cup-cacke]

اممممممممممممممممممممممممممممممممم..عادي روحي قولي لها ماعليه ع اللي صار..انتي داقه تفضفضين لي..وانا ضايقتج..بس كنت شوي متضايقه وقمت اقط خيط وخيط..حتى والله ما ادري شنوو قلت..ومن هالكلام

 

[هاجر الكويت]

شغلات اتصير بكل البيوت وبين خوات وايد وشي طبيعي ان اسرارج بتكون لاختج لانها بنت مثلج وجريبه من عمرج بس انا شخصيا مااحب اقول اسراري لاختي اقولها لرفيجتي ولا اقولها لاختي هذا شي وانتي مدام تدرين اختج فضيحه واطلع اسرار واذا فقدت اسرارها تفقد اعصابها حاولي ماتقولين لها اسرارج وخليج طبيعيه وخففي الحجي وياها فتره شاركيها بالشي اللي اتحبه هوايتها شوفي شنو اتحب وتقربي منها اكسبيها احسن والله يهديكم لبعض ويسخر امورج ورفيجتج عادي ماله داعي اترقعين لها لان تدري لو غاليه عليج ماتفتحين لها قلبج واتصارحينها بالضيقه اللي فيج ومن اختج لا تحاتين هالشي عادي وهم هي ارتاحت لج وقالت لج عن مشاكلها ويا زوجها ونادر ترا الوحده اتعلم رفيجتها بمشاكل خصوصن ويا ريلها وبالتوفيق يارب

 

[قطيووه^_^]

الله يعينج

 

[دلوعة أبوهآ]

والله موقفك صعب واللي سويتيه أصعب
فـ مادري شلون بترقعين الموضوع معها
ان شاءالله البنات يفيدونك
بس خلي اللي صار درس لكِ ومره ثانيه لاتقولين اسرار البيوت مهما صار ..

 

[miss-winter]

مادري بس الله يهداج خرتيها مره وحده بس عادي رقعي مثلا الشي الي قلتي قوله لا طلع جذي طلع جذي اتصدقين بس انج متهاوشه مع اختج عادي نجره عاديه

 

[( المـلاك )]

الله يهداج حبوبة
مرة ثانيه مهما صار بينج وبين اختج
لا تطلعين اسرار اهلج او بيتج بره
لو مهما كانت رفيجتج قريبه منج

اذا بترقعين الموقف
قوليلها
سوري انا كنت زعلانه من اختي و انتي دقيتي اشتكيتي بعد فطلعت اللي بجبدي كله
وانا مو من طبعي جذي و ياليت الكلام يكون بيننا وانشالله ما تتكرر

وبس

 

[يوآش يوآش]

رد : شلوون أرقع السالــفه...

ولو كانت اختج "عوبه "

مايصير تتحجين عليها ,,

وبعدين شلون سمحتي لنفسج

تطلعين سوالف اختج

وين راح تفكيرج ..

اهيا لو مو واثقه فيج ما قالت لج

الحين اهم شي تتسامحين من اختج ..

واذا اختج لسانه طويل

قاطعيها فترة ختأدب وتالي حاجيها ,,

وارفيجتج اللي قلتي لها عن السوالف

ماادري شلون بترقعينها .!

 

[&& دعاء &&]

هونيها وتهون ,,,,,,,,,

 

[ما كو اسم]

الحين كل اهلج ضدك .وانت الصح وهم الغلط

 

[جلاديلياس]

الله يهديكم حبوبه

 

[*بسبوسه*]

مايحتاج ترقيع وليش حيل خايفه ان البنت تطلع اسراركم ..وااتوقع عادي انتي شكيتي لها من شجار صار بينج وبين اختج
مو رفيجتج..عادي يعني ولا مو واثقه فيها
لي هالدرجه خايفه من اختج الصغيره ..خايفه ان رفيجتج تروح تقولها ابيييييييييييه شدعوه بصراحه انتي اللي مطيحه هيبتج قدام اختج واهلج من خوفج
لا ترقعين الموضوع وراح تمر الايام وكل شي ينسي..واختج اذا تحاشيتيها راح تتفرعن عليج زياده وراح ينهضم حقج عند امج وابوج
لكن اذا اخذتي حقج منها بتهابج

 

[miss alreem]

مايحتاج ترقيع وليش حيل خايفه ان البنت تطلع اسراركم ..وااتوقع عادي انتي شكيتي لها من شجار صار بينج وبين اختج
مو رفيجتج..عادي يعني ولا مو واثقه فيها
لي هالدرجه خايفه من اختج الصغيره ..خايفه ان رفيجتج تروح تقولها ابيييييييييييه شدعوه بصراحه انتي اللي مطيحه هيبتج قدام اختج واهلج من خوفج
لا ترقعين الموضوع وراح تمر الايام وكل شي ينسي..واختج اذا تحاشيتيها راح تتفرعن عليج زياده وراح ينهضم حقج عند امج وابوج
لكن اذا اخذتي حقج منها بتهابج

راي مثل رايج

 

[حجيه هيونه]

حصل خير لو شفتي صاحبتج او كلمتيها قولي لها والله كنت متضايقه وانفجرت ولا اختي خوش بنيه ومدحيها شوي


وحاولي ماتسولفين مره ثانيه صح نحتاج نفضفض بس ماعليه الناس مو كلهم ثقه

 

[منيرة خالد]

الله يهداكم

والاخت العوبه بلاء من الله ، الله يعينج عليها


والكلام اللي قلتيه لصاحبتج بالدوام صدقيني راح تنساه لأنه كل البيوت تصير فيها مشاكل واختلافات ، انتي بس قوليلها انج تصافيتي مع اختج وامدحيها .

وان شاء الله السالفه تخلص على جذي