شلون يفحص الزوج

[عروسة فوشيآ]

مرحبا ي حلوات


انا ريلي قرر يفحص حق تاخر الانجاب


شنو تنصحوني اي دكتور


وابي اعرف شلون يفحصون المني ؟؟

اقصد وين ينزل وشلون




ياليت اللي زوجها فحص تساعدني

 

[قاهره عذالي]

مختبر

يروح اي مختبر


ويمكن في فحص هرمونات الدكتور يطلبه

 

[غفرانك]

الله يرزقكم يارب

في عند د. عادل مرسي المواساه
روحي حق د. اشرف مرسي في السيف مريح نفسيا وصريح

 

[عروسة فوشيآ]

مشكورين يالغاليات



بنات انا فحصت وكل شي تمام والحمدلله




بس باقي ريلي


محد جاوبني ابي اي دكتور يراجع مسالك والا شنو


وشلون طريقة الفحص اهو منحرج




بليز ابي اجابة

 

[قاهره عذالي]

دكتور المسالك البوليه

هو نفسه دكتور التناسليه بالنسبه للرجال


يراجع عند دكتور مسالك بوليه

راح يعطيه ورقه يطلب منه تحليل سائل منوي بالمختبر وهذا اهم تحليل ويمكن يطلب منه تحليل هرمونات


انتي سويتي اشعة الصبغه على الانابيب ؟

تابعتي التبويض وسويتي سونار بثاني يوم الدوره واليوم ال14 من الدوره

والا بس تحاليل الهرمونات حق ثاني يوم بالدوره

؟

 

[عروسة فوشيآ]

سويت تحاليل هرمونات كلها


سويت سونار حق المبايض والرحم والعنق


وتحاليل حق الالتهابات



وقالت كل شي سليم



الحمدلله




وفي حرمة قالت رحمج مايل وسويت تمريخ وكاسات هوا



بس مالله كتب حمل فقلت ليش ادور علاجات خلزوجي يفحص بالاول احسن




الله كريم

 

[ام دليار]

اذا لزوجك
دكتور احمد الانصاري
بلسالمية

 

[قاهره عذالي]

يعني ما كشفتي على الانابيب ولا سويتي اشعة صبغه

ولا تابعتي التبويض باليوم ال10 وال12 وال14

عشان تشوفين اذا في كيس او تكيس


لازم متابعة تبويض + اشعة الصبغه


فحوصاتج جذي ناقصه

الحريم ماعندهم الا رحم مايل ورحم مقلوب

دام بالسونار الرحم سليم

خلاص ماعليج من كلامهم

 

[عروسة فوشيآ]

بلى سويت وقت التبويض سونار داخلي


وقالت سليم



بس اشعة الصبغة اخاف تسويها يقولون تعور ولازم بنج





انا السونار اللي سويته مو العادي اللي عند الدكتورة بالعيادة


خلتني انزل بالسرداب تحت قالت الجهاز مطور وقريت بالريبورت ان الانابيب سليمة مادري هل هالشي يكفي

 

[قاهره عذالي]

اللي اعرفه لازم اشعة صبغه

واذا في انسداد بسيط تفتحه

مافي طريقه غير اشعة الصبغه للكشف على الانابيب والقنوات ووضع الرحم بالتمام

 

[قاهره عذالي]

منو دكتورج ووين مكانها؟

 

[last piece]

فوشيا ما انصحج تسوين اشعة الصبغه

اول خليه هو يفحص واذا طلعت نتيجته سليمة سوي اشعة الصبغه

لان حرام تسوينها وانتي مافيج شي تعبها مو هين

وهو تحاليله هينه يروح لاي دكتور مسالك ويطلب منه التحليلً

راح يكتب له تحاليل هرمونات وتحليل مني ونتيجتهم تاخذ ٣ ايام تقريبا

وممكن يسوياه فحص سريري عشان بتأكد ان ماعنده دوالي من غير شر


ربي يرزقكم الذريه الصالحه السليمة المعافاه امين

 

[مجننتهم أنا]

هلا والله
لا لاتسوين اشعة صبغة اللي سويتيها كفاية خلي زوجج أحين يفحص وّإذا ماطلع شيء فيه ان شاء الله
ارتاحي وحطي رجل ع رجل معناته ربي ماكتب ول تآخذين آي دوآء وبس
تقبلي مروري

 

[عسل حدي]

اب اب اب

 

[عروسة فوشيآ]

مشكورين بنات ماقصرتوا



اي بيروح وان شاء الله خير




قاهرة رحت لدكتورتين لا والله 3 زينات وزينب حيدر في دار الشفا



وهندية اسمها سونيتا اذا ماني غلطانة في السلام



وكلهم سووا لي سونار داخلي بغرفتهم


الا سونيتا خلتني انزل باشعة في السرداب تقول متطورة اكثر

 

[عسل حدي]

اب اب اب