حياتي مس روبنز
انا مضايقه منىالبيت محد حاب يساعدني ولا يجهز معاي
اقولهم بروح افتر على بدل العرس يقولون تو الناس شفيج طايره اقول بسوي بدل ودراريع ارتاح من همهم يقولون انطري
مرت اخوي امس قلتلها بروح دبي اشتري عبايات كلمي اخوي يودينا قالت شدعوه ترا حيل مستعجله انطري
خليج اقوى من جذي
وطبيعه المنتدى بسرعه تكثر الصفحات من كثر المشاركات ونغفل عن بعضها
ولوو مانبي نساعد ونطلب المساعدة مادخلنا اهني
محد كامل حبيبتي
ولاتلومين اهلج لان اللي ايده بالماي مومثل اللي ايده بالنار
ومتوتر ويحسب الايام
سفرة دبي والله مو لازم خلي فلوسج لاشياء اهم
والله الكويت فيها كل شي
ابوي عرض علي دبي ولبنان
وانا ماتشجعت حيل لان شنو فيهم زود خاصة دبي الابسوالف العبايات
والحين بزمن الفن والابداع والانستغرام بناتنا ومشاغلهم وافكار عباياتهم كلن يقول الزين عندي !
دوري بالمنتدى كبحث عن دراريع وايد في اسامي خاصة بقسم العروس مع ارقام
وانا بالنسبة لي رحت لمعرض الرقعي ومعرض هيلتون و نجوى الفضلي )الفنطاس( و مريم الكندري ( البلوكات
وكلهم اخذت منهم
وانا ذوقي ذرابه ماحب الدفاشة وسوالف الزيادات والخامات والكلف اللي تصير من كثرها كانج معضله >> ههههههه
استانسي هذي احلا ايام العمر
صيري انتي عوين نفسج لاتنطرين العون من احد
وباين عليج ذووق وذربه لاتنطرين احد روحي افتري وشوفي حتى لو مع الخدامه لو محد رضى
وموفقه حبيبتي ولي عودة مع الارقام والتفاصيل مومعاي حاليا
