شلون نفسيتج يا عروس ،، فضفضوا يا أحلى عرايس

[الأوركيد~]

انتظار حلم
ألف مبروك حبيبتي
عقبال الليلة الكبيرة
تتهنون مع بعض يا رب

للاسف الموضوع صار مهجور
و الاغلب طار على تجمع البيبي
مع اني شخصيا احب اكتب بالمنتدى
عشان الكل يستفيد و تتم ذكرى

عموما انا عرست و خلصت
فممكن افيدج من خبرتي اذا عندج اساله
و ان شالله ينضمون عرايس معاج بنفس الفترة

موفقه خير حبيبتي

 

[مدى.]

اي والله الموضوع كان يهبل بس للاسف البنات بعد عزسهم هجروه وجنه مافي عرايس ل هالسنه ؛)

 

[FoFa stylish]

لا وي مدى في الليلة الله يهنيها و يوفقها و اسبوع الياي و الشهر الياي بس الاغلب كلنا البي بي

 

[مدى.]

الله يهنيهم يارب
بس همن المنتدي عندي احلى حتى الكل يستفيد البي بي ام مو الكل عنده
المهم بلغيهم انهم واحشونا ؛(

 

[مدى.]

الله يهنيهم يارب
بس همن المنتدي عندي احلى حتى الكل يستفيد البي بي ام مو الكل عنده
المهم بلغيهم انهم واحشونا ؛(

 

[بنت مطليه ذهب]

انا عروس وتو الناس علي شهر 9 الله يوفقكم كلكم يا رب ويرزق كل البنات بالزوج الصالح امين

 

[عروسة اكتوبر]

موفقين عرايسنا وربي يتمم لكم ع خير

 

[انتظار حلم]

اي والله الله يبارك للجميع وييهنيهم ويوفقهم ويتمم لهم على خير
مشكلتي ابي احد وياي يعني عرايس يمكن اتشجع لاني حتى المهر ماقسمته
ولان مابي يصير شي علي برمضان ابد ابي اكون فاضيه لان رمضان اكيد بسرعه بيروح

 

[شيخه القلوب]

السلام عليكم



آنضميت لقروب العرآآيس




بس للأسف المنتدى شبه ميت مو نفس أول :eh_s(4):

أين أنتم:eh_s(2):

اللي مسوين قروب بالبيبي تعالوآ هني نستفيد أكثر :rerrerek:​

 

[انتظار حلم]

عن جد المنتدى مافيه احد شدعوه خلصوا العرايس خخخ

والله محتاجين مساعده خصوصا ابي جهاز مررتب واشياء اوكي
وماعندي خبره كلشش

بس مع ذلك بسأل يمكن احد يمر ويجاوبني

الحين وش افضل ماركه المكياج ؟؟ الظل وش اخذ ؟ ماعرف شي بهالخصوص كلش
طيب قمصان النوم كم واحد طويل ؟ وكم واحد قصير ؟ وكم بجامه ؟
طيب طقم الجسم من وين ؟ بودي شوب والا زهور الريف ؟ اي الاحسن والاثبت ؟؟

طبعا انا سعوديه مو من الكويت عشان بس ماتتعبوا وانتوا تعلموني محلات هههه

 

[البارونـه]

انا مو متزوجه بس احب امر هني بين فترة وفترة استانس على سوالفكم
الله يهنيكم ويتمم عليكم
انتظار حلم
بخصوص الميك اب لا تاخذين وايد ، للمناسبات اخذي ثقيل اذا بشرتج دهنية او معتدله انصحج باستي لودر عجيب الدبل وير
ومتوسط عندج قيرلن القولد تستعمله ميريام فارس وايد حلو عندي اياه
الظل انا ماجربت غير ماك حلوين ، بس اشتري البرايمر من بنفت يثبت الشدو عجيب
وعندي مجموعه ظل من استي لودر كلش مب حلوه مانصحج
القمصان ماعندي فكره بس قريت ان لا تكثرين لان مقاسج بيتغير

 

[مدى.]

اشتقنا ل التجمع ؛(

 

[الأوركيد~]

عن جد المنتدى مافيه احد شدعوه خلصوا العرايس خخخ

والله محتاجين مساعده خصوصا ابي جهاز مررتب واشياء اوكي
وماعندي خبره كلشش

بس مع ذلك بسأل يمكن احد يمر ويجاوبني

الحين وش افضل ماركه المكياج ؟؟ الظل وش اخذ ؟ ماعرف شي بهالخصوص كلش
طيب قمصان النوم كم واحد طويل ؟ وكم واحد قصير ؟ وكم بجامه ؟
طيب طقم الجسم من وين ؟ بودي شوب والا زهور الريف ؟ اي الاحسن والاثبت ؟؟

طبعا انا سعوديه مو من الكويت عشان بس ماتتعبوا وانتوا تعلموني محلات هههه

مساء الورد حبيبتي
الله يتمم لج و للعرايس على خير يا رب
بخصوص الميك اب
انا رحت لباريس غاليري
عنده كذا ماركة و في وحده هناك ساعدتني باختيار المكياج
فاخذت كذا شي من لانكوم و شانيل و فور ايفر
ممكن تشوفين بعد سيفورا و ماك
و انجلوت حلو للشدوات

قمصان النوم برايي لا تكثرين و نوعي بين الطويل و القصير
و البجامات الحراير و الاقطان و الشورتات
و بتحصلين وايد مواضيع بالقسم بخصوص كمية القمصان

اما الكريمات و الشور جل و هالسوالف
فانا احب باث اند بودي ووركس
و فيكتوريا سيكرت

و الله يتمم لج و للبنات على خير يا رب

 

[بنت الكويت90]

ياحلو هالتجمع له ذكريات حلوه مع بعض

والبنات اللي تفتح النفس وكلنا على قلب واحد



لولو عربي
لولو انجلش
الاوركيد
التوق
قطعة حلا
وباجي البناات





كنا ندش نتحلطم وخايفييين


والحين عرايس2013

كلهم بتجمع الحواااامل عسى ربي يتمم علينا يارب




ويوفقكم كللللكم







احبببكم

 

[!! شوق !!]

ببجي


متازمه

مالجه من اسبوعين و عرسي ٧/١٠

حايسه مدري شسوي

مو لاقيه نفنوف وللحين ماقررت وين مكياجي ومابقي شي ع الجامعه

غير انه شهر ونص مايمديني اعابل بعنايتي ووو اجهز بنفس الوقت و دوام جامعه




احتاج من يواسيني ��������������������

 

[عيون ابوها 2]

مساء الخير

الف مبروك لك العرايس

هذي اول مشاركه لي بالمنتدى

انا عندي حجز من لابرجوزي حق فستان عروس

الي حابه تاخذ الحجز تكلمني


والحجز مو محدد على اي فستان يعني الي تاخذ الحجز تقدر تختار بنفسها

الله يتمم لكم على خير

 

[الأوركيد~]

ياحلو هالتجمع له ذكريات حلوه مع بعض

والبنات اللي تفتح النفس وكلنا على قلب واحد



لولو عربي
لولو انجلش
الاوركيد
التوق
قطعة حلا
وباجي البناات





كنا ندش نتحلطم وخايفييين


والحين عرايس2013

كلهم بتجمع الحواااامل عسى ربي يتمم علينا يارب




ويوفقكم كللللكم







احبببكم

أحلى أيام على توترها
:eh_s(7):
اشتقنا لكم
و مبروك الحمال
عسى ربي يتممه علييج
:yaaaaaarb:

 

[الأوركيد~]

شوق
الف مبروك
و الله يتمم لج على خير يا رب
لا تحاتين و لا تتوترين
رتبي نفسج و جدولج و تلحقين ان شاءالله
و ان شاءالله بنات الكويت يساعدونج بالأماكن و الصالونات الأسعار
و الله ييسر لج و لنا يا رب

 

[FoFa stylish]

اب ب

 

[Ēŋѕαnħ ツ]

مبروك لكل إللي تزوجوا
عسى ربي يوفقكم و يهنيكم العمر كله يارب