شلون نفسيتج ياعروس ^^تعالي فضفضي لنا

[lulu_q88]

انا الحمدلله شششطبت ع كل شي


وبعطلة العيد بشتري المكياج والبخور

مع الدوام والله مافي وقت تعب الله يعينج



بهتم بنفسي خلااااص ماشالله بسرعه مرت الشهور

 

[mo0on2013]

لا انا باقي لي
كذا شغله مو شاريتهم
ودي اشطب واخلص

 

[mo0on2013]

جايني احباط
احس اني مو مجهزه عدل :eh_s(2):

 

[lulu_q88]

تعوذي من ابليسسس

وشوفي شنو اللي شريته وشوفي الباقي

حاولي تخلصين قبل العيد

 

[lulu_q88]

احسس بتعب

حاولت انام مافيني نوم

 

[بنت السنآفي]

اناقاعده من الساعه 8 وتعبانه
صخووونه ومافيني نوم


المهم حبيباتي رحت لدكتوري
قالي بطقج الاثنين ماراح يزرق
كلللش وبتشوفين واذااا زرق خفيف
وبيروح بيومين
والله ييسر ياااارب
هالاسبوع حدي مضغووطه
السبت موعد والاثنين موعد
الثلاثا موعد وكاااشته بالكليه

 

[<miss botamba>]

جايني احباط
احس اني مو مجهزه عدل :eh_s(2):

ليش شنو ناقصج؟

 

[<miss botamba>]

اليوم رحت ماركس اند سبنسر عندهم شغلات حلوه (ملابس داخليه و قمصان و ارواب)

 

[<miss botamba>]

وعندهم نفس هذي حق السفر او اذا رايحين فندق او شاليه

حق الملابس الوصخه

ومخده للبانيو

 

[لوولوو_88]

مسموستي اموت على قمصانهم ماركس اند سبنسر و حتى البجايم و الملابس الداخليه رهيببين و ذربين

 

[لوولوو_88]

حبيبتي مون انا بخير عساج بخير ♥

مسموسه اي فرق علي مالوت الفواكه و السواد بس سويت جلسه تمت شهر لو ملتزمه جان يمكن طولت .. بس مادري شنو عباره عنه الابر ..

البلازما حماتي سوته امبيه صفا ويها مسموسه كانت حبوب و ضيم و تمت الحين 4 شهور شزين ويها .. اهيا شجعتني عليه ايام الملجه و انصحتني فيه ..

 

[<miss botamba>]

^^^^

انا الحمدالله نوعا ما ويهي صافي مقارنه بالبشرات الي قاعده اشوفها

اللهم فيني مسام و سواد تحت العين


بس عادي عندي

 

[قطعة حلا2]

^
من صجج قطعة حلا ؟!

انا باجر بأطق ابر نضارة وميزوثيرابي ،،

الطبيب حدد لي الموعد ، بحيث يكون قبل العرس بيومين ..!

ونفسج بشرتي حساسة

اي والله
لانه قبلي خواتي مسوين ومجربين وهذا الاحسن
مثل ما قلت كل اسبوع ابره

 

[قطعة حلا2]

بنات ابي احد يسوي لي بروش ع شكل خيل
نفس نظام تواقيع العبي

وين اسويها اشتهيت شكل الخيل بس مااعرف اي مكان يسويها لي

 

[<miss botamba>]

^^^

تبينه من شنو مصنوع؟

 

[لوولوو_88]

هم انا مس بشرتي الحمدلله صافيه بس الفواكهه عطاني نظاره .. و هالسواد من عمري و مع التعب ازيد

 

[{ غصن البآن }]

قوووة يا حلواات


اخر مستجداتي :

صدري كان ذابحني من الالم وسوست
سويت تحاليل والحمدالله طلع عشان الدوره بتجي
وناطره تحاليل الهرمونات عشان تساقط الشعر

تعينت .. واااااي تعب كلش ماكو وقت لعنايتي

قمت اخلص اشياء بسيطه

البدل ماخليت مصمم ولامصممه مافريتهم
امبيه صايرين اوفر ومبالغين بالاسعار علئ ولاشي

ناويه استغل عطلة العيد عدل ان شاء الله

طبعا مابلشت عناية كللش
يمديني شهرين ؟

 

[{ غصن البآن }]

لولو اهلا يا اهلا

البلازما ناويه عليه

بس وع ماحب منظر الدم

منو احسن دكتور ؟

 

[mo0on2013]

ليش شنو ناقصج؟

طلعت بدلاتي الاستقبال طلعوا مو ظابطين رديتهم للخياط
ناقصني القمصان وتكرمين الشوز وباقي بدلتي ثاني يوم
والشغلات الصغير ومحتاره بالمسكه حييييل مدري شنو اخذ
انا بدلتي نظام سندرلا شنو يصلح عليها مسكه
والحين بشرتي انعدمت من التفكير طلعت فيني حبوب وبقت اثار حبوب
مع ان كانت بشرتي صافيه مدري شسوي فيهاااا

 

[عروسة اكتوبر]

غصن البان في دكتورة اسمها شمايل السنافي عجييييبه للبشرة والجلدية انصحج فيها عيادتها ورا مستشفى الاميري و هي دكتوره بأسعد الحمد