شلون نفسيتج ياعروس ^^تعالي فضفضي لنا

[بنت السنآفي]

مسسساء الخيييير

 

[lulu_q88]

مساء الورد


هلا بعروستنا

 

[lulu_q88]

باقيلج اسبوعين تقريبا <

 

[الأوركيد~]

حتى انا و الله لولو

يبي لي شتوي

:eh_s(16):

هالموضوع مأزمني

 

[قطعة حلا2]

والاكسسوارات. شريت كبت اكسسوارات احط فيه كل شي والساعات جايبه علب حقهم من سنتر بوينت

يعني الكبت يشيلونه اهلج وقت مايودون اغراضج؟؟

انزين وباقي العرايس قولوا لي اشلون رتبتوا اكسسوارتكم عطونا افكاركم :eh_s(9):

 

[قطعة حلا2]

بنات الي تبي بشت تروح للافنيو السوق القديم فيه محل بس حق البشوت حيل يونس فيه كل الالوان والاشكال
عاد بما انه الشتا قرب فا المخمل اهوا راح يكون دارج اكثر
والوان المخمل تهبل يبيعها ع ٢٠ بس هالفتره اذا ماسروت يمكن تاخذونها اقل تخيلو ع اخر الشتا السنه الي طافت كان يبيعها على ٣٠
فا فرصه اذا حابين البشوت تاخذونها اقل بواجد

 

[قطعة حلا2]

سروت = كاسرتوه
ههههههههههههه مااترقع البدليه طوفوا للفوون

 

[مشتاقه لعيونه ~]

شسم المحل قطعة حلا ؟

 

[حلآ الدنيآ]

مساء الخيير عرايس شخباركم

 

[بنت السنآفي]

باقيلج اسبوعين تقريبا <

:krkrkr:
جااادوري بالتخرع

 

[بنت الكويت90]

مسسساء الخيير



لولو

اويشو منزلين بجايم شتويه عجيبه لحقي عليهم قبل لايخلصون هذي التشكيله جديده بعدين راح يجيبون القدييم مال العام


انا اخذت منهم شحاطه شتويه علة فيونكه لونها لحمي حدها كيوت مصكر ويدفي

وخذيت جاكييت بيجي شتوي عجيييب يدفي قيمته ب19


لحقي قبل لاتخلص بضاعتهم اذا تبين انا خذيتهم من فرع الافنيوز

 

[فرفورهـ]

:eh_s(17):
مرحبا صبايا

شنو اخذ صناديق لازم ولا لا ؟؟
والادرج مالت التواليت شلون احط اغراضي فيها امبي ماعرف :bbbiu:
اهلي يقولون عقب العرس شوفي شناقصج واشتريه :eh_s(10):

 

[فرفورهـ]

المكياج مفكره احطه كله بجنطه وسط مابي احطه علي التوالبيت ها شرايكم اوكي ولا مو اوكي؟

 

[بنت الكويت90]

النضاره مافيها لا بياض ولا امتلاء بالخدود ولا تغيير بالشكل بس تعطيج لمعه و تحسين بشرتج حليانه شفتي اول ماتقعدين من النوم وتوقفين عند المنظره احيانا تحسين بشرتج تهبل ماودج تغسلينها .. جذي النضارة
انا سويت عند ليلى الروسيه وكان شغلها قمممممه سوت لي مع تقشير اعشاب و ابره فيتامين سي وزعتهم ع بشرتي اول اسبوع كانت النتيجه قووووويه و بعدين استمرت معاي بشرتي حلوه احط حمرا و مسكرا و بسسسس شهرين تقريبا بعدين راح مشكلتي كانت ان هالانسانه اختفت تماما و اسأل عنها يقولون سافرت !
ثاني مره سويت الديرما رول مع ابرة نظاره عند نورجيهان بس ماقزتني فرغت المحلول من برا ع بشرتي و كلش ماعجبني ماتغير شي ذكرت لكم قبل هالمره انها دكتوره جلديه ممتازه بس كتجميل فااااشله
عاد دكتوري و صديقي هذا انا دايم عنده عاطف بوحمرا .. سويت عنده نضاره مرتين يهبل شغله و اخر مره جيته قالي في شي جديد حق النضاره اقوى من الابره اسمه الخلايا الجذعيه او شي جذي للامانه ماجربته موعدي معاه بعد شهر ان الله احيانا
و اختي سوت عنده تفخ خدود بالاحماض يجنن سنه ماتغير
كذلك شالت عنده خطين مال الضحك و وجهها صار مشدود و،طقه وحده عقب هالابره ماشاء الله
بنت عمي خذيتها له و سوت عنده ابرة تنحيف الخشم مع انه خشمها يهبل بس مجنونه هههههه ماشاء الله من اول ابره الخشم تغير
بعد بتذكر شنو سويت
اي الدكتور نشأت العربيد حق التفخ مووووو صج من تجربه بس مو انا ههههه رفيجتي دايم عنده
موعدي الجاي عند عاطف بسوي تحديد شفه يعني تفخ خفيف و نضاره و بوتكس و شغله ثانيه للحين افكر فيها ما قررت لوسي اللي عندهم بسوي تقشير اعشاب ( كل سنه اسوي تقريبا بشرتي دهنيه ) ولازم لان ع قولة الدكتور مايصير نشتغل ع بشره تعبانه لازم الشغل ع بشره توها متقشره و متجدده
في سوالف واجد بعد بس ناسيه اذا تذكرت بقولكم

انا بسوي عند نوره الصليلي باذن الله

بسوي فلتر حق حاجبي وجبهتي وبسوي تفخ بعد بس محتاره متى ارووح


ودي قبل عرسي بششهر


لان التفخ اول اسبوع يبين متفوووووووخ وفيه علاامات ززرقه ماودي اروح جذي افضح عمري ههههههههههههه

انا ماانصح باحماض فواكه احس تفخ يروح بسسسسسسرعه ابي كالسيوم يستمر لمده سسنه مايتغير


ناويه ان شاءالله شهر 11

 

[مشتاقه لعيونه ~]

فرفوره لازم يحطون المكياج والعطور ع التواليت ..

واجهه على قولتهم

 

[بنت الكويت90]

فرفوره




انا ماحب مكياجي على التواليت برره حتى الحين داخل الدروووج



انا مفكره اشتري مقسسم مكياااج واحطه بالدرووج احلى كمنظر واننظف حق التسريحه تكوون وسيعه مو حوووسه علاقل بس ستاند عطور وبخور وبسسس


والباجي دااخل او يمكن بس احط علبه فيها مرطب شفايف او مكياج يومي وكريم خفييف للوجه اشياء بسيطه مو كل المكياج

 

[<miss botamba>]

السلام عليكم

انا رجعت اليوم

امس ماقدرت ارد عليكم ما كان عندي انترنت


شخباركم

 

[<miss botamba>]

انا احس اني ضااااااااااااااايعه

اجهز وكلن يعطيني راااااي وما ادري اسمع منو >> لاني اصغر وحدة
اللي تقول كثري عطور واللي تقول لا تكثرين راح تشترين بعد العرس

وعرسي بقاله اربع شهور وماني متحمسة كلش احساس غريب !!!
الحمدلله

تو الناس عالعرس اهم شي اهتمي بالاشياء المخصوصه للعرس (بدله - جوتي - مسكه .. الخ)

وبعد شهرين جذي ابدي تجهيز باجي الاغراض


والعطور صاجين لا تكثرين

اول شي ماتدرين شنو ذوق زوجج

وثاني شي يمكن فيه حساسيه او شي جذي

ويمكن تحملين وتتنسين بالعطور وتكرهينها

اخذي مثلا 3 فرنسي و 2 شرقي

بنات انا لحد الحين افكر شلون افك التسريحه :eh_s(10):

نادري ريلج يفتحها وحتى اذا شاف حشوات هالسوالف عادي اغلب الرياييل عارفين هالاشياء مو شي غريب عليهم

باقي اسبوعين بس ع العرس

يمديني اسوي شي لبشرتي ؟

كلش ما فادت الكريمات حق اثار الحب

ودي اسوي تقشير بس اعتقد ما يمدي ..

وبنات منو جربت عيادة الغرشوب ؟


ووين تنصحوني اسوي تنظيف بشرة ؟ يكون على مستوى وبعده ماسكات ؟

وبس

المفروض الآثار تكونين معالجتها من زمان ومن قبل لا تنخطبين حتى

حاليا مراح يمديج تسوين شي وحتى تقشير خفيف ما انصحج تسوين علشان ماتتهيج البشره وتتوهقين يوم العرس


وبعد العرس ان شاء الله سوي كيميائي بس راح يتقشر ويهج



وتنظيف البشره سويه عند مستشفى السلام


وماسكات طبيعيه مادري احس مراح تستفيدين لان الاشياء الطبيعيه يبيلها التزام واستمرار ووقت طويل

بنات تنصحووني اسوي ليزر ولا قوالب تبييض؟؟


انا ابي ابيض ابيض

الليزر يبيض بس مو ابيض ابيض يعني تفرقين بس اذا بتسوينه قبل العرس باسبوع عشان اذا تحسست الاسنان يمدي يردون طبيعي

بس يفرق اللون


والقوالب يبيلهم فتره

مهابه انا بسوي تقشير بس راح يضر بشرتي لما أداوم و شمس أخاف موزين ؟؟؟؟؟
ولا عادي

عادي بس حطي سن بلوك وتلثمي واذا متنقبه احسن بعد

وحطي نظاره شمسيه كبيره

^

ابي شعري يرجع نفس قبل
ابي ترجع بشرتي حلوا

اكلي اوميقا 3

ابر تنحيف الخشم !

مهابه بالله من صجج ؟ شلون ابر تنحيف الخشم ؟
اهو غضروف ..

هالابره مو زينه ومو معترف فيها دوليا من دكاتره الجلديه

ومع الايام ممكن تذوب الغضروف

 

[بنت السنآفي]

وعليكم السسلام والرحمه
الحمدلله علي سلاااامتج

شخبااارج

مهابه توني اقرااا ردج
ماقصررتي اناان شاءالله بجرب
نضااااره

 

[<miss botamba>]

^^^


تمام


اذا تبين شي حق النضاره ابر فيتامين سي بالوريد عجيبه